НӘЗІК ӘЙЕЛ♥

2021-10-21 17:33:28 Жүктілік кезінде іш кебу жиі кездеседі. Көбінесе, жүктіліктің алғашқы триместрінде пайда болады. Дені сау жүкті әйелдердің ішектерінде күніне шамамен 1,5 литр газ жиналады.

Оған себеп болатын негізгі факторларға тоқталайын:

Ағзада прогестерон гармонының деңгейінің жоғары болуы. Жүктіліктің бастапқы кезеңдерінде бұл гармон маңызды рөл атқарады. Прогестеронның жеткіліксіздігі түсік тастау қаупін де тудыруы мүмкін. Прогестерон жатырмен қоса, ішектердің де бұлшықеттерін босаңсытады. Ал, бұл өз кезегінде астың шіруіне, соның салдарынан газ түзілудің жоғарылауы мен іш қатуға алып келеді.

Гормондық фонның өзгеруі ұйқы безінің ферменнтерінің бөлінуіне ықпал етеді. Тамақтың қорытылуы нашарлап, қыжыл, кекіру қосылады.

Себептердің тағы бірі - дұрыс тамақтанбау. Газ түзілуін шақыратын тамақтарды жемеу керек.

Емі - дұрыс тамақтану.
Газдалған сусындар, майлы, тұздалған, қуырылған тағамдарды көп қолдану. Капуста, редиска, фасоль, горох, соя, саңырауқұлақ, кукуруза, жүзім, шабдалы, өрік, нан тағамдарын шектеу керек.
Біздің сүйіп жейтін асымыз - ет қой. Ет асып, қамырын тойып жейміз. Жүкті кезде қамырды шектеңіз.
Іш кебуін жеңілдететін тағамдарды - күріш, гречка, қызылша, сәбіз, балық, көк шай, көкөністер, су көп қолдану керек.
Ішек микрофлорасын қалпына келтіретін пробиотиктер - линекс, хилак форте, энтерожермин т.б дәрігердің тағайындауымен қабылдауға болады.
Эспумизан, боботик, укропная вода ішуге болады.
Энтеросорбенттер - СМЕКТА. Осы препаратты ұсынар едім.
Жалбыз қайнатпасы. Ол үшін жалбыздың кез-келген түрін (мяту перечную, колосовую мяту, котовник кошачий) қолдануға болады. Ол үшін 1 шай қасық жалбызды
1 стакан қайнаған суға араластырып, 5 минуттай қайнатып ішесіз. Күніне 1 стақан 2-3 күнде 1 рет.

Көбінесе, бірінші триместрдің соңында гормондар тұрақталып, ас қорытумен байланысты проблемалар жойылады.

Сізді де жүкті кезіңізде іш кебу, іш қату мазалады ма? Қанша уақытқа созылды? Қандай ем қабылдадыңыз? Ашу / Түсініктеме

2021-10-20 17:41:48 Бала тікенегі деген не?

"ТІКЕНЕК" - нәрестенің арқасындағы терісін жарып шыға алмай тұрған түк. Түк сыртқа шыға алмаған соң, тері астында өсе беріп, көсеу сияқты пішінге енеді де, баланың жанына батады. Сондықтан да "көсеу",- деп те аталады. Көбінесе, бала шалқасымен ұзақ жатқан кезде түктер түйіршіктеліп қалады. Бала туылғанда қызарып тұрады. Терінің қызаруы кеткеннен кейін, терінің сыртқы қабаты мен түктер түзіледі. Осы қабат "бала тікенегі",-деп аталады.
Тікенегі» бар баланың белгілері:
Бала арқасымен және жанымен жақсы ұйықтамауы;
Бала себепсіз көп жылауы;
түнде көп мазасыздану;
Қыбырлап бір орында жатпай қимылдай беру;
Арқасын, санның артқы, бөксесін бепантен т.б жақпамайлармен сипағанда баланың тітіркенуі;
Қолға "көсеу"(кочерга) сияқты батуы.

Тікенек көбінесе:
санның артқы жағы;
арқасында;
бөксе;
қолда болады.

