2022-07-10 21:39:32
«Келіп қайдан, барам қайда?»
⠀
Шәкәрім – тек әдебиет төрінен орын алып, өмірін өлеңмен өрген ақын ғана емес. Тіл мен қалам арқылы жанға да бойлаған, санасың пәрмені пәлсапаға да қол жеткізген даналығы тағы бар. Заманының сұрықсыз жұталығы, замандастарының қараңғылыққа жұтқанына қарамастан, әлемге құлаш сермеп, ақиқатқа сапар шекті.
⠀
Шәкәрім – діннің де, өлеңнің де, пәлсапаның да фанаты емес. Ол – өз ақылының фанаты. «Ақылмен сыналмаған іс бұлдырлау» деп дөп айтқан. Бұл сөзі қашан да өзекті болмақ. Ақпарат ағыны алқымнан алған мына заманда тіптен керек сөз.
⠀
«Адалға орын емес қазақ іші, тәтті ғұмыр сүре алмас таза кісі» деп тағы ақиқат сөздің басын шалады. Құс жастықта көсіле жата алмай талай зиялы қауым зиянды қауыммен күресеміз деп өтті ғой. Шәкәрім де солардың бірегейі. Жан-жақтан қаумалаған қауымның қапасынан әрі аттап, оңашада отау құрып, ой тұсауын кеспегенде мүмкін мұнша терең пайымды өлеңдер шықпас па еді...
⠀
Ақын ақылды араққа, мастықты ойға, жарды ақиқатқа теңейді. Шарап пен шаттық, сұлу жар мен сансыз байлықты жырлаған кей ақын өлеңдеріне деген ирония деп алсақ та болады. Шәкәрімде метафора көп. «Бас көзі» соқыр адам оның байыбына бара бермейді.
⠀
@otbasyhrestomatiasy - ның жетегімен жарыққа қадам басқан, Шәкәрімнің экзистенция бағытындағы өлеңдері іріктеліп көпшілікке ұсынылған «Сыр сөз» кітабы жайында түйгенім – осы. Ой көп, бірақ жеткізер сөз жоқ. Әркім өзі оқып, өзінше түсінгені жөн. Жазбамды ақынның мына өлең жолдарымен аяқтайын. Барлығымызға өмірлік өсиет болсын:
⠀
«Айнымайтын ақ жүрек пен таза ақылды адамның,
Таппасы жоқ бұл өмірде, осынымды ұқ, балам!».
436 views' dаmetken, 18:39
