2022-08-31 10:33:02
Жамбыл облысында кәмелеттік жасқа толмаған екі кішкентай бала жүріп бара жатқан жүк пойызынан секіріп кеткен⠀
9 жастағы бала ауруханада жатыр, ал 7 жастағы бала алынған жарақаттардың салдарынан қайтыс болды. Екеуі бір үйдің балалары.
⠀
Тамыздың 29-ы сағат 22:40-та полицияға жергілікті тұрғын, 53 жастағы шопан хабарласып, "Тамды-Талас" аралығында жүк пойызына мініп алған екі баланы көргенін айтқан.
⠀
40 минуттың ішінде полиция қызметкерлері 9 жастағы ұлды Билекөл ауылының жанынан, ал оның 7 жастағы інісін "Жұма" станциясының жанындағы теміржолдардың қасынан тапқан.
⠀
Балалар Талас ауданының орталық ауруханасына жеткізілген еді.
⠀
Тергеушілердің сөзінше, екеуі анасымен бірге Қаратау ауылында тұрады, ата-анасы ажырасып кеткен.
⠀
Тамыздың 29-ы олар Жамбыл облысы Тамды ауылына апасына қонаққа барған. Қараусыз қалған ұлдар көрші ауылда тұратын әкесіне баруды жөн көрген.
⠀
"Тамды" станциясында пойыздың соңғы вагонына мініп алған балалар пойыз қатты жүре бастағанда қорқып кетіп, "Жұма" станциясына жақын жерден секірген.
⠀
Осы оқиға бойынша тергеу жұмыстары басталып кетті.
⠀
https://t.me/nehabarkaz
496 views07:33