↝ dámelen

2021-05-08 21:29:23 Мендегі ыстық сезімнің сууына уақыттың да әлі жетпейтіндей. Ашу / Түсініктеме

2021-05-06 22:30:36 Сөзге, тілге құлаш сермеу тарихымнан бірер сөз.

Үй ішіміз боп теледидар қараймыз. Сериалдардағы сөздерді ауаға, қабырғаға жазып отыратынмын.

Сыныпта жазуы әдемі 3 оқушы болды. Ішінде мен бармын. Бірақ әлі есімде. Көркем жазу деген сабақта апайым дәптеріме «әлі де жаттығу керек» деп қызыл сиямен жазып беріп еді.

Бір жерде тамақтанайық деп отырмыз. Апам: «Құлпынайский сок беріңізші» деп қалды. Ал менің көзім жер байлығын зерттеп кетті.

10-сыныпта қайта-қайта марапат алып, өзгелерді мезі қылып алдым ба деп ойлаймын. Сол кезде жетекшім олимпиаданың түр-түріне қатыстырды. Қазақ тілі, әдебиеті бойынша. Пайдасы бар ма? Азда-а-п қана. Тым болмаса жаңа таныстыққа иек артуға болар еді. Ондайға ашық адам емеспін.

Қазір қазақ филологиясында оқимын ғой. Сөз. Тіл. Әдебиет. Сол тамақты асап жатырмын. Кейде тәтті-ақ. Жақсы қорытылады. Кейде майлы. Тіпті жегің келмейтіні болады. Көнесің. Кім болатыным белгісіз.

Білгенімнен айырмасын. Білерім азаймасын да. Ашу / Түсініктеме

2021-05-06 22:12:46 Көздің жасы кепсе де, көңілдің жыры кете қоймас. Ашу / Түсініктеме

2021-05-05 21:53:00 Іші мен ісі екі түрлілер жетеді. Көзілдірігің ондайларды тауып бере алмас. Ал санаң әп сәтте қағып түсіреді. Ашу / Түсініктеме

2021-05-05 21:24:22 «Тілім бай», «жерім байтақ», «тегіміз күшті» деп мақтанатын ел көп. Мақтанғымыз кеп бара жатса, басқа құндылық тауып алайықшы. Ашу / Түсініктеме

2021-05-05 21:18:40 Оқып отырса не басқа шаруаның басы-қасында жүрсе, айналасында не боп жатқанына мән бермей, ана бөлмедегі адамдардың шуына, қабырғадан тамған тамшының тарсылына қыңқ етпейтін адамдарға таңым бар.

Фокус деген «фокустарыңызды» маған да үйретіңіздерші. Ашу / Түсініктеме

2021-05-05 20:07:55 Телеграмда мен оқитын, маған ұнайтын топ 3 канал болса, бірі осы.

ЕСКЕРТУ: жазбаларын оқыған соң, мені оқымай кетулеріңіз мүмкін. Ашу / Түсініктеме

2021-05-04 22:10:00 Перфекционизмім мен сауатым бір-біріне ғашық. Ашу / Түсініктеме

2021-05-04 22:00:00 Шетсіз әлемде неге өзіңді шектейсің? Ашу / Түсініктеме

2021-05-04 21:43:08 Дархан Әбдік: «Дін бар жерде ғылым жоқ секілді» деп қалды.

«Парасат майданы» бағдарламасы. Мен жаңа дәмін татып көріп жатырмын. Уақыты аз екен. Әңгімеге ілесе алмай әлекпін. Миымның қыртысы кем екеніне көзім жетіп шаршады. Ашу / Түсініктеме