2022-02-02 12:33:21
Жуықта аймағымызда «Моңғолия қазақтарының тілі мен мәдениетін қолдау одағы» құрылды, - деп хабарлайды Алтай news газеті.
Одақтың мақсаты – мемлекеттің тіл және мәдениет бағытында қабылдаған заңдар мен саясатты жүзеге асыруына қолдау көрсету және Моңғолия қазақтарының ана тілін қорғау, дамыту, зерттеу, насихаттау, осы мақсатта қабылданған заңдардың орындалуына бақылау қою.
Моңғолия қазақтарының тіл және мәдениетін қолдау одағының Басқару кеңесі төрағасына Насырұлы Сәбет, атқарушы директорына Нұрболат Өнерханұлы сайланды.
Қоғамдық ұйым биыл төмендегідей іс-шараларды атқаруды жоспарлар отыр:
- Моңғол еліне Еңбегі сіңген ұстаз Байылхан Ниязұлының атында Қазақ тілі және әдебиеті пәнінің олимпиадасын ұйымдастыру;
- Қобда университетінің аймақтық бөлімшесіне “Қазақтану орталығын” ашу;
- Балалардың тілін, сөйлеу, баяндау қабілеттерін жетілдіруге бағытталған онлайн жарыстар өткізу;
- Жылдың таңдаулы өнер туындысы, қолөнер бұйымы, кітап, кигіз үй, тіл және мәдениет жанашыры, қазақ тілі және әдебиеті пәнінің мұғалімін сыналтып, “АМАНАТ” сыйлығымен марапаттау;
- Моңғолия қазақтарының тіл және мәдениеті, тарихы тақырыбы аясында ғылыми конференция өткізу;
- Ұлт азшылығының құқықтары, тіл және мәдениетті қорғау, дамытудың маңызы жөнінде контенттер жасау /видео, фото, мақала, сұхбат т.б./, арнайы дәрістер өткізу;
- Моңғолия қазақтарының тарихы туралы жинақ құрастыру;
- Қос тілде білім беру және мектептердегі қазақ тілі мен әдебиеті пәнінің сағатын арттыру мәселелері бойынша ұсыныстар әзірлеп, тиісті мекемелерге ұсыну, жүзеге асуына бақылау жасау.
#ШетелдегіҚазақтілдіБАҚжаңалықтары
#АлыстағыАғайыннанХабар
#шетелдегіқазақтар
88 views09:33
O
