Менің ой жазбаларым

2023-03-06 15:51:32 Көпшілігіңіз мына суретті көрген боларсыз, ал төмендегі дәл сол суреттің жандандырған түрі, яғни ControlNet алгоримін қолдану арқылы жасалған нейро-желінің нәтижесі)))

Көпшілігіңіз фильтр қолданып мультяшный аватарлар істеп жатсаңыз, мұнда ЖИ керісінше жүрді))) Ашу / Түсініктеме

2023-02-27 07:05:39 Leetcode_KZ деген телеграм арна бар.

Сол жерде ресми апталық контесттерге қатысқан жалпы рейтингте Қазақстан азаматтары жоғарғы жинаған қатысушыларға сыйлық табысталады екен. Әрине ол үшін алдын ала сондай конкурсқа қатысамын деп, тіркелу керек.

Сөйтіп сондай контесттердің бірінде салыстырмалы түрде жоғары жинап, жеңімпаз атандым (мына фотодағыдай сыйлықты ұтып алдым).

Шынымды айтсам бұл менің контесттерге қатысып ұтып алған алғашқы сыйлығым екен. Ол үшін қуаныштымын! Керемет сезім екен!

LeetCode_KZ тобына сәттіліктер!

Ал сіздерге көптеп контесттерге қатысып, жүлдегер болуларыңызға нәсіп етсін!

2023.02.27 Ашу / Түсініктеме

2023-02-27 07:05:33 #жазба 5. Программалау ~ Шахмат?!

Жалпы программалау дегенде көбі ауыр, әрі қиын жол деп түсініп, оған жолағылары келмейді.

Программалау үйрену дегенді шахмат үйренумен бірдей деп айтсам, сенер ме едіңіздер?

Алдымен шахмат фигуралармен танысқандай, программалау тілдерінің синтакстерін жазуды үйренесіздер, яғни шахматта қай фигура не қызмет атқара алады, қалай жүре алады деп, ал программалауда фигуралардық қызметтерін - командалар атқарады.

Ал шахмат тақтасы, ол сіздің программалау ортаңыз, не қолданатын программалау тілдеріңіз, яғни python, c++, java, php секілді. Бірақ шахмат тақтасы тек 8х8 деп шектелсе, ал әр программалау тілдерінің мүмкіндігі әр түрлі.

Егер шахматта әрдайым 2 түспен 2 ойыншы ойнай алса, ал программалауда сіздің негізгі қарсыласыңыз, программа жазудаға сізде шыға беретін код қателіктері (Error) жою болады.

Енді шахматта бір ойын партиясы екі ойыншының бірінің берілуімен, яғни Шах-Мат деп аяқталса, не мәңгі теңдік (ничья) болғанда ғана партия бітетін болса, ал программалаудағы ойын партиясы ол сізге қойылған тапсырманың нәтижесімен аяқталады.

Жақсы мысал ол олимпиадалық есептерді шығару, әр есепте өзінің тапсырмасы бар, соны шешу арқылы соңына дейін жетеміз.

Шахматты көп ойнау арқылы, түрлі қарсыластарды көру арқылы шаңдаласыздар. Сол секілді программалауда түрлі есеп шығару арқылы неше түрлі алгоритм мен логикалармен танысып шаңдаласыздар.

Жалпы шахматтың пайдасы не дегенде, көбі алдын ала 7-ходқа дейін ойлануды үйретеді, стратегия құруды, атака мен қоғаныш қабілеттерді үйретеді деуі мүмкін.

Ал программалаудың пайдасы не деген де, дәл жоғары да аталғандар, және өмірдегі қолданысқа үйретер. Дұрыс ойлау мен алгоритмін құрудан бөлек, оптималдық шешімдерді табуды