Гыйлем

2022-02-07 10:22:26 Шәриф Камал исемендәге әдәби премиянең белем бирү программасын башлыйбыз!

8 нче февраль көнне Шәриф Камал премиясе кысаларында яшь тәрҗемәчеләр өчен ике онлайн дәрес үткәреләчәк:

- 12.00 «Нәфис текстны кабул итү һәм тәрҗемә итү үзенчәлекләре», лекция.

Спикер: Чит телләр югары мәктәбен тәрҗемә итү теориясе һәм практикасы кафедрасы һәм КФУның халыкара мөнәсәбәтләр институты тәрҗемәсе доценты, синхрон тәрҗемәче, телдән тәрҗемә итү укытучысы, Россиянең Тәрҗемәчеләр берлеге әгъзасы Просюкова Ксения Олеговна.

- 14.00 «Әдәби тәрҗемәнең стилистик аспектлары», остаханә.

Спикер: зур халыкара чараларны тәрҗемә итүче, телдән һәм язма тәрҗемә, һөнәри этика һәм дипломатик протокол укытучысы Сингатуллова Алия Амировна.

Онлайн дәресләр Zoom платформасында узачак. Катнашырга теләүчеләргә алдан теркәлү шарт. Ашу / Түсініктеме

2022-02-01 12:22:07 Татарча медицина төшенчәләре:

https://www.azatliq.org/a/31679135.html Ашу / Түсініктеме

2022-01-16 10:35:41 Бер җан белән тиздән милләт итә бәйрәм,
Шәрәфәтләп, туган көнне бу мөхтәрәм;
Җисме үлек, исме терек бу хәзрәтне
Мәхшәргәчә телләр сөйләр, язар каләм!

1913 елда Габдулла Тукай Шиһабетдин Мәрҗанинең туган көне турында шундый юллар язган. Шагыйрь бөек дин галиме һәм тарихчыны
"Тулган ай күк балкып чыккан Шиһаб хәзрәт,
Мәгарифкә әүвәл башлап адым салган,
Милләт өчен бәһа җитмәс кыйбат хәзрәт" дип атый.

Мәрҗанинең кыйммәтен исән чагында да, тууына 200 ел үткәч тә югары бәһалиләр. Ашу / Түсініктеме

2022-01-08 10:18:17 Стивен Һокинг, яки Һокиң - иң билгеле һәм популяр галимнәрнең берсе. Аның коточкыч авыруы һәм шундый каршылыкларга дучар булып та, сынмавы һәм фәнни хезмәтен дәвам итүе күпләрне сокландыра. Бөек галимгә бүген 80 яшь тулыр иде.

Һокингның төп эзләнү-тикшеренү өлкәсе — космология һәм квант гравитациясе. Аның төп казанышлары:

кара упкыннарны тасвирлар өчен термодинамиканы кулланган;

1975 елда кара упкыннарның Һокинг нурланышы дип аталган күренеш хисабына таркалуы турында тәгълиматны барлыкка китергән.

1971 елда Зур шартлау теориясе кысаларында Һокинг микроскопик кара упкыннар төшенчәсен тәкъдим иткән. Мондый кара упкыннарның массасы миллиардлаган тонна булса да, күләмнәре протон күләменә тигез булыр иде. Әлеге объектлар чагыштырмалылык теориясе (бик зур масса һәм гравитация аркасында) белән квант механикасы (зурлыклары аркасында) арасында тора. Ашу / Түсініктеме

2022-01-07 08:52:17 Эпиктет

Эпиктет – борынгы грек (юнан) фәлсәфәчесе. Безнең эраның 50 – 138 нче елларында яшәгән. Римда ул әүвәл кол булган, аннары аңа ирек бүләк иткәннәр. Соңрак ул Никопольда фәлсәфә мәктәбенә нигез салган.

Заманында ул стоик фәлсәфәчесе Музоний Руфның лекцияләрен тыңлаган. Дөресрәге, аның хуҗасы Эпафродит лекцияләргә йөргән, ә Эпиктет, кол буларак, аңа ияргән.

Эшләргә ярамаганны уеңда да эшләмә

Азат булгач, Эпиктет стоиклык идеяләрен тарату белән шөгыльләнгән. Фәлсәфәнең төп бурычы дип ул кешеләргә чын мөмкинлекләре турында аңлатуны санаган. Тышкы дөньябызны тәшкил иткән нәрсәләр, матди әйберләр бездән тормый, алар безгә буйсынмый. Бу әйберләр үзләре түгел, ә алар турында фикер һәм карашларыбыз гына безне бәхетсез яки бәхетле итә ала. Фикерләребез, омтылышларыбыз, димәк, безнең бәхетебез бездән тора, безнең карамакта кала.

Туган шәһәрең өчен биек биналар төземә, халкын бөек ит – шәһәреңнең бөек иганәчесе булырсың: биек йортларда вак җаннар оялаганчы, тәбәнәк йортларда бөек йөрәкләр яшәсен.