Тікенек қандай қауіп тудырады?
Айтарлықтай қаупі жоқ. Дегенмен, баланың тыныш ұйықтауына кедергі келтіргендіктен, физикалық және психикалық дамуына кері әсерін тигізеді. Сонымен қатар, бала мазасыз болғанына ана шаршайды. Енді ғана босанған ана үшін ол ДЕПРЕССИЯ! Неге жылайды? т.б сұрақтармен қиналып, ананың сүті шықпай қалуы мүмкін.
Бала тікенегін тазалаудан алдын шомылдыру керек. Ең оңай әдістері:
Ана сүтін арқасына сауып жайлап дөңгелектеп сипайды. Сол кезде тікенектер тері бетіне көсеу сияқты шығады. Ана сүтін сауғаннан соң, марли жауып соның үстінен уқаласа, тікенек марлиге жабысып қалады. Марли теріге жабысып тұруы керек. 3 минуттай уқалаған соң, марли 10 минутқа дейін тұра берсе болады. Компресс сияқты. Соңында тікенектер марлиге жабысып қалады.
Бепантен мазімен немесе мақта майын банкаға құйып, сыртынан 40 мин қайнатып сонымен жеңіл массаж жасағандай жайлап дөңгелектеп уқалау керек. Сол кезде тікенектер шығады. Суға ұн қосып, кішкентай қамыр жасап, домалақ пішіндегі қамырды тікенектердің үстін дөңгелектетесіз, тікнектер қамырға жабысып қалады немесе кішкентай қайшыны спиртпен өңдеп, сонымен кесіп алып тастауға болады. Бірақ, сақ болу керек!

Ескерту: Баланың арқасын 3 минуттан көп уқалауға, тікенегін шығаруға болмайды!
Тікенекті пинцетпен жұлуға болмайды! Ашу / Түсініктеме

2021-10-19 17:19:56 Ықылық тию - жиі кездесетін құбылыстардың бірі.

Балалардағы ықылық тиюдің негізгі себептері:
Тағамды немесе сұйықтықты тез ішу. Ол кезде ауаны да бірге жұтады. Жұтылған ауа диафрагмаға(көкет) қысым көрсетіп, ықылық шақырады.
Баланы тамақтандырған соң, вертикальды қалыпта ұстамау. Яғни, "солдатик" қалпын сақтамау. Емізген соң да міндетті түрде тік ұстау керек. Сонда сүтпен бірге енген ауа да бірге шығады. Ол кекіру арқылы көрініс береді.
Тым көп тамақ беру. Бұл тек емізулі балаларда ғана емес, үлкен балаларда да себеп болуы мүмкін. Керілген асқазан көкетті қысып, ықылық шақырады.
Ашығу. Бала ұзақ уақыт аш қалса да ықылық тиеді. Емізген соң бірден тоқтайды.
Эмоциональды ықылық тию. Баланы тоқтаусыз ұзақ күлдірсе де, бала қатты жыласа да ықылық пайда болуы мүмкін.
Стресс. Үлкендер ғана емес кішкентайлар да стресс алады. Баланы қатты ұрысса, қорқытса т.б жағдайларда да ықылық тиюі мүмкін.
Жаурау. Ең жиі кездесетін себептердің бірі болып табылады десем қателеспеймін.
Егер бала жиі-жиі және созылмалы (20 минуттан көп) ықылық тисе, дәрігерге қаралғаны жөн. Ол жағдай асқорыту жолдарының ауруларына, паразитарлық инфекцияларға, ишек инфекцияларына, гиперқозғыштық, ағзадағы қабыну ауруларына, орталық жүйке жүйесінің ауруларына күдік тудырады. Телімдік педиатрыңызға барсаңыздар, невропатолог, гастроэнтеролог т.б қажетті маманына жібереді.

