НӘЗІК ӘЙЕЛ♥

2021-09-09 16:50:58 Ұшық туралы

Сөздің шыны керек, бала кезден ұшықтан (герпес) зардап шегемін. Тіпті апам айтып отырушы еді: " Қайдам, кез-келген нәрсені ұната бермейсің, анау таза емес екен деп келесің, ұшық шықпағанда қайтсін"- деп.
Содан бала кезде ұшық-ұшық боп жүретінмін. Күн суытып кетсе де, ауырып қалсам да, артынан іле-шала герпес шығып тұратын
⠀
Сонымен, герпес деген не?
Ол қарапайым герпес вирусымен шақырылатын, ерінде, мұрын қанатында, ерін маңайында пайда болатын, кішкентай көпіршіктер. 1 тип осы қарапайым герпес, ал 2 тип жыныс жолдарының герпесі.
⠀
Герпес қалай көрінеді?
Егер бірінші рет көрініс тауып жатса, ол әсіресе бала кезде болады, онда:
1. Ерінде, ауыз қуысында, мұрын қанаттарында ұсақ, ауырсынатын көпіршіктер пайда болады, кейіннен қабыршақтанады.
2. Әлсіздік, дененің сынып ауырсынуы, қызба.
3. Мойын аймағының ісінуі.
⠀
Ары қарай, вирус біздің организмге толықтай көшіп келіп, жұлында тұрақтайды. Сосын, әр тұмауратқаннан кейін, әртүрлі инфекциялық аурулардан соң өзінің бар екенін еске салып тұрады.
⠀
Қалай емдейміз?
Негізі емдемесе де болады. Өзі қабыршықтанып кетіп қалады.
Немесе вирусқа қарсы ацикловирді жергілікті қолданса болады. Бірақ, ол аурудың ұзақтығын 1-2 күнге ғана қысқартады. Кейде, иммунитеті төмен адамдарда, герпес шығу жиілігін азайтады.
Қалай сақтанамыз?
Қолмен ұшықты ұстай беруге болмайды Мазьді қолмен жағуға болмайды (мақта қолданыңыз); жанасу жолы ( сүйген кезде) жұғатынын естен шығармаған жөн:)
⠀
Ауырмаңыздар! Ашу / Түсініктеме

2021-09-08 18:15:47 Оразаның пайдасын білесіз бе?
⠀
Енді бүгін, ораза ағзаға қалай әсер ететіні туралы сіздерге айтып бермекпін...:) 1. Алғашқы күндер
8 сағат бойы аш жүргеннен кейін-ақ, организм қордағы бауыр мен бұлшықеттегі глюкозаны қолдануды бастап кетеді. Содан барып әлсіздік, бас айналуы, ауыздан жағымсыз иіс пайда болады.
⠀
2. 3-7 күндері, бастысы көбірек су ішу. Бұл кезде майлар ыдырай бастайды. Сол үшін де, организмге керекті көмірсу мен майдың тепе-теңдігін ұстап тұру қажет.
⠀
3. 8-15 күндері. Үйренісу.Ағза ашығуға үйренеді. Қайта қалпына келу процесі жеделдей бастайды. Организмді жаңалану үрдісі жүреді.
⠀
4. 16-30 күндері. Детоксикация .Яғни, ағзадағы зиянды токсиндер шығарыла бастайды. Соның әсерінен қуатыңыз көбейіп, ой-санаңыз тынық болады. Ми жұмысы жақсарып, стресспен күресуге тұрақты бола түседі.
⠀
Рамазан айындағы оразаның ағза үшін әсері орасан зор. Жаза берсең бітпейді:) Бастысы, Алла ниетімізді қабыл етсін Ашу / Түсініктеме

