Турат Алыбаев

2022-07-28 07:40:26 Ашу / Түсініктеме

2022-07-27 20:22:06

Ашу / Түсініктеме

2022-07-27 20:06:50 Ушунун видеосун чыгарайынбы? Ашу / Түсініктеме

2022-07-27 03:42:48 Ашу / Түсініктеме

2022-07-26 19:00:27 ​ Шашылыш билдирүү, сиз 100 миң сом утуп алдыңыз!

Урматтуу окурманым, АйТи тармагынын өнүгүшү менен, АйТи алдоолор да абдан күч алып турган учуру. Шашылыш билдирүү, Айыл банк акысыз акча таратып жатат. Тезинен кире калыңыз сиз 100 миң сом утуп алдыңы. МЧС ар бир адамга 100 миң сомдон таратып жатат. Онлайндан 100 миңге сомго чейин оңой табыңыз. Кыскасы урматтуу окурманым, ушул өңдүү алдамчылык менен акча таап жаткан, онлайндын артыкчылыгын колдонуп шылуундук кылып жаткандар абдан күч алып кетти.

Мындай нерселердин чын же жалган экенин кантип билебиз?

Чынында бул нерселер биздин сабатсыздыгыбыздан жана оңой байып кетүүнү каалаган жеңил ойлуулугубуздан улам болуп жатат. Эч качан оңой байып кетүү деген болбойт. Бир жолу млн утсаңыз деле аны кармап калууну билбейсиз. Андыктан туура жол менен байыганга аракет кылыңыз, жана байып кетем деп акыркы акчаңызды алдатып койбоңуз. Мындай шылуундукту билүү үчүн төмөнкү нерселерге көңүл буруңуз.

1. Мисалы, Айыл банк ар бир адамга 100 миң сомдон акча таратып жатат, бул шилтемени басыңыз деген маалымат келсе. https://www.ab.kg/ шилтеме банктын ушул расмий сайтына алып барабы, же башка эле бир жакка киреби, ошону тактап алыңыз.

2. Келген маалыматтын туура же ката жазылганына көңүл буруңуз. Себеби расмий маалыматтар туура жазылат. Грамматикалык же орфографиялык каталар менен жазылган болсо, бул туура маалымат эмес.

3. Келген маалымат расмий бир адамдын атынан таратылганбы, ошону караңыз. Мисалы Айыл Банктын директору баланча деп жазылат. Ага атайын мөөр басылып жана кол коюлат. Мисалы мен ар бир макаламды жазганымда аягына сөзсүз аты-жөнүмдү, кайда жазганымды жана качан жазганымды кошуп жазам. Мамлекет тарабынан же кандайдыр бир компания тарабынан расмий бериле турган байгелер сөзсүз расмий жазылат.

4. Мындай жалганчылык менен келген шилтемелер көбүнчө сиздин банк эсептериңизди, карта номерлериңизди сурайт. Азыркы учурда көпчүлүк адамдар, мугалимдер, пенсионерлер акчасын карта менен алып калгандыктан, алардын медиасабатсыздыгы менен шашмалыгын пайдаланып акчасын чыгарып кетип жаткандар абдан көп. Мисалы бир шилтеме келип, ага карта маалыматтарын киргизиңиз десе эч качан киргизбеңиз. Картанын эки тарабында номер берилген. Бир тарабында 16 цифралуу бир номер жана ошол эле бетинде картанын жарактуу мөөнөтү. Эгер сизге бирөө акча которушу керек болсо, ушул 16 цифралуу номер гана жетиштүү, башка маалыматты берүүнүн кажети жок. Качан гана сизден акча алынганы жатканда ушул 16 цифралуу номер жана жарактуу мөөнөтү, ал тургай арткы бетиндеги CVV код дегенин да талап кылынат. Бул маалыматтарды жазган болсоңуз, анда сиз өз ыктыярыңыз менен акча бердиңиз дегенди билдирет. Буга эч ким, эч нерсе кыла албайт.

5. 5 группага таратсаң единица түшөт экен, мен дагы уттум, бул чындык деген сыяктууларды да башка группаларга эч качан таратпагыла. Эмне болмок эле деп ойлобоңуз, балким сизге эч нерсе болбошу мүмкүн, бирок бирөөнүн тагдырына, чөнтөгүнө сиз себепкер болуп зыян келип калбасын.