Еміне келетін болсақ:
Ең жиі қолданылатын әдіс - Қорқыту. Өзіміз де кішкентайымыздан ол сөзді естіп, көзімізбен көріп келеміз. Үлкендер бірден қорқыту керек деп айтады. Ол дұрыс емес! Ондай жағдайда ықылық ұстамасын одан да күшейтіп жіберу мүмкіндігі бар.
Ең дұрысы - біраз уақыт ембеген баланы емізу, су беру(жылы суды аз-аздан ішкізу керек), үлкенірек балаларда демді іште ұстау. Яғни, дем алып, сыртқа шығармай біраз шыдап тұру. Баланы қинауға болмайды. Қандай тәсіл тиімдірек болса, аналар оңтайлысын таңдау керек. Балаға бар мейіріміңізді бөліңіз. Ол оған мұқтаж! Бала - Алланың бізге берген аманаты. Ал, аманаттан бар жақсыны аямаңыздар. Мейірім көріп өскен бала, есейгенде де мейірімді болады. Балаларыңыз ауырмасын! Аман болыңыздар! Ашу / Түсініктеме

2021-10-18 16:57:44 Сүтті көбейту

Алғаш рет ана атанған әйелдерден де, бірнеше баласы барлардан да жиі еститін сұрағым: Лактацияны (сүтімді) қалай көбейтсем болады? немесе "Лактацияны көтеру үшін не істемедім? Лактацияны арттыратын шайлар іштім, жылы душ жиі қабылдаймын, дегенмен нәтиже "НӨЛ"!

Менің ойымша, бұндай шайлардың ПАЙДАСЫ ЖОҚ!

Пайдасын тигізетін бір ғана шай бар - ол сіз сүйіп ішетін қарапайым шайыңыз!
Өзіңізге ұнайтын шай сіздің көңіл-күйіңізді де көтереді, ал ол окситоцин мен пролактинге де әсер етеді де, сүтті көбейтпейді, жай ғана оның шығуын жеңілдетеді.

Егер сіз жиі емізбесеңіз, баланы дұрыс емізу білмесеңіз басқа ештеңе де көмектеспейді. Көкірек жиі босаған сайын, оған сүт толады. Сондықтан баланы қанша рет сұраса, сонша рет емізіңіздер.

Сонымен қатар, түнімен ембей ұйықтайтын балалар бар. Олар ұйықтады деп, рахат болды деп жатып алып ұйықтай бермей, арада емізіңіз! Алғашқы кезде балада болатын САРҒАЮДЫҢ жиі себебі де осы - қарны тоймау!
Тамақтануыңызды дұрыстаңыз. Құнарлы тағамдарды қабылдаңыз. Дұрыс тамақтану - бәрін шетінен опырып жеу деген сөз емес!

Лактацияны арттыратын шайлардың барлығының құрамында фенхель мен галег шөптері бар. Олардың нейротоксикалық әсері бар. Тіпті, анасы сондай шайларды тым көп ішіп, егіз балалары реанимацияға уланып түскен жағдайлар кездеседі.

Түсінер едім, егер Лактафитол, Лактагон, Бабушкино лукошко, Hipp Natal, Лактавит, Humana шайларын күніне 2 рет ішсе, ал кейбір аналар кәдімгі шай, судың орнына сыңқылдатып ішіп жатады. Сақ болыңыздар!

Пажитник деген шөп бар, қауіпсіз! Лактацияны арттырады, ғылыми зерттеулермен расталмаған. Тәжірибе жүзінде өте жақсы әсері бар екендігі анықталған.

Ал сіз лактацияны арттыратын шайларды қолданып көрдіңіз бе? Әсері қандай? Пайдасы тиді ме? Ашу / Түсініктеме

2021-10-17 17:07:03 "Мен көтерген сияқтымын", "Мен жүктімін-ау",- деген ой барша әйелдің басынан өтсе керек.

Бірақ, көтерген сияқты сезім жүкті дегенді білдірмейді.

Ежелгі Египетте еденге ашып кеткен сыра қойыртпасын төгіп, жүктілікке күмәнді әйелді сол жерге отырғызып қойған. Бөлмедегі иісті елестетіп көріңізші Кез-келген адамның жүрегі айнып, құсатын сияқты ғой. Құсықтың мөлшеріне қарай жүктілікті анықтайтын болған екен: көп құсса, ЖҮКТІ деген сөз. Бұл әдіс жүкті әйелдердің өткір иістерге жүрегі айнып, құсуына негізделіп ойлап шығарылған.

