Тіл кеспек жоқ

2021-08-03 14:25:34 Халықтың ақшасын жеке PR үшін жұмсайтын әкім

Гүлшара Әбдіхалықова туралы мына материалдың әрқайсысы 275 100 теңге тұрады.

Қызылорда облысының әкімі қуаңшылықтан малы қырылып, аш қалған адамдарға қаржылай көмектескенше, сөзбен «бәрін біріктіріп» мәселесін шешкен.

Бұлай ақшаны далаға шашқанына қарағанда, Қызылорданың халқы бай көрінеді.

@protenge Ашу / Түсініктеме

2021-08-03 13:42:02 Ковидтың кесірінен 4 бала тұл жетім атанды

Алматы облысында 1990 және 1989 жылы туған ерлі-зайыпты Еңбекшіқазақ аудандық ауруханасына ауыр жағдайда келіп түскен. Екеуінде де коронавирустық пневмония асқынып, олар көз жұмды.

Үлкен баласы 9 жаста, ал кенжесі әлі нәресте.

«Әйел ауруханаға түскенде, жүкті болған. Оған кесар тілігі жасалып, нәрестені аман алып қалды. Кішкентай қыз дәрігерлердің бақылауында», – деді денсаулық сақтау басқармасының баспасөз хатшысы Ләйлім Әубәкірова.

Еске салсақ, Алматы облысы әлі «қызыл» аймақта.

@orda_kz Ашу / Түсініктеме

2021-08-03 12:59:07 Бердібек Сапарбаев экс-әкімді басқарма басшысы етіп тағайындағаны үшін Тоқаевтан сөгіс естіді. Президент оған бір күнде қатесін түзеуге тапсырма берді. Ашу / Түсініктеме

2021-08-03 09:54:24 Биыл оқушыларға тек мектеп формасын кию міндетті емес

Білім және ғылым министрі Асхат Аймағамбетов мектеп формасынан бөлек, классикалық стильде киінуге рұқсат берді.

Бірақ министрдің өзі ата-ана және министр ретінде мектеп формасын киюді қолдайтынын атап өтті. Ашу / Түсініктеме

2021-08-03 07:21:05 Бердібек Сапарбаев экс-әкімді басқарма басшысы етіп тағайындағаны үшін Тоқаевтан сөгіс естіді.
Президент оған бір күнде қатесін түзеуге тапсырма берді. Ашу / Түсініктеме

2021-08-02 15:12:17 Оқушы қыздың зорлануына байланысты әкім қызметінен айырылған шенеунікке жаңа лауазым берілді

Тараздың әкс-әкімі Қайрат Досаев, Жамбыл облысы әкімдігінің табиғи ресурстар және табиғатты пайдалануды реттеу басқармасының басшысы болып тағайындалды. Оған дейін ол облыстың бас еңбек инспекторы болған.

Екі жыл бұрын Таразда далада орналасқан дәретханада 12 жасар қыз зорланған еді. Осы оқиғаға қатысты Тоқаев әкімді орнынан босатты. Бірақ шенеунік қайтадан басшыға айналды. Ашу / Түсініктеме

2021-08-02 14:28:33 Ашу / Түсініктеме

2021-08-02 14:26:24 Алматыда орталық синагога басшылығына айыппұл салынды

Орталық Rixos қонақүйінінің алдында діни жиын өткізгені үшін 30 АЕК (87 510 теңге) айыппұл төлейді.

Ал қонақүйге келер болсақ,
«Олардың фототүсірілімге қатысы жоқ әрі оқиға сыртта болған. Шара туралы бейхабар болғандықтан, олар жазаға тартылмайды» деді қаланың санитария және эпидемиология бақылау департаменті басшысының орынбасары Әсел Қалықова. Ашу / Түсініктеме

2021-08-02 13:35:47 Қырғызстанның бұрынғы президенті Асқар Ақаев Бішкекке жеткізілді.
⠀
Қазіргі уақытта Ақаев ҰҚК ғимаратында, онда оның қатысуымен «Құмтор» кен орны бойынша қылмыстық іс шеңберінде қажетті тергеу әрекеттері жүргізілуде.

: kabar.kg

https://kaz.holanews.kz/news/163935/ Ашу / Түсініктеме

2021-08-02 09:51:57 Liter.kz жауапсыз редакция екен. Онсыз да фейкньюс қызып жатқанда бұл басылым ешкімге сілтеме жасамастан, ешқандай растаусыз "екпеден бір отбасы қайтыс болды" деген ақпарат беріпті. Осындай жағдайда ақпаратты қалай тарату керегіне үлгі РИА Новости берген жаңалық - "қайтыс болды деген хабарлама тексеріліп жатыр". Міне, жауапты журналистика осындай болады. Ашу / Түсініктеме