Азаттық таңы

2022-07-20 07:29:01 Жетісу облысы: ауыл тұрғындары әкімнің отставкаға кетуін талап етті

Жетісу облысы Ескелді ауданы Көкжазық ауылының тұрғындары әкімнің қызметтен кетуін талап етіп отыр.

Ауылдық округ әкімі Сағади Талдыбаев әкімшілікті 20 жылдан бері басқарып келеді. Алайда тұрғындар жұмыс нәтижесін көре алмай отыр. Олардың айтуынша, ауылда Ғаламтор да, көшелер, жолдар мен балалар алаңдарында жарық та жоқ.

"Бұл мәселе көтерілгеннен бері 3-4 жыл өтті, бізге тек уәде беріп келеді. Әкімнің отставкаға кетуін талап етеміз. Көктемгі жиналыста, мамырда, бәрі, оның ішінде алаң, стадион, жарық, жол болады деп айтылды, бірақ нәтиже әлі жоқ", — дейді наразы халық.

Әкімнің болса барлық мәселелерді бір сәтте шешу мүмкін емес деп санайды. Оның сөзіне сенсек, барлығы жоспарға сәйкес жүріп жатыр, кезең-кезеңмен шешіледі.

@azattyqtany Ашу / Түсініктеме

2022-07-19 15:17:01 Ұлттық компаниялар басшылары 2,9 млрд теңге сыйақы алған

Zertteu Research Institute қоғамдық қоры зерттеу нәтижелерін жариялады, оған сәйкес 2020 жылы 102 адамға сыйақы ретінде 2,9 млрд теңге төленді.

Сыйақы ретінде ең көп соманы "Қазатомөнеркәсіп" АҚ басшылары алған. 2020 жылы компанияның басшылығындағы 9 адамға 1 миллиард 58 миллион теңге сыйақы ретінде берілген. 2021 жылы сыйақы сомасы 1,1 миллиард теңгені құрады.

Екінші орында 2020 жылы 11 адамға 529 миллион теңге төлеген "Qazaqgaz" АҚ компаниясы тұр. Айта кетерлігі, аталған компания былтыр жылдық есеп берген жоқ.

"Қазақстан темір жолы" ҰК АҚ-ның 8 қызметкеріне 391 миллион теңге сомасында сыйақы беріліпті. 2021 жылы сыйақы сомасы 807 миллион теңгені құрады.

@azattyqtany Ашу / Түсініктеме

2022-07-19 13:24:00 Ұлттық банкке "Олимптен" тәркіленген 5,7 млн доллар аударылады

Қазақстан Ұлттық Банкіне "Олимп" букмекерлік кеңсесінен тәркіленген 5,5 млн доллары және 200 мың еуро қайтарылады. Бұл туралы Экономикалық ресурстардың заңсыз шоғырлануына қарсы іс-қимыл мәселелері жөніндегі комиссия хабарлады.

Комиссияның мәлімдеуінше, мемлекетке 95 млрд теңге залал келтірген букмекерлік кеңсе басшысы қоныс-колонияға ауыстыру туралы Қапшағай қалалық сотының 2022 жылғы 6 маусымдағы қаулысының күшін жою туралы жеке өтініш шығарылған болатын.

Аталған іс бойынша 3,6 млрд теңге мемлекет пайдасына тәркіленген екен.

@azattyqtany Ашу / Түсініктеме

2022-07-19 10:59:00 Қазақстан мен ЕАЭО елдері арасындағы тауар айналымы 10 млрд доллар құрады

Биыл Қазақстан мен ЕАЭО елдері арасындағы тауар айналымы қаңтар-мамырда 10,0 млрд долларға жетті. Бұл туралы Сауда және интеграция министрлігі мәлім етті.

2022 жылғы 5 айда Қазақстаннан ЕАЭО елдеріне экспорт 0,9%-ға төмендеп, 2,9 млрд доллар болды.

Экспорттың қысқаруы келесі тауарларды жеткізудің төмендеуімен негізделеді: кендер мен темір концентраттары (53,4%-ға), легирленбеген болаттан жасалған суықтай илектелген жазық илек (52,4% - ға), легирленбеген болаттан жасалған ыстықтай илектелген жазық илек (34,4%-ға), легирленбеген болаттан жасалған жазық илек (36,1%-ға), құбырлар, түтіктер және қара металдардан жасалған жіксіз профильдер (74,5%-ға).

@azattyqtany Ашу / Түсініктеме

2022-07-19 09:27:50 Қарағанды облысында спорттық туризмнің чемпиондары анықталды

Қарағанды облысының Қарқаралы ауданында Қазақстандық спорттық туризм чемпионатының жеңімпаздары белгілі болды.

Додаға Нұр-Сұлтан қаласы, Алматы, Абай, Жетісу, Батыс Қазақстан, Павлодар, Қызылорда және Қарағанды облысынан келген 20 топ қатысты. Қарағанды облысы атынан Қарағанды, Шахтинск пен Қарқаралы елді мекендері тартысты.

Ересектер арасында қарағандылық "Созвездие" командасы "жаяу туризм" санатында үздік болып атанды.

Жасөспірімдер тобында Қызылорда облысының "Экстрим" спортсмендері ерекшеленді. Батыс Қазақстанның "Батыс WEST — 5" командасы болса юниорлар ішінде басымдылық танытты.

Қарағанды облысында спорттық туризммен барлығы үш мыңға жуық адам айналысады.
Аталмыш спорт түрі елде он үш облыста дамып келеді.

