Азаттық таңы

2022-08-23 09:48:02 Қырғызстан президенті 23 тамызды Аза тұту күні деп жариялады

Қырғызстан президенті Садыр Жапаров Ресей Федерациясының Ульянов облысында жол-көлік оқиғасы салдарынан қырғыз азаматтарының қайтыс болуына байланысты үндеу жасады.

"Құрметті қырғызстандықтар! Ресей Федерациясының Ульянов облысында болған оқиға әрқайсымыз үшін қиын жағдай! Орны толмас осы бір қайғы барлығымыздың жүрегімізге ауыр жара салды. Біз отандастарымыздың жол-көлік оқиғасына тап болғаны туралы хабарды зор күйзеліспен қабылдадық. Қымбатты отандастар, бұл қайғы – бүкіл халқымыз үшін үлкен қасірет. Осыған байланысты 23 тамызды Қырғыз Республикасының аумағында жалпыға ортақ Аза тұту күні деп жариялаймын", — делінген президенттің үндеуінде.

Фото: inform.kz

@azattyqtany Ашу / Түсініктеме

2022-08-02 15:18:01 Бақытгүл Хаменованың соты өтетін күн белгілі болды

Атырау облысы әкімінің орынбасары Бақытгүл Хаменованың соты өтетін күн белгілі болды.

Атырау облыс әкімінің орынбасары Бақытгүл Хаменованың соты тамыз айының 3-і күні ашық өтеді. Бұл туралы облыстық сотының баспасөз қызметі мәлімдеді.

Бақытгүл Хаменоваға және Атырау облысы мәдениет, тілдерді дамыту және архив ісі басқармасының басшысы Ақылбек Рысқалиевке қатысты іс Атырау қаласы №2 сотының өндірісіне түсті. Іс Қылмыстық кодекстің 366-бабы 3-бөлігі 2-тармағы (Пара алу) бойынша сотқа берілген.

Фото: stan.kz

@azattyqtany Ашу / Түсініктеме

2022-08-02 14:02:01 Суға батып кеткен әкімнің мәйіті табылды

Атырау облысында суға батып кеткен Махамбет ауданы әкімінің мәйіті табылды. Бұл туралы облыс әкімдігінің баспасөз қызметі хабарлады.

"Бүгін түнде Жайық өзенінен Махамбет ауданы әкімінің мәйіті табылды. Құзырлы органдар осы дерек бойынша тексеріс жүргізіп жатыр", — деп хабарлады әкімдік.

31 шілде күні суға батып кеткен әкімнің денесі 1 тамыз кешкі 20.00-де оқиға орнынан 25 шақырым жерде Сарайшық ауылының шетінде Жайық жағасынан жергілікті тұрғындар тапты. Сот-медициналық сараптама тағайындалды.

@azattyqtany Ашу / Түсініктеме

2022-08-02 11:21:09 Медведев әлеуметтік желіде Қазақстанды "жасанды мемлекет" деп атады

Ресей Федерациясы Қауіпсіздік Кеңесі төрағасының орынбасары Дмитрий Медведевтің ВК желісіндегі парақшасында Қазақстанды "жасанды мемлекет" деп атаған пост жарияланды.

"КСРО қатарында болған қуатты халықтардың барлығы қайтадан бірге бейбітшілікте және түсінікте болады. Киев пен КішіРесейдің барлығы аймағы босатылғаннан кейін біз мың жыл бұрынғыдай қайтадан мықты әрі қуатты ел боламыз", — деп жазылған хабарламада.

Медведевтің көмекшісі оның "ВКонтакте"-дегі парақшасы бұғатталғанын мәлімдеді. Қазір бұл мәселені желі әкімшілігі мен тиісті мамандар шешіп жатыр.

Фото: news2.ru

@azattyqtany Ашу / Түсініктеме

2022-08-02 07:52:56 Әскердегі өлім-жітімнің алдын алатын бағдарлама әзірленіп жатыр

Қорғаныс министрлігі әскердегі тәрбие жұмысы жүйесін жетілдіретін "Өмірді сақта" атты ведомствоаралық бағдарламаны дайындау үстінде.

"Әскердегі өлім-жітімді азайту мақсатында күнделікті нұсқаулықтар, қауіпсіздік шаралары бойынша сабақтар, тәрбиелік және әлеуметтік іс-шаралар ұйымдастырылады. Сонымен қатар сарбаздар арасында жеке және жасырын сауалнамалар жүргізіледі", — деп хабарлады министрлік.

Сонымен қатар, әскери бөлімдерде ашық есік күні, сұрақ-жауап кеші, прокурор сағаты және көшпелі сот шарасы ұйымдастырылады.

Фото: tengrinews.kz

@azattyqtany Ашу / Түсініктеме

2022-08-01 14:59:01 Жас сарбаздың өлімі бойынша екі әскери шенді қызметтен қуылды

"Жеке құрамды жеткіліксіз бақылау және 30212 әскери бөлімінің лауазымды тұлғалары тарапынан жұмыстағы олқылықтар фактісі бойынша Қорғаныс министрінің тапсырмасы бойынша қызметтік тергеу жүргізілді. Нәтижесінде 30212 әскери бөлімінің командирі және осы бөлімнің оқу ротасының командирі лауазымынан шеттетілді", — деген жауап берді министрлік.

