Саяси Шолу

2022-08-26 18:13:01 «Қазпоштаның» екі қызметкері 37 миллион теңгеден аса қаржы жымқырған

Батыс Қазақстан облысында "Қазпошта" АҚ пошта бөлімшесінің екі қызметкері 37 миллион теңгеден аса қаржы жымқырғаны үшін сотталды, - деп хабарлайды Tengrinews.kz тілшісі.

"Қаржылық мониторинг агенттігі БҚО бойынша департаменті "Қазпошта" АҚ пошта бөлімшесінің екі қызметкерінің ЖШС бірінің шотына өткізген ақшасын 4 жыл бойы ұрлау дерегін анықтады. Барлығы 37 миллион теңгеден аса ақша ұрланған. Сонымен қатар, олар 2013-2020 жылдары ішінде құжаттарды қолдан жасау арқылы зейнеткердің 1,2 миллион теңгедан аса қаражатын иемденіп алған", - делінген хабарламада.

Қаржылық мониторинг агенттігінің мәліметінше, операторлар 7 жылға бас бостандығынан айырылған. Оларға қаржылық және мемлекеттік ұйымдарда материалдық жауапты қызметтерді атқаруға өмір бойына тыйым салынады. Ашу / Түсініктеме

2022-08-24 18:37:01 «Қырым Украинаға қайтарылуға тиіс» – Ердоған

Түркия президенті Режеп Тайып Ердоған оккупациядағы Қырым Украина құрамына қайтарылуы керектігін мәлімдеді, деп хабарлайды Ulysmedia.kz.

"Біз Қырымды басып алу заңсыз әрі конституцияға сай емес деп есептейміз. Бұл – заңдық әрі адами тұрғыдан біздің принциптік көзқарасымыз. Халықаралық құқық Қырымның Украинаға қайтарылуын талап етеді. Бұл барлық өңір үшін және әлемдік қауіпсіздік жүйесі үшін маңызды”, – деп атап өтті ол.

Қырым түбегі Ресей құрамына 2014 жылы өтті. Украина Қырымды жоғалтып алғанын мойындағысы келмейді.

Эрдоғанның сөзінше, Түркия Қырым платформасын құру туралы идеяны дұрыс деп есептейді және оның жұмысын толығымен қолдамақ ниетте.

Сонымен бірге, Түркия президенті қырым татарларының құқықтары мен қауіпсіздігін қорғау – өзінің басты басымдығы екенін алға тартты. Ашу / Түсініктеме

2022-08-22 19:48:50 Ел бойынша тұздалмаған сары майдың бөлшек сауда құны биыл шілде айында бір келі үшін 3,3 мың теңгеге жетті. Ірі қалалар бойынша баға Павлодарда 2,7 мың теңгеден Атырауда 4,3 мың теңгеге дейін құбылды.

Жыл басынан бері сары май Маңғыстау облысында бірден 29 пайызға қымбаттаған. Одан кейін Шымкент пен Жамбыл облысы тұр, онда майдың бағасы 26,7 және 26,4 пайызға өскен Ашу / Түсініктеме

2022-08-22 19:48:43 Елде сары май қымбаттады

Жыл басынан бері елде сары май 15 пайызға қымбаттады, деп хабарлайды BAQ.KZ.

Жыл басынан шілде айына дейін елімізде сары май өндірісі 13,9 мың тонна болған. Бұл өткен жылмен салыстырғанда 12,6 пайызға аз. Бұған дейін өндіріс көлемі 31,9 пайызға өскен.

Жыл басынан бері отандық май зауыттары сары майға деген сұранысты 71 пайызға, өткен жылы 83,6 пайызға қамтамасыз еткен.

Елдің ішкі нарығында сары майды сату 2022 жылғы қаңтар-мамырда 19,9 пайызға, 12,5 мың тоннаға дейін өсті. Осыған ұқсас кезеңде экспорт шамамен төрт есе, 541,5 тоннаға дейін қысқарды.

Биыл шілде айының қорытындысы бойынша тұздалмаған сары майдың бағасы бір айда 1,2 пайызға өсті. Жыл басынан бері баға бірден 14,7 пайызға өсті.

. Ашу / Түсініктеме

2022-08-20 17:27:01 Қазақстанда 5G биыл қолжетімді болады

2019 жылдан бері кеңінен игеріліп келе жатқан 5G технологиясы оның алдындағы 4G-мен салыстырғанда 100 есе жылдам жұмыс істейді. Бүгінде оның төңірегінде қызу талқылаулар әлі жалғасып келеді. Біреулер байланыстың бұл түрі адам денсаулығы үшін аса қауіпті дегенді алға тартады. Енді басқалары оның көмегімен цифрлық экономиканы жаңа деңгейге көтеруге ниетті.

