2023-02-10 17:35:51
"Әйелдерге қамқор болу және қорғау керек. Сонда ер мен әйел теңдігіне ешкім де пысқырмайды"
Феминизмнің пайда болуына кім кінәлі? Феминизмді біз, еркектер өзіміздің жауапсыздығымыз бен әлсіздігімізді әдемі ақтап алу үшін ойлап тапқанбыз. Әйелді жүкті қылып, тастап кетеміз. Ол өзі тәрбиелеп шығады, теңқұқылымыз ғой. Ең арзан жұмыс күші - жалғызбасты балалы әйелдер. Олар баласы үшін бәріне - кез келген қиындыққа төзеді. Өйткені олар - ана. Бірақ сен (әйел) еркектермен бірдей жұмыс істейсің, біз теңбіз ғой. Барлық қызмет көрсететін орында әйелдер: стюардесса, жолсерік, даяшы, сатушы т.б. Бірақ сен (әйел) жұмыс істе және қызмет ет. Өзіңнің емес (балаң, інің, ағаң, күйеуің, әкең) бөтен еркекке қызмет қыл. Ал бөтен еркектер қызметің үшін саған (әйелге) қағаз төлейді. Еркектер үшін бұл ыңғайлы, ұнамды және ешқандай жауапкершілік артпайды. Ешқандай жауапкершілік.
Бұрын әйел әйел болмаған: ол бір әкенің қызы еді; бауыры бар қарындас-әпке еді; күйеуі бар, біреудің жары еді; баласы бар ана еді. Енді осы әйелге тиісіп өзіңе, бөтен еркекке қызмет қылуға мәжбүрлеп көр. Сен оның барлық ер адамдарынан көресіні көресің. Өйткені әйел - жанұя мен еркектің намысы. Бұрын әрқашан солай еді. Қазірге дейін кез келген жөні түзу мәдениетте және жөні түзу жанұяда әйел - әйел емес - қыз, әпке-қарындас, жұбай, әже, шеше. Ол өзімен-өзі емес. Оның артында оның ер адамдары, жанұясы тұр. Және тек өзі қалаған кезде ғана жұмыс істей алады.
Шешім қарапайым. Бізге ешкімге ешқандай пайдасы жоқ жетілмей қалған бала емес, ең болмаса жанұясындағы әйелдерді қорғап, қамқор болатын еркек болу керек. Анаңыздың, әпке-қарындасыңыздың, жарыңыздың мәселесі туралы ойланыңыз. Оларға қамқор болатын кім? Әрекетсіздігіміз бен эгоизмімізбен феминизмнің себебі өзіміз болған жоқпыз ба? Бұл айып емес - еркектік міндет. Кінә - бұл жетілмеген сақалды балалар үшін, ал ерлер үшін намыс пен парыз бар.
Павел Цимбаленко
1 view14:35