Ulan Post

2022-07-03 09:29:49 Кісінің бойынан құлшыныстың кетуі Алланың тауфиғы(көмегі) жоқтығының белгісі Ашу / Түсініктеме

2022-07-03 09:23:19 Я Аллаһым! Барлық мақтау-мадақ саған ғана тиесілі. Сен арттырғанды ешкім кеміте алмайды. Сен кеміткенді ешкім арттыра алмайды. Сен адастырғанды ешкім тура жолға сала алмайды. Сен тура жолға салғанды ешкім адастыра алмайды. Сен бермегенге ешкім бере алмайды. Сен бергенге ешкім кедергі бола алмайды. Сен алыстатқанды ешкім жақындата алмайды. Сен жақындатқанды ешкім алыстата алмайды.

Я Аллаһым! Берекетіңді, рахымыңды, жақсылығыңды, ризығыңды бізге жаудыра гөр.

Я Аллаһым! Сенен ешқашан таусылмайтын және кетпейтін тұрақты нығметті сұраймын.

Я Аллаһым! Қорқыныштан амандық сұраймын.

Я Аллаһым! Сен берген мен Сен бермегеннің жамандығынан бір Өзіңе сыйынамын. Ашу / Түсініктеме

2022-07-03 09:22:41 Аллаһым! Мені кешір және рахым ете гөр. Тәубемді қабыл ет. Расында Сен әрдайым Тәубені Қабыл Етушісің және Рахымдысың. Ашу / Түсініктеме

2022-07-03 09:22:33 Абу Умамадан жеткен хадисте Пайғамбар ﷺ айтты: "Кім әр намаздан кейін Аят әл-Курсиді оқитын болса өлім ғана оның жәннатқа кіруіне кедергі болады" Хадисті ән-Насаи және әт-Табарани жеткізді. Ашу / Түсініктеме

2022-07-03 09:22:10 Умму Хабибадан жеткен хадисте Пайғамбар ﷺ айтты: "Кімде-кім бесін намазының алдыңғы және кейінгі төрт ракағат намазына берік болса ол адамды Алла тозаққа харам етеді(яғни түсірмейді). Хадисті Абу Дауд пен Термизи жеткізді. Ашу / Түсініктеме

2022-07-03 09:21:23 Хазреті Сахаба Абдулла ибн Масғудтың шәкірті ұлы Табиғин Әлқама ибн Қайс. Оның шәкірті Ибраһим ән-Наха’и. Оның шәкірті Хаммад Абу Сулайман. Оның шәкірті Ұлы Имам Абу Ханифа. Алла баршасына разы болсын. Ашу / Түсініктеме

2022-07-03 09:21:06 Хазреті Сахаба Абдулла ибн Масғұд бойы аласа, арық болған. Бірақ жүрегі батыл, иманы күшті, дініне берік, Алла елшісінің ﷺ қызметшісі, тіпті сыршысы атанған ғалым сахаба еді.

Бірде Пайғамбарымыз ﷺ Хазреті Абдуллаға ағаштың үстіне шығуды бұйырады. Хазреті Абдулла ағашқа шығып жатқан кезде екі балтыры көрініп қалады. Балтырдың қатты жіңішкелігін көрген кейбір сахабалар күліп жібереді. Сонда Пайғамбарымыз ﷺ: “Жаным Оның иелігінде болғанмен ант етемін! Абдулланың екі балтыры таразыда ухуд тауынан да ауыр болады”, - дейді.

Суретте “Ухуд” тауы. Ашу / Түсініктеме

2022-07-03 09:18:50 “Кім Аллаға және ақырет күніне сенсе жақсы сөз сөйлесін немесе үндемесін” Хадисті Имам Бухари мен Муслим жеткізді.

Жақсы сөз дегеніміз дүние мен ақыретте пайда беретін сөз. Егер ол сөз пайда бермесе немесе тіпті арты жамандыққа әкелсе немесе сөздің өзі жаман болса онда үндемеген дұрыс.

Және жақсы сөз сөйлеу үндемей жүруден абзал.

Ендеше жақсы сөз айту олжа, жаман сөзден тыйылу, үндемеу амандық. Ашу / Түсініктеме

2022-07-03 09:16:38 Бәдәуи....
Біреу түйесін жайып жүрген бәдәуидің тұсына келіп: «Мына түйелер кімге тиесілі?» деп сұрайды. Бәдәуи бөгелместен: «Аллаға тиесілі, менің қолымдағы түйелер ғой» деп жауап берген екен.

Жеті қат көк те, жеті қабат жер де Алланың мүлкі. Сіз бен біз уақытша иелік етеміз.

Күндеріңіз сәтті өтсін! Ашу / Түсініктеме

2022-07-03 09:14:47 Кім намаздың рахатын сезбесе намаздың сыртында өзіне қарасын. Расында күнәлар нұрды тосады. Ашу / Түсініктеме