2021-09-07 18:19:42 Имбирь пайдалы ма?
⠀
Ең алдымен, имбирь құранда кездесетін өсімдік. Құрамында С, В1, В2 және А витаминдері, кальций, калий, магний, цинк, сонымен қатар алмастырылмайтын аминқышқылдары кездесетін өсімдік.
⠀
ҚАЛАЙ ӘСЕР ЕТЕДІ ?
⠀
Есте сақтау қабілетін жақсартады. Көз алдындағы бұлыңғырланудың алдын алады.
Тамақтың жеңіл әрі тез сіңуін қамтамасыз етеді. Ас қорытуды жеделдетіп, іш өтудің алдын алады.
Сергектік сыйлайды. Таңертең имбирь шайын шығарып, жалбыз бен лимон қосып ішетін болса, кофеден артық сергектік береді.
Токсиндерді организмнен шығарады. ( организмде токсин көьейіп кеткеннің белгісі ретінде: асқазанда ауырлық, ауыздан жағымсыз иіс шығу, шаршағыштық, тітіргенгіштік, терінің солып, шаршап тұруы)
Эмоциональдық тұрақтылық. Шаршағыштықты, апатияны болдырмайды.
Иммунитетті күшейтіп, менструациялық спазм мен бас ауруының алдын алады.
Суық тиюде, тамақ қабынуында имбирь шайы таптырмас ем.
Мидың оттегімен қамтамасыз етуін жақсартады.
Онкологиялық аурулардың алдын алады.
Холестеринді төмендетеді. Тамақтан соң имбирді шайнау арқылы, ауыздағы жағымсыз иістен және зиянды бактериялардан арылуға болады.
⠀
Қарсы көрсеткіш:
⠀
жүктілік
асқазан жарасы;
Гепатиттер;
Өт жолындағы тастар;
Жоғары температура кезінде;
Қан қысымы жоғары адамдарға;
⠀
Имбирді қолданып көрдіңіз бе? Басқа қандай пайдасын білесіздер, бөлісе отырыңыздар...
Пайдасы өте көп, егер қарсы көрсеткіштерін сақтап, күнделікті тамақтануға кіргізсек, біраз аурудың алдын алатынымыз сөзсіз. Ашу / Түсініктеме

2021-09-07 08:07:06 ЕҢ ТИІМДІ ЖОЛМЕН ТАБЫСҚА

Адам шақырмайсыз
Бал жинамайсыз
Білім арқылы табысқа
кураторлық оқыту
Сертификат аласыз
Тек кана сенім
Пысық қыздар келіншектер уйде отырған аналар жазыңыздар табысқа шығарамын https://api.whatsapp.com/send?phone=77764612704&text=%D0%A1%D3%99%D0%BB%D0%B5%D0%BC%D0%B5%D1%82%D1%81%D1%96%D0%B7%20%D0%B1%D0%B5%3F%D0%96%D2%B1%D0%BC%D1%8B%D1%81%20%D1%82%D1%83%D1%80%D0%B0%D0%BB%D1%8B%20%D0%B1%D1%96%D0%BB%D0%B3%D1%96%D0%BC%20%D0%BA%D0%B5%D0%BB%D0%B5%D0%B4%D1%96%3F Ашу / Түсініктеме

