​​​​     ЖАМАН ҚОҢСЫ      Әбиў Ҳанифа раҳматуллаҳи алайҳи ҳәр | NASIYAT.UZ |Рәсмий канал

​​​​     ЖАМАН ҚОҢСЫ

     Әбиў Ҳанифа раҳматуллаҳи алайҳи ҳәр күни түнде таҳажжуд намазынан кейин Қуран тиләўатына отырар еди. Оның бир қоңсысы болып, ол ҳәр күни Әбиў Ҳанифа Қуран оқыўға отырған ўақытта көшеден мәс ҳалда келип, бақырып қосық айтып отырар еди. Қоңсысы: "Мениң қәдиримди ҳеш ким билмейди...", деп бақырар еди. Әбиў Ҳанифа ҳәр күни оннан азарланар еди.
     Бир күни қоңсысының даўысы еситилмей қалды. Таң азан мен Әбиў Ҳанифа қоңсысын излеп үйине барды, барса қоңсысын қаланың сақшылары алып кетипти, Әбиў Ҳанифа дәрриў атына минип қала миршабханасына барды ҳәм бас миршабқа: "Өзим кепил боламан, енди бундай етпейди", - деп, алып шықты ҳәм атына миңгестирип үйи тәрепке жол алды. Жолда Әбиў Ҳанифа: "Сениң қәдириңди билер екенбиз бе?", - деп сорады. Қоңысы уялып, индемей отыра берди.
     Әбиў Ҳанифаның қоңсысы бул ўақыядан кейин толық өзгерди ҳәттеки, кейиншелик қаладағы фақиҳлерден бирине айланған екен.

     Бул ўақыялықтан жаман жолдағы адамларға да итибар берип кеўилин көтерип жәрдем берилсе, жақсы жолға түсиўи мүмкин екенин түсинсек болады.

Тарқатың: http://t.me/nasiyatuz