Урматтуу окурманым, мен сиздин акча уткуңуз келгенине каршы эмесмин, бирок сиздин алданып жатканыңыз бул өлкөнүн күйүмдүү жараны катары менин жүрөгүмдү оорутат. Айрым алдамчылар сиздин карта маалыматты алып коёт, дароо акчаңызды албайт, бирок ай-сайын 200-300 сомдон айлыгыңыздан кармап жаткан болушу ыктымал. Сизден 300 сом билинбейт, бирок шылуундар миңдеген адамды ошентип алдап турса, бул алар үчүн өтө чоң киреше. Сак болуңуз урматтуу окурманым.

Өзүңүздү өнүктүрүңүз, шылуудардын акча табуусуна эмес, өзүңүздүн өнүгүүңүзгө салым кошуңуз, өлкөнүн өнүгүүсүнө салым кошуңуз. Бул макаланы башкаларга таратып, түшүндүрүп бериңиз. Эч ким алданбасын. Алданбаңыз, жеңил ойлуу болбоңуз. Бекер сыр капканда болот.

Турат Алыбаев, Бишкек шаары, 26-июль, 2022-жыл. Ашу / Түсініктеме

2022-07-25 18:27:21



Ушундай иштерди жасап жаткан досторум менен сыймыктанам Ашу / Түсініктеме

2022-07-24 19:07:57 ​ Эмне үчүн IT аялдар үчүн идеалдуу?

Учурда көптөгөн таланттуу жана акылдуу кыз келиндер өз потенциалын туура колдоно албай же ача албай арзыбаган тыйын үчүн иштеп алтындай болгон убактысынан жана ден соолугунан айрылып жатышат. Көпчүлүгү болсо үй-бүлө менен карьеранын ортосунда калып, айласы кетип жатат.

Анда эмне үчүн IT аялдар үчүн идеалдуу?

Аралыктан иштөө. Көпчүлүк аялдар үй-бүлөсүн кыя албай карьера жасоодон кыйналышат, ошондуктан үйдө отуруп, балдарынын жанында, үй-бүлөсү менен бирге болуп карьера жасоого бул мыкты мүмкүнчүлүк.

Айлык акынын жогору болгондугу. Алты ай жакшылап окуп туруп, жашооңду 180 градуска өзгөртүп кетүүгө толук мүмкүн. Бишкекте эле жуниор (башталгыч айти адиси) адистердин эле айлыгы 300-500 АКШ долларынан башталат, Орусияда 800, ал эми АКШнын өзүндө болсо 5000 АКШ долларынан жогору айына тапса болот. Баарынан да кызыгы, улам сиздин тажрыйба арткан сайын, дагы да окуган сайын айлык акыңыз дагы да өсүп отурат.

Теңдик жана өнүгүү. Эгер сизде билим жана жетиштүү тажрыйба боло турган болсо жана иштөө үчүн каалооңуз болсо – анда эч ким сизге гендердик теңсиздик кыла албайт. АйТи тармагында ар дайыма өсүүгө мүмкүнчүлүк бар, карьерада болсун, билимде болсун өсүп турса толук мүмкүн.

Тандоо эркиндиги. Эгер сиз ойлоп жаткан болсоңуз, мен техникага жакын эмесмин же бул тармак мен үчүн эмес деп – анда сиз жаңылышасыз. Себеби дегенде АйТи тармагы бул бүтүндөй бир океан, ал жакта сиз үчүн табыла турган сөзсүз бир нерсе бар. Мисалы, техникалык эмес да АйТинин тармактары бар, алар: Product Manager, HR, marketing, дизайн, сатуу менежери ж.б.

Саякаттоо же башка өлкөлөргө көчүп жашоо мүмкүнчүлүгү.

X кесиптен — ITге. Мен билгенден көптөгөн сонун адамдар башка ар кандай тармактардан АйТи тармагын келгенин билем. Мисалы, юрист, бухгалтер, экономист, таксист деген сыяктуу кесиптерден АйТи тармагына өтүшкөн.
Эң башкысы мен дагы гуманитардык тармактан келгем. Кесибим тарыхчы. Тарых тармагында бакалврды аяктагандан кийин жарым жылдай убакыт Frontend Developer тармагын окуп жана ошол тармакта иштедим. Азыр болсо АКШды Computer Science боюнча магистратураны окуп жаткан учурум, бош учурларымда болсо DevOps тармагында өз алдымча өзүмдү өнүктүрүп жатам. Өз тажрыйбама таянып айта турган болсом, болбойт деген нерсе жок, баарын кылса болот. Келиңиздер өз билимибиз үчүн, АйТи тармагы үчүн өзүбүзгө инвестиция кылалы. Эң негизгиси бири-бирибизди колдоого алалы, баштайлы жана эч качан таштабайлы.

Наргиза Рысбекованын Инстаграм баракчасынан алып, Кыргызча которуп даярдаган Турат Алыбаев. Ашу / Түсініктеме

2022-07-23 19:26:38 Бул макаланы окуп коюңуздар
https://kontentchi.com/android-ishtep-chyguuchular-ychyn-8-programmaloo-tili/ Ашу / Түсініктеме

2022-07-21 19:55:04 ​ ЖРТ баллым 110 го жетпей калды эми эмне кылам?

Акыркы кездери эң көп суралган суроолордун бирин ушул толуктап жатат. ЖРТ баллым 110 баллга жетпей калды. Же ЖРТдан аз алып калдым. ЖРТсы жок кайсы окуу жайга өтө алам? Университет окуганым жакшыбы? Кайсы коллеж жакшы окутат? Кыскасын айтканда акыркы күндөрү абитуриенттерге жооп бергенден башка иш деле кылбай калдык өңдөнөт.

Ошондуктан, жалпылап жооп жазып коюуну туура көрүп турам.

Анан да бул суроолордун арасында өтө сонун бир суроо бар, "агай мага кайсы кесипти сунушатйсыз?" – дешет. Урматтуу абитуриент, ар бир адам өз кесибин өзү тандаганы жакшы. Биринчиден сизди тааныбаганыбыз үчүн сизге туура кесипти биз сунуштай албайбыз.

Бир жолу бир абитуриентке сизди тааныбасам кантип сизге сунуштайт элем десем, “азыр заман ушундай, таанышка эле жардам кылышат” – деп таарынса болобу?

ЖРТ баллы 110 го жетпей калгандарга 1 жыл дагы жакшылап даярданууну сунуштап жатабыз.
Каалаган баллына жете албай, азыраак болуп калгандарга дагы ушул жооп жетиштүү.
ЖРТсы жок окуткан окуу жайлар контракт менен окутат, балким жакшы деле окутпаса керек, себеби аты чыккан, белгилүү окуу жайлар ЖРТ баллы жок окутпайт.

Университетпи же коллежби?

Бул суроого да жооп берүү абдан татаал. Чынын айтсам өлкөбүздүн эч бир жогорку окуу жайы дүйнөнүн эң мыкты окуу жайларынын катарына кире албайт. Коллеждери деле ошондой.

Урматтуу абитуриент, мыкты адис, мыкты кесип ээси болуу үчүн чынында жакшы окуу жай дагы таасир этиши толук мүмкүн, бирок эгер сиз кааласаңыз, кайсы окуу жайга болсо да тапшырып өтүп алып, окуган окуу жайыңыздын эң мыкты студенти болуңуз, группанын лидери, группанын эң алды болуңуз, дайыма окуу менен алек болуңуз, дайыма өзүңүздү өнүктүрүңүз, ошондо сиз балким эң жаман университетте окуп деле эң мыкты адис болуп чыгарсыз.

Көп китеп окуңуз, кошумча курстарга барыңыз, убактыңызды туура пайдаланыңыз, башкалар эс алып жүргөндө, классташтар чогулуш кылганда, туулган күнгө барганда сиз барбай койсоңуз эч нерсеңиз кемип калбайт, бирок бир канча убакыттан кийин сиз эң мыкты адис болуп чыгышыңыз толук мүмкүн.

Эс алуунун жеке түрүн өздөштүрүп алыңыз, таза абада азыраак убакыт эс алууну адатка айлантыңыз.

Урматтуу абитуриент, бул өлкөнүн келечеги сиздин өнүгүүңүзгө түздөн-түз байланыштуу, эгер сиз окубасаңыз, өнүкпөсөңүз, бул өлкө ушул бойдон кете берет, бирок сиз өзүңүздү өнүктүрүп, дүйнөгө белгилүү мыкты инсан, мыкты адис, мыкты адам болсоңуз анда бул өлкө да өнүккөн, мыкты, белгилүү өлкө болот. Андыктан өзүңүздү өнүктүрүңүз, өлкөнүн өнүгүүсүнө салым кошуңуз!

Турат Алыбаев, Бишкек шаары, 21-июнь, 2022-жыл. Ашу / Түсініктеме

2022-07-19 12:21:33 Ыраматчылык Чубак ажы айткандай жазганы 10 сүйлөм, катасы 12.

Анан да, сүйлөмдүн арасында "МЫКТЫ БИЛИМ БЕРИП" дегени жүрөт, ээ Кудай... Ашу / Түсініктеме