2021-09-06 17:11:08 Тмин деген не?
⠀
Араб елдерінде «пайғамбар өсімдігі» деп аталып кеткен қара зере – ерекше емдік қасиетіне ие, латын тілінде «Nigella sativa» деп аталады.
Хадистердің бірінде қара зеренің бойы тұнып тұрған ем екендігі былай білдірілген:
«Қара зерені пайдаланыңдар, расында онда өлімнен басқаның бәріне шипа бар» (Бұхари, Тыбб, 7; Мүслим, Сәлам, 88). Осы xадистен-ақ, қара зеренің маңыздылығын байқауға болады. Оның 3 морфологиялық түрін ажыратады.
⠀
кең тараған қара зере (nigella sativa) оның бойы 60 см дейін жетеді, ал тұқымынан xош иіс шығып тұрады.
дамаскалық қара зере (nigella damascene) ол бірінші түріне ұқсас болып келеді, тек гүлдері үлкен және көк түсті.
шығыстық қара зере (nigella orientalis) бұл ергежейлі қара зере, бойы 40 см дейін, гүлдері сары-жасыл түсті.
Әлемде қара зеренің 30дан аса түрі кездеседі.
⠀
Тминнің құрамында не бар?
Құрамында пайдалы элементтері өте көп: фосфат, темір, кальций, фосфор, карбогидрат және май. Сонымен қоса, Е және В витаминдері кездеседі. Құрамында бактерияларға, микробтарға, зиянды элементтерге қарсы антибиотиктер анықталғанын, медицина дәлелдеп отыр. Обыр( рак) ауруының дамуына кедергі келтіретін каротин бар. Жыныстық жүйені активтендіретін жыныс гормондары, өттің түзілуіне көмектесетін элементтер де бар. Асқазан аурулары кезіндегі қышқылдықты төмендететін, тыныштандыратын заттар де кездеседі. Май қышқылдары да анықталады.
⠀
Тмин бізге қалай көмектеседі?
⠀
Энергия көзі. Қара зере адамның табиғи температурасын сақтап тұратыны дәлелденген.
⠀
Жаңа туылған нәрестелерге қоректік зат. Лактация ( емізу) кезінде қолдану, ананың сүтін құнарлы етіп, ана иммунитетін де көтереді.
⠀
Иммунитетті көтереді. Зерттеулердің нәтижесінде, қара зере иммундық жүйені стимулдайтыны анықталған.
⠀
Терінің әсемдігін сақтайды. Ежелгі Египет xаншаймы Неферити, қара зере майын терісінің ылғалдылығы мен әсемдегін жақсарту үшін қолданған деседі.
⠀
Тыныс ауруларына ем. Ғылыми жаңалықтар организациясы Аxмад ал-Кадидың зерттеулерін ұсынған. Онда, қара зеренің бронxиалды жолдарды ашатынын, микробтарды жоятын қабілетін анықтаған. Ашу / Түсініктеме

2021-09-05 17:22:33 Бүйрегіңіз мазалайды ма?

Барлығымызға белгілі, ішкен сұйықтықты организмнен шығарып тастауға жауапты - үрмебұршақ пішінді бүйрек. Ал осы салмағы 120-200г болатын, кішкентай дүние қаншалықты маңызды қызмет атқаратыны жайлы ойланып көрдіңіз бе?
⠀
БҮЙРЕК ҚАЛАЙ ЖҰМЫС ЖАСАЙДЫ?
Көз алдыларыңызға қолында сыпыртқы мен қалағы бар тазалаушыны елестетіңіздер. Бүйректе дәл солай, органимзге керек емес токсиндерді зәр түрінде организмнен шығарып тастаумен айналысады. Ал, бүйрек өз қызметін атқармаса, токсиндер қоқыс ретінде қан мен организмде жиналып қалады. Тұрып қалған қоқыстың қалай бұзылатыны сияқты, керек емес токсиндер бізге ауру болып жабысады.
⠀
Біздің қан плазмамыз күнделікті фильтрдан өтіп тұру керек. Яғни, артерия арқылы, ұсақтала- ұсақтала бүйрек фильтрына тап болады. Ол - шумақша деп аталады Ал, оның қызметтік бірлігі нефроон болып табылады. Қарапайым фильтрдың қалай жұмыс жасайтынын есімізге түсірейік;) Қанмен келген біздің қызыл түйіршіктеріміз, ақ түйіршіктеріміз, нәруыз фильтрдан өте алмайды. Себебі, олардың тесіктеріне сыймайды. Сөйтіп, не керек осы жерде құрамында минералдар бар, аз көлемді суы бар 180 литр біріншілікті зәр бөлінеді. Әрине, бұл тәулігіне:) Енді, бұны нефрон бөліп берсе, нефронның жалғасы болып жатқан түтікшелер ойланады. Мынаның ішінде организмге не керек? Соларды организмге қайтарып беру керекпіз деп шешеді. Реабсорбция, яғни қайта сіңірілу процесі жүзеге асады. Олар іріктеп алып, керек минералдарды организмге қайта жолдайды:) Енді, организмге керек емес нәрселер ше? Оларды улы деп танып зәр түрінде шығарып тастайды Бүйректің бізде бақандай екеу болғаны қандай жақсы:)
⠀
Бүйрек қызметі бұзылса жиі қандай аурулар пайда болады? Пиелонефрит Гломерулонефрит Цистит Зәр-тас ауруы Жедел бүйрек жеткіліксіздігі
⠀
Осы аурулар жайлы білгілеріңіз келе ма?
Бүйрек күтімі жайлы қызық па?
Сізді бүйрегіңіз мазалай ма? Ашу / Түсініктеме

