Sputnik Қазақстан

2021-07-01 12:28:58 15 шілдеге дейін вакцина салдыру керек – бас санитар дәрігердің жаңа қаулысы

Қазақстанның бас санитар дәрігері Ерлан Қиясов жаңа қаулыға қол қойды. Оған сәйкес, қызмет көрсету саласының қызметкерлері 15 шілдеге дейін вакцина салдыруға міндеттеліп отыр.

@sputnik_aitady Ашу / Түсініктеме

2021-07-01 09:25:50 Тоқаев бүгін бейнеүндеу жасайды

Мемлекет басшысы Қасым-Жомарт Тоқаев "Ұрпақ теңдігі" атты жаһандық форум қатысушыларына бейнеүндеу жасайды. Бұл туралы президенттің баспасөз хатшысы Берік Уәли facebook парақшасында хабарлады.

"Бүгін Нұр-Сұлтан қаласының уақыты бойынша шамамен сағат 21:30-да Қазақстан президенті Қасым-Жомарт Тоқаев "БҰҰ – әйелдер" құрылымының Франция және Мексика үкіметтерімен бірлесіп ұйымдастырған "Ұрпақ теңдігі" атты жаһандық форум қатысушыларына бейне үндеу жасайды", - деп жазды Уәли.

@sputnik_aitady Ашу / Түсініктеме

2021-06-30 13:09:22 Оқушыларға да коронавирусқа қарсы вакцина салуымыз мүмкін – Көлгінов

Нұр-Сұлтанда дәстүрлі білім беру форматын қалпына келтіру үшін оқушыларды вакциналау мәселесі қаралып жатыр. Бұл туралы қала әкімі Алтай Көлгінов мәлімдеді.

"Біз дәрігерлермен ақылдасып жатырмыз. Жастарға да вакцина салуымыз мүмкін. Әзірге біздегі талап бойынша 18+, бірақ Еуропа мен Израильде мектеп жасындағы балаларға да салынады. Біз болсақ, алдымен педагогтарды вакциналаудан өткізуіміз керек", — деді Көлгінов орталық коммуникациялар қызметінде өткен онлайн брифингте.

@sputnik_aitady Ашу / Түсініктеме

2021-06-30 11:13:39 Далаға шықпаңыз: Төтенше жағдайлар министрлігі қазақстандықтарға үндеу жасады

Қазақстанның бірқатар өңірінде 30 маусым мен 2 шілде аралығында қатты ыстық болады. Төтенше жағдайлар министрлігі азаматтарға қажеттілік болмаған жағдайда далаға шықпауға кеңес берді.


Нұр-Сұлтанда 1-2 шілдеде күндіз 35-37 градус қатты ыстық болады деп болжанып отыр.

Алматыда 30 маусым күні күндіз ауа температурасы 33-35 градусты көрсетеді.

Шымкентте 30 маусым-2 шілде аралығында 40 градус, ал Түркістанда 30 маусым-2 шілде аралығында 40-42 градус аптап ыстық болады.

30 маусымда Батыс Қазақстан облысының кей жерлерінде найзағай ойнап, бұршақ жауады. Күндіз 35-39 градусқа дейін өте қатты ыстық болады.

@sputnik_aitady Ашу / Түсініктеме

2021-06-30 08:53:11 Қазақстандықтардың өмірін өзгертті: 2021 жылы қабылданған 5 маңызды заң

Жетінші шақырылымның бірінші сессиясы кезінде парламент депутаттары 63 заң қабылдады. Оның ішінде 15 құжатқа халық қалаулылары бастамашылық етті

Sputnik Қазақстан барлық қазақстандықтың өміріне әсер ететін бес маңызды заңға шолу жасайды.


Жер мәселесі бойынша дауға нүкте қойылды
Бюллетеньде "Барлығына қарсымын" бағаны пайда болады
Қашықтан жұмыс істеу заң жүзінде бекітілді
Жүргізушілер енді куәліксіз көлік жүргізе алады
Ерекше балалар үшін білім алудың тепе-теңдігі

@sputnik_aitady Ашу / Түсініктеме

2021-06-29 14:47:16 Нұр-Сұлтанда вакцина салғызғандар 20 айфонның ұтысына қатысады

Елорда әкімдігі ұсынған ақпарат бойынша, смартфон ұтысы демеушілердің есебінен ұйымдастырылады.

"Аптасына екі iPhone12 ойнатылады. Бұл ұтыс ойынына медициналық мекемелерде, сауда үйлері мен сауда және ойын-сауық орталықтарында және тағы басқа орындарда орналасқан барлық вакциналау пункті қатысады. Сонымен қатар автоматты ұтысқа біраз бұрын екпе салғызғандар да қатысады. Оған қатысу үшін сауалнаманы толтыру немесе нөмір алудың қажеті жоқ", - деді әкімдіктегілер.

