2022-12-03 08:47:04
Батыс Путиннің түзелмесін түсінді. Кремльді сойқан санкциялар күтіп тұр...Dalainside Британ үкіметіне қарасты Қаржылық санкциялар басқармасының (OFSI) есебін сүзіп шықты.
Біз мынадай парадокске куә болдық...
Лондон осы кезге дейін сөз жүзіндегі санкциямен (немесе имитициямен) айналысып келген.
Ел билігі Кремльдің астамшыл әрекетін айыптағанмен, оны тежеуге тырыспағаны, керісінше кейбір қылықтарына көзжұмбайлықпен қарағаны мәлім болды.
Британ билігі Путиннің паранойя дейтін айықпас ауруға шалдыққан тым кеш түсінген тәрізді.
Ресейлік активтердің жаппай бұғаттала бастауы ақпан айымен тұспа-тұс келген.
Ресей Украинаға басып кірген мерзімнен күні бүгінге дейін Ұлыбритания Мәскеудің 1200 бай-бағланына санкция салған.
Тағы 33 ресейліктің дүние-мүлкін тәркілеуге лицензия берілген.
Дәл осы аралықта 18,39 млрд фунт стерлингке бағаланған Ресей активінің аузына құлып салынған.
Бұл 2014 пен 2021 жылдың аралығындағы барлық санкциялардан 41000 пайызға (!) көп. Әлгі аралықта бұғатталған ресейлік активтің құны бар болғаны 44, 5 млн фунтты құрапты.
Демек, Киевті үш күнде басып алуды жоспарлаған ақпан айына дейін Путиннің мұртын балта шаппай келген.
Оған бағынышты олигархтар Мәскеу мен Лондонның арасында емін-ерік қатынап, британ астанасындағы зәулім сарайларында сауық-сайран құрған. Енді бұл дәуір келмеске кеткелі тұр.
Британ билігі OFSI -дың құзіретін кеңейтіп санкциялардың ауқымын ұлғайтқалы отыр.
"Ресейден алыс жүр" деген ескертуді елемеген британ компанияларына ақшалай айыппұл салынады.
Ресейге шындап шүйліккен басқарма жыл соңына дейін штат құрамын күрт көбейтіп, қызметкер санын 100 адамға жеткізбек.
OFSI директоры Джайлз Томсон: "Кремльге салынған санкциялардың мүмкіндігі сарқылған жоқ. Экспорттық, импорттық тыйымдар, визалық, транспорттық шектеулердің көкесі әлі алда", - дейді.
Ақпан айынан бері Ресейден 1500-ға жуық трансұлттық компаниялар кетіп тынған. Бұл үрдіс үдей түспесе, бәсеңдемейді. Ресейді оқшаулау тенденциясы қарқын алады.
Санкциялардың шалығы Жаңа Қазақстанды шарпып өтпей ме? Бізді осы мәселе мазалайды...
https://t.me/dalainside
106 viewsedited 05:47