Татар ядкарьләре

2023-06-01 08:30:11 Шундый якты, шундый көләч
Беренче көне җәйнең,
Назлап кына сыйпап сөя,
Кочагыдай әнинең.

Балаларны яклау көне-
Шундый матур бәйрәм бар,
Мәйдан тулы бала-чага,
Балаларга урын тар.

Бәхетле безнең балачак,
Яклау-саклаулы булгач,
Чыңлап тора җырларыбыз,
Чәчкәгә, нурга тулгач.

(В. Ураксина)
#шигырь_ТЯ Ашу / Түсініктеме

2023-05-31 18:30:39 Миләүшә апабыз имләүләргә бәйле хикмәтләр тыңларга яратучыларны кабат үз янына дәшә. Бүгенге сүзе көмәнле ханымнар халәтенә бәйле.
#им_том Ашу / Түсініктеме

2023-05-31 18:00:14 Ашу / Түсініктеме

2023-05-31 16:18:26 Җәй чәчәкле болыннары, күңелгә хуш кошлар тавышы, тәмле җиләк-җимешләре белән генә түгел, яшеннәре, яңгырлары, көчле давыллары, өермәләре белән дә билгеле. Шуңа күрә элек-электәннән, җәй башлануга, әби-бабаларыбыз, атлаган саен хәвефсез җәйләр сорап, теләктә торуны мәслихәт күргәннәр.
Теләктән тыш төрле им-томнар, ырымнар да башкарганнар. Бүген шуларның берсе - өермә булган очракта башкарыла торганын сөйлисе иттек.
Ульян мишәрләре кисәк башланган өермәгә карап, капка төбеннән:
Өермә, өермә,
Син мине күрмә,
Мин чебелдек астында
Син урам уртасында", - дип кычкыра торган булганнар.
Казан артында яшәүче татарлар көчле яшен белән бергә өермә күтәрелсә, ишек алдына мич төбе себерә торган пумаланы "җылы яңгырлар булсын, йомшак яңгырлар булсын, ашлыкларны бозмасын, йортларыбыз тузмасын" дип ата торган булганнар.
Тау ягы авылларында бозлы яңгырлар белән өермәләр килсә, ишек алдына ипи көрәкләре, кисәү агачлары, мич капкачлары тотып атканнар. Ашу / Түсініктеме

2023-05-31 12:04:46 Тарихчы, археограф, Казан университеты археография экспедицияләрен оештыручыларның һәм җитәкчеләренең берсе, Татарстан Фәннәр академиясе академигы Миркасыйм Госманов (31.05.1934-11.10.2010).
Нәсел җепләре белән Әтнә районына тоташкан М. Госманов Кытайда, Кульджа шәһәрендә туа. Шунда ук татар мәктәбендә белем алып, кирилл, гарәп графикасында да укырга өйрәнә. Төрле милләтләр яшәгән регионда үсүе күп кенә төрки телләрне өйрәнүгә җирлек була.
М.Г.Госманов Идел буеның урта гасырлар тарихына нисбәтле бер төркем язма чыганакларны, шул исәптән Таҗетдиннең «Әт-Тиръяк әл-кәбир» («Агуланулардан көчле дәва») әсәрен, текстлары XVII–XIX йөзләрдә язма рәвештә теркәлгән татар фольклор ядкәрләрен ачыклый һәм фәнни әйләнешкә кертә.
#бу_көн_туган_көн
#шәхесләребез Ашу / Түсініктеме

2023-05-31 09:00:54 Кем әгәр мәңге дисә бу дөньяны,
Дөньяның нинди эше белсен аны.
Бар галәм юкка чыгар беркөн килеп,
Һәм түгел бер җан иясе мәңгелек.

"Җөмҗөмә" дастаныннан
#2023дастан_елы Ашу / Түсініктеме

2023-05-30 18:34:01 Бәлешнең төрләре берничә икәнен инде беләсез булыр. Нурфия апабыз бүген аның хвалын  мишәрләрендә әзерләнә торганы белән таныштырасы иттерә. Бу бәлеш бик ансат әзерләнүе белән аерылып тора. Бәлки безгә ияреп пешереп карарсыз?!
#татар_ризыклары Ашу / Түсініктеме

2023-05-30 18:00:48 Ашу / Түсініктеме

2023-05-30 15:04:37 Татар ядкарьләре pinned a photo Ашу / Түсініктеме

2023-05-30 14:49:13 Татар этномузыкологиясенең күренекле вәкиле, Казан Дәүләт консерваториясе укытучысы, киң эрудицияле, башкаларга да, үзенә дә искиткеч таләпчән кеше, татар музыкасы тарихының нигез ташларын салган шәхесләрнең берсе, олпат агабыз Нәкый Исәнбәтнең бердәнбер кызы - Йолдыз Исәнбәт (30.05.1936-04.05.2021)
#бу_көн_туган_көн
#шәхесләребез Ашу / Түсініктеме