Поэзия және Мен Мейрамбек Абдіқалиев

2022-07-31 16:40:21 Рахмет Ашу / Түсініктеме

2022-07-31 11:49:25 Оқыған: @juma6a1qyzy
Автор: @AbdiqalyevMeyrambek Ашу / Түсініктеме

2022-07-22 10:01:47 Ашу / Түсініктеме

2022-07-11 08:53:42 Ашу / Түсініктеме

2022-06-24 10:53:23 Тағы бір түн

Бұл - Тараздың аспаны Бесқала қайда?
Бесқаламда аспанға көп қарайлай ма?
Түнгі ызғар басқа, әрине жұлдыздар бөлек.
Ризамын, жалғыз тастап кетпеген айға!

Ойнақы жел ойымды алып ұшқалы,
Санамда сарсаң болды сағыныш тағы.
Мен өзіммен танысып бастадым, иә,
Жалғыздық пен оңаша жолығысқалы.

Ойларымның ойран боп он сан ордасы,
Қайда апарарын білмеймін мына жолбасы?
Бір жұлдыз, сыңғыр етіп күлді үстімнен,
Бейне ол - түн арудың күміс сырғасы.

Маған неге күледі, түсініксіз - ақ осылар...
Түн, табиғат, шырылымен шекіртке де қосылар.
Мен көнемін... әлгі жұлдыз, құлап түсті кенеттен...
Өзі әрең тұр екен, маған күліп несі бар?!

Үнсіздікте осылай, үдеп - үдеп басылар...

Мейрамбек Абдіқалиев
Телеграм каналыма қосылу үшін басыңыз=> @Meyrambek_poeziya
Кері байланыс => @AbdiqalyevMeyrambek Ашу / Түсініктеме

2022-06-24 09:58:15 ***

Жазбайсың ба енді жарығым,
Бармаймын ба енді сені іздеп.
Жетпейміз бе енді бақытқа,
Күтпейсің бе енді күлімдеп?!

Кетесің бе шын тым ұзап,
Сырласпаймыз ба түн ұзақ.
Қалар ма ылғый түн жылап,
Жүреміз бе ылғый тұнжырап.

Айтпаған жанға сырым ең,
Таппаған таңда гүлім ең...
Өзгермейді ме шешімің,
Сағынбайсың ба шынымен?!

Сергелдең ойда сезім жүр,
Таусылып тағат, төзім жүр.
Ұнамай жүрсем дұп-дұрыс,
Жыламай жүрсең өзің біл.

Сен мендесің, мен де сендемін!
Сенемін.

Мейрамбек Абдіқалиев
Телеграм каналыма қосылу үшін басыңыз=> @Meyrambek_poeziya
Кері байланыс => @AbdiqalyevMeyrambek Ашу / Түсініктеме

2022-06-24 09:33:06 ***

Түнемегелі талай түн өтті жүрекке жырдың,
Тағдырым неге жолыңды мына түнекке бұрдың.
Үлп еткен желге, үкілеп жүрген үмітте сөндің.
Тәңірім...
Тап осы сәтте - таусылған тілекке тұрмын.

Түсініксіз, дос қайсы, жанымда кім жүр,
Бүгінгі мына басымдағы шын бағым ба білдір.
Тағыда ұйқымды ұрлап ап ұяласа мұң,
Жарығым...
Жанымды жегідей жейді жазылмаған жыр.

Көкте бұлт күңіренгенде күрсініп кетем,
Көзаба қожакөрсінге құлшынып нетем?!
Сан рет жаназа оқыды жанды жаралап,
Талай күн...
Өмірлі өлеңдеріме тіршілік деген.

Мүмкін солай дұрыста шығар...

Тараз қаласы
24.06.2022
Телеграм каналыма қосылу үшін басыңыз=> @Meyrambek_poeziya
Кері байланыс => @AbdiqalyevMeyrambek Ашу / Түсініктеме

2022-06-24 09:25:13 Ассалаумағалейкум құрметті оқырмандар, достар бауырлар.
Қалдарыңыз қалай бәрі жақсы ма?
Көптен күйбең тіршілік деп каналға көңіл бөлуге қол тимей кетті.
Айыпқа бұйырмайсыздар.

Алдағы уақыттары актив болуға тырысамын.

Бүгін жарияланбаған жаңа жырларымды жайғастырамын.

Телеграм каналыма қосылу үшін басыңыз=> @Meyrambek_poeziya
Кері байланыс => @AbdiqalyevMeyrambek Ашу / Түсініктеме

2022-06-14 12:57:46 ***

Ештеңе жаза алмадым көптен бері,
Көптен бері іздеймін көктен нені.
Кеудемнен қиял құсы қайда қашты,
Қураған көк шөптердей көкбелдегі.

Іздеймін көктен нені жерден нені,
Сұраймын самаладан желден нені.
Жақсы өлең жазып тастар жөнім бар ед,
Жаман адам дегенде елдер мені.

Баяғыдай атуда нұрланып таң,
Біз әлі арылмадық құба - құптан.
Бойларын көтере алса бұғалықтан,
Айбаттырақ ел жоқ ау бұ халықтан.

Мен өзімде осынау күйге мүлдем,
Ой бөле алмай келемін күйбеңіммен.
Шаршамайтын сәттерде үйренуден,
Шаршамаймыз неге осы именуден.

Жырымды бар болса егер досым ұғар,
Жасықтардан жақсылық жасырынар.
Бірдеңе шималадым өлеңге ұқсас...
Маңдайыма жазғаны осы шығар.

Жоқ әлде жазбағаным жақсы ма еді?

Мейрамбек Абдіқалиев
@Meyrambek_poeziya
@AbdiqalyevMeyrambek Ашу / Түсініктеме