"МУРАС БЕЙИШКЕ БАГЫТ"

2023-01-29 11:57:37 Кыштын кыштай, кыздын кыздай болгону жакшы...

Ушундай темада мындан беш жыл мурда “Бейиш” гезитине макала жазган экенмин. Анда кыштын оор башталганы, көмүрдүн кымбаттыгы, светтин өчүп калып жатканы тууралуу бирдемелерди жазып келип акырында кыштын жалаң эле жаман жагын эмес, жакшы жагын да көрүп пайдаланалы деп, кыштын биздин дүйнө жашообузга жана акырет жашообузга тийгизе турган пайдаларына токтолуптурмун. Бул жерде ошол макаланын кыштын биздин акыретибиз үчүн кандай пайдасы бар деген бөлүгүн кайра көчүрүп койдум. А эгер макаланы толук окуймун десеңиз murasmedia.kg сайтынын гезиттер бөлүмүнө кирип “Бейиш” гезитинин архивинен окуп алсаңыз болот.

Сабактын уландысын сайтыбызга кирип толук маалымат алсаныздар болот.

http://www.murasmedia.kg/certainArticle/58 Ашу / Түсініктеме

2023-01-29 07:04:24 Акыретке ишенген, түбөлүк бейишти максат кылган ыймандуу мусулманга дубанын эң жакшысы акыретке сакталып калганы. Анткени, азыр бул дүйнөдө көр тирилик өтө берет. Тууган - уурук жардам берет, дос - чар бар, кыскасы, элдүү түлкү ачка өлбөйт... А акыретте байлык да, бийлик да пайда бербейт. Ата баласынан, эне кызынан качат. Боюнда барлар боюндагысын сыгып чыгарат. Азап- тозоктун оордугунан жаш баланын чачы агарат. Мына ошол күнү “эй, баланча, сен Менден байлык сурап күнүс түнү дуба кылчу элең, Мен енин ошол дубаңды кабыл кылгам, бирок сага байлык бербей, анын ордуна баланча, түкөнчө күнөөлөрүңдү кечиргем.Эми барып бейишке кире бер” деп айтылса, мындан өткөн жеңиш, мындан өткөн бакыт, мындан өткөн жыргал барбы...

Автор: Алайчы Сеитбеков.

"Дубам кабыл болбосо" китебинен.

«МУРАС БЕЙИШКЕ БАГЫТ » катталуу үчүн сизге ыңгайлуу канал, баракчаларыбыз:
━━━━━━━━━━━━━━
WhatsApp:
Мырзалар учун

https://chat.whatsapp.com/LoSWSzLZzZF6cEDbsb6aTZ

https://chat.whatsapp.com/Kn70UqktxkFKgNIBeHaeuq

Айымдар учун

https://chat.whatsapp.com/EGLJYQJUT8rHnltMetrOam

https://chat.whatsapp.com/Hw4ehgoaMUr4AO0XjsfZPO

https://chat.whatsapp.com/Ik31p9mha4wJJt4ST4WNFm

instagram.com/muras_media_kg
youtube.com/c/MurasMedia
Telegram
https://t.me/muslim1429
http://murasmedia.kg Ашу / Түсініктеме

