Ансатбай КАРАЖАНОВ📝✍

2022-08-15 05:32:08 #Қайырлы_таң



Ассаламу алайкум Қәдирданларым..!



Алла бәршемизге сөнбес ийман, шырайлы минез-қулқ, ибратлы сөйлейтуғын тил, бәрҳә жақсылық ҳәм жоқары сана-сезим берсин!

Ерте таңда нени тилеп сораған болсаңыз барлық тилеклериңиз қабыл болсын..!
Перзентлериңиз жоқары оқыў орнына кириў мақсетинде тест тапсырып атырған болса әўметин берсин.
Жақсы нийет еткен ҳәр бир инсан нийетине жетисип жүреберсин.

•┈┈┈┈•❈••✾••❈•┈┈┈┈•
Канал силтемеси
http://t.me/Ansatbai Ашу / Түсініктеме

2022-08-13 20:46:06 Ансатбай иниме.


1.Иним сизин косыкларын озгеше.
Буны окып билип отыр хаммеде.
Харбир косыкларын окыган гезде.
Шайыр болып кетким келер менинде.

2.Не ушын шайырлык арман толганар.
Косыкларын журек торине барар.
Окыган журекке йошлар оятар.
Бул илахий талант сездим сизде бар.

3.Жуз жылда бир келер дейди айланып.
Ол шайырма, батырма, орынын басып.
Шайыр бабалардын руу‌хы колласып.
Тап озине болдыма деймен насип.

Халкабад.2022.ж. Ашу / Түсініктеме

2022-08-13 20:08:05 Базы данышпанлар айтады:
төрт нәрсе шырайлы, бирақ төрт нәрсе бар, оннан да шырайлырақ:

1. Еркеклерде уяттың болғаны шырайлы, лекин ҳаялларда болса оннан да шырайлы.

2. Ҳәр бир адамның әдил болыўы шырайлы, бирақ баслықлар әдил болса оннан да шырайлырақ.

3. Қартайған адамлардың тәўбе қылғаны шырайлы, лекин жаслардың тәўбе қылыў оннан да шырайлырақ.

4. Байлардың садақа қылыўы шырайлы, бирақ жарлылардың садақа қылыўы оннан да шырайлырақ.

Төрт нәрсе жаман, лекин төрт нәрсе бар, оннан да жаманырақ:

1. Жаслардың гүна қылыўы жаман, қартайғанлардың қылғаны оннан да жаманырақ.

2. Жәҳиллердиң дүнья менен шуғылланыўы жаман, алымлардики оннан да жаманырақ.

3. Барлық инсанлардың да ериншеклик қылғаны жаман, улама ҳәм талабалардың ериншеклиги оннан да жаманырақ.

4. Байлардың кибирли болыўы жаман, кәмбағаллардың кибирли болыўы оннан да жаманырақ.

"Мунаббиҳат (Ескертиў)" китабынан.
https://t.me/omir_sabaqlari Ашу / Түсініктеме

2022-08-12 18:25:34 ҲӘР ИСКЕ АЛЛАҲЫМ МӘДӘДКӘР БОЛҒАЙ.

Тилегим жетимниң кеўили толғай,
Дәўлет бахыт қусы басына қонғай,
Ҳадал мийнет қылың ҳеш қашан тынбай,
Ҳәр иске Аллаҳым мәдәдкәр болғай.

Өмириң узын болсын рәўән жолдай,
Талабың оралып әўметиң болғай,
Өмирде жүргейсиз ҳеш қашан солмай,
Ҳәр иске Аллаҳым мәдәдкәр болғай.

Тынық болсын өмир мысалы суўдай,
Өмирде жүргейсиз ҳеш қашан сынбай,
Сулыдан жақсыдур билсеңлер бийдай,
Ҳәр иске Аллаҳым мәдәдкәр болғай.

Бахытың басыңда мәңгиге жанғай,
Инсанның инсаннан мийрими қанғай,
Басылмасын деймен өмирде шалғай,
Ҳәр иске Аллаҳым мәдәдкәр болғай.

Татлы болсын өмир мысалы балдай,
Адамда бир күни толысар айдай,
Жақсы сөз жағады адамға майдай,
Ҳәр иске Аллаҳым мәдәдкәр болғай.

Жақсы тилеклерди атырман жоллай,
Ҳәй Алла турғайсыз бизлерди қоллай,
Несийбемди бергей тәңирим моллай,
Ҳәр иске Аллаҳым мәдәдкәр болғай.

Ансатбай Каражанов 12.08.2022-жыл


Каналға ағза болыў ушын:
http://t.me/Ansatbai Ашу / Түсініктеме

2022-08-12 14:07:20 ӨМИРДЕ ҲӘР НӘРСЕ БОЛЫЎЫ МҮМКИН.
***
Кеше жығылғанлар турыўы мүмкин,
Тасып турған дәрья қурыўы мүмкин,
Муз қатқан жүреклер жылыўы мүмкин,
Өмирде ҳәр нәрсе болыўы мүмкин.
***
Өмирден тек ғана жақсылық күтиң,
Сөндирмесин “Аллаҳ” бенде үмитин,
Кешеги кем кеўил бүгинде пүтин,
Өмирде ҳәр нәрсе болыўы мүмкин.
***
Өмир тайдырады базылар күйин,
Ўайрана қылады ҳәттеки үйин,
Кешеги бийбаҳа бүгин бир тийин,
Өмирде ҳәр нәрсе болыўы мүмкин.
***
Ойын қылмаңызлар ҳеш кимге ширкин,
Тыныш қой ҳалына жүрсин-дә еркин,
Қаланың көриңлер бүгинги көркин,
Өмирде ҳәр нәрсе болыўы мүмкин.
***
Узаққа созылмас базыда күлкиң,
Арқаңда қалады жыйнаған мүлкиң,
Жоғалтып алмаңлар өмирдиң гилтин,
Өмирде ҳәр нәрсе болыўы мүмкин.
***
Ансатбай Каражанов 12.08.2022-жыл

Каналға ағза болыў ушын:
http://t.me/Ansatbai Ашу / Түсініктеме

2022-08-11 05:16:13 #Қайырлы_таң



Ассаламу алайкум Қәдирданларым..!