Спидтест жаһандық индексінің мәліметіне, сәйкес, интернет жылдамдығы бойынша әлемде бірінші орында Біріккен Араб Әмірліктері тұр. Алғашқы бестікке Катар, Оңтүстік Корея, Норвегия мен Кувейт кіреді. Қазақстан бұл тізімде 83-орында. Елімізде 5 джи технологиясы пилоттық режимде 2019 жылы іске қосылған. Алайда қазақстандықтар үшін ол жыл соңына таман ғана қолжетімді болады. Ең алдымен оны Нұр-Сұлтан және Алматы тұрғындары қолдана алады. Өзге қалаларда байланыстың бұл түрі тек 2025 жылға таман ғана іске қосылуға тиіс. Ашу / Түсініктеме

2022-08-18 18:45:20 Алматыда электрлі самокаттардың тұрағы пайда болды

Бірінші кезеңде белгілер Достық, Абай, Назарбаев даңғылдары, Гоголь көшесінің бойына жасалып жатыр. Жыл соңына дейін қала бойынша 500 тұрақ жасалады.

Тұрақ аумағы ақ түсті бояумен самокат кескіні арқылы белгіленеді. Тұрақ алаңы шамамен 4 шаршы метр болады, оған 10-ға жуық жалдамалы самокат қоюға болады. Арнайы белгілердің жасалуы қала тұрғындарына жалдамалы самокаттарды жаяу жүргіншілер мен көліктерге кедергі келтірмейтін орындарға қалдыруға мүмкіндік береді, – делінген Алматы әкімдігінің хабарламасында.

Айта кетейік, Алматы әкімдігі мен электрлі самокаттарды жалға беру сервисінің операторы арасында меморандумға қол қойылған. Құжат электрлі самокаттардың қозғалыс қауіпсіздігін қамтамасыз ету мен апатты азайтуды көздейді. Ашу / Түсініктеме

2022-08-16 17:25:50 Оқу жылы 2 аптаға ұзартылды

Оқу-ағарту министрлігінің аппарат жиналысында оқу жылын 2 аптаға ұзарту туралы шешім бекітілді.

Осылайша алдағы оқу жылы 1-сынып үшін 35 аптаға жалғасса, 2-11 сыныптар 36 апта бойы оқиды. 31 қазаннан 6 қарашаға дейін 7 күн - бұл күзгі демалыс болып есептеледі. Қысқы демалыс 31 желтоқсан мен 8 қаңтар аралығында болады. Сондай-ақ, 18-ші және 26-наурыз аралығында оқушылар көктемгі демалысқа шығады. Ал 1-сыныптағы бүлдіршіндерге қосымша 7 күн демалыс беріледі. Оқу жылының аяқталуы 1 маусымға белгіленіп, жазғы каникул 1 қыркүйекке дейін жалғасады. Ашу / Түсініктеме

2022-08-14 16:53:01 Елордада 235 мың адам сыятын жаңа мешіт ашылды

Нұр-Сұлтан қаласында әлемдегі ең үлкен мешіттердің қатарына енген жаңа мешіт бой көтерді. Жаңа мешіт тұңғыш президент Нұрсұлтан Назарбаевтың бастамасымен үш жылда салынды.

Мешіт орналасқан жер учаскесінің алаңы – 10 гектар Оның жалпы алаңы – 68 062 шаршы метр. Үлкен күмбездің биіктігі – 83,2 метр, диаметрі – 62 метр. Мешіттің төрт мұнарасы бар. Оның биікті – 130 метр.

Сонымен қатар, мешіттің жерасты қабатында 440 орындық банкет залы, 405 орындық жабық паркинг, вестибюль, дәретхана, техникалық, ритуалдық қызмет көрсету орны, құрбан шалу орны және басқа бөлмелер орналасқан.

Бірінші және екінші қабаттарда намаз оқитын орыннан бөлек сыныптар, конференц-зал, неке қию залы, Құран оқитын бөлме, телестудия, кеңселер, қызметтік бөлмелер, дүкендер, мұражай және техникалық бөлмелер бар. Ашу / Түсініктеме

2022-08-12 21:16:24 Елордада 235 мың адам сыятын жаңа мешіт ашылды

Нұр-Сұлтан қаласында әлемдегі ең үлкен мешіттердің қатарына енген жаңа мешіт бой көтерді. Жаңа мешіт тұңғыш президент Нұрсұлтан Назарбаевтың бастамасымен үш жылда салынды.

Мешіт орналасқан жер учаскесінің алаңы – 10 гектар Оның жалпы алаңы – 68 062 шаршы метр. Үлкен күмбездің биіктігі – 83,2 метр, диаметрі – 62 метр. Мешіттің төрт мұнарасы бар. Оның биікті – 130 метр.

Сонымен қатар, мешіттің жерасты қабатында 440 орындық банкет залы, 405 орындық жабық паркинг, вестибюль, дәретхана, техникалық, ритуалдық қызмет көрсету орны, құрбан шалу орны және басқа бөлмелер орналасқан.

Бірінші және екінші қабаттарда намаз оқитын орыннан бөлек сыныптар, конференц-зал, неке қию залы, Құран оқитын бөлме, телестудия, кеңселер, қызметтік бөлмелер, дүкендер, мұражай және техникалық бөлмелер бар. Ашу / Түсініктеме

2022-08-10 18:37:43 Бүгін – Абай Құнанбайұлының туған күні Ашу / Түсініктеме