ТАРБИЯ

2023-05-13 10:46:01 Тадбиркор акамиз Анвар Абдуқаюм бола тарбиясига оид ўринли маслаҳат берибдилар...

https://t.me/tarbiya_oliy Ашу / Түсініктеме

2023-05-13 10:26:32 ОНАМ БОРДИР

На шухрат шон, на молу дунё,
Ҳеч нарсам йўқ, йўқотадиган.
Кўнглим тўлиб йиғласам гоҳо,
Онам бордир юпатадиган.

Хаёт экан паст, баланд, чуқур,
Кўп, ортимдан тош отадиган.
Яхши ёмон кунимда шукур,
Онам бордир асқотадиган.

Душман чиқди писмиқ дўстларим,
Дўст бўлмайди сир сотадиган.
Ғафлат босиб қолса кўзларим,
Онам бордир уйғотадиган.

Кам бўлмагин сира деб болам,
Дуоларга қўл очадиган.
Бошимдаги қуёшим - онам,
Онам бордир нур сочадиган.

Бошимдаги гул тожим отам,
Ғурбат сенми ғам ортадиган.
Мен бадавлат мен, мисли ҳотам,
Онам бордир дил тортадиган.

На шухрат шон, на молу дунё,
Ҳеч нарсам йўқ, йўқотадиган.
Кўнглим тўлиб йиғласам гоҳо,
Онам бордир юпатадиган.

Хуршид Карим

Каналимиздан узоклашманг


https://t.me/tarbiya_oliy Ашу / Түсініктеме

2023-05-12 07:31:51 АССАЛОМУ АЛАЙКУМ!

Тилимиздан чиққан, қалбимиздан ўтган, биз билмаган, аммо биз учун хайрли бўлган нимайки бўлса, ДУОга айланиб, қабул бўлсин, ИНШААЛЛОҲ!..

Тонгингиз хайрли бўлсин, кунингиз файзу баракотга тўлсин!

Жума айёми муборак бўлсин!


https://t.me/tarbiya_oliy Ашу / Түсініктеме

2023-05-11 15:26:07 Ҳаётий хикоя

Охиригача кўринг...

https://t.me/ibrat_tarbiya Ашу / Түсініктеме

2023-05-11 15:19:35 БАХТ  ШАРБАТИ  АФСОНАСИ
(афсона)

Овулми овул юриб, Бахт шарбатининг тайёрланиш сирини ўргатиб юрган Одам Ато чекка бир овулга ярим тунда кириб борибди.
⸺Ҳали кўплаб овулларга боришим керак, вақтим жуда зиқ, ⸺ дебди у овулдагиларни уйғотгач. ⸺ Тезроқ катта бир дошқозон осинг. Унга ҳамма ўз уйидан бир косадан сут олиб чиқиб қуйсин. Қозон сутга тўлганида, сизларга Бахт шарбати қандай тайёрланишини ўргатиб қўяман.
Шундай қилиб, дошқозонга ҳамма бир косадан сут келтириб қуя бошлабди. Қозон тўлай деб қолганида эса тонг отибди. Одам Ато қараса... қозон тўла сув эмиш!
Ҳаммаси равшан: овул одамлари муғамбирлик қилиб, уйларидан сут ўрнига сув олиб чиққан ва "косамдаги сув қозондаги сутга аралашиб кетса, ҳеч ким билмай қолади", деган хаёлда шу ишни қилишган экан.
Буни кўриб Одам Атонинг дили оғрибди ва овулдан кетиб қолибди...
Айтишларича, ҳаётда Бахт насиб қилмаган инсонларнинг кўпи ўша овул одамларининг қавмидан эмиш.

Байрам Али


https://t.me/tarbiya_oliy Ашу / Түсініктеме

2023-05-11 15:00:08 Qiz farzand jannat rayxonlaridir

Farzand tarbiyasi va salomatligiga oid foydali maʼlumotlar kanali

https://t.me/ibrat_tarbiya Ашу / Түсініктеме

2023-05-11 14:56:28 Халол бўлинг!