2023-01-29 07:04:24 ыймандууларды чыгар” дуба кылган. Мындан деп башка дагы көп учурда Пайгамбарыбыз ﷺ каапырларга каршы эмес, аларга туура жол, кечирим тилегени маалым. Ал эми жогоруда каапырлардын кылганы Пайгамбарыбызга ﷺ оор тийгендиткен, кызы Фатиманын көз жашы жүрөгүн өйүп каапырларга каршы дуба кылган. Бирок Аллахтын каалоосу башка болчу. Аллах Таала Пайгамбарыбыз ﷺ дубасын кабыл кылды. Анткен менен Пайгамбарыбыз ﷺ каалагандай ошол замат аларды жок кылбады. Андан кийин алар мусулмандарга дагы кандай гана азаптарды көрсөтпөдү дейсиң. Акыр аягында дубасы кабыл болгон Пайгамбарыбыздын ﷺ убак келип, ошол окуядан он жыл ашык убакыт өткөндөн кийин, мусулмандар Мадинага көчүп барган соң “Бадр” согушунда дубада айтылган жети киши тең өлүп, өлүгү бир чуңкурда калганын Абдуллах бин Масуьд (ага Аллах ыразы болсун) өз көзү менен көргөнүн айткан. Дмек, Аллахтын сүйүктүү Пайгамбарынын ﷺ тилеги он жылдан кийин ишке ашып жатса, биз эмнеге шашылабыз? Балким, биз сураган нерсенин бизге бериле турган учуру али келе электир. Балким, биз сураган нерсе бизге пайдалуудай сезилгени менен ал бизге зыяндуудур. Балким, биз сурап жаткан нерсеге караганда бизге башка нерсе зарылыраактыр. Биз муну билбейбиз, а Аллах билет. Жөнөкөй мисал: бирөө Аллахтан машина сурайт, бирок айдоочулук күбөлүгү жок, машина айдаганды билбейт, эгер машинасы болсо дароо эле бир кырсыкка учурашы мүмкүн Аллах Таала ага машина бербейт. Качан гана ал окуп, машина айдаганды үйрөнүп, кырсыкка учурабай тургандай болгондон кийин берет. Тиги киши үчүн дубасы кабыл болбой калгандай сезилиши мүмкүн. Анткени ал машина сурагандан бери беш - алты жыл өтүп кетти. А бирок Аллах Таала ага жакшылык кылды. Ошон үчүн дубам кабыл болбой калды деп Аллахтын ырайымынан үмүтүзүп койбой, дуба кыла беришибиз керек. Сураганыбыз бүгүн, же эртең, же он жылдан кийин, балким жыйырма жылдан кийин берилиши мүмкүн.

Экинчиси, сураганыбыз такыр берилбесе, биздин дубабыз кабыл болбоду деп ойлоо туура эмес. Сураган нерсе сурагандай колуна түшсө гана дуба кабыл болду деп айтылбайт. Биз сураган нерсенин ордуна Аллах Таала бизге келүүчү кайсы бир кырсык-балээни, жамандыкты жеңил-эдетип коюшу мүмкүн.

Абу Хурайранын (ага Аллах ыраазы болсун) айтымында Пайгамбарыбыз ﷺ минтип айткан: “Ким болсо да Аллахтан бир нерсе сураса, Аллах ага сураганын берет. Же болбосо анын ордуна аны бир жамандыктан сактайт. Бирок ал адам күнөө ишти дуба кылбаса жана туугандарынан кол үзбөсө”.

Абу Саьид Худринин (ага Аллах ыраазы болсун) айтымындагы хадисте Пайгамбарыбыз ﷺ : “Эгер мусулман киши күнөө эмес ишти дуба кылса жана туугандарынан кол үзбөсө, Аллах ага үч түрдүү жооп берет: сураганын дароо берет, же аны акыретке кечиктирип сактап коёт, же анын ордуна бир жамандыктан сактайт” деген. Биз кайыпты билбейбиз, эртеңки күн ары турсун, азыр он мүнөтөн кийин эмне тагдыр күтүп турганын билбейбиз. Келечек тагдырыбызды билбегендиктен, ар нерсени сурап дуба кылабыз. А эгер келечек тагдырыбыз көз алдыбызга тартылганда, анда ар нерсени сурабай, келечекте кабыла турган жамандыктардан сактоосун гана суранат элек. Ал эми Аллах Таала баарын Билүүчү, Ал биздин дубабызды кабыл кылып, бирок, сураганыбызды бербей, анын ордуна бизди бир жаман дыктан аман калтырат.

Үчүнчүсү, биздин дубабызды Аллах кабыл кылат, бирок анын жообун бул дүйнөдө эмес, акыретте берет.

