Paziyletuz | Рәсмий канал

2021-03-30 06:45:17 #ҳәдис #зикир

Расулуллаҳ саллаллаҳу алайҳи ўа саллам: «Мен ҳәм меннен алдын жиберилген пайғамбарлардың айтқан сөзлери ишинде ең абзалы «Ләә иләәҳә илләллооҳу ўаҳдәҳу ләә шәрийкә ләҳ» кәлиймасы», деген.

Мәниси: Аллаҳтан басқа иләҳ жоқ. Ол жалғыз. Оның шериги жоқ.

Ләә иләәҳә илләллооҳу ўаҳдәҳу ләә шәрийкә ләҳ!

Ләә иләәҳә илләллооҳу ўаҳдәҳу ләә шәрийкә ләҳ!

Ләә иләәҳә илләллооҳу ўаҳдәҳу ләә шәрийкә ләҳ!



Бизди социаллық тармақларда бақлап барың!

Телеграм| Facebook| Instagram| Youtube

Интернет сайтымыз: paziylet.uz Ашу / Түсініктеме

2021-03-30 05:30:15 #рамазан_кирип_келмекте #ҳәдис #мағлыўмат

РАМАЗАН АЙЫНЫҢ ПАЗЫЙЛЕТИ

Әбиў Ҳурайра разыяллаҳу анҳудан рәўият қылынады:
«Нәбий саллаллаҳу алайҳи ўа саллам:
«Сизлерге мүбәрек Рамазан айы келди. Аллаҳ азза ўа жалла сизлерге оның оразасын тутыўды парыз қылды. Онда аспанлардың есиклери ашылады. Онда жәҳәннемниң есиклери жабылады. Онда өз басымша шайтанлар кисенленеди. Онда Аллаҳтың бир түни болып, ол мың айдан жақсы. Ким ол түнниң жақсылығынан бос қалса, ҳақыйқатында да бос қалыпты», – деди».
Насаий ҳәм Байҳақий рәўият қылған.

Шолыў: Бул ҳәдистен алынатуғын пайдалар:

1. «Рамазан айы мүбәрек ай екени».
Басқа айлардың ҳеш бири бул сыпат пенен сыпатланбаған. Рамазан айы жылдың он еки айы ишиндеги ең абзалы, ең берекетлиси, ең уллысы. Ол – он еки айдың султаны.

2. «Аллаҳ таала мусылманларға Рамазан айы оразасын парыз қылғаны».
Яғный, Рамазан айының оразасын тутыў ҳәр бир бендеге Аллаҳ тәрепинен енгизилген парыз екенин билдириў.

3. «Онда аспанлардың есиклери ашылады».
Сол есиклерден Аллаҳтың мийрими, берекет жаўылады. Мийрим периштелери түседи. Бенделердиң тутқан оразалары, қылған жақсы әмеллериниң саўаплары бир неше есе көбейип аспанға көтериледи.

4. «Онда жәҳәннемниң есиклери жабылады».
Сол мүбәрек айдың ҳүрметинен жәҳәннем есиклери жабылып, оған кириў ўақтынша артқа сүриледи. Адамларға Аллаҳтың мийрими болып, оларға жақсы имканиятлар жаратып бериледи. Ораза тутып, ибадат қылған адамлар жәҳәннемнен қутылады.

5. «Онда өз басымша шайтанлар кисенленеди».
Рамазан айы шарапатынан өз басымша шайтанлар кисенленип, ораза тутқан мөминлерди ўасўаса қыла алмайды. Ораза тутқанлар биймәлел қайрлы ислерин ҳәм ибадатларын орынлайды.

