Кітап үзіндісі — Телеграм арна

Әр адам ашық тұрған кітап. Біреу алып оқыса екен дейді. Күтеді. Әрбіріміз аяқ біткен, ауа жұтатын кітаппыз, асылында, – дедім. – Жезөкшесің бе, он екіде бір гүлі ашылмаған пәк қызсың ба, бейбақсың ба, абыройлы адамсың ба, бәрібір, бәрінің жүрек түкпірінде Алланы тапсам деген ұмтылыс бар. Шыр етіп дүние есігін ашқан сәттен махаббат маржанын ішімізде сақтап келеміз. Оны іздеп таппайынша, тұрған жерінде тұра береді. Бұл да қағидалардың бірі ғой.

Элиф Шафак «Махаббаттың қырық қағидасы»

https://t.me/kitapuzindisi

БЕСІК ЖЫРЫ

Әлди, әлди, ақ бөпем,
Ақ бесікке жат, бөпем.
Жылама, бөпем, жылама,
Жілік шағып берейін,
Байқұтанның құйрығын
Жіпке тағып берейін.

Әлди, әлди, бөпешім,
Қозы жүнді кепешім.
Жұрт сүймесе сүймесін,
Өзім сүйген бөпешім.
Әлди, әлди, шырағым,
Көлге біткен құрағым.
Жапанға біткен терегім,
Жаман күнде керегім.

Әлди, әлди, ақ бөпем,
Ақ бесікке жат, бөпем,
Қонақ келсе, қой, бөпем,
Қой тоқтысын сой, бөпем,
Құйрығына той бөпем!

Әлди, әлди, аппағым,
Қойдың жүні қалпағым.
Жалпыға жаман болса да,
Өзіме жақсы аппағым.

Әлди, әлди, апатай,
Көп жылама, қалқатай.
Әлдилесем, жыламас,
Ақылы көп қалқатай.

Айналайын, балам-ай,
Айналсын сенен анаң-ай.
Әлдилеп сені сүйгенде,
Атаңның болар көңілі жай.

Әлди, әлди, бөпешім,
Жұмсақ қана көрпешім.
Айналайын айымыз!
Алты қарын майымыз,
Жеті қарын жентіміз,
Шаһар Бұхар кентіміз.

Көзімнің ағы, қарасы,
Жүрегімнің парасы.
Дүние-қамды ойлатпас
Көңілімнің данасы.
Әлди, балам, әлди-ай!

Әлди, әлди, оймағым,
Оймағыммен ойнадым.
Күнде әлдилеп сүйсем де,
Қызығыңа тоймадым.

"Бабалар сөзі" 72-ші том

Қазақ даласында не көп, құм мен сортаң көп. Маңғыстау жері-осының әйгілі үлгісі.
Бұл бір ғажайып өлке! Асты лықылдаған су, үсті күн жеп, жел суырған, су жетпей әбден қаңсыған, қартайған, кәрі шалдың бетіндей әжім-әжім боп қатпарланып кеткен өңсіз кеңістік! Қысы қақыраған суық, жазы шыжыған ыстық. Сәл қаттырақ жел тұрса, алай-түлей боран. Құмды боран, шаңды боран.

Ілияс Есенберлин "Қара алтын"

@kitapuzindisi