НӘЗІК ӘЙЕЛ♥

2022-04-14 17:07:10 САРҒАЙҒАН ПЕРДЕЛЕРДІ ЖУАЙЫҚ

Сарғайған ПЕРДЕЛЕРДІ жуу үшін мына процестерді орындау керек. Сонда нәтиже болады.

1-процесс

Легенге 5л жылы су құйып, 500гр тұз салып, ерітесіздер. Сарғайған перделеріңізді салып, 1-2 сағатқа қалдырасыздар. Уақыт өткеннен кейін ПЕРДЕНІ салқын суға шайып аласыздар.

2-процесс

Легенге жылы су құйып, порошок қосып, ПЕРДЕНІ саласыздар. 10мин қойып, жуып, салқын суға шайып аласыздар.

3-процесс

Легенге тағы жылы су құясыздар(5л). ПЕРДЕНІ салып, үстінен 5ас қасық 9% сірке суын қосасыздар. Сірке суы ПЕРДЕНІ жалтыратады.

Нәтижесі болады.

ПЕРДЕНІ жуғанда қатты ыстық су пайдаланбаңыздар Ашу / Түсініктеме

2022-04-13 16:58:25 ҚЫЗЫЛША ҚАЙНАТУДЫҢ ЕРЕКШЕ ӘДІСІ

Сіздерге қазір қызылшаны қайнатудың ерекше әдісімен бөлісемін

Ол үшін фальга керек.

Фальгаға қызылшаны орап, пешке 30-40мин салыңыз. Дәмі ерекше болады.

Орташа қызылша алған жақсы

Осы әдіспен қызылшаны пісіріп көрдіңізбе?

Сіздер қалай пісіресіздер? Құпияларыңызбен бөлісе отырыңыздар??? Ашу / Түсініктеме

2022-04-12 17:47:58 АСПИРИННІҢ СІЗ БІЛМЕЙТІН ПАЙДАСЫ

Асперинді біз бас ауырғанда ішіп жатамыз. Қазір сіздерге аспериннің басқа да пайдасымен бөліспекпін

Кеттік онда:

Безеу

Қабынуға қарсы қасиетінің арқасында аспирин теріні тыныштандырып, безеуді кішірейтеді. Ол үшін аспириннің 2-3 таблеткасын ұнтақтап, лимон шырынымен араластырамыз. Қосындыны безеуге жағып, бір минут шамасында ұстаңыз. Артынша жуып тастаңыз.

Бұл масканы күнге шығар алдында қолдануға болмайды

Жәндіктер шаққанда пайда болатын қышу мен ісінуді басады

Аспирин таблеткасын сумен араластырып, шаққан жерге жағып, бірнеше минутқа қалдырыңыз.

Қайызғақты кетіруге көмектеседі

Аспириннің 2 таблеткасын ұсақтап, өзіңізге жеткілікті мөлшердегі сусабынмен араластырыңыз.

Киімдегі терден қалған дақты кетіреді

Аспириннің бір таблеткасын жылы сумен араластырып, дақтарға жағып, бір түнге қалдырыңыз. Киіміңізді жуып аласыз.

Кесілген гүлдердің өмірін ұзартады

Гүл салынға ыдыстағы суға аспириннің 1 таблеткасын қосыңыз. Сонда, гүлдеріңіз ұзақ жайқалып тұрады. Ол дәрінің судағы pH-ты өзгертіп, бактериялардың көбеюін баяулатуымен байланысты. Бұл әдіс, әсіресе, раушан гүлі үшін тиімді.

Сіздер аспириннің қандай пайдасын білесіздер?? Ашу / Түсініктеме

2022-04-11 18:40:35 МАЙСАНА МАЙЫНЫҢ СҰЛУЛЫҚҚА ПАЙДАСЫ

Майсана майы - арзан және пайдасы мол. Сіздерге майдың пайдалы жақтарымен бөліспекшімін

Алақаныңызға аз мөлшерде май құйып, шашыңызға жасап жағыңыз. Аптасына бір рет жасау арқылы, нәтижесін көресіз. Бір айдан кейін шашыңыз қалыңдап, жылтырайтын болады.

Кесеге айран құйыңыз. Ыстық су құйылған ыдысқа кесені қойыңыз. Айран жылығаннан кейін 5 тамшы майсана майын тамызып, қоспа дайындаңыз. Дайын қоспаны басыңызға жағып, пакет киіп, оның үстінен сүлгімен ораңыз. 30 минуттан кейін шашты жуу керек.

