2022-04-29 19:22:18
Ғасырдан болмау қасірет емес, ғарыштан болсаң білмедім...
Сабырымның қайтейін жоғалғанын,
Төзімімнің қайтейін тоналғанын?
Саған жаным,
Теңеу де тең келерлік табалмадым.
Көктем дейді... қайдағы... қырау менде,
Қыс аязы орнап ап жүр ау сенде.
Сен де мен де,
Ақылсыз, ақымақтармыз мынау елге.
Айтқыштар көп ғой, бәрін де ұғасың,
Кім арнар дейсің бізге дұғасын.
Сөйлесе - мен сені алдап,
Сені мені - дуалап алған болып шығасың!
Тағы да жалғыз, көше, қара түн,
Сағыныш - депті мұның дәл атын.
Ғарышты зерттеп жүрген ғалымдар,
Жер тапты ма екен... кете салатын?
Ғұмыр болса да, онда бір апта,
Көшейік қалқам, жерден жыраққа.
Жалпы жалғаннан жаурап жүргенде.
Жалғызым мені жалғызсыратпа!
Біз бірге болсақ, сынақ - сынақ па?!
Мейрамбек Абдіқалиев
@AbdiqalyevMeyrambek
@Meyrambek_poeziya
204 viewsedited 16:22