@azattyqtany Ашу / Түсініктеме

2022-07-19 07:30:00 Мәсімов ісіндегі 3 млн доллар елге қайтарылды

Ұлттық қауіпсіздік комитетінің бұрынғы басшылары мен қызметкерлерін тергеу барысында Гонконг пен Біріккен Араб Әмірліктерінен шамамен 3 млн АҚШ доллары қайтарылды. Бұл туралы Экономикалық ресурстардың заңсыз шоғырлануына қарсы іс-қимыл мәселелері жөніндегі ведомствоаралық комиссиясы мәлімдеді.

Сондай-ақ, Қаржылық мониторинг агенттігі Боранбаевқа қатысты істі тергеп-тексеру барысында "Қазмұнайгаз" АҚ-ға шамамен 11,3 млрд теңге өтелді.

Жамбыл облысында сеніп тапсырылған мүлікті иемденіп алу және талан-таражға салу фактісі бойынша қылмыстық істі тергеп-тексеру шеңберінде "ТаразЭнергосбыт" АҚ мемлекеттік ұйымына 2,2 млрд теңге өтелді.

"Қазіргі уақытта "Олимп" БК лауазымды адамдарына қатысты қылмыстық іс аясында алынған 5,5 миллион доллар және 200 мың еуро қаражатты Ұлттық Банкке аудару рәсімі жүріп жатыр", — делінген хабарламада.

@azattyqtany Ашу / Түсініктеме

2022-07-18 15:17:00 Виктор Храпуновқа тиесілі жер телімдері тәркіленеді

Экономикалық ресурстардың заңсыз шоғырлануына қарсы іс-қимыл мәселелері жөніндегі комиссия тәркіленбей қалған Қазақстан аумағындағы объектілерге ревизия жалғасып жатқанын хабарлады.

"Бүгінгі күні 36 объект анықталды. Шығыс Қазақстан облысында орналасқан Храпуновтың 8 жер учаскесін тәркілеу туралы атқарушылық іс жүргізу қозғалды", — деп комиссия мәлім етті.

Осыған дейін Алматы соты Виктор Храпуновты сырттай 17 жылға соттаған еді. Ол қылмыстық топ құрғаны, алаяқтық жасағаны және пара алғаны үшін айыпталған. Сондай-ақ "басқаларға сеніп тапсырылған мүлікті иемдену және жымқыру" және "қызметтік өкілеттіктерді асыра пайдаланды" деген айыптар тағылған болатын.

@azattyqtany Ашу / Түсініктеме

2022-07-18 13:07:01 Заңгер Бұрхан Жансейітов екі айға үйқамаққа алынды

Адвокат Бұрхан Жансейітов екі айға үйқамаққа алынды. Бұл туралы Алматы қалалық соты хабарлады.

"Алматы қаласы тергеу сотының 2022 жылғы 17 шілдедегі қаулысымен Б. Жансейітов 2 ай мерзімге, яғни 17 қыркүйекке дейін үйқамаққа алынды. Күзетпен ұстау түріндегі бұлтартпау шарасын санкциялаудан бас тартылды", - деп хабарлады Алматы қалалық сотынан.

Осыған дейін Қаржылық мониторинг агенттігі заңгер құқық қорғау органдарының қызметкеріне қол көтеріп, рейдерлік басып алумен айналысқан адамдар тобына қатысты тергеуге кедергі келтірген деген ақпарат тарады.

@azattyqtany Ашу / Түсініктеме

2022-07-18 09:00:46 Сатыбалды мен Боранбаевтың ісіне байланысты тың ақпараттар пайда болды

Экономикалық ресурстардың заңсыз шоғырлануына қарсы іс-қимыл мәселелері жөніндегі ведомствоаралық комиссия Қайрат Сатыбалды мен Қайрат Боранбаевтың ісіне қатысты жаңа ақпарат ұсынды.

Комиссия мәліметінше, ірі мөлшерде, оның ішінде шетелде қылмыстық кірісті заңдастыру белгілері бар неғұрлым резонанстық істерді тергеп-тексеру ерекше бақылауда.

"Бұл Қ. Сатыбалдыұлына, Г. Сатыбалдыға, Қ. Боранбаевқа, "ӨКМ" жауапкершілігі шектеулі серіктестігі операторының басшыларына қатысты және басқа істер. Қазіргі уақытта тергеп-тексеру органдары қабылдаған шаралармен шамамен 230 млрд теңге, оның ішінде оларды шетелдік юрисдикциялардан қайтару жолымен өтелді. Сыбайлас жемқорлыққа қарсы қызмет тергеп-тексеріп жатқан іс бойынша айыпталушылар Люксембургтен 170 млн АҚШ долларын өз еркімен қайтарған", — делінген хабарламада.

@azattyqtany Ашу / Түсініктеме

2022-07-18 07:36:14 Қазақстандықтар Air Astana мен FlyArystan әуе компанияларына наразы

Air Astana мен оған еншілес FlyArystan әуе компаниясы үстінен Алматы – Мале, Нұр-Сұлтан – Ташкент және Алматы – Қостанай рейстерін кешіктіру, ұшақ ішіндегі орындардан артық билеттерді сату бойынша шағымдар көбейген.

Өтініштерді ескеріп, Азаматтық авиация комитеті ҚР СІМ мен Қазақстанның авиациялық әкімшілігі тиісті тексеру жүргізеді. Жолаушылардың құқықтарын бұзу фактілері анықталған жағдайда әуе компаниялары әкімшілік жауапкершілікке тартылады.

Заңға сәйкес, тасымалдаушының кінәсінен рейс кешіктірілсе немесе тоқтатылса жолаушыларға ана мен балаға арналған бөлме, екі сағат рейс күткен кезде алкогольсіз сусындар, ыстық тамақ тегін берілуі тиіс. Ал жөнелтуді күндіз сегіз сағаттан астам және түнде алты сағаттан астам күткенде қонақүйде тұру қарастырылуы шарт.

@azattyqtany Ашу / Түсініктеме