Шашыңыз қалыңдап, түсуі азаяды

Майсана майы кірпік пен қас өсіруге көмектеседі. Ол үшін аптасына бірнеше рет кірпіктеріңізге майсана майын жағу керек.

Бетке массаж жасауға болады. Ас қасықты қыздырыңыз. Содан соң майсана майын құйыңыз. Бетке массаж жасаңыз.

Майсана майынан бетке арнап маска жасауға болады. Жұмыртқаның саруызы мен 10 тамшы майсана майынан қоспа дайындаңыз. Бетке жұқалау етіп жағып, 25 минуттан кейін жуып тастаңыз. Содан соң көк шаймен бетті шаюға болады. Сонда бетіңіз құрғақтанып кетуінің алдын аласыз.

Салқын ауа райы мен желді күні беттің қабыршақтануына жол бермейді

Сіз майсана майының қандай пайдасын білесіз? Ашу / Түсініктеме

2022-04-10 17:29:05 ҮЙ ЖАҒДАЙЫНДА ҚАЙЫЗҒАҚҚА ҚАРСЫ МАСКА ЖАСАУ

Қайызғақ көп қыз-келіншектердің негізгі проблемасы. Мен сіздерге үй жағдайында жасалатын маска түрін ұсынамын

Керек заттар

Майсана майы - 1ас қасық
Зәйтүн майы - 1ас қасық
Эфир майы(чайное дерево) - 3-4тамшы

Барлығын араластырып, шаш түбіне жағыңыз. Басыңызға пакет киіп, сыртынан жылылап бас киім киіңіз(30мин ұстайсыз).

Уақыт өткеннен кейін қайызғаққа қарсы шампуньмен жуып алыңыз. Ашу / Түсініктеме

2022-04-09 17:43:16 ҮЙ ЖАҒДАЙЫНДА ШЫНТАҚ ПЕН ТІЗЕНІ АҒАРТУ ЖОЛЫ

Осы әдісті қолданып, тізе және шынтақтарыңызды ағартып алыңыздар

Қырынуға арналған көбік
Қант

Екеуін араластырып, шынтақ пен тізелеріңізге жағыңыздар. Сосын губканың қырғыш жағымен ысқылаңыздар. Таза сумен жуып, ылғалдандырғыш крем жағыңыздар. Ашу / Түсініктеме

2022-04-08 16:47:35 ЖӨРГЕК МӘСЕЛЕСІ КӨП АНАНЫ ОЙЛАНДЫРАДЫ ДЕП ОЙЛАЙМЫН.

Жөргек (подгузник)- заманауи аналарға көмекші, балаға да ыңғайлы, бала бұты үнемі құрғақ болып, әрі ойылудан сақтайтын ең қажетті зат. Әрине, егер сіздің таңдаған жөргегіңіз сапалы болса.

Осы мәселеде көптеген сұрақтар туады:

. Дәрігер ханым, сіз жөргекке қарсы емессіз бе?

Жауап:
Мен жөргекке мүлдем қарсы емеспін. Егер балаға сапалы түрін таңдап, кигенде ыңғайсыздық, аллергия тудырмайтын болса, Анасы екі жөргек арасын 3 сағаттан кем етпесе, екі жөргек арасында 10-15 минут тынықтырып тұрса. Все, ок! Кие берсін.
Дәлелді медицина базасында жөргектің зияндылығы жайлы дәлел ақпарат жоқ!

Жөргектен ұл баланың аталық безі ( машонка) қатты ысуы себепті, баланың болашақта ұрпақ көбейту функциясына әсер етпей ме?

Жауап:
Жоқ. Емшек жасындағы ұл балаларда репродуктивті (көбею) функциясына аталық безі ысып кету әсер етпейді.Себебі, ұл балаларда аталық безінде сперматогенді эпителий баланың пубертанттық жасында- 12-13 жасында қалыптасады.Сондықтан, болашақта ұл бала бедеу болады, қызтеке болады деген жорамал өтірік!

Неліктек жөргектен соң аллергия, ойылу болады?

Жауап:
Егер сіздің таңдаған жөргегіңіз сапасыз (подделка) болса, балаға лайық емес марка болса, әрине аллергия беруі мүмкін. Сол себепті, балаңызға сай болатын жөргекті анықтап, кигізіңіз.Ойылу себебі: егер жөргек
3 сағаттан артық уақыт бойы ауыспаса жөргекке нәжіс сіңбейді. Нәжіс құрамында аммиак, бала терісін тітіркендіреді. Сонымен қатар, егер жөргек кигізер алдын баланың бұтын жақсылап құрғатпасаңыз, ылғалды тері тез ойылады.