2021-09-04 17:26:21 Оқырманнан келген сұрақ.
Мұрын қанауы бала кезде жиі болатын құбылыс. Бұл бала мұрнының анатомофизиологиялық құрылысына байланысты.
⠀
Мұрынның екі қуысы бар: алдыңғы және артқы. Балаларда осы алдыңғы бөлігінің, яғни қалқа(перегородка) тамырларының қанауы көптеп кездеседі. Ал артқы бөлігінің қанауы ол сирек кездеседі және өте қауіпті.
⠀
Қалай ажыратамыз?
Алдыңғы қуыстың қанауы тек бір мұрыннан, ал артқы қуыстың қанауы екі мұрыннан да қан ағады.
⠀
Мұрын қанауының себептері:
құрғақ ауа, яғни жазда күннің ыстығынан болады.
тамыртарылтқыш, антигистаминді препараттарды қолдану.
қабынуға қарсы препараттарды қабылдау
қан, бауыр, көкбауыр аурулары, бірақ бұл кезде мұрыннан қан кету жалғыз симптом болмайды.
С витаминінің жетіспеушілігі
тамыр аномалиялары және т.б
⠀
Бала кезде мұрын қанағанда қалай тоқтатқаны есіңізде ме?
Қазір ол дұрыс емес.
⠀
Қалай тоқтату қажет?
Баланы отырғызып, басын сәл алға еңкейту
Мұрын қалқанын (перегородок)төменнен 10 минутқа қысып тұру
Егер біреу баланың мұрнын қысып тұрса, екінші адам мұрынға салқын қоюға болады.
Бұл уақытта бала аузымен демалып, қанды түкіріп тастау керек.
Балмұздақ, салқын су беруге болады - бұл қанның тез тоқтауын қамтамасыз етеді.
Егер 10 минуттан кейін қан тоқтамаса, тағы 10 мин қысу қажет.
⠀
Не істеуге болмайды!!!
Басын шалқайту! Бұл құсу рефлексін шақыру мүмкін, қан кету көлемін анықтау мүмкін болмай қалады және қан тоқтады ма білмей қалады.
Мұрынға мақта қоюға болмайды.
Зақымдалған жерде қан ұйыту жүйесі тромб түзеді. Мақтаны алу кезінде тромбты зақымдап, қайта қан ағу басталуы мүмкін.
Қан тоқтату үшін мұрынды қысып тұрғанда сөйлеуге болмайды.
Қан тоқтады ма деп қайта қайта қолды алып қарай беруге болмайды. Бір рет қысқанда 10 минутқа қысу қажет.
⠀
Қай уақытта дәрігерге қаралу қажет?
Екі мұрын қуысынан да қан кетсе
Қан кету ұзақтығы 20 минуттан асып кетсе
Қан ағудың жиі қайталануы
⠀
Профилактика
Күн ыстық кезде сұйықтық көп ішу
Баланы мұрынды түрте бермеуге үйрету
Тамыртарылтқыш тамшыларды 3 күннен көп қолданбау
Міндетті түрде қан анализін тапсыру Ашу / Түсініктеме