Абу Хурайра(ага Аллах ыраазы болсун) айтат, бир жолу Пайгамбарыбыз ﷺ: “Кайсы бир мусулман Аллахка жүзүн буруп, суранса, Аллах анын сураганын берет, же аны акыретке сактап коёт,эгер суроочу шашылбаса” - деди. Сахабалардын бири: “Шашылганы кандай, о, Аллахтын элчиси?” деп сурады эле, ал:"Дуба кылып жатам, дуба кылып жатам, эч кабыл болгону көрбөдүм” деп айтканы шашылганы” деди. Ашу / Түсініктеме

2023-01-29 07:04:24 * ДУБАМ КАБЫЛ БОЛБОСО*

Дуба кабыл болуусу үчүн кандай шарттар аткарылышы керек, кантип , кандай, кайсы учурда дуба кылышыбыз керек деген суроолорго кийин черээк жооп беребиз. Азыр болсо, мусулман пенденин ар бир дубасы кабыл болуусу шартпы, бүгүн сураганың эртең эле болуп калыш керекпи, анын кабыл болгон -.болбогонун кантип билебиз, сураганың берилсе гана дуба кабыл болду деп эсептелеби деген суроолорго жооп издейли.

Биринчиси, көпчүлүк адамдар дубасынын тез кабыл болуусун каалайт. Негизи адамдын табияты ушундай. “ Инсан өзү ушундай шашма” - деген Аллах Таала. Азыр сураганыбыз азыр эле болуп калуусун каалайбыз. Бирок Аллах Таала биз сураган нерсе бизге качан берилсе пайдалуу болорун билет. Бизге сураган нерсебиз азыр зарыл болуп жаткандай туюлат. Бирок биз ага мындан беш жылдан кийин азыркыдан да муктаж болуп калуубуз мүмкүн. Аллах Таала мунун баарын билип турат. Даанышмандыгы менен бүгүн сураганыбызды бүгүн бериши мүмкүн, же он жылдан кийин бериши да мүмкүн. Же такыр бербей, аны бизге андан да зарыл болгон, бирок биз сурбаган нерсеге алмаштырып коюшу да мүмкүн.

Пайгамбарлар пенделердин ичинен Аллахка эң жакындары. Алардын ичинен Пайгамбарыбыз Мухаммад Аллахтын эң сүйүктүү пендеси, Аллах Таала анын бул дүйнөдөгү эмес, кыяматтагы дубасын да кабыл кылат.Эми төмөнкү бир окуяга чогуу күбө бололу.

Абдуллах бин Масуьд кеп кылат: Аллахтын элчиси Каабанын жанында намаз окуп жаткан. Абу Жахил баш болгон бир топ каапырлар аны карап отурган. Алар өз ара: “Ким баланчанын өлгөн төөсүнүн ичеги-кардын алып келип, Мухаммад сажда кылганда анын үстүнө таштап жибере алат” – деп сүйлөшүп, арасынан бир шору куруганы барып, ичеги-карынды көтөрүп келди. Аңдып туруп Пайгамбарыбыз ﷺ сажда кылганда желкесине ичеги-карынды таштап басып кетти. Мен муну көрүп туруп эч нерсе кыла албадым, аттиң десе, тигилерди токтотконго кудуретим болсо кана... Тигилер болсо, кылганына манчыркап каткырып күлүп калышты. Аллахтын элчиси ﷺ башын өйдө көтөрө албай, кызы Фатима чуркап келип ичеги-карынды үстүнөн тартып түшүргөндө араң башын көтөрдү. Анан: “Аллахым, Курайш каапырлары менен Өзүң эсептеш” – деп үч жолу кайталады. Анын дуба кылганы тигилердин үрөйүн учурду. Анткени анын дубасы кабыл болбой калбастыгын билишчү. Андан кийин Пайгамбарыбыз ﷺ тигилердин ар биринин атын атап дуба кылды: “Аллахым, Абу Жахил менен, Уьтба бин Рабиьа менен, Шайба бин Раб иьа менен, Валид бин Уьтба менен, Умайя бин Халаф менен, Уька бин Абу Муьайт менен... Өзүң эсептеш”. Дагы жетинчи кишинин да атын атаган болчу, ал менин эсимден чыгып кетиптир. Жаным колунда турган Затка ант берип айтамын, “Бадр ” согушу болгондо алигинде Аллахтын элчиси ﷺ атын атап дуба кылгандардын баары өлүп, бир чуңкурга ыргытылганын өз көзүм менен көрдүм ” .