https://t.me/ibrat_tarbiya Ашу / Түсініктеме

2023-05-11 14:43:29 МАНА ШУНДАЙ ЯШАНГ

Нима бўлган тақдирда ҳам, Ота-Онангиз, учун яшанг. Ўзингиз учун, фарзандларингиз учун яшанг. Баҳт келиб кетгувчи. Қачондир яна келади. Умид билан яшайверинг. Ҳудо суйган бандаларига дард бериб, синовларда синайди. Бугун сиз учун ёпилган эшиклар, эртага албатта сиз учун очилади. Сиздан кетганларни ҳеч қачон қарғаманг. Аксинча дуолар қилинг. Кўзингиздан оққан кўз ёшга айланиб, кафтингизга тўкилишсин. Сизни бир умр яҳши ҳотиралар билан эслаб юрсинлар. Нафратингиз олов бўлса, меҳрингиз дарё бўлсин. Бу Ҳаётда кулиб туриб, йиғлашни ўрганинг. Йиқилсангиз жонингиз чиқиб кетса ҳам, ё Аллоҳ деб ўзингиз туришга ҳаракат қилинг. Майли жонингиз оғрисин, юрагингиз тилка-пора бўлсин, лекин тишингизни тишингизга босинг. Оғриқларга дош беринг. Ожиз нуқтангизни Аллоҳдан бўлак бандаси кўрмасин. Ҳалол бўлинг, ҳаромдан ҳазар қилинг. Мард бўлинг, номард бўлманг. Мана шундай яшанг. Ҳаёт кучлиларни севади. Ожизларни эмас.

https://t.me/tarbiya_oliy Ашу / Түсініктеме

2023-05-11 14:22:22 АДОЛАТ ҚУДРАТИ

Искандар Румийдан сўрадилар:
– Қандай қилиб машриқдан мағрибгача бўлган давлатларни қўлга олдингиз. Ваҳоланки, сиздан аввалгилар кучлироқ, лашкари сероб, хазинаси кўп бўлгани билан фатҳ қилолмадилар.
– Аввало Оллоҳнинг ёрдами билан. Қолаверса, қайси мамлакатни қўлган киритсам, халқига озор бермадим, яхши одатларига қарши чиқмадим ва улуғларининг номини булғамадим.

Саъдий Шерозийнинг “Гулистон”идан.


https://t.me/tarbiya_oliy Ашу / Түсініктеме

2023-05-11 14:20:06 Раҳматли отамиз Норматов Бошбек иккинчи Жаҳон уруши қатнашчиси бўлганлар. Бола эдим. Отамиз одамни титратиб юборадиган бир воқеани онамизга гапириб берганлари ҳамон эсимда.
— Вязьма йўналишидаги бир чоғроқ шаҳарчани душмандан озод қилдик, — дея гап бошлади отамиз. — Қаҳратон қиш. Икки қаватли ёғоч уйлар, кўча тўла ўликлар... Бир уйнинг иккинчи қаватига чиқсам, латта-путталар уюми ёнида бир аёл ўлиб ётибди. Битта ҳам душман йўқ — қочиб кетишган шекилли. Энди ўгирилиб кетмоқчи эдим, ўлик ёнидаги латта уюми қимирлагандай бўлди. Очиб кўрсам, ё қудратингдан, тирик чақалоқ ўлик онасини эмиб ётибди!.. Деразага югуриб бориб, пастдаги ҳамширани чақирдим. Зудлик билан ҳамшираю врачлар етиб келишди. Ҳайратланарли жойи шундаки, мурда совуқда қотиб қолган бўлса ҳам чақалоқ эмаётган кўкрак юмшоқ ва иссиқ эди, иккинчиси қотиб ётибди! Ҳарбий врачлар ҳам ҳайратда: одам ўлгандан кейин узоғи билан йигирма дақиқадан сўнг организмдаги барча аъзолар ўз фаолиятини тўхтатиши керак-ку!..  Врачларнинг айтишича, бу аёлнинг жони узилганига ўн кун, бўлмаганда бир ҳафта бўлган экан!.. Ҳамширалар тезда гўдакнинг таглигини алмаштиришди, қайтадан йўргаклаб, шинелга ўрашди. Орадан кўп ҳам вақт ўтгани йўқ, бир пайт қарасак, ҳозиргина чақалоқ эмиб турган қайноқ ва юмшоқ кўкрак ҳам иккинчисига ўхшаб совуқда қотиб ётибди. Худди жигаргўшасининг ишончли қўлларга тушганидан хотиржам бўлгандай... Биров гапириб берганида икки дунёда ҳам ишонмасдим, ўз кўзим билан кўрдим ахир... — деб отамиз ҳикоясини тугатдилар.

Нима бу? Бу не синоат, не мўъжизаки, она ўлганидан кейин ҳам юрагининг бир парчасига уммон қадар меҳр, осмон қадар муҳаббат соғинса! Табиат қонунларига бўйсинмайдиган, тиббиёт қонунларини тан олмайдиган ОНА МЕҲРИ олдида бутун борлиқ таъзимда

Шароф Бошбеков


https://t.me/tarbiya_oliy Ашу / Түсініктеме