Сол кездерде өмір сүрмегенімізге шүкір! (әзіл)

Қазір жүктілікті қалай анықтайды?
В-ХГЧ(қан талдауы) + УЗИ(жатырда ұрық болуы).

В-ХГЧ көтерген соң 10 күннен ерте емес
Қанның В-ХГЧ көрсеткіші алдамайды.

УЗИ көтергеннен 2-2,5 аптадан кейін(яғни, 4-4,5 апта)

Жүктілікті анықтауды белгілеріне қарай 3 топқа бөлсек болады:

Күмәнді:
жүрек айну;
құсу;
тәбеттің төмендеуі;
иіс сезу, дәм сезудің бұрмалануы(топырақ иісі, мел жеу, піспеген қамыр, піспеген фарш жеу);
ұйқышылдық;
тітіркенгіштік;
шаршағыштық;
бастың айналуы.

Айқынырақ:
етеккірдің кешігуі;
омыраудың үлкеюі және уыз (молозивo) бөлінуі;
қынап және жатыр мойнының цианозы(гинеколог көреді);
жатырдың ұлғаюы.
Жүктілікті анықтауға арналған тест-полоска

Нақты:
В-ХГЧ;
УЗИ қорытындысы.

Сіздер алғаш рет жүкті екендеріңізді қалай білдіңіздер? Қандай белгілері болды? Бөлісе отырыңыздар. Ашу / Түсініктеме

2021-10-16 18:33:51 Нәрестенің кіндік жарасын емдеу

Кіндік - ана мен баланы құрсақта жатқан кезінен байланыстыратын, сәбиге қоректік заттар мен оттегіні тасымалдайтын бау.

Кіндік жарасын күту жолдары:

Ең негізгі принципі -
кіндік жарасын қолмен ұстамау, тырнақты тигізбеу. Кіндік жарасы өздігінен тез-ақ жазылып түседі. Қолыңызды жиі жуыңыз.

Бір нәрсені ұмытпаңыз - кіндікті жөргекпен (памперс) жауып қоймаңыз. Памперсті кіндіктің астына дейін кигізіңіз немесе памперстің жоғарғы жағын қайырып қойыңыз. Үстіне киетін көйлегі де Х/Б матадан жасалған болғаны жөн. Сонда ол ауаны жақсы өткізіп, теріге демалуға мүмкіндік береді.
⠀
Әр күні зеленка жақсаңыз жеткілікті. Әр сәбиде әртүрлі уақытта жазылады. Кейбіреуінде 3-5 күнде, кейбірінде 2 аптаға созылуы мүмкін. Кіндік айналасында қатып қалған қалдықтарды(қан, бөліністер) жылы суға дәкені малып, суын жақсылап сығып, жайлап сүртіңіз. Қатты суланып іріңдей бастаса, сутегі асқын тотығымен тазалап (перекись водорода), құрғатып, зеленка жағыңыз. Егер, кіндік жарасы қатты іріңдеп, ісіп, қанаса телімдік дәрігерге хабарласып, үйге шақырту жасаңыз.

Нәрестені шомылдырған соң денесін жұмсақ сүлгі немесе дәкемен жақсылап құрғатамыз.

Егер жаңа туылған нәрестеге үйде барлық жағдай жасалған, күн түсетін жылы бөлме болса күн ваннасын 10-15 минут жасау керек. Баланы жеңіл орап немесе жалаңаш қалпында күн түсетін жерге жатқызу. Ол сарғаю кезінде де, кіндік жарасының жазылуына да оң ықпалын тигізеді. Бөлменің жылы болуын қадағалаңыз!
⠀
Пайдалы пост болды ма? Ашу / Түсініктеме

2021-10-16 09:29:58 Бит сіркені кетіремін деп небір шампунь, қоспаларды пайдаланып көрген боларсыз иә? 1 аптада құтылуға болатын шешімі табылды. Арзанға жүгіріп ұрынып қалмаңыз. Бүгін алсаңыз, сыйлығымыз бар

WhatsApp: wa.me/77767780603 Ашу / Түсініктеме

2021-10-15 17:38:59 Бала неше минут емеді

Бала 2-3 минутта? 5 минутта? 10-15 минутта тоюы мүмкін бе?