Жөргек кигізер алдын,баланың бұты құп-құрғақ болуы керек! Сонда ойылу, қызару болмайды.

Егер жөргек кигізбеймін, баламды туыла сала тосып үйретемін десеңіз, өте тамаша. Бірақ, баланың беліне күш түсірмейтіндей, баланың омыртқасын тік ұстаған бойда тосыңыз.

Жөргек кигіземін, мен нашар анамын демеңіз.Әркімге өз ыңғайы, дайын тұрған сапалы жөргегіңіз болып тұрса, неге кигізбеске.Уақыт үнемдейсіз, балаға да ыңғайлы!

Сіз жөргек кигізесіз бе? Қай марка жақсы? Ашу / Түсініктеме

2022-04-07 15:44:39 ҚЫЗ БАЛАНЫҢ ЖЕКЕ ГИГИЕНАСЫН ӘР АНА БІЛУІ КЕРЕК.

Қыз бала-болашақ ана! Жеке гигиенасын дұрыс сақтау- қыз баланың денсаулығының кепілі!

Қыз бала нәресте кезінен бастап, интимді гигиенасына көбірек көңіл бөлуіміз керек. Жас нәрестенің жыныс ағзаларының анатомиялық ерекшелігіне байланысты инфекция енуі оңайласады. Сол үшін қыз баланың жеке тазалығына, жөргегін, жуынғыш заттарын, сүртінетін орамалын, іш киімін таңдауда аса көп мән береміз.

Қыз баланың жөргегі гипоаллергенді, іш киімі мақталы матадан жасалған, ауа өтіп тұратындай болуы керек.Өзіне кең болып тұрсын. Қыз бала киімін үлкендердің киімімен бірге жууға болмайды. Балаларға арналған жуғыш затпен, жеке жуу керек.

Кез-келген жастағы қыз бала әр үлкен дәретке барған сайын кіші дәрет алуы (жуынуы) тиіс. Себебі, үлкен дәрет қалдықтары баланың терісін тітіркендіреді, қызартады және үлкен дәреттегі бактерия (E.coli) зәр шығару тесігіне еніп, жоғары қарай жылжып, қуыққа, бүйрекке жетеді. Қуықта цистит, Бүйректің қабыну ауруына ұшырату қауіпі бар.

Қыз баланы жуындырған кезде, сол қолымызбен баланы ұстап, ішке қарай тартып ұстап, оң қолымызбен жыныс мүшесінен бастап, тік ішекке қарай бағыттып жуамыз .

Қыз баланы күнде ұйықтар алдын жуындырамыз. Су 37-38°С болуы керек. Жуынғыш заттар, сабын қолдануға болмайды.Ол заттар жыныс және зәр шығару мүшелерінің құрғап қалуына алып келеді.Баланың бұтын сүртуге арналған жеке арнайы орамалы болуы керек.Сүрткенде қатты ысқылап сүртуге болмайды, жарақаттап алуымыз мүмкін.

Жас нәрестенің жыныс мүшесіндегі үлкен ерінінде орналасқан майлы бөліндіні мақта тампонмен тазалап отыру керек.Ол бөлінді қышу сезімін беріп, ары қарай қабынуға әкелуі мүмкін.
Екі жөргек арасында 5 минут ауалы ваннада тынығуы тиіс.

Қыз бала өскен сайын онымен тығыз байланыста болып, жеке гигиенасын дұрыс ұстауын, қалыпты бөліндіні дұрыс қабылдауын, өзінен басқа адаммен іш киімін алмастырып кимеуін айтып түсіндіруіңіз керек.

Егер қызыңызда мына белгілер болса, дәрігерге жүгініңіз:
Жыныс мүшесінен өткір иіс болса;
Қанды, қоңыр сары бөлініс ;
Жыныс мүшесі айқын қызару-вульвит болса;
Синехия- жыныс еріндері жабысып қалса.

Қыз балаңыздың жеке гигиенасына жақсы көңіл бөлесіз бе? Ашу / Түсініктеме

2022-04-06 16:21:29 БАЛА ТҮҢГІ ҰЙҚЫСЫНДА НЕ СЕБЕПТІ ЖЫЛАЙДЫ?

Осы сұрақ Аналар тарапынан жиі қойылады. Жауап беріп өтемін.

Бала ұйқысында әр түрлі себептерден жылайды:

Қарны ашу. 1 жасқа дейінгі балалардың негізгі асы ана сүті болған соң, қарны тез ашады. Түңгі уақытта қарны ашқаннан омырау сұрап жылайды. Ана сүті тез қортылады. Сол үшін, баланы ұйықтатар алдын емізіп жатқызған дұрыс.