Сондай-ақ, сарбаз өліміне байланысты аталған әскери бөлімнің тағы 3 лауазымды тұлғасы қатаң тәртіптік жауапкершілікке тартылған.

Еске сала кетейік, Әлібек Қалбай Жамбыл облысында Гвардейск әскери қалашығындағы госпитальде мерзімді әскери қызметке шақырылған сарбаз көз жұмды. Президент қаза тапқан сарбаздың отбасына көңіл айтып, істің себебін анықтауды тапсырды.

@azattyqtany Ашу / Түсініктеме

2022-08-01 12:52:01 "Теңізшевройлдың" 9 мыңға жуық қызметкері жұмыстан босатылады

"Теңізшевройл" ЖШС болашақ кеңейту жобасынан 8,9 мың қызметкер жұмыстан босатылады. Бұл туралы ҚР Премьер-Министрі Әлихан Смайылов мәлімдеді.

Оның айтуынша, Еңбек және халықты әлеуметтік қорғау министрлігі, ТШО және Атырау облысы әкімдігі арасындағы үш жақты кездесу аясында ТШО жобаларынан босатылатын қызметкерлерді жоспарлы босатуға мониторинг және жұмыспен қамтамасыз ету жөніндегі жол картасы іске асырылып жатыр.

Қызметінен босатылатын жұмыскерлердің бір бөлігі ұқсас кәсіпорындарға ауыстырылады.

@azattyqtany Ашу / Түсініктеме

2022-08-01 11:43:00 Каспий құбыр консорциумы қалыпты жұмыс істеп тұр

Теңіз-Новороссийск мұнай құбырындағы екі мұнай айдау станциясы штаттық режимде жұмыс істеп жатқанын жеткізді. Бұл туралы Каспий құбыр консорциумының баспасөз қызметі хабарлады.

"2022 жылы 29 шілдеде "КҚК-К" АҚ-тың "Құрманғазы" және "Исатай" мұнай айдау станцияларында мұнай құбыры объектілерінің штаттық жұмыс режимін қалпына келтіруге мүмкіндік беретін кернеу берілді", — делінген хабарламада.

27 шілдеден бастап "Құрманғазы" және "Исатай" станциялары қолайсыз ауа райы жағдайлары мен бірнеше электр бағанының құлауына байланысты электр қондырғысынан ажыратулы болған.

@azattyqtany Ашу / Түсініктеме

2022-08-01 07:28:00 Fly Arystan авиакомпаниясына айыппұл салынды

5 маусым күні Алматы – Шымкент бағыты бойынша КС-7105 рейсі 15 сағат 10 минутқа кешіккені анықталды.

Осыған байланысты 28 шілде күні авиакомпанияға 1000 АЕК (3 000 063 теңге) көлемінде айыппұл салынды. Бұл Әкімшілік құқық бұзушылық туралы кодексінің 567-бабының 2-бөлігінде көзделген шара.

Бұған дейін Air Astana компаниялар тобы 7 және 21 шілде күндері рейсті кешіктіру кезінде жолаушылардың құқығын бұзғаны үшін 1000 АЕК (3 000 063 теңге) көлемінде айыппұл түрінде әкімшілік жауапкершілікке тартылған болатын. Жалпы биыл компанияға 9 189 000 теңге көлемінде айыппұл салынған.

"Қазіргі уақытта рейстің кешігуіне және жолаушылар құқықтарының бұзылуына байланысты тергеу жалғасуда, құқық бұзушылық фактілері анықталған жағдайда тасымалдаушылар Қазақстан Республикасының қолданыстағы заңнамасына сәйкес жауапкершілікке тартылады", – деп жазылған хабарламада.

@azattyqtany Ашу / Түсініктеме

2022-07-31 07:53:01 Бала жасына толғанша төленетін жәрдемақы 1,5 жылға дейін ұзаруы мүмкін

Алдағы уақытта бала күтімімен айналысатын қазақстандықтар мемлекеттік жәрдемақыны 1 жыл емес, 1,5 жыл бойы алуы мүмкін. Бұл туралы ОКҚ-да өткен брифинг кезінде мемлекеттік әлеуметтік сақтандыру қоры АҚ бас директоры Нұрсұлу Кемел мәлімдеді.

Қазір аталған мәселе талқыланып жатыр. Қорытынды шешім көпшілікке жарияланады.

Айта кетсек, қазір елімізде 1 жасқа дейінгі бала күтіміне арналған төлемнің орташа мөлшері – 41 мың теңге. Бұған дейін қор басшысы әлеуметтік төлемдердің қалай тағайындалатынын есептеп берген еді. Сондай-ақ, асыраушысынан айрылған отбасыларға берілетін жәрдемақының 9% артқаны айтылды.

@azattyqtany Ашу / Түсініктеме