Tengri.kz

2023-07-05 12:33:30 Желіде мынадай видео тарап жатыр. Астанада тұрғын үй кешенінің терезесінен тұрмыстық заттар лақтырылған. Олар бірінші қабатта орналасқан мейрамхананың орындықтары мен үстелдеріне құлаған.

Оқиғаға қатысты полиция қызметкерлері пікір білдірді.

"3 шілдеде 102-ге тұрғын үйдің жоғарғы қабатының терезесінен тұрмыстық заттар лақтырылып, мейрамхананың мүлкіне зиян келтірілгені туралы хабарлама келді. Бұл дерек бойынша 25 жастағы қыз анықталып, психикалық орталықтың жедел жәрдем бригадасына тапсырылды. Медициналық тексерістен кейін құқықтық баға беріледі". Ашу / Түсініктеме

2023-07-05 10:56:16 Желіде жүргізу куәлігінен айырылып, қамауда отырған әнші Төреғали Төреәлі Алматыда көлік айдап жүргені туралы хабар тарады. Полиция департаменті өкілдері бұл ақпаратқа қатысты түсінік берді. 

"Бұл - жалған ақпарат, яғни шындыққа жанаспайды. Әртіс Алматы полиция департаментінің әкімшілік-қамауға алынған тұлғаларға арналған арнайы қабылдау бөлмесінде әкімшілік қамауды өтеуді жалғастырып жатыр", - дейді тәртіп сақшылары. Ашу / Түсініктеме

2023-07-05 10:40:11 Соңғы жаңалықтар

- Қазақстандағы арнайы ХҚКО-лар 7 және 8 шілдеде жұмыс істемейді
- Абай облысында өрт толығымен сөндірілді. Бүгін таңғы сағат 7:15-те
- Дәулет Тұрлыхановтың ұлы 15 тәулікке қамауға алынды
- Қазақстанда диплом QR-код арқылы беріле бастады. Бұл функция дипломның түпнұсқалығын тексеруге мүмкіндік береді. Ашу / Түсініктеме

2023-07-05 08:38:58 Қазақстанда Астана есімді қанша адам бар?

Ұлттық статистика бюросының мәліметінше, елімізде Астана есімді 26 адам тұрады, оның 18-і ер, 8-і әйел. Бұл ретте елорда құрметіне 17 адамға Астана есімі берілген, қалғандарына 1998 жылға дейін осы есім қойылған.

Балаларына "Астана" сөзі кездесетін есім қойған қазақстандықтар да бар. Бұл қыздар арасында Астанай және ұлдар арасында Астанали, Нұрастана сияқты есімдер. Ашу / Түсініктеме

2023-07-05 08:06:38 Астананы көшіру геосаяси тұрғыдан өте дұрыс қадам болды - Тоқаев.

Президент Астананың 25 жылдық мерейтойына арналған бауырлас қалалар форумына қатысып жатыр.

"Өздеріңізге мәлім, елорданы көшіру оңай болған жоқ, қомақты жұмыс істелді. Бұл шешім өте күрделі кезеңде қабылданды. Ел экономикасы тоқырауда болды. Жұрт нарықтық қатынастарға толық бейімделмеген кез еді.

Осындай қиын жағдайда Нұрсұлтан Назарбаевтың бастамасы бойынша Астананы Ақмолаға ауыстыру туралы шешімді 1994 жылы 6 шілдеде қабылдады. Бас қаламыз ресми түрде 1997 жылы 10 желтоқсанда көшірілді. Ал осыдан 25 жыл бұрын 6 мамырда Ақмола атауы Астана болып өзгертілді. Елорданың жылнамасы Тәуелсіз Қазақстанның шежіресімен тығыз астасып жатыр. Шын мәнінде, астананы көшіру геосаяси тұрғыдан өте дұрыс қадам болды", - деді Президент. Ашу / Түсініктеме

2023-07-04 12:45:34 Алматы облысының әкімі Марат Сұлтанғазиев жалақысы қанша екенін айтты.

Шенеунік жалақыға еңбек өтілі әсер ететінін мәлімдеді.

"Барлық саяси мемлекеттік қызметшінің жалақысы бірдей және мемлекеттік қызметтегі жұмыс өтілін есепке алғанда екі миллион теңге болады. Менің 19 жылдық еңбек өтілім бар, жалақым - 2 миллион 414 мың теңге", - деді әкім. Ашу / Түсініктеме

2023-07-04 10:16:26 Қазақстанда бір аптада 8 бала терезеден құлап кеткен.

Төтенше жағдайлар министрлігі жыл сайын аптаптың басталуымен балалардың терезеден құлауынан болатын жазатайым оқиғалардың жиілеп кеткенін мәлімдеді. Негізгі қауіп - терезелердегі масаға арналған қорғаныш торлары.

Жазатайым оқиғалардың алдын алу үшін мына ережелерді сақтаңыз:

- баланың терезені өз бетімен ашуына жол бермейтін терезелерге блокаторларды орнатыңыз;
- бала шыға алатын жиһазды терезелердің алдында қалдырмаңыз;
- терезе сыртында қорғаныш темірі болмаса, масаға арналған торларды қолданбаңыз (бала оған сенімді түрде сүйенеді және баланың салмағына арналмаған тормен бірге құлап кетуі мүмкін);
- баланы ересектердің қарауынсыз, терезелері ашық, сондай-ақ өзі ашуға болатын бөлмеде қалдырмаңыз;
- балаларға ашық терезенің қауіпті екенін түсіндіріп, масаға арналған торлар әлсіз екенін ескерту керек. Ашу / Түсініктеме

2023-07-04 09:56:25 Мемлекет басшысының Жарлығымен Дәулетбек Құсайынов Қазақстанның Канададағы елшісі болып тағайындалды.

Бұған дейін ол Президент Әкімшілігінің Сыртқы саясат және халықаралық байланыстар бөлімінің меңгерушісі болған. Ашу / Түсініктеме

2023-07-04 08:44:50 Димаш секілді ән шырқаған жігіт Желіні тәнті етті.

Видео 100 мыңға жуық қаралым жинаған. Онда жігіт Димаш Құдайбергеннің "Махаббат бер маған" әнін шырқаған.

"Димаштың двойнигі, талант", - деп жазылған видеода.

Желі қолданушылары жігіттің өнеріне сүйсінген, тіпті оның құрылыста талантын қор етіп жүргенін жеткізген. Ашу / Түсініктеме

2023-07-04 08:22:35 Атырауда екі қайық соқтығысып, 9 адам зардап шеккен.

Жергілікті БАҚ мәліметінше, 5 ересек адам түрлі дене жарақатымен облыстық ауруханаға жеткізілді. Тағы 4 бала балалар ауруханасына түсті. Оның ішіндегі 6 жасар бала реанимацияға түсті, жағдайы ауыр.

Ал, катер жүргізушісі полиция басқармасына жеткізілді. Ашу / Түсініктеме