ТИЛМЕЧ

2023-05-09 19:08:17 Өлүккө кылынган жакшылыктардын эң жакшысы – ал үчүн дуба кылуу, анын күнөөлөрү үчүн Аллахтан кечирим тилеп истигфар айтуу.

Сиз дүйнөдөн өтүп кеткен жакындарыңызга акыркы жолу качан дуба кылдыңыз, качан алар үчүн Аллахтан кечирим сурадыңыз?

Аларга азыр дуба кылыңыз! Дуба кылууда сөзсүз эле дасторкон салыш же такыя кийиш же даараттуу болуш же алакан жайыш шарт эмес. Кандай абалда болсоңуз да, кайсы жакта болсоңуз да, ошол абалыңызда сыртыңыздан же ичиңизден дуба кыла бересиз.

Эгерде эмне деп дуба кылам деп билбей жатсаңыз, анда ушундай дуба кылсаңыз да болот:

– Оо, Аллах! Дүйнөдөн өтүп кеткен баланча тууганымдын же ата-энемдин ж.б. адамдардын күнөөлөрүн кечир! Аларга ырайым кыл! Сурагын жеңил кыл! Бейишке кирген адамдардын катарына кош! Алардан жакшылыгыңды аяба, аларды Өз ырайымыңа бөлө! Сен Кечиримдүүсүң, кечиргенди жакшы көрөсүң. Менин да, алардын да күнөөлөрүн кечир!

➤➤ https://t.me/tilmech Ашу / Түсініктеме

2023-05-09 09:24:24 ​​ МАРКУМГА ДУБА КЫЛГАНДЫ УНУТПА

Аалымдардын бири айтат: «Бир жакка сапар кылып барып калдым. Мен ал жерде чоочун жана баш калкалай турган жерим жок болгондуктан, мечиттердин бирине барып уктадым. Уктап жатсам жаназа окуу үчүн адамдар топурап кирип келишти. Ошондо ичинден мен дагы соопчулук үчүн кошулуп жаназа окуюн дедим да, алар менен чогу жаназа окудум. Анан алар менен кошо аны көмүү үчүн бардым. Анткени пайгамбарыбыз ﷺ айткан:

«Кимде-ким маркумдун жаназасына катышса, анда ал бир карат өлчөмүндө сооп алат. Ал эми ким көмгөнүнө да катышса, анда ага эки карат өлчөмүндө сооп жазылат». Андан: «Эки карат деген канча?» – деп сураганда: «Ал эки чоң тоо сыяктуу» – деп жооп берди». (Сахих Бухари, 1325)

Адамдар маркумду көмгөндөн кийин бири да калбай кайтып кетишти. Ошондо ичимден бул өлгөн адам азыркы учурда дубага өтө муктаж деп Аллахка кайрылып:

– Оо, Раббим! Бул адам Сага конок болуп келди, бирок мен аны тааныбайм. Эгер бул адам мага конок болуп келсе, аны тааныбасам да мен ага сый көрсөтмөкмүн. Сен болсо жоомарттардын эң жоомартысың, эми кантип ага сый көрсөтпөй коёсуң?! – деп дуба кылдым.

Андан соң мечитке кайра келип уктадым. Түшүмдө аппак кийимчен бир адамды көрдүм. Ал менден: «Мага дуба кылган адам сен белең?» – деп сурады. «Сен кимсиң?» – дедим. Ошондо ал айтты: «Сен дуба кылган кабырдагы адам менмин. Аллахка ант болсун, Аллах сенин дубаң себептүү күнөөлөрүмдү кечирди». 

ТИЛМЕЧ | Эрланбек Кушчубек уулу

═════════
➤➤ https://t.me/tilmech
➤➤ https://t.me/tilmech

Маалыматты башкалар менен бөлүшүңүз Ашу / Түсініктеме

2023-05-08 18:55:58 ➤➤ https://t.me/tilmech Ашу / Түсініктеме

2023-05-08 08:47:14 ➤➤ https://t.me/tilmech Ашу / Түсініктеме

2023-05-07 10:03:55 Өз үйүндө өзүн бактылуу сезген адам – чыныгы бактылуу адам.

➤➤ https://t.me/tilmech Ашу / Түсініктеме

2023-05-06 17:51:53 ​​ ҮЙҮҢӨ ЖИН-ШАЙТАНДАР ЖОЛОБОСУН ДЕСЕҢ
 
● Кайсы бир адам үйүнө киргенде жана тамактан алдын «бисмиллах» деп айтпаса, анда ал үйгө жин-шайтандар кошо кирет жана аны менен бирге тамак жешет. 

● Кайсы бир адам үйүнө киргенде салам айтып кирбесе, анда ал үй-бүлө берекеден куру калат. 
 
● Кайсы бир үйдө эртели кеч музыканын үнү өчпөсө жана адамдарды жеңил ойлуулукка, бузукулукка үндөгөн теле берүүлөр, сериалдар такай көрүлсө, анда жин-шайтандарга ал үйдөгү адамдарды азгырууга жол ачылат.

