about media in kazakh

2022-04-23 09:40:08 Бүгін Алматыда бала құқығын сылтауратып Әлеуметтік желідегі пікір еркіндігін шектейтін заң жобасына қарсы бейбіт жиын өтіп жатыр. Хабар 24 арнасы бұл жиынды қалай көрсетер екен, жаңалықтар бағдарламасын күтем Ашу / Түсініктеме

2022-04-22 08:48:20 Медиа және адам құқықтарына байланысты тағы бір хабарландыру.

MediaNet орталығы гендер тақырыбы бойынша 6 апталық ProGender курсына өтінім қабылдап жатыр. Курсқа қазақша және орысша қатыса аласыз. Екі топқа екі түрлі тренерлер дәріс береді, екі топтың да тренерлері өте мықты екен , курс аяқталған соң менторлық та қарастырылған. Курс соңында гендер тақырыбында мультимедиалы материал дайындауыңыз қажет. Өтінімдер 29 сәуірге дейін қабылданады. Курсқа тіркелу үшін мына сілтемеге өтіңіз. Ашу / Түсініктеме

2022-04-21 12:20:22 айтарға сөзім жоқ, өте ашулымын:
https://t.me/zhapisheva/6613 Ашу / Түсініктеме

2022-04-19 18:05:11 Медиа, журналистика және адам құқығына қызығатын достарыма бірнеше хабарландыру:

1. Фридрих Эберт қоры азаматтық журналистика уоркшобына қатысушылар іріктеп жатыр. Уоркшоп шілдеде өтеді, бірақ өтініш қабылдау 29 сәуір аяқталады. Толығырақ ақпарат мына жерде.

2. Қазақша контентмейкерлерге арналған офлайн кездесу. Спикер - Марғұлан Ақан, Qadam және BUGIN MEDIA жобаларының жетекшісі. Контентті бейімдеу, вирусты контент жасау тақырыптарын талқылайды. Кездесу 28 сәуір Алматыда, American Space-те өтеді. Мына жерден тіркеле аласыз.

3. Құқықтық медиа-орталық қоры ONLINE ACTIVISM CAMP курсына өтініш қабылдап жатыр. Курс мамырдың соңына қарай астанада өтеді екен. Онлайн-адвокация, интернеттегі құқықтық сауат, ақпаратқа қол жеткізу құқығы, фейкпен күрес, өз цифрлы жобаңды жүзеге асыру, т.б. нәрселерді үйретеді. Курс соңында қатысушылар грант конкурсына өз жобасын ұсынып, іске асыруға қажет ақшаны ұтып алуға мүмкіндігі де бар. Тіркелуге өтінішті мына жерге жаза аласыз. Ашу / Түсініктеме

2022-04-13 21:42:44 АҚШ-та білім алып жүрген қазақ журналист Әсем Әлмұханбет бірер күн бұрын бастан кешкен хикаясын Facebook парақшасына жазған еді, соны бұрынғы Экспресс К мынадай “жаңалық” етіпті Ашу / Түсініктеме

2022-04-09 09:46:06 Дәл осындай акциялар Берлин, Варшава мен Тбилисиде өткен.
Ешкім ешкімді ұстап, автозакқа тыққан жоқ.
Өйткені әділетсіздікке қарсы ойыңды білдіру қылмыс емес.
Біздікілер ресейдің калькасы.
ауыт мұқибектерді ұстағанның орнына, бір адамға 20 мент болып жабылып жүр.
Жаңа Қазақстан, әкес. Ашу / Түсініктеме

2022-04-09 09:16:47 Полиция задерживает активистов движения Oyan, Qazaqstan, которые попытались провести акцию у российского консульства в Алматы. Они легли на асфальт с завязанными руками, отсылая к погибшим в Буче. Видео Назерке Курмангазиновой Ашу / Түсініктеме

2022-04-09 09:16:24 Бучадағы қырғын үшін азаматтар Алматыдағы Ресей консулдығы алдына жиылып жатыр дегенді естіп, журналист ретінде хабар таратпақ болып жетіп барған едім. 5 минут кешігіп жеттім, келгенімше бәрін ұстап әкетіпті. Айналада полиция қаптап жүр.

Бұл оқиға тарих парағымызға қара таңба болып басылатынына, болашақта бұны ұлтымыз ұяла еске алатынына кәміл сенемін. Ашу / Түсініктеме

2022-04-07 20:10:40 Ақпарат министрі Асқар Омаровтың жазғаны. Жақсы жаңалық естіп қалармыз бәлкім Мемлекет салығымды осындай журналға жұмсаса, тек қуанам. Ашу / Түсініктеме

2022-04-07 12:19:47 Қолда барда алтынның қадірі жоқ, OYLA журналы жабылады деген жазбаны оқып, құлазып отырмын. Редакция хабарландыруы:

Біз OYLA журналын жабамыз

Достар, бұл шешімді қабылдау оңай болған жоқ. Біз оқушылар мен олардың ата-аналарына арналған қазақстандық тұңғыш ғылыми-көпшілік журналымыз. Жеті жыл ішінде 79 нөмір жарық көрді. Сіздің қолыңызға тиетін 79-шы наурыз айының нөмірі соңғы нөмір болмақ.

Журнал әлемнің 15 елінде 6 тілде шығарылды. Қазақтың «OYLA» сөзін дүние жүзіндегі 300 мыңнан астам оқырман біледі. Біздің журнал еліміздің пайдалы қазбаларды ғана емес, зияткерлік өнімдерді де экспорттай алатынының үлгісіне айналды.

Бізді ойлағанымыз іске аспайды деп сендірді. Нарық жоқ, қажеттілік жоқ, интернетте бәрі бар, оқырмандар жоқ, жеткізу және басып шығарудың құны қымбат, әлем деңгейіндегі бәсекелестер бар... Бірақ біз жетістікке жеттік. OYLA тек журнал ғана емес. Біз ғылымға құштар жандарды байланыстыратын кеңістік құрдық. Біздің көп екенімізге көзіміз жетті: Лондоннан Таразға, Алматыдан Сеулге, Нью-Йорктен Канберраға дейін. Біз өзіміз күткеннен де көп нәрсеге қол жеткіздік.

Біз ғылым туралы қазақ тілінде жазғанымызды мақтан тұтамыз. Ғылым бір орында тұрмайды, көптеген жаңалық пен термин қазақ тілінде алғаш рет журналымыздың беттерінде сипатталды.

Осы жылдар ішінде біз оқырмандар алдындағы міндеттерімізді орындап келдік. Біз қазір де олардан бас тартпаймыз. Ақшаны қайтару мәселесін талқылау үшін әрбір жазылушымен міндетті түрде байланысамыз. Сонымен қатар, сіздер біздің ескі шығарылымдарымызды да сатып ала аласыздар.

Бізге деген сенімдеріңіз бен қолдауларыңыз үшін рахмет!

Серіктестерімізге айтар алғысымыз шексіз.

Жазбаға сілтеме Ашу / Түсініктеме