Осы тақырып көпшілік әйелдерді мазалауы мүмкін. Тіпті, бала аз уақыт қана емсе, сүттің маңызы түбінде қалып қояды деп ойлайтын адамдар да бар. Ол - қате пікір!

Баланы мәжбүрлеп емізбеңіздер! Соңы қалып кетеді деп тойса да қинап бермеңіздер!

Бала салмақ қосып жатқан болса, маңызын ембей қалып жатыр деген ойдан аулақ болыңыздар.

Баланың емуінің ұзақтығы да маңызды емес. Бала жақсы салмақ қосып жатыр ма? Яғни, оған сол уақытта емген сүті жеткілікті.

Жиі-жиі, бірақ 5 минутқа да жетпейді. Соны қалай ұзартып, 2 сағатта бір еметіндей қылсам болады дейтін аналар да бар! Ешқандай амалы жоқ! ЕШҚАНДАЙ! Сіздің балаңызға солай ыңғайлы, сондайды қажет етіп тұр. ӨЗГЕРТПЕҢІЗ!

Бала бастапқы 3 айда 500-2000 грамм, 4-6 айда 300-1000 грамм аралығында салмақ қосса,
Емізу ауырсыну тудырмаса, барлығы жақсы деген сөз!

Сонымен, ештеңені көбейтіп немесе азайтпаймыз!

Емізу барысында асықпаңыз, бітпей қалған шаруаларыңызды емес, бар мейіріміңіз бен назарыңызды балаңызға арнаңыз. Бала бәрін де сезеді.

Егер сізде емізу барысында проблемалар болса да, салмақ қоспаса да баланы МӘЖБҮРЛЕМЕҢІЗ! Олай жасасаңыз, баланың өздігінен реттелуі мен тамақтану жүйесін бұзасыз!

Сіз емшекті бергенде, бала бас тартуға ҚҰҚЫЛЫ! Балаңызды құрметтеңіз және оған сеніңіз!
Сіздің балаңыз неше минут емеді? Ему аралығы қанша уақыт? Салмақ жақсы қосып жатыр ма? Ашу / Түсініктеме

2021-10-14 17:24:56 Бүгін грипп және ОРВИалдын алу шараларына тоқталамын. Ал, кеттік!

Адам көп жиналатын орындарға жиі бармауға тырысыңыз. Ондай жерлерде бетперде(маска) тағуды әдетке айналдырыңыз.

ОРВИ белгілері (жиі түшкіріп, жөтеліп т.б) бар адамдармен тығыз қатынастан өзіңізді алшақтатыңыз.

Бөлмелерді жиі желдетіңіз, басқа бөлмеге шыққан соң, отырған бөлменің терезесін 20 минутқа ашып қойыңыз

Үйде жиі ылғалды тазалау жұмыстарын жүргізіңіз, терезе алды, еден, шкафтардың шаңын күнде немесе күнара сүртіңіз.

Қолды жиі жуыңыз, әсіресе көшеден кірген соң және қоғамдық көлікпен келгеннен кейін.

Мұрын қуысын шайыңыз. Дәріханадан физ.раствор(натрий хлорид ерітіндісін), аквамарис, аквалор тамшыларын қолдансаңыз да болады.

Құрамында витамин С бар өнімдерді жиі қолданыңыз(лимон, сарымсақ, малина, шиповник(итмұрын), Клюква, брусинка т.б). Малина, лимон салып жиі шай ішіңіз.

Күнделікті тағаммен сарымсақ пен пиязды қолданыңыз.