Стресс. Баланың күндізгі уақытта қандай эмоциясы басым болды, ұйқысында сол эмоцияны шығарады. Мысалы, күндіз бала үшін стрессті жағдайлар орын алған болса, анасынан ажырап қалса, көбірек жылаған болса, ұйқысында да жылап көрсетеді.

Ұйқысы. Балалар беткей ұйқыдан, терең ұйқыға ауысар сәтінде оянып кетеді. Егер баланы қандай тәсілмен ұйықтатқан болсаңыз, терең ұйқыға ауысар сәтінде соны сұрайды. Мысалы, емізіп ұйықтатсаңыз, омырау сұрап
жылайды.

Температура. Бала үшін бөлме температурасы 22°С тан аспау керек. Егер бөлме тым ыстық немесе бала жаурап қалатындай салқын болса, бала түңгі ұйқысында мазасызданып жылайды.

Ауырсыну. 3 айға дейінгі балаларда іш ауруы болады. 1 жасқа дейінгі балаларда тіс шығуы кезде ауырсыну. Дене қызуы көтерілгенде, тамағы ауырғанда, іші ауырғанда бала түңгі ұықысында жылап оянады.

Ps. Ұлымның тісі шығып жатқан усқытында түнде дене қызуы көтеріліп жиі оянады.

Балапаныңыздың түнде жылап оянатын кездері бола ма? Ашу / Түсініктеме

2022-04-05 16:33:18 ЭНУРЕЗ- БАЛА ЗӘРІН КҮНДІЗ ЖӘНЕ ТҮНДЕ ҰСТАЙ АЛМАУЫ. БҰЛ ЖАҒДАЙ БАЛА ДЕНСАУЛЫҒЫНДАҒЫ БІР АУРУДЫҢ КӨРІНІСІ БОЛУЫ МҮМКІН..

Энурез- балада күндіз және түнде зәрін ұстай алмауымен көрінетін жағдай. Балаға ұйқыда кіші дәретке бару сигналы келмейді.

Не себептен болады?

Энурез пайда болуы 2 жағдайда:
Біріншілік- туа пайда болады ( тұқымқуалаушылық);
Екіншілек - жүре пайда болған жағдай (белгілі бір ауру, травма, стерсс ).

Энурезге алып келетін жағдайлар:

Егер бала ауыр стресстік жағдайды басынан өткерсе. Отбасылық конфликтік (ұрыс) жағдайлар жиі орын алатын болса. Сонымен қатар әке-шешесі тазалыққа тым қатал қараса. Баланы горшокқа мәжбүрлі түрде үйрететін болсақ , бала зәр келу сигналын білмей қалады.Немесе, баланы уақытылы қадағалап кіші дәретке өздігінен баруды үйретпегенненде энурезге әкеледі.
Тұқымқуалаушылық жағдай. Әкесі немесе анасында болған болса балаға беріледі.Зәрді реттейтін антидиуритикалық гормонға қуық бұлшықеті сезімталдылығы нашар болғаны себепті зәрді ұстай алмайды.
Балада жүйке-жүйесінің аурулары, басынан травма алған жағдайлары болса. Орталық жүйке-жүйесі дұрыс дамымағандықтан, зәр келу сигналын басқара алмайды. Және қуықтың жүйке талшықтарымен нервтенуі бұзылысы болады. Қуық ештеңені сезбейді.
Балада жасырын немесе ашық зәр-шығару жүйесінде аурулары және тік ішекте проблема бар болса.

Не істейміз?

Баланы уролог, нефролог, проктолог, невропатолог мамандарына тексерту керек.
Осы жағдайға алып келген себепті анықтап, ем-шара жүргізеді.
Сізден көмек, балаға тек мейірім, комфорт силаңыз! Түнде жиі тосып тұруға да болады.
Магний тұзымен баланы аптасына 1-2 рет шомылдырсақ болады. Жүйкені тыныштандырғыш қасиетке ие.

Бала жатар алдын көөп мөлшерде су ішсе де түңгі зәрін ұстай алмауы мүмкін.

Баланың 5 жасқа дейін айына 2-3 рет түңгі зәрін ұстау алмауы энурезге жатпайды.Бұл жаста бала жүйке-жүйесі толық дамымаған. Сонда да, баланы жылы сөзбен кіші дәретке баруды 1 жас 6 айынан бастап үйреткен абзал! Одан ерте үйретсе, тіптен жақсы.Ең бастысы, балаға стресс алып келмейік!

Түңгі зәрін ұстай алмайтын балапандар барма сіздерде? Неше жаста? Ашу / Түсініктеме