Алла бәршемизге сөнбес ийман, шырайлы минез-қулқ, ибратлы сөйлейтуғын тил, бәрҳә жақсылық ҳәм жоқары сана-сезим берсин!

Ерте таңда нени тилеп сораған болсаңыз барлық тилеклериңиз қабыл болсын..!


•┈┈┈┈•❈••✾••❈•┈┈┈┈•
Канал силтемеси
http://t.me/Ansatbai Ашу / Түсініктеме

2022-08-10 21:11:45 ТЫНЫШЛЫҚ ҲҮКИМРАН БОЛСЫН ЕЛИМДЕ.
***
Қулан кийик секрип ойнар шөлимде,
Үйрек ушып ғазлар қонар көлимде,
Салы ҳәмде бийдай өнген жеримде,
Тынышлық ҳүкимран болсын елимде.
***
Ҳадал мийнет исле зинҳәр еринбе,
Күш жигер қайтпасын ҳасла белиңде,
Жуўсан аңқып кийик қашқан шөлимде,
Тынышлық ҳүкимран болсын елимде.
***
Ийман болсын бәрҳә жүрек төриңде,
Жаман адам тик турады гөринде,
Сүйип жасаң тынышлықты өмирде,
Тынышлық ҳүкимран болсын елимде.
***
Көрди мениң талайларды көзимде,
Нәсият ҳәм ақыл болар сөзимде,
Тынышлықты сүйемен мен өзимде,
Тынышлық ҳүкимран болсын елимде.
***
Жақсылық самалы есер кеўлимде,
Тыныш таң атады мениң елимде,
Киндик қаным тамған туўған жеримде,
Тынышлық ҳүкимран болсын елимде.


Ансатбай Каражанов 10.08.2022-жыл


Каналға ағза болыў ушын:
http://t.me/Ansatbai Ашу / Түсініктеме

2022-08-10 13:38:52 ЖАҚСЫЛЫҚ САЎАПСЫЗ ҚАЛМАС БИР ШЕТТЕ.

Жақсылық келмесе жаманлық етпе,
Сәл қолың узайса өзгерип кетпе,
Жетеди сабырлы ғана нийетке,
Жақсылық саўапсыз қалмас бир шетте.
***
Жақсылық қылсаңлар ҳасла сөз етпе,
Билмесе билмесин қылмаңлар өкпе,
Ҳеш қашан жаманлық туқымын сеппе,
Жақсылық саўапсыз қалмас бир шетте.
***
Биреўдиң кеўилин аўыртып сөкпе,
Көпшилик алдында абройын төкпе,
Бундай минез бенен бармайсаң көпке,
Жақсылық саўапсыз қалмас бир шетте.
***
Таласпаң ийт киби ҳасла сүйекке,
Жақсылық ҳәм ийман болсын жүректе,
Жақсылық қыл жаның болса ийекте,
Жақсылық саўапсыз қалмас бир шетте.
***
Жақсылық қыл жетисесең нийетке,
Қайтпайды деп ҳасла уўайым шекпе,
Зикир қылыңызлар “Алла”ны текте,
Жақсылық саўапсыз қалмас бир шетте.
***

Ансатбай Каражанов

Каналға ағза болыў ушын:
http://t.me/Ansatbai Ашу / Түсініктеме

2022-08-10 04:55:59 Ассаламу алайкум! Қәдирданларым.
Атқан таң бәршеңизге мүбәрек болсын.
Аллаҳ таала бүгинги күниңизди тынышлық ҳәм аманлықта, жақсы кейпиятта, саўаплы әмеллер менен толы болып өтиўин сизге несип етсин!
Күн даўамында сизди жақсы кейпият тәрк етпесин, күниңиз мазмунлы өтсин.


Канал силтемеси
http://t.me/Ansatbai Ашу / Түсініктеме

2022-08-09 20:01:25 ДҮЗЕЎ БОЛСАҢ ЖЕТИСЕСЕҢ НИЙЕТКЕ.
***
Жақсы болсаң орынланар тилекте,
Исенбеңлер ҳеш ўақытта билекке,
Ийман болсын ең баслысы жүректе,
Дүзеў болсаң жетисесең нийетке.
***
Барғың келсе егер, узаққа, көпке,
Ҳеш қашан, ҳеш кимге қыянет етпе,
Сөзиң туратуғын болсын гүректе,
Дүзеў болсаң жетисесең нийетке.
***
Ҳеш қашан қалмайды жақсылық шетте,
Бәрин көрип турар жаратқан көкте,
Қәтесин айтқаның жақсыдур бетке,
Дүзеў болсаң жетисесең нийетке.
***
Қатты кеткен шығып қалады шетке,
Қарап жүрген жақсы оң ҳәм де шепке,
Жәрдем қылыңызлар келселер епке,
Дүзеў болсаң жетисесең нийетке.
***
Жақсы болсаң көринесең бийикте,
Болады екен күш бәрҳә бирликте,
Ийман инсап болса ғана жүректе,
Сонда ғана жетисесең нийетке.
***
Ансатбай Каражанов 09.08.2022-жыл

Каналға ағза болыў ушын:
http://t.me/Ansatbai Ашу / Түсініктеме