Мәссаған... масқара!!!

2022-08-06 11:05:00 Алматыда ер адам автобуста бұрынғы әйеліне пышақпен шабуыл жасады

Алматыда ер адам бұрынғы әйелін өлтірмек болып, пышақпен шабуыл жасаған. Жаға ұстатарлық видео әлеуметтік желіде жарияланды.

Белсенді Дина Смаилованың мәліметіне сәйкес, оқиға 31 шілдеде 22:30 шамасында №38 автобуста болған. Ер адам бұрынғы әйелін төрт күн бойы аңдыған. Алайда әйел жұмысынан басқа есік арқылы шығып, қашып жүрген. Сол күні ер адам әйелді алдап, артынан еріп автобусқа бірге мінген.

Алатау ауданында полицейлер ер адамды тек 15 тәулікке қамауға алған. Алайда құқық қорғаушы мұндай жазамен келіспеді. Полиция департаменті бұл жағдайға қатысты пікір білдіріп, сот-медициналық сараптама тағайындалғанын мәлімдеді.

Фото: видеодан үзінді

@massagan_maskara Ашу / Түсініктеме

2022-08-06 08:29:59 5G Қазақстанда қашан қолжетімді болады?

Цифрлық даму, инновация және аэроғарыш өнеркәсібі вице-министрі Асхат Оразбек "Цифрлық Қазақстанға бетбұрыс" атты халықаралық форумында Қазақстанда 5G қашан қолжетімді болатыны туралы сауалға жауап берді.

Оның айтуынша, қазіргі таңда Нұр-Сұлтан, Алматы, Шымкент қалалары мен Түркістан облысы 5G желісімен қамтылған.

Вице-министрдің cөзіне сенсек, ведомствоның 5G желісін енгізу бойынша нақты ұстанымы бар. Бұл жұмысты министрлік телекоммуникация операторларымен бірге атқарады.

"Меніңше, алдағы екі жылдың ішінде тұрғындар еліміздің аумағында 5G желісінің қолжетімділігін сезеді", – деп атап өтті Асхат Оразбек.

@massagan_maskara Ашу / Түсініктеме

2022-08-05 15:14:00 Павлодар облысының тұрғынын үш ауылдасы буындырып өлтірген

Павлодар облысы қылмыстық істер бойынша мамандандырылған ауданаралық сотына Железинск ауданындағы кісі өліміне қатысты қылмыстық іс түскен. Іс материалдарына сәйкес, үш азамат ауылдасын буындырып өлтірген.

Әкесі мен ұлы және тағы бір ауыл тұрғынына жанжал кезінде жерлестерін буындырып өлтірді деген айып тағылған. Төбелестен кейін 49 жастағы үй иесі марқұмның мойнына капрон жіп салып, буындыра бастаған. Жіп үзіліп кеткен соң, қонаққа келген ауыл тұрғыны оған металл арқан алып келген. Ал бұл кезде 29 жастағы ұлы марқұмды ұстап тұрған.

Ер адам мерт болған соң үй иесі, ұлы мен ауылдасы мәйітті ауыл сыртына шығарып, орманда көміп тастаған.

@massagan_maskara Ашу / Түсініктеме

2022-08-05 11:59:01 Петропавлда мүгедектігі бар қыз топпен зорланған

Петропавлда мүгедектігі бар қызды үш ер адамның зорлағаны жайында ақпарат әлеуметтік желіде таралды. Полиция екі күдіктіні анықтады.

Оқиға 3 тамызда болған. Зардап шеккен арудың танысының айтуынша, ол бойжеткеннің ақыл-есінің кемістігі бар, анасы да ауырады. Көпқабатты үйдің ауласында әткеншек теуіп отырған жерінен оны көршілерінің бірі қасындағы жалға берілетін пәтерге алып кеткен. Ол жерде тағы екі ер адам болған. Тек таңертең ғана жіберген.

Полиция мәліметінше, СҚО-ның 48 және 32 жастағы екі тұрғыны ұсталған.

“Қазіргі уақытта осы дерек бойынша тиісті сараптамалар тағайындалды, қажетті тергеу амалдары жүргізіліп жатыр. Оның нәтижесі бойынша заңды процессуалдық шешім қабылданады. Қалған ақпарат ҚР ҚПК 201-бабына сәйкес жария етілмейді”, – дейді полиция департаментінен.

@massagan_maskara Ашу / Түсініктеме

2022-08-05 09:30:22 Ұзынағаш ауылында атыс болып, бір адам көз жұмды

Алматы облысындағы Ұзынағаш ауылында атыс болып, бір адам көз жұмды. Тағы екі адам жарақат алған.

Облыстық полиция департаменті ұсынған мәліметке сәйкес, 4 тамызда 16:20 шамасында Ұзынағаш ауылындағы ауруханаға оқ жарақатын алған үш адам жеткізілген. Алайда жансақтау бөліміне жеткізілген соң жарақат алғандардың бірі көз жұмған.