Шиповник(итмұрын) қайнатпасын жасап қойыңыз да, күнде бүкіл отбасыңызбен ішуді әдетке айналдырыңыз. 1 стақан суға - 10 итмұрынды салып 15-20 мин қайнатып, 40 минуттай бетін жауып тұндырып қоясыз. Шамамен қоса бересіз итмұрынды. Балаларға жарты пиала, ересектер 1 пиала ішіңіздер. Дәріханадан дайынын алсаңыз, дайындау жолдары жазылып тұрады.

Ауырып қалған жағдайда дәрігердің нұсқауымен басқа да дәрі-дәрмектерді қабылдаңыз.

Д витаминін (аквадетрим, детримакс) қабылдаңыз. Балаларға күнделікті 1-2 тамшы, ауырып жатса 4-5 тамшы аквадетрим беріңіз. Баланың иммунитетін көтереді.

Сонымен қатар, қараша айында тұмауға қарсы вакцина салдырыңыздар.

Жоғарыдағы кеңестерге құлақ түріп, оған қосымша салауатты өмір салтын, күнделікті 7-8 сағат ұйықтау, спортпен айналысып, дұрыс тамақтануды ұмытпаңыздар! Ашу / Түсініктеме

2021-10-13 19:07:32 D ВИТАМІНІНІҢ ТАПШЫЛЫҒЫ
⠀
Бұл тақырып ауқымды, ең маңызды болмақ.Себебі, организмдегі көптеген процестерге қатысады.
⠀
Көп адам көру үшін лайк баса кетіңіз.
⠀
Д дәрумені «күн дәрумені» деп аталып жүргені кездейсоқ емес. Ол тағам құрамында жоқтың қасы, алайда терімізге жылу мен жарық ықпал еткен кезде молынан бөлініп шығады. Бірақ алты ай қыс, үш ай күз кезінде бұл дәрумен жеткілікті болады деп айта алмаймын.
⠀
Қатер төнген топқа кімдер жатады?
⠀
аяғы ауыр әйел және лактация кезеңі
Далаға шығуы сирек егде тартқан кісілер;
Күндізгі уақыттың көп бөлігін кеңседе өткізетін қызметкерлер;
Түнгі ауысымда істейтін, сол себепті күндіз ұйықтап жататын кісілер.
⠀
Зерттеу деректеріне сүйенсем мына жағдайларға әсер етеді:
жүрек-қан тамырлары ауруларына шалдығу қатерін арттырады
обыр ауруына шалдығу ықтималдығын жоғарылатады.
жұқпалы ауруларға жиі шалдыға беру
Көңіл-күйдің нашар болуы
⠀
«Бұған қоса, D дәруменінің мидағы серотонинді қалыпты деңгейде ұстап тұруда маңызы зор», — деп Пирсон ағай.
⠀
Үнемі шаршап жүру
⠀
«D дәрумені ішкен асымызды қуатқа айналдыру үшін де қажет, — дейді сөзін ары қарай сабақтаған Ким Пирсон. — Егер сіз әрдайым шаршаңқы сезімде болсаңыз, онда организм қажетті заттарды сіңірмей жатқан болуы мүмкін, ал оған D дәруменінің тапшылығы себепкер болуы әбден мүмкін».
⠀
Сүйектердің осалдығы
⠀
Айтылып өткендерден бөлек D дәрумені организмдегі кальций мен фосфат деңгейін реттестіріп отыру үшін де қажет, баршаға мәлім болғандай — сүйек пен тістің саулығы үшін олардың маңызы зор.
⠀
Бұлшықеттегі ауырсыну сезімі
⠀
D дәруменінің бұлшықеттердің функцияларына да көмегі бар, себебі оған арналған рецепторлар бүкіл денеге тараған. «Егер бұлшықеттер еш себепсіз-ақ қақсай берсе, ағзадағы D дәруменінің тапшылығы туралы ойланғаныңыз абзал», — деп Ким Пирсон ескертеді.
⠀
Жоғарыдағы аталған белгілер болса, поликлиникаға барып Д витамініне анализ тапсырыңыз.
⠀
Ал, енді айтыңызшы, осы анализді тапсырып көрдіңіз ба? Ашу / Түсініктеме