6. «Онда Аллаҳтың бир түни болып, ол мың айдан жақсы».
Бул түн – Қәдир түни. Ондағы ибадат ҳәм жақсылықларға берилетуғын саўап ҳәм қайыр-берекетлер сондай дәрежеде көп. Ким сол мүбәрек түнди уйқы менен, бийҳуўда өткизсе, бәрше жақсылықлардан бос қалыпты.
Бул ҳәдисти турмысымызда қолланыўымыз, мүбәрек Рамазан айынан толық пайдаланыўды үйрениўимиз лазым. Рамазан күнлерин ораза ҳалда, түнлерин ибадат пенен өткизиўимиз керек. Қәдир түни де бийҳуўда өтпеўи лазым.

https://t.me/joinchat/AAAAAEUZPAm6wk-2LZebeQ Ашу / Түсініктеме

2021-03-30 04:55:12 #дуўа

АЗАНДА ҲӘМ КЕШҚУРЫН
ОҚЫЛАТУҒЫН ЗИКИР

Расулуллаҳ саллаллаҳу алайҳи ўа саллам: "Ким
ҳәр күни азанда ҳәм кешқурын "Родийту билләәҳи Роббәә, ўә бил Исләәми дийнәә, ўә би Муҳаммәдин соллаллооҳу аләйҳи ўә сәлләмә Нәбиййәә, ўә Росуўләә " деп үш мәрте айтса қиямет күни Аллаҳтың разылығын табады", деди.

Зикирдиң мәниси: "Аллаҳты Рәбб, Исламды дин, Муҳаммад саллаллаҳу алайҳи ўа салламды Нәбий ҳәм Расул деп разы болдым".



Бизди социаллық тармақларда бақлап барың!

Телеграм| Facebook| Instagram| Youtube

Интернет сайтымыз: paziylet.uz Ашу / Түсініктеме

2021-03-30 04:40:13 Ассаламу алайкум!

Бүгин Сийшемби күни



Сийшемби күниңиз қайырлы болсын!

30-Март 2021
16-Шаъбан 1442




Аллаҳ таала бүгинги күниңизди тынышлық ҳәм аманлықта, жақсы кейпиятта, саўаплы әмеллер менен толы болып өтиўин сизге несип етсин!


https://t.me/joinchat/AAAAAEUZPAm6wk-2LZebeQ Ашу / Түсініктеме

2021-03-29 20:20:30 #рамазан_келмекте

Телеграм| Facebook| Instagram| Youtube

Интернет сайтымыз: paziylet.uz Ашу / Түсініктеме

2021-03-29 18:31:07 "ӘКЕҢ КИЯТЫР!.."

Перзент ушын ўақты таўсылмайтуғын ең мықлы антивирус - ол анасы. Еркек - дүздиң адамы. Сонлықтан бала көбинесе анасына жақын болып өседи. Бала көп нәрсени өзи улыўмаластырып, шешим қабыллай алмағанлықтан, барлық исте анасының айтқанына жүгинеди. Анасы жақсы көретуғын адамларды ериксиз түрде ол да жақсы көреди. Анасы биреўге өкпелеп қалса, баланың жүрегинде де сол адамға деген ренжиў пайда болады.

*
Егер ҳаял үйинде отырып күйеўин жаманлай беретуғын болса ямаса балаларының көзинше оған ҳүрмет көрсетпесе, ертең балалары да тап сондай әкесин сыйламайтуғын болады. Оның сөзин зорға тыңлап, адам қурлы көрмейди.

Ал ақыллы ҳаял
"Әкең киятыр!"
"Ҳәзир әкең келеди!"
"Әкең ренжийди"
"Әкеңнен сора"
деген сөзлерди жийи-жийи айтыў арқалы бала санасына әкеге деген өз алдына ҳүрмет пенен сыйласықтың урығын егеди.

Бүгин әкесинен қаймығып, керек гезде оның көз-қарас, қабағынан тайсалып өскен бала ертең жәмийетке опалы, жас-үлкенди сыйлайтуғын тәрбиялы, салмақлы болып өседи ҳәм өзге биреўге емес, ең алды менен, өз әкесине еликлейтуғын болады!

Демек, бул - перзент тәрбиясындағы ең пайдалы тәсирлердиң бири.

https://t.me/joinchat/AAAAAEbfMm7dfVmRGUVSJA Ашу / Түсініктеме

2021-03-29 17:14:01 #ораза

Нөкис ўақты менен ашыў ўақты:

Ифтарлық: 19:24

Тутқан оразаларыңыз Аллаҳ дәргайында қабыл болғай!

Бизди социаллық тармақларда бақлап барың!