Имам Бухаринин ишенимдүү хадистер топтомунда келген бул хадиске жакшы назар салсак, дубанын кабыл болуусу тууралуу биз билбеген чоң сырды байкайбыз. Пайгамбарыбыз ﷺ Каабанын жанында намаз окуп жатканда болуп өткөн жогорку окуя Ислам дини жаңыдан жайыла баштаган учурда Меккеде болгон. Мусулмандар аз жана алсыз учур эле. Ошон үчүн Абдуллах бин Масуьд (ага Аллах ыраазы болсун) аны көрүп туруп жардам бере алган мес. Анткени, динди кабыл алган мусулмандар да динди кабыл кылганын жашырып, башкаларга билгизчү эмес. Пайгамбарыбыз ﷺ аябай ызаланып, чын көңүлүнөн берилип дуба кылды. Каапырлардын мындай азабы чынында ага катуу тийген эле. Болбосо, дайыма эле каапырларг минтип дуба кылган эмес. Мисалы, Таифке барганда андагылар таш бараң кылып, Пайгамбарыбыздын ﷺ денесинен аккан кан көлөчүнө толуп, аябай кыйналып турганда Жебирейил периште келип: “Мени менен тоолордун периштеси кошо келди, сен дуба кылсаң, булардын үстүнө кулатып, астын -үстүн кылсын” тоону дегенде, Пайгамбарыбыз ﷺ“Аллахым, буларды кечир, булардын урпагынан Сага эч кимди шерик кылбай ибадат кыла турган Ашу / Түсініктеме

2023-01-27 08:45:16 БУЛ ДҮЙНӨНҮН БЕЙИШИ ТАЗА ЖҮРӨКТӨ
⠀
Эр-Риядда бир аксакал (Алла аны ырайымына бөлөсүн) менен он жыл коңшу турдум. Акырети үчүн жан - үрөгөн, ибадаткөй киши болчу, жарыктык. Жашы токсон таяп калганда да, баскан-турганы тың, анан да эң негизгиси жүрөгү таза болчу, көралбастык, ичи тардык кылганын көрбөдүм. Алланы тынбай зикир кылчу, Куранды үч күндө бирден аягына чейин окуп чыгар эле. Отурган жеринде теспе тартып, Алланын кечиримин (истихфар) тилеп, жүзү Курандын барагындай нурданып турчу. Аны менен отуруп калсаң, ыйманың көтөрүлүп, жүрөгүң тазарчу.
⠀
Кыйбат, ушакка убактысын коротчу эмес.  Бирөөгө ачууланбай, бирөөнү жек көрбөй жүрөгүн кантип таза сактаганына таң калам, бирөөнү кеп кылса, жакшы жагын гана айтат. Кокус, бирөөнүн жамандап калышса, дароо ага кечирим тилеп, истигфар айтат.
⠀
Жашоо ырахатына, акырет сообуна жык толгон жүрөктүн тазалыгы кандай сонун. Биз дагы жүрөгүбүздү жек көрүүдөн, көралбастыктан, ичи тардыктан тазалай алабызбы? Буларды жүрөктөн жууп салууга мүмкүнчүлүгүбүз барбы? Албетте, ар ким өзү аракет кылса болот. Бул жашоо кыска, аны башка бирөөнү жек көрүү менен өткөрбө. Жүрөктүн тазалыгы – Алланын бул дүйнөдөгү бейиши, Аллахым аны баарыбызга насип этсин. “Биз алардын көкүрөктөрүнөн (кек, көралбастыкты) сууруп алганбыз. Алар бири-бирине бет маңдай, дос, боордош болуп сөөрүлөрдө (отурушат)” (“Хижр” сүрөсү, 47-аят).
⠀
Автор: Аид ал Карни
⠀
"Бакыттын сырын ачтым" китебинен.
⠀
«МУРАС БЕЙИШКЕ БАГЫТ » катталуу үчүн сизге ыңгайлуу канал, баракчаларыбыз:
━━━━━━━━━━━━━━
WhatsApp:
Мырзалар учун
⠀
https://chat.whatsapp.com/LoSWSzLZzZF6cEDbsb6aTZ
⠀
https://chat.whatsapp.com/Kn70UqktxkFKgNIBeHaeuq
⠀
Айымдар учун
⠀
https://chat.whatsapp.com/EGLJYQJUT8rHnltMetrOam
⠀
https://chat.whatsapp.com/Hw4ehgoaMUr4AO0XjsfZPO
⠀
https://chat.whatsapp.com/Ik31p9mha4wJJt4ST4WNFm
⠀
instagram.com/muras_media_kg
youtube.com/c/MurasMedia
Telegram
https://t.me/muslim1429
http://murasmedia.kg Ашу / Түсініктеме