● Кайсы бир үйдө жандуу заттардын сүрөттөрү илинип турса же жандуу заттардын айкелдери турса, анда ал үйгө периштелер жолобойт. Периштелер жолобогон жайга жин-шайтандар толот.
 
● Кайсы бир үйдө эркек же аял үй-бүлөсүнө динди үйрөтпөсө, аларга тууралыкты көргөзүп, туура тарбия бербесе, анда ал үй-бүлө динден алыстайт. Ал үйдүн ичи жарык болсо да караңгылык каптайт, ал үйдүн ичи кенен болсо да андагы адамдардын жан дүйнөсү тарыйт. 

Эгерде кайсы бир үйдүн абалы ушундай болсо, анда жин-шайтандар эмне кылат деп ойлойсуз?
 
Алар ал үй-бүлөнү бузууга, аял менен күйөөнү, ата-эне менен балдарды уруштурууга, бири-бирине жаман көргөзүүгө аракет кылышат. Жин-шайтан кирген үй-бүлөдөн ынтымак жана береке качат, жубайлардын ортосундагы бири-бирине болгон сүйүү жана мээрим кетет. Мунун арты жубайлардын ажырашуусуна же алардын ортосундагы махабаттын өчүүсүнө алып барат.
 

Андыктан үйүңүзгө киргенде унутпай «бисмиллах» деп айтыңыз, киргенден кийин эч ким жок болсо да «ассаламу алейкум» деп салам айтыңыз, мына ошондо үйүңүзгө жин-шайтандар жолобойт жана үйүңүздө береке болот. Ошондой эле үйдө болгондо Куранды көп-көп окуп туруңуз, Аллахты дайым зикир кылыңыз, мына ошондо үй-бүлөңүздө бактылуулук, бейпилдик өкүм сүрөт.

ТИЛМЕЧ | Эрланбек Кушчубек уулу
 
═════════
➤➤ https://t.me/tilmech
➤➤ https://t.me/tilmech Ашу / Түсініктеме

2023-05-06 12:00:34 Дубаны жаттаңыз, сактап алыңыз жана башкалар менен бөлүшүңүз.

➤➤ https://t.me/tilmech Ашу / Түсініктеме

2023-05-05 18:45:53 ➤➤ https://t.me/tilmech Ашу / Түсініктеме

2023-05-05 08:20:10 ➤➤ https://t.me/tilmech Ашу / Түсініктеме

2023-05-04 16:43:27 ​​ БИР ЖАКШЫЛЫГЫ ҮЧҮН БҮТКҮЛ КҮНӨӨСҮН КЕЧИРДИ

Имам Шиблийдин бир досу айтат:

«Имам Шиблий бул дүйнөдөн өтүп кеткенден кийин аны түшүмдө көрдүм. Ошондо андан:
 – Аллах сага кандай мамиле кылды? – деп сурасам, ал айтты: «Ал мени Өз алдына тургузуп: 
 
– Оо, Абу Бакр! Билесиңби, мен сени кайсы нерсең үчүн кечирдим? – деп сурады. Мен:
 – Жакшы иш-аракеттерим үчүн чыгар,– десем:
– Жок, ал үчүн эмес,– деди.
 
– Анда ыкластуулугум жана ибадаттарым үчүн чыгар? – десем: 
– Жок, ал үчүн эмес,– деди.
 
– Анда ажылыгым, орозом жана намаздарым үчүн чыгар? – десем:
– Жок, Мен сени ал үчүн кечирген жокмун,– деди.
 
– Анда такыба адамдардын жанына көчүп барганым үчүнбү? – десем:
– Жок,– деди.
 
– Анда илим алуу үчүн узак сапарга чыкканым үчүнбү? – дедим.
– Жок,– деди.
 
– Оо, Раббим! Бул иштердин баарысы адамды азаптан сактай турган иштер го! Мен булардын баарысын Сени кичирет деген үмүттө алымдын келишинче жанталашып аткаргам,– дедим.
– Мен сени булар үчүн кечирген жокмун,– деди.
 
– Оо, Аллах! Анда кайсы ишим үчүн кечирдиң? – деп сурасам, Ал айтты:
– Бир жолу сен Багдаддын көчөлөрүнүн биринде баратып кичинекей бир мышыкты көргөнүң эсиңдеби. Ал катуу сууктан улам өлөйүн деп бутун жерге коё албай дубалдан дубалга секирип жаткан болчу. Ошондо ага бооруң ооруп, аны сууктан коргош үчүн үстүңдө жамынган чепкениңе орогонсуң. 
– Ооба, эстедим,– дедим.
– Сен ошол мышыкка бооруң ооруп мээрим төккөнүң үчүн Мен сага ырайым кылдым,– деди. ("Тарих", Ибн Асакир, 342)

ТИЛМЕЧ | Эрланбек Кушчубек уулу

═════════
➤➤ https://t.me/tilmech
➤➤ https://t.me/tilmech Ашу / Түсініктеме