НӘЗІК ӘЙЕЛ♥

2021-06-22 16:43:38 Балам еңбектемейді

Мен туыстарымнан, таныстарым, пациенттерімнен осы сұрақты көп естимін, кеше де бір құрбым балама 8 ай болды, неге еңбектемейді деп уайымдап жатыр...
Егер бала 8 айында еңбектемей, бірақ жалпы жағдайы жақсы болса, ұйқысы тыныш,тамақтануы жақсы болса, қорықпаңыз...балаға еңбектеуге көмектесу қажет.
Еңбектеу-үлкен бір этап, бұл этапты жіберіп алмаған дұрыс, пробел болып қалмау керек, себебі бұл кезең тікелей баланың миымен байланысты(психомоторлы даму). Бала еңбектеген кезде
интеллекті
тілінің шығуы
тепе-теңдікті сақтауы
айналасын тануы
өзіне сенімділіктің дамуына әсер етеді...Көп жағдайда мойынның қисытығы да кетеді (кривошея).
Балаға еңбектеуге көмектесу қажет...қолға баланы алып құшақтаған дұрыс,бірақ, 3 айынан бастап жерге(таза,жылы,тегіс төсеніш,ештеңе үстіне құламайтындай етіп) жіберу керек. Сонда бала тез аунауды да,еңбектеуді де тез үйренеді. Түрлі түсті ойыншықты баланың алдына қойып, соған жетуге талпындырып үйрету керек.
Еңбектеудің балаға ең үлкен пайдасы-арқа ,қол бұлшықеттері дамиды, кейбір анасы байқамаған гипертонус кетуі мүмкін. Күнделікті екі-үш рет көмектессеңіз нәтижесі тез көрінеді...кейбір бала еңбектемей бұл этаптан өтіп кетеді, сол үшін баламызға даму жолында әрбір кезеңді дұрыс өтіп, жеңіп, ары қарай келесі кезеңге сеніммен аяқ басуына көмектесейік..

Аналарға кеңестер Ашу / Түсініктеме

2021-06-21 14:56:52 Баланы омыраудан шығару үшін ең алдымен
Ана да бала да психологиялық тұрғыда дайын болуы тиіс !

Ана өзі дайын болмай, баламен бірге қиналып, шыдай алмай қайтадан емізіп қоюға немесе баланы тастап алыс кетуге болмайды !
Балаға бұл жағдай ауыр соғады, сондықтан баланың еркелігін көтеруге дайын болған дұрыс.
қалаған, ұнаған тамағын жасап, шомылдырып, серуендетіп, баламен ойнаған дұрыс.
бала кем дегенде жасына жеткен болу керек , негізі 2 жасқа дейін емізген дұрыс.

Асықпай бірінші өзіңіз дайын болған соң, күндізгі емізуді қысқарта отырып, омыраудан шыгарамыз...

Баланы омыраудан шығаруға жыл мезгілінің қатысы жоқ !
Жоспарлы түрде , емгісі келсе,орнын басатындай етіп айран немесе смесь беріп, балаға көңіл бөлген дұрыс.

Бастапқыда түнгі уақытта емізу керек, себебі бала көбінесе түнгі ұйқыға жатарда қорғаныш сезімін,анасының мейірімін қажет етеді.
Омырауды байлауға болмайды...
1 жастан асқан бала 2-3 рет емсе, 1-2 рет сүтті сауып тастау керек, кейіннен күніне бір рет сауыңыз, қажеттілік жоқ болғандықтан сүт келуі де азая бастайды.

⚕ Сондықтан, сүт безінің қабынуын, сүт безінің қатып қалып мастит сынды асқынуларға алып келуінің алдын алу үшін , балаңыз да психологиялық соққы алмауы үшін омыраудан дұрыс және жоспарлы түрде, балаға да өзіңізге де ыңғайлы уақытта, ыңғайлы жағдайда шығарған дұрыс!

Аналарға кеңестер Ашу / Түсініктеме