2022-09-04 13:35:00
АЛЛАҲТЫҢ РУҚСАТЫ МЕНЕН ГҮНАЛАРДЫ ӨШИРИЎШИ СЕБЕПЛЕР
1. Гүналарыңды тасбеҳлериң менен өшир.
Расулуллаҳ саллаллаҳу алайҳи ўа саллам: "Ким бир күнде жүз мəрте «Субҳааналлаҳи ўа биҳамдиҳи» десе, қəтелери теңиз көбигинше болса да өширип жибериледи", – деп айтқан.
Имам Муслим рəўияты.
2. Истиғфарларың менен гүналарыңды өшир.
"Расулуллаҳ саллаллаҳу алайҳи ўа саллам:
«Ким: «Әстағфируллаҳаллазий ла илаҳа илла ҳуўал ҳаййул қаййум ўа атуубу илайҳи», деп айтса, урыстан қашқандағы гүнасы да кеширилип жибериледи», – деди».
(Мəниси: Бəрқулла тири Аллаҳтан кешириўин сорайман ҳəм Оған тəўбе қыламан.)
Әбиў Даўыт, Термизий ҳəм Ҳəким рəўияты. Имам Ҳəким бул ҳəдис Бухарий ҳəм Муслимниң шəртине гөре саҳиҳ, деген.
3. Төмендеги зикир менен гүналарды өшир.
"Расулуллаҳ саллаллаҳу алайҳи ўа саллам:
Жер жүзиндеги қайсы бир адам "Лəə илаҳа иллаллаҳу ўаллаҳу акбар, ўалаа ҳаўла ўала қуўўата илла биллаҳ", деп айтса, тап оның қəтелери теңиз көбигинше болса да кеширилип жибериледи", – деди.
(Мəниси: Аллаҳтан басқа илəҳ жоқ, Аллаҳ уллы, Аллаҳтан басқа ҳеш бир күш ҳəм қуўат жоқ).
Имам Термизий рəўияты.
4. Тағам ақырында ҳамд айтыў менен гүналарыңды өшир.
Расулуллаҳ саллаллаҳу алайҳи ўа саллам:
«Ким тағам жеп болып: «Әлҳамду лиллаҳил лазий атъаманий ҳаза ўа розақонийҳи мин ғойри ҳаўлин минний ўала қуўўатин», деп айтса, оның дəслепки гүналары кешириледи», – деди.
(Мəниси: «Мениң күш-қуўатымды кеткизбей, мине бул ырысқы менен тағамландырған Аллаҳға ҳамд болсын».)
Әбиў Даўыт ҳəм Термизий рəўияты. Термизий буны ҳасан ҳəдис, деди.
5. Кийим кийгеннен соң ҳамд айтыў менен гүналарыңды өшир.
Расулуллаҳ саллаллаҳу алайҳи ўа саллам:
«Ким бир жаңа кийим кийип, «Әлҳамду лиллаҳиллазий касаний ҳаза ўа розақонийҳи мин ғойри ҳаўлин минний ўала қуўўаҳ», десе, Аллаҳ оның алдынғы гүналарын кеширеди», – деди.
(Мəниси: Өзгертпей, қуўатымды кеткизбей маған ырысқы берген ҳəм мени кийиндирген Аллаҳға ҳамд болсын).
Ибн Сунний рəўияты.
Тарқатың: http://t.me/nasiyatuz
144 views10:35
N