Эпиктет трактатлар язмаган. Әмма өйрәткәннәренең кайбер кисәкләре укучысы Аррианның язмаларында сакланган. Алар «Әңгәмәләр» (Διατριβαί) һәм «Ярдәмлек» (Έγχειρίδιον) дип аталган. «Ярдәмлек» аеруча популяр булган, латин теленә тәрҗемә ителгән текстны башка фәлсәфәчеләр һәм теологлар күп тапкыр шәрехләгәннәр. Ашу / Түсініктеме

2022-01-03 10:09:44 Дөньяда иң абруйлы язучыларның берсе, Урта җирләрдә яши торган һоббитлар белән эльфларны, явыз Саурон белән хикмәт иясе карт Гэндальфны, Берен белән Лутиэнның мәхәббәт тарихын, үзсүзле, әмма кыю гномнарның батырлыкларын уйлап табып, барча халыкларга җиткергән профессор Джон Рональд Руэл Толкинның тууына бүген 130 ел.

Толкин "Һоббит", "Балдаклар хөкемдары", "Сильмариллион" һәм башка күпсанлы әдәби әсәрләр авторы гына түгел. Кешелек тарихына ул берничә тел уйлап табучы буларак та, инглиз әдәбияты белгече һәм мөһим тәрҗемәләр һәм фәнни хезмәтләрне әзерләүче галим буларак та кереп калды.

Bruno Formagio рәсеме Ашу / Түсініктеме

2022-01-02 17:37:15 Фән, фәлсәфә, әдәбият, телләр, мотивация.

2014 нче елдан акыллы буын тәрбиялибез. Ашу / Түсініктеме

2021-12-29 14:57:49 https://t.me/yana_el_bot

Дуслар, бездә бик шәп хәбәр бар.

Татар китабы йорты һәм IT-лицей @itlkpfu укучылары өр-яңа телеграм бот булдырды.

Без Сезгә яхшы кәеф бүләк һәм көндәлек мотивация бүләк итәргә телибез.
Ничекме?

Бар да гади.

Телеграмдагы эзләп табарга кирәк: YanaElBot
Басарга кирәкле төймә: start һәм help
Тәмам!

Телеграм бот Сезгә көн саен татар язучыларының фикерләрен, канатлы гыйбарәләр, мотивацион сүзләр тәкъдим итеп барачак.

Көнеңнең ничек узачагын белергә, ялкаулыкны җиңәргә, кәефеңне күтәрергә, салкын кышта җылынырга теләсәң, безнең ботны куллан.

Яңа елны безнең белән уздыр. Иң яхшысы бу эшне бүген үк башла Ашу / Түсініктеме

2021-11-24 15:11:25 Шәриф Камал исемендәге әдәби премия игълан итәбез!

Татарстан Республикасы Мәдәният министрлыгы, Татарстан Республикасы Милли музее һәм Татар әдәбияты тарихы музее һәм Шәриф Камал мемориаль фатиры (Татар китабы йорты) яшь язучылар һәм тәрҗемәчеләр өчен Шәриф Камал исемендәге II әдәби премия турында игълан итә.

Шәриф Камал исемендәге әдәби премиягә татар телендәге кече һәм урта жанрдагы проза әсәрләрен (күләме 20000 тамгага кадәр хикәя, новелла; күләме 40000 тамгага кадәр зур булмаган повесть, нон-фикшн жанрындагы әсәр) яки Шәриф Камал әсәрләренең инглиз, алман, яки төрек телләренә тәрҗемә юнәлешендә үзләрен сыный торган яшь авторлар (мәктәп укучылары, студентлар, яшь авторлар) дәгъва итә ала.

Без яңа авторлар эзлибез, конкурска тәкъдим ителгән әсәрләрнең моңарчы беркайда да басылмаган булуы, ә авторның Язучылар берлеге әгъзасы булмавы шарт!

Яшь чикләве: 14-30 яшь

Премия дигәндә, 2 җиңүчегә диплом һәм 50 мең сум күләмендә акчалата бүләк биреләчәк.

Татар китабы йорты Ашу / Түсініктеме

2021-11-15 13:52:25 Хәлбуки: Кайда син, Шүрәле?

Шүрәле каян килеп чыккан? Аның прототибы бармы? Ул никадәр борынгы? Чынбарлыкта аны очратырга буламы?
Шүрәленең булуына ышанмасагыз, безнең дәрескә килеп, “Шүрәле бармаклары”н үзегез тотып карагыз . Шуннан тыш, “Шүрәле тешләре”н дә, аның тәңкәсен дә сезгә күрсәтербез.

Әлбәттә, Шүрәле турында бөтен мәгълүмат җыеп һәм фәнни анализ ясап бу образның серен дә чишәргә тырышырбыз.

Боларның барысын да сезгә Артур Галимҗанов бәян итәчәк.
Вакыты: 20 ноябрь, 17:00
Татар китабы йорты (Островский, 15). Ашу / Түсініктеме