2023-01-25 18:12:17 Өзүн  алаксытсын,  убакыт  баарын  дарылайт.
⠀
Куранды  көп  окугула, Аллахты  көп  зикир  кылгыла.  Жүрөккө  Аллахтын  сүйүүсү толсо, башка  эч  нерсеге  орун  калбайт. “Көңүл  бургула, Аллахты  эстөө  менен  жүрөк  эс алат”.
⠀
Мен  эч  качан  бузулбаймын, тазамын,  акмын  деп  күпүр  болбогула.  Кантип адашканыңды  билбей  каласың.  Андан  көрө:  “О,  Жараткан  Аллахым,  ак жолумдан адаштырба, туураны  туура  көрсөтүп, андан  алыстатпа, катаны  ката  көрсөтүп, ага жакындатпа”  деп  бассаң - турсаң  дуба  кыл.
⠀
  Ортодо  арам  байланыш  түзүлүп,  бирөө  менен  кооз  сөздөрдү  жазышып, таанышып, арамды  көздөй  сапар  тартсаң,  дароо  эсиңе  кел,  “мен эмне  кылып  жатам, күйөөмчү, балдарымчы,  меникайсы  кара  теке  сүзгөнү  турат...”  деп,  кеч  боло  электе  артыңа кайт, тобо  кыл.
⠀
Эркексиңби, аялсыңбы кумар каалооң күчөп, өзүңдү-өзүң башкара албай баратсаң, Пайгамбарыбыздын ага (Аллахтын тынчтыгы жана мактоосу болсун) осуятын аткарып, орозо карма. Бир күндө жыйынтыгын көрөсүң. Ары жаман жолго алып барчу балээден кутуласың, ары сооп-сыйга ээ болосуң.
⠀
Акырында айтарым, баягы эле динге кайталы. Өзүбүз диндар бололу, балдарды диндар кылалы. Адамда кимдир бирөө көрүп турат деген сезим болмоюнча, кылган ишине жараша жаза аларын моюндамайынча, аны эч кандай мызам, эч кандай милиция, эч кандай камера жаман жолдон тыя албайт. Анткени жер бетинде булар жок орундар толтура. Бир гана Аллах көрбөй турган орун жерде да, асманда да табылбайт.
⠀
Өрнөк:
⠀
Абу Умама (ага Аллах ыраазы болсун) кеп кылат: Жаш толуп турган жигит Пайгамбарыбызга ага (Аллахтын тынчтыгы жана мактоосу болсун) келип: “О, Аллахтын элчиси, мага зына кылууга уруксат бериңиз” – дебеспи. Уккандардын баары ага ачууланып, жекирип, кээси ордунан тура калды. Пайгамбарыбызага (Аллахтын тынчтыгы жана мактоосу болсун) аларды тынчтандырып, тиги жигитти жанына чакырды. “Ушул ишти апаңа каалайсыбы?” – деди анан жигитке. Ал чочуп: “Жок, андай болбой калсын” – деди шыдыр. “Башкалар да апасына мындайды каалабайт” – деди Пайгамбарыбыз (Аллахтын тынчтыгы жана мактоосу болсун) анан кайра сурады: “Кызыңа каалайсыңбы?”. “Жок” – деди тиги. “Башкалар да кызына мындайды каалабайт” – деди. “Же эже-карындаштарыңа каалайсыңбы?” – деп сурады. “Жок, Аллахка ант болсун, такыр каалабайм” – деди. “Башкалар да эже-карындашына мындайды каалабайт” – деди Пайгамбарыбыз (Аллахтын тынчтыгы жана мактоосу болсун). Андан кийин Пайгамбарыбыз ага (Аллахтын тынчтыгы жана мактоосу болсун) жигиттин көкүрөк тушуна колун коюп: “Аллахым, мунун күнөөсүн кечир, жүрөгүн тазала, жаман иштен сакта” – деп дуба кылды. Көргөн-билгендердин айтымында, ал жигит өмүрү өткөнчө бөтөн аялга тике карабай жүрүп өтүптүр.
⠀
Автор: Алайчы Сеитбеков.
⠀
"ЧЕЧИМ" китебинен.
⠀
«МУРАС БЕЙИШКЕ БАГЫТ » катталуу үчүн сизге ыңгайлуу канал, баракчаларыбыз:
━━━━━━━━━━━━━━
WhatsApp:
Мырзалар учун
⠀
https://chat.whatsapp.com/LoSWSzLZzZF6cEDbsb6aTZ
⠀
https://chat.whatsapp.com/Kn70UqktxkFKgNIBeHaeuq
⠀
Айымдар учун
⠀
https://chat.whatsapp.com/EGLJYQJUT8rHnltMetrOam
⠀
https://chat.whatsapp.com/Hw4ehgoaMUr4AO0XjsfZPO
⠀
https://chat.whatsapp.com/Ik31p9mha4wJJt4ST4WNFm
⠀
instagram.com/muras_media_kg
youtube.com/c/MurasMedia
Telegram
https://t.me/muslim1429
http://murasmedia.kg Ашу / Түсініктеме