Телеграм каналымыз: @paziyletuz
Инстаграм каналымыз: @paziyletuz
Интернет сайтымыз: paziylet.uz Ашу / Түсініктеме

2021-03-29 16:16:07 #ҳәдийс #дуўа

АЛЛАҲТЫҢ ҚӘЛЕЎИ

Анастан рәўият қылынады:
«Нәбий саллаллаҳу алайҳи ўа саллам көбинесе:
«Аллооҳуммә я муқоллибәл қулуўб саббит қолбий ъаләә дийник», – деп айтар еди».

Дуўаның мәниси: «Аллаҳым! Ҳәй қәлблерди айландырып турыўшы Аллаҳ! Қәлбимди диниңде беккем қыл!»

Шолыў: Инсан қәлби тез өзгериўшең нәрсе. Араб тилинде «қәлб» сөзи «өзгериў», «айланыў» киби мәнилерди аңлатады.
Қәлбтиң тез өзгериўшеңлиги Қураны кәрийм ҳәм ҳәдиси шәрийфлерде тез-тез еслетип турылады. Усы ҳәдис те сондай еслетпелерден бири. Инсан тез-тез Аллаҳ тааланың зикирин қылып турса, қәлби жумсайды, мүләйим болады, сезиниў тәжирийбеси раўажланады. Усы ҳәдиси шәрийф те бизлерге әне сол ҳақыйқатты еслетпекте.
Қәлблер дүньядағы ҳәмме нәрсе Аллаҳ тааладан екенин жақсы биледи. Инсанлар еки дүнья саадаты Аллаҳтың ықтыярында екенин жақсы биледи. Сондай болғанынан соң, неге Аллаҳтан қәлблерди Өз дининде беккем етиўин сорап дуўа қылмаў керек?!
Бенде ушын қәлбиниң динде беккем болыўы еки дүнья утысының негизги себеби.
Соның ушын да, Расулуллаҳ саллаллаҳу алайҳи ўа саллам бул дуўаны көп айтар еди.

https://t.me/paziyletuz Ашу / Түсініктеме

2021-03-28 18:21:09 #ораза #ҳәдис

Ертең ораза тутпақшы болғанлар ушын...

Әзизлер, биз мүбәрек шаъбан айында турмыз. Бул айда Пайғамбарымыз саллаллаҳу алайҳи ўасаллам басқа айларға қарағанда көбирек ораза тутар еди.
Сондай-ақ, ертең дүйшемби. Бул күн ҳаққында Пайғамбарымыз алайҳиссалам: "Әмеллер ҳәр дүйшемби ҳәм пийшемби күнлери Аллаҳға көрсетиледи. Мен әмелим ораза тутқан ҳалымда көрсетилиўин жақсы көремен", дейди.

Нөкис ўақты менен:

- Сәҳәрлик: 05:31
- Ифтарлық: 19:24

Бизди социаллық тармақларда бақлап барың!

Телеграм каналымыз: @paziyletuz
Инстаграм каналымыз: @paziyletuz
Интернет сайтымыз: paziylet.uz Ашу / Түсініктеме

2021-03-28 16:46:05 #ораза #ҳәдис #керек

Бараат түни ҳәм ораза...

Әзизлер, биз мүбәрек шаъбан айында турмыз. Бул айда Пайғамбарымыз саллаллаҳу алайҳи ўасаллам басқа айларға қарағанда көбирек ораза тутар еди.
Сондай-ақ, бул айдың 14-сәнесинен 15 ине өтер түни (бүгин) мүбәрек Бараат түни есапланады.

Бәршени бул күнлерди ғәниймет билип, ибадатлар менен өткериўге шақырамыз!

Ораза тутыўды нийет еткенлерге аўыз жабыў ҳәм аўыз ашыў ўақытлары:

Нөкис ўақты менен:

29-март
- Сәҳәрлик: 05:31
- Ифтарлық: 19:24

30-март
- Сәҳәрлик: 05:29
- Ифтарлық: 19:25

31-март
- Сәҳәрлик: 05:27
- Ифтарлық: 19:26

Бизди социаллық тармақларда бақлап барың!

Телеграм каналымыз: @paziyletuz
Инстаграм каналымыз: @paziyletuz
Интернет сайтымыз: paziylet.uz Ашу / Түсініктеме