2021-09-03 16:58:29 Жөргектік дерматит (Пеленочный дерматит) - терінің жөргек (подгузник) тітіркендіргенде болатын қабынуы. Практикада өте көп кездеседі.
Пайда болу себептері:
⠀
Жөргек кіші дәретпен толып, терімен ұзақ жанасқанда тітіркену пайда болады. Егер кіші дәретпен қатар үлкен дәретте қосылса зақымдану аймағы кеңейеді.
⠀
Гигиеналық шаралардың дұрыс жүргізілмеуі
⠀
Емізетін анасының кейбір тамақтарды қолдануы немесе антибиотик қабылдауы
⠀
Бірреттік сулы салфеткаларды көп қолдану
⠀
Жөргектің жаңа түріне ауыстыру.
⠀
⁃ Туылғаннан 3 жасқа аралығында, яғни өз дәретін бақылай алмайтын уақытта болады.
⁃ Көп жағдайда қыз балаларда және жасанды тамақ ішетін балаларда жиі кездеседі.
⁃ Басқа локализациядағы дерматиті бар балалар және диатездің көріністері бар балалар бейім болады.
⠀
Симтомдары:
Тері ашық -қызыл түсті және ісініп тұрады. Зақымданулар көбінесе болады: жыныс ағзаларында, жамбаста, санның ішкі беткейінде.
Бала жылауық, мазасыз болып кетеді. Жуындарғанда зақымдалған жеріне тиіп кетсе жылайды.
⠀
Қалай көмектесеміз?
⠀
Ауа ванналары( жөргекті кигізбей, көбірек ауа өтіп тұруын қамтамасыз ету)
Жөргектің сәйкес размерін кигізу
Балаға қимылдауға ештеңе кедергі келтірмеу қажет, жөргектің бір жерге жиналып қалуы болмау керек.
Жөргекті уақытында ауыстырып отыру қажет.
Баланы қатты қымтамау қажет, себебі сол жер қызып, тітіркенуге әкеледі.
Дәрігермен кеңеспей ешқандай стероидты, зеңге қарсы, бактерияға қарсы препараттарды қолданбау қажет. Бұл препараттарды жиі және негізсіз қолдану асқынулар туғызып, баланың жағдайы нашарлауы мүмкін.
Құрамында цинк, вазелин бар крем, мазьдарды қолдану қажет (Цинковая мазь, Судокрем, Циндол)
Қабынулық процесті басу үшін Бепантенді пайдалануға болады.
Зақымдалған жерді зеленкамен, йодпен, марганцовкамен сүртудің қажеті жоқ.
⠀
Бвлаңызда осындай жағдай болды ма? Қалай емдедіңіз? Ашу / Түсініктеме

2021-09-02 17:05:38 Іш өту (диарея) - үлкен дәреттің күніне 3 реттен көп өте сұйық болуы.