2023-01-25 18:12:05 Арамга түрткөн байланыштар
⠀
Эркек өзүнүн аялынан башка аялдар менен байланышпасын. Аял да өзүнүн күйөөсүнөн башка эркек менен байланышпасын. Бул Исламдын эле мыйзамы эмес, үй-бүлө бактысын биринчи орунга койгон акыл-эстүү адамдардын мыйзамы. Бул темада биз азыр батышты жамандаганга бетибиз чыдабайт. Анткени, өзүбүз алардан ашсак аштык, асти кем эмеспиз. Соц тармактардагы бири-бирине жат эркектер менен аялдардын жайбаракат баарлашуусу, видео, сүрөттөрүн чыгаруусу өөн деле болбой калды. Коллегам деп коюн-колтук алышып, аяшым деп чопулдатып өбүшүп, классташым деп кучакташып бийлеп, досум деп тамашалашып, айтор, аралашып эле жатып калдык.
⠀
Анан жаңылыктарды окуп отурабыз: Түп районунда аялын атка сүйрөтүп өлтүргөн адам кармалды. Ал аялын өзүнүн досу менен кармап алып, кызганычтан улам ушул ишке барганын моюнуна алды. Өзгөндө күйөөсүнө бычак сайган аялдын соту болду. Ал күйөөсүн бирге иштеген келин менен жүргөнүн билип калып ушундай кылган.
⠀
“Бөтөн эркектер бөтөн аялдарды, бөтөн аялдар бөтөн эркектерди карабасын” деген Аллахтын мыйзамын тебелеп жашаган коомдо мындайдан бшка жаңылык болушу мүмкүн эмес. Бөтөн эркек менен бөтөн аялдын байланышы, мамилеси, аралашуусу, кимдир-бирөөнүн өлүмүнө, кимдир бирөөнүн жесир болуусуна, кимдир-бирөөнүн жетим калуусуна жол ачып берди. Ашмалтайы чыккан аралаш жашоо ашмалтайы чыккан бактысыз жашоого туш кылды.
⠀
Ойлонуп, чечим чыгара турган кез келе элекпи?
⠀
Чечим:
⠀
Аллах көздүн кыянатын да билет деп айтылат Куранда. Эч кимге билгизбей, өзүң башка жакты карап отурган киши болуп, көзүңдүн кыйыгы менен уурданып караганыңды, же капкара көз айнек тагынып алып билдирбей көз таштаганыңды Аллах көрүп турат, эртең ошол үчүн жооп бересиң. Ушуга да жооп берсең, анда башкасын өзүң ойлонуп көр...
⠀
“Адамдардан жашырасыңар, Аллахтан жашырбайсыңар, Аллах силер менен бирге го?!” Бирөө укса сөз болот, бирөө көрсө ушак тарайт, камера жок бекен... Адамдардан уялып, аялыңдан же күйөөңдөн коркуп титирейсиң... Жаныңда карап турган Аллахтан уялбайсың, азап-тозоктон коркпойсуң...