Жеңімпаз Birge платформасына қосылған сервис арқылы анықталады. iPhone12 ұтысына вакцинаны алған барлық адам қатысады.

@sputnik_aitady Ашу / Түсініктеме

2021-06-29 13:05:32 Тегін тамақ ішеді: Вакцина алған студенттер мен оқытушыларға бірнеше жеңілдік жасалады

Қазақстанның жоғары оқу орындары коронавирусқа қарсы вакцина салдырған студенттер үшін оқу ақысын төлеуге жеңілдік қарастырады, ал оқытушыларға материалдық ынталандыру жасайды, деп хабарлайды Sputnik Қазақстан білім және ғылым министрлігіне сілтеме жасап.

"COVID–19 індетіне қарсы екпе алған студенттер жоғары оқу орындарының мүмкіндіктеріне байланысты оқуға, жатақханада тұруға жеңілдіктер алып, түрлі сыйлықтарға ие болады. Осылайша жоғары оқу орындары халықтың денсаулығын қорғау үшін вакциналау қарқынын күшейту жұмысын қолдайды. Студенттер ғана емес, сонымен қатар жоғары оқу орындарының екпе салдырған оқытушылары да материалдық ынталандыруға ие болады", - делінген ресми хабарламада.

Студенттерге оқуға және жатақханада тұруға жеңілдік жасаудан бөлек, сауықтыру шипажайларына тегін жолдамалар, тегін тамақтану және қоғамдық көлікпен жүру талон Ашу / Түсініктеме

2021-06-29 07:41:44 Қазақстанда міндетті вакциналауды енгізу қажет – Мамин

Қазақстанда еңбек ұжымдарында, қызмет көрсету және білім беру саласында міндетті вакциналау енгізу қажет. Бұл туралы премьер-министр Асқар Мамин мәлімдеді.

"Әкімдер вакцина салу қарқынын күшейту керек, бұл әсіресе Маңғыстау, Атырау, Батыс Қазақстан облыстарына қатысты. Еңбек ұжымдарында, қызмет көрсету, білім беру саласында міндетті вакциналауды енгізу қажеттігі айқын", - деді премьер-министр үкімет отырысында.

@sputnik_aitady Ашу / Түсініктеме

2021-06-28 14:00:47 Балаева журналистер қауымын кәсіби мерекемен құттықтады

Ақпарат және қоғамдық даму министрі Аида Балаева қазақстандық журналистерді кәсіби мерекемен құттықтап, бұқаралық ақпарат құралдары қызметкерлерінің көптеген мемлекеттік процеске қосқан сүбелі үлесін жоғары атап өтті.

"Құрметті әріптестер, баршаңызды кәсіби мерекелеріңізбен шын жүректен құттықтаймын! Бұл, тек қана қалам ұстаған журналистердің ғана емес, ақпарат саласында жүрген барлық қызметкерге ортақ мейрам. Бұқаралық ақпарат құралдары мемлекет саясатының маңызды бағыттарының бірі. Себебі, медиа тек ресми ақпарат таратудың құралы емес, ол – ұлттық қауіпсіздік пен идеологияның да өзегі. Мемлекет саясатын түсіндіруге, халық пен билік арасын жалғайтын алтын көпір. Сондықтан, журналистердің қоғам алдындағы азаматтық және әлеуметтік жауапкершілікі өте жоғары", - деді Аида Балаева ақпарат және қоғамдық даму министрлігінің YouTube-арнасында жарияланған құттықтау сөзінде.

@sputnik_aitady Ашу / Түсініктеме

2021-06-28 13:41:36 Қазақстан президенті Қасым-Жомарт Тоқаев Ақордада Ресейдің федерация кеңесінің төрағасы Валентина Матвиенкомен кездесті.

Республика басшысы Федерация кеңесі төрағасының Қазақстан мен Ресейдің одақтас қарым-қатынасын дамытуға қосқан жеке үлесін жоғары бағалады.

"ТМД Парламентаралық ассамблея төрағасы ретінде атқарған жемісті, тиімді қызметіңізді жоғары құрметтейміз. Сіз көп жылдан бері парламенттік алаңда және парламенттік аядан тыс түрлі мемлекеттердің депутаттары арасындағы өзара іс-әрекеттестіктің тиімді органы ретінде қалыптасқан осы маңызды органды басқарып келесіз", - деді президент.

Сондай-ақ Қасым-Жомарт Тоқаев түрлі ел мен құрлықтағы өкілдер шақырылған парламентаралық ассамблея отырысының бірін еске алды.

@sputnik_aitady Ашу / Түсініктеме