Іш өту көп жағдайда жедел ішек инфекциясының әсерінен болады. Бірақ басқа да көптеген аурулардың көрінісі болуы мүмкін.
Бүгін жедел ішек инфекция кезіндегі іш өтуді қарастырамыз. Жедел ішек инфекциясы сондай ақ құсумен, температураның көтерілуімен, іш аурумен жүреді.
⠀
Осындай көріністен кейін көп аналар қорқа бастайды. Олар құсуды, іш өтуді бірден тоқтатып тастағысы келеді. Бірақ бұлар ағзаның қорғаныш реакциясы.
⠀
Іш өту мен құсудан бала көп сұйықтық пен тұздарды жоғалтады!! Осының орнын толтыру керек!!! Мүндай жағдай сусыздану деп аталады және бұл балаға өте қауіпті!!!
⠀
Су мен тұздың орнын қалай толтырамыз?
Регидратациялық сұйықтықты ішкізу. Бұған Регидрон пакетигі 1 л қайнаған суға ерітіледі.
Баланың артынан жүріп қасықтап болса да ішкіземіз және әр іш өтуден кейін 100 мл -ден ішкіземіз.
⠀
Егер балада құсу болса 30 минут күтіп, қайта қасықпен немесе шприцтің инесін алып сонымен аузына құямыз.
⠀
Кем дегенде 2 л регидрон ішу қажет!!
⠀
Диареяны емдеудегі келесі топ- ол адсорбенттер. Олар ағзадағы токсиндерді шығарады.
⠀
Бұл топқа Смекта жатады. Ол токсиндерді шығарып қана қоймайды, сондай-ақ ішектің шырышты қабатын қалпына келтіреді!!! Смектаны да қасықпен беріп отыру қажет. Немесе бала қанша іше алады сонша беру керек.
⠀
Диарея кезінде баланы қалай тамақтандыру қажет?
⠀
-Тамақты қинап жегізудің қажеті жоқ. Ең бастысы су беру қажет, ал бұл жағдайда сәл ашыққаны да пайдалырақ.
-Егер баланың қарны ашып қалса, онда майлы, тәтті бермейміз. Жеңіл сорпа, сухари, күріш ботқасы, еметін баланы жиі-жиі емізу қажет!
⠀
Қай кезде дәрігерге қаралу қажет?
⠀
⁃ тоқтаусыз құсу
⁃ 3 күннен асса да емнен нәтиже жоқ
⁃ үлкен дәретте қан көріну
⁃ баланың ұйықтай бергісі келеді
⁃ дене температурасының 3 күннен аса жоғары болуы
⠀
Регидрон мен смектаны қасықтап, ұрттатып, жарты стакандап берген ана диареяны міндетті түрде жеңеді. Дендеріңіз сау болсын!!! Ашу / Түсініктеме

2021-09-01 17:51:33 Ауыздан жағымсыз иіс шығу

Көп аналар баламның аузынан жағымсыз иіс шығады деген шағым айтады.
⠀
Не себепті ауыздан жағымсыз иіс шығады?
⠀
Ауыз қуысы стерильді емес екенін бәріміз білеміз. Онда көптеген бактериялар өмір сүреді. Осы бактериялардың өмір сүру кезеңінде жағымсыз иіс шығаратын күкіртті сутек бөлініп шығады.
⠀
Ауыздан жағымсыз иістің шығуының себебі - бактериялардың өсуі мен көбеюі.
Бұдан келесі сұрақ туындайды.
Не себепті бактериялар көбейе бастайды?
⠀
Бактериялар ауыз қуысында сөлдің аз бөлінуі кезінде белсенді көбейеді.
Ауыз қуысында тамақ қалдықтары қалып қойғанда
Мұрыннан су ағу болса
⠀
Қандай жағдайда ауыздан жағымсыз иіс шығады?
Аз сөл бөлінсе: үй ыстық, құрғақ ауа, бала суды аз ішеді.
Тамақ қалдықтары-балада 1 тіс болса да тісті тазалау қажет.
ЛОР аурулары - ринит(мұрыннан су ағу), фарингит (тамақ қызаруы), аденоидит, ангина, аллергиялық ринит, трахеит т. б
Стоматология: тістегі кариес, қызыл иектің проблемалары, стоматиттер.
⠀
Асқазанға келетін болсақ, өңеш пен асқазанның ортасында сфинктер болады. Қалыптыда ол асқазаниқұрамының өңешке өтуін болдырмайды, сондықтан асқазаннан иіс өте алмайды.
⠀
Бірақ, 6 айға дейінгі балаларда ол сфинктер ашық болады, сондықтан балаларда құсу болады, сол кезде иіс шығуы мүмкін.
⠀
Егер бала кекіруге шағымданса, онда себеп асқазаннан болуы мүмкін. Кекірік болмаса, бұл себепті алып тастаймыз.
⠀
Кейбір өнімдерді тұтынғанда да иіс шығуы мүмкін- пияз, чеснок, редиска т.б
⠀
Көп мөлшерде тәтті жеу ауыз қуысында бактериялардың көбеюіне әкеледі.
⠀
Ацетон иісі шығуы дәрігердің қарауы мен диагностикасын талап етеді.
⠀
Ал сіздің балаңыздың аузынан жағымсыз иіс шыға ма? Себебін таптыңыз ба? Ашу / Түсініктеме