⠀
Акыр-аягы зынага, ойноштукка алып бара турган майда-чүйдөнүн баарынан сактануу зарыл. Оюңда эч нерсе жок бирөөнүн сүрөтүнө “лайк” басасың, эмне болмок эле деп бирөөгө пикир жазасың, бирөөгө жылмаясың, бирөөгө күлөсүң... Анан эле бир күн башыңды ташка уруп отурасың... Аллах Таала: “Зынага жакындабагыла...” деп бекер айткан эмес. “Зына кылбагыла” деген менен “Зынага жакындабагыла” дегендин айырмасы асман менен жердей. Жакындаба дегени, эртедир-кечтир зынага алып бара турган, сен аны байкабаган майда иштерден сактан деген эскертүү
⠀
Сүйүүнү,  ашыктыкты,  ойнош  болууну  даңазалаган  бузуку  сериал,  кинолорду көрүүнүн  кажети  жок.  Көргөнүн  иш  жүзүндө  кылып  көрүү адамдын  табиятында  бар. Сериалдагы  жашоо  көркөмдөлгөн,  кооздолгон,  ойдон  чыгарылган  жашоо.  Андан  көргөнүн чыныгы  жашоодо  кыламын  деген  адам  адашат.
⠀
Интернет  деген  балээни  чеги  менен,  жолу  менен  иштеткенди  үйрөнүшүбүз  керек. Заман  талабы  экен  деп  эле  канча  соц  тармак  болсо  баарына  башын  тыгып, кереги  болсоболбосо  колдоно  бергенге  болбойт.  Бузукулуктун  башаты,  зынаага,  никсиз  ойноштукка ачылган  эшик,  дал  ушул  интернет  тармагы.
⠀
Мусулман  эркектер  мусулманчылыгын  ойготуп,  аялдарына,  кыздарына  көз  салып, арамга  алып  барчу  иштерден  этиятташы  керек. Аялын  эркектердин  арасында  иштетип коюп,  телевизор  көрүп  чалкалап  жаткандар  ойлонгула. Турмуш  тиригилик  өтөт, бирок акыреттин  түбөлүк  жашоосу  бар, аны  да  ойлогула.  “Кызганбаган  эркек  бейишке  кирбейт”. Жада  калса,  аялыңарды  таксиге  жалгыз  салбагыла.  “Бөтөн  эркек  менен  бөтөн  аял  жалгыз калса,  үчүнчүсү  шайтан  болот”.
⠀
Ашыктык  шайтандын  оту.  Күйөөсү  бар  туруп  башка  эркекке  ашык  болгон  аялдар шайтандын  оту  менен  ойноп  жатканын  билсин.  Мындан  кутулуунун  жолун  издесин. Ашык  болгон  адамынын  жаман  жактарын  карасын,  андан  алыстасын,  номерин  өчүрсүн, жазышпасын,  сүйлөшпөсүн, ал  тууралуу  укпасын.  Күйөөсүнө,  балдарына  жакындасын, ошолор  менен  алек  болсун. Ашу / Түсініктеме