Алдын ала мәлімет бойынша, жергілікті тұрғындар арасында атыс болған. Қазір жанжалға қатысқандардың жеке тұлғасы анықталған, оларды қолға түсіру бойынша шаралар жүзеге асырылып жатыр.

@massagan_maskara Ашу / Түсініктеме

2022-08-05 07:28:50 Қазақстан инновацияларды дамыту рейтингінде 79-шы орында

Инновацияларды дамыту рейтингінде Қазақстан 132 елдің ішінде 79-шы орыннан көрінді.

Ranking.kz мониторинг жобасы әлем елдерінің инновациялық даму көрсеткіштерінің жиынтығына зерттеу жүргізген еді. Тізімді Швейцария, Швеция мен АҚШ бастаса, ТМД елдерінің ішінде Қазақстаннан жоғары көрсеткіш Украина, Ресей, Беларусь, Молдова және Арменияда. Төменгі рейтингте – Әзербайжан, Өзбекстан, Қырғызстан және Тәжікстан орналасқан.

Өткен жылға арналған 28,2 мың компанияның тек 3 мыңында ғана инновациялар бар екен. Инновациялар саласындағы белсенділік деңгейі 10,5%-ды құрады. Елдегі инновациялық белсенділіктің ең жоғары деңгейі елордада байқалды — 13,5%.

@massagan_maskara Ашу / Түсініктеме

2022-08-04 14:51:01 Әнші Ғаділбек Жанайдың үстіне баннер құлап кетті

Әнші өзінің Instagram парақшасында оқиға орнында түсірген фотоны жариялады. Әрдайым әзілдеп жүретін, өмірге позитивпен қарайтын әнші бұл жағдайды да жеңіл қабылдағанын жеткізді.

"Өмір лимон берсе, лимонад жасап ал деген видео", — деп жазды әртіс.

Әнші үстіне баннер құлап кеткеніне қарамастан, әнін жалғастырған. Ал оның әріптес достары жанына жүгіріп келіп, көмек көрсетті.

Фото: видеодан үзінді

@massagan_maskara Ашу / Түсініктеме

2022-08-04 13:00:54 ДДСҰ басшысы Тедрос Гебрейесус Қазақстанға келді

ДДСҰ басшысы Тедрос Адханом Гебрейесус Алматыға бейресми сапармен келді.

Ұйым басшысы Асфендияров атындағы Қазақ ұлттық медицина университетіне барды. Білім ордасы медициналық университетте Денсаулық сақтау министрі Ажар Ғиният шет елдік қонақты қарсы алғанын хабарлады. Сондай-ақ Гебрейесус университеттің құрметті қонақтары кітабына естелік жазба қалдырған екен. Сапар барысында қазақстандық ғылым мен медицинаның жетекші қайраткерлері – ҚазҰМУ профессорларымен кездесті, әлемдегі эпидемиологиялық жағдайдың дамуы туралы сұрақтарға жауап берді.

ҚазҰМУ ректоры Марат Шоранов ДДСҰ басшысына Қазақстанның жетекші медициналық университетіне келгені үшін алғысын білдірді.

@massagan_maskara Ашу / Түсініктеме

2022-08-04 11:22:21 Алматыда полиция көлігі әйелді қағып кетті

Алматыда полиция автокөлігі жолдан өтіп бара жатқан әйелді қағып кетті, азаматша оқиға орнында көз жұмды.

Полиция қызметкерінің жаяу жүргіншіні қағып кету туралы ақпаратты қалалық полиция департаменті растады.

"Полицияның қызметтік көлігін тізгіндеген 1993 жылғы азамат – патрульдік полиция полкінің қызметкері Жансүгіров көшесімен оңтүстік бағытта келе жатып, Ақпаев көшесімен қиылыста 49 жастағы әйелді қағып кетті. Өкінішке қарай, әйел оқиға орнында көз жұмды", — делінген департамент хабарламасында.

Полиция қызметкері уақытша ұстау изоляторына қамалды.

Фото: zakon.kz

@massagan_maskara Ашу / Түсініктеме

2022-08-04 08:22:02 Қазақстанда коронавирустың таралу қарқыны артуда

3 тамыз күні 2792 қазақстандықтан коронавирус инфекциясы ПТР-тест нәтижесі арқылы расталды. Вирустың таралу қарқыны Нұр-Сұлтан, Алматы қалаларында және Қарағанды облысында жоғары:

- Нұр-Сұлтан қаласында – 847 жағдай;
- Алматы қаласында – 435 жағдай;
- Қарағанды облысында - 361.

Жалпы, Қазақстанда инфекция жұқтырғандар саны пандемия басталғалы бері 1 360 068 адамды құрап отыр.

Фото: AP Photo

@massagan_maskara Ашу / Түсініктеме