СЕН ЖАЛҒЫЗ ЕМЕССІҢ

2021-08-22 17:24:36 3-КҮННІҢ ТАПСЫРМАСЫ

Өзіңіз үшін немен мақтанасыз? Жеткен жетістігіңіз, ерекше қасиетіңіз бар ма, әрбір ұсақ-түйекке дейін жазып, жалпы санын 50-ден асыруға тырысыңыз Ашу / Түсініктеме

2021-08-22 13:31:27 Кешірім сұрау сіз үшін қиынға соғады ма? Өзіңіздің кінәлі екеніңізді біле тұра, біреудің алдына барып кешірім сұрау неліктен қиын?

Ашылып сөйлесейікші, қыздар. Бұл адами тұрғыдан қарағанда өте ауқымды тақырып Ашу / Түсініктеме

2021-08-22 12:34:39 КЕШІРІМ БЕРУ - АЙТУҒА ҒАНА ОҢАЙ

Үзінді «Сен жалғыз емессің» кітабынан алынды:

«Әрине, кешірім беру - айтуға ғана оңай. Опасыздық, сатқындық, жамандық жасаған, ауыр сөздермен жаныңды жаралаған адаммен қайта байланыс орнатып, түк болмағандай өмір сүру оңай емес. “Кешірдім” деп аузымыз айтқанмен, шын кешіре алдық па? “Шын кешірмегенімді қалай білуге болады?”-десең, әлгі адамды көрген сәттегі өзіңнің көңіл-күй мен ішкі сезімдеріңе мән бер. Ішіңде алай-дүлей басталса, “кешірдім” деген ренішіңді жай әрірек тығып қойғаның ғана болып шығады. Реніш ешқайда жоғалған жоқ, тек үстін басқа сезімдер басып жатыр деген сөз»

Үзіндіні оқып, қандай ой түйдіңіз? Ашу / Түсініктеме

2021-08-22 10:44:54 Қайырлы күн, қыздар!
Бүгінгі демалыстарыңыз тәтті өтсін деген ниетте сіздерге ПАНКЕЙК РЕЦЕПТІСІН ұсынамын. Өздеріңізге, отбасыңызға дайындап, жақсы уақыт өткізіңіздер

Қажет заттар:
• 2 жұмыртқа;
• 3-4 ас қасық қант;
• 240 мл жылы сүт;
• 200 г ұн;
• 1 шай қасық разрыxлитель;
• 60 г сұйық май.

Дайындау тәсілі:
Жұмыртқаны, қант пен сүтті бірге араластырамыз. Ұн мен разрыxлительді араластырып, жұмыртқаның үстіне салып, тағы да бірге араластырасыз. Ең соңынан май құясыз. Табаны әбден қыздырасыз. Табаға майдың қажеті жоқ. Құрғақ табаға панкейкті екі жағы алтын түстес болғанша пісіріп аласыз. Нәтижесінде, дәмді панкейк аласыз

#СЖЕ_рецепт Ашу / Түсініктеме

2021-08-21 21:58:18 Қайырлы түн, ұйқыларыңыз тәтті болсын

Ал, 2-күннің тапсырмасы бойынша, өзіңізге қаншалықты ұнайды екенсіз, кімде қанша шықты? 55-ке толтырғандар бар ма?

Қысылмай жаза беріңіздер, бұл тапсырма арқылы біз өзімізге деген махаббатымызды арттырамыз Ашу / Түсініктеме

2021-08-21 19:02:41 2-КҮННІҢ ТАПСЫРМАСЫ

Сізге өзіңіздің бойыңыздан не ұнайды, соны қағазға жазып шығыңыз. Сырт келбетіңіз, мінезіңіз, бәрін жазсаңыз болады. Жалпы саны 55-ке жетсе жеткілікті, ал одан да көп шықса, тіпті керемет

Бұл әдіс сіздің жақсы қасиеттеріңіз көбірек екенін дәлелдеп, өзіңізге деген құрметіңізді арттырады Ашу / Түсініктеме

2021-08-21 16:29:50 ОРТАНЫ ҚАЛАЙ ДҰРЫС ТАҢДАЙМЫЗ?

Негізі, біздің араласатын, уақытымыздың көп бөлігін бірге өткізетін ортамыз біздің дамуымызға да әсер етеді. Бірақ, ортаны дұрыс таңдауға көшпей тұрып, өзіңізге жақсылап талдау жасаңыз. Өзіңіз жалқау болып тұрып, жалқау адамдарды менсінбей жүрмеңіз. Жақсы ортада болу үшін, ең бірінші өзіңіз жақсы адам бола біліңіз.

Өзіңіздің мақсатыңыз бен бұл өмірде не қалайтыныңызды анықтап алыңыз. Мақсаттарыңызға қалай жеткіңіз келеді? Соған байланысты, өзіңізге дамушы орта іздеңіз, немесе сол дамушы ортаны өзіңіз қалыптастырыңыз.

1. Қазір араласатын ортаңызбен мақсаттарыңыз сәйкес пе? Өмірлік қағидаларыңыз ұқсас па? Қандай жетістікке жетуге талпынып жүрсіздер? Осы сұрақтардың жауабы бір-біріне сәйкес келсе, демек, олар сіздің ортаңыз, бірге өсесіздер, дамисыздар. Ал егер, мүлдем сәйкес келмесе, бұл сіздің ортаңыз емес. Өзіңіздің көзқарастарыңызбен сәйкес келетін ортаны іздей беріңіз.

2. Өзіңізге сұрақ қойыңыз “менің және қазір араласып жүрген ортамның жетістікке жету тәсілі қандай?”-деп. Егер олардың әлдеқандай бір нашар жолмен жетістікке жету ойы болса, олардан өзіңізді аулақ ұстаған жөн.

Бұл 2 әдіс көп жағдайда ортаны дұрыс таңдауға көмектеседі.

#СЖЕ_пайдалы_ақпарат Ашу / Түсініктеме

2021-08-21 13:31:43 Кеше орта маңызы жайлы тақырыпқа айтып-қосарларыңыз көп екенін байқадым. Енді сіздерге сұрағым бар, неге дәл сол адамдардың жанында жүргіңіз келмейді?

Мысалы, егер сіз араласатын адамдар сіздің бойыңызда комплекс пайда болуына, өзіңізді ыңғайсыз сезінуіңізге, дамуыңызға кері әсерін тигізсе, ендеше сөзсіз ондай адамдармен араласуды доғара бастаған жөн.

Бірақ, шатастырып алмаңыздаршы. Сіздерге анаңызбен, күйеуіңізбен, әпкеңізбен араласпай кетпе демеймін. Себебі, сіздің жақын адамдарыңыз - ортаға жатпайды. Олардан қашып құтыла алмайсыз, тек олардың өзгеруіне өз үлесіңізді қоса аласыз. Бірге дамыңыз, кітап оқыңыз, пайдалы әрекеттермен айналысыңыздар, әйтеуір оларды жек көре бермеңіз, бірге өзгеру ешқашан кеш емес Ашу / Түсініктеме

2021-08-21 12:14:06 Қыздар, конкурс жайлы тағы да естеріңізге саламын. Ұмытып кетпеңіздер

https://t.me/zhanqurbym/2983 Ашу / Түсініктеме

2021-08-21 08:30:07 Төмендегі нақыл сөзді түсініп оқып, өз ойларыңызды білдіріңіздерші. Бір талқылап алайық

«Ұлы ойлар идеяларды талқыға салады. Орта дәрежедегі ойлар жаңалықтарды талқыға салады. Ал ең төменгі дәрежедегі ойлар адамдарды талқыға салады»

(с) Элеонор Рузвельт

Сіз басқа адамдардың сыртынан әңгіме айтасыз ба? Әлде идеяларды талқыға салатын білім іздейтін адамдар қатарынансыз ба?

Шынайы жауап берейікші, иә? Ашу / Түсініктеме