2023-01-23 15:12:56 Ашу / Түсініктеме

2023-01-23 15:11:40 Ражаб айы чын эле ыйыкпы?

Бисмиллаахир-Рохмаанир-Рохиим.

Оболу, Алла Таалага мактоо айтып, Пайгамбарыбызга салам жана салават жолдойбуз.
Мусулман ай календары боюнча Ражаб айы башталып, бул айда башка айларга караганда көбүрөөк ибадат кылуу керек, орозо кармоо, зикир чалуу, Куран окуу, ж.б. ибадаттарды көбөйтүү зарыл, мындай ибадаттарга башка убакка караганда көп сооп-сый берилет деп, атүгүл, бул айдагы сооп-сыйды миллиондоп эсептеп, бул айда ибадат кылгандарга түз эле бейишке жолдомо убада кылган маалыматтар туш тараптан жаай баштады.

Сабактын уландысын сайтыбызга кирип толук маалымат алсаңыздар болот.

http://www.murasmedia.kg/certainArticle/57 Ашу / Түсініктеме

2023-01-21 07:43:42 - Туулган күнүңө эмне каалайсың кызым, мен жумуштан чыгып сага белек ала келейин. Чындыгында кыз туулган күнү келип калганын да билген эмес экен:

- Чын эле туулган күнүм келип калдыбы - деп чочуп кетти ал.

- Акылыңдан айнып баратасың десем, ишенбейсиң деди апасы, карачы эми туулган күнүңдү да унутуп калыпсың.

- Ырахмат апке эстетип койгонуңузга - деди кыз апасынын бетинен өөп, анан апасына эркелей кулагына ....эңкейди да акырын гана: - апке мага жоолук анан хижаб сатып берчи – деди жалооруй. Жанатан бери күлүп-жайнап отурган апасынын түрү дароо өзгөрө түштү. Ийнине асылган кызын ары түртүп:

- Тапкан экенсиң алчу нерсени, жакшы эле бир нерсени айтат десе, дагы баягысын баштайт – деди ачуулана.

- Өзүңүз сурабадыңызбы, мен каалаганымды айттым да – кызы күнөөлүүдөй мостойо түштү.

- Экинчи бул жөнүндө ооз ачпа, кемпирлердей болуп далбырап, карзың барбы аны кийгенге, кыздын кыздай эле болгону жакшы.

- Мен дагы ошол кыздай болоюн деп атпаймынбы, кайдагы эркектердин киймин кийбей - деп кызы да өз оюн берген жок.

- Элдин баары эле ошентип жүрүшпөйбү, сен эле жашабай жатып молдо болосуң, азыр мен айтканды кийесиң, мен өлгөндөн кийин мага демектен оронуп-чулганып жатып кал – апасы чындап эле ачуулана баштады.

- А кокустан сизден мурда мен өлүп калсамчы, ушунча күнөө менен менин абалым кандай болот.

- Ой болдучу эми башты оорутпай, эркелетип унчукпай койсо чектен ашып баратасың – апасы ордунан тура калып кыйкырып кирди: - жоготкун тээтиги албырап - салбыраган юбкаларыңды, бүгүндөн баштап мен бергенди гана киесиң, кыска юбка, топик сатып келем, ашыкча сөзүңдү токтот.

Биротоло Моссоветтен орун ала келиңиз анда, оозунан кандай сөз чыгып кеткенин кыз сезбей калды. Кызынын жаагына чак эттире чаап алганын эне да билбей калды. Азыркы ызычууну ап эттире сугунуп алгансып бөлмө ичи бир азга тунжурай түштү. Оор жымжырттыкты шолоктоп ыйлаган кыз менен бышактап ыйлаган эненин үнү бузду. Андан ары сөз уланбай, кызына кол тийгизип алганына өкүнүп ыйлаган эне жумушуна кетти да, энесине катуу сүйлөп алганына өкүнүп ыйлаган кыз үйдө калды.

Уландысы бар...

Автор: Алайчы Сеитбеков.

"Аял сен асылсың" китебинен.

«МУРАС БЕЙИШКЕ БАГЫТ » катталуу үчүн сизге ыңгайлуу канал, баракчаларыбыз:
━━━━━━━━━━━━━━
WhatsApp:
Мырзалар учун

https://chat.whatsapp.com/LoSWSzLZzZF6cEDbsb6aTZ

https://chat.whatsapp.com/Kn70UqktxkFKgNIBeHaeuq

Айымдар учун

https://chat.whatsapp.com/EGLJYQJUT8rHnltMetrOam

https://chat.whatsapp.com/Hw4ehgoaMUr4AO0XjsfZPO

https://chat.whatsapp.com/Ik31p9mha4wJJt4ST4WNFm

instagram.com/muras_media_kg
youtube.com/c/MurasMedia
Telegram
https://t.me/muslim1429
http://murasmedia.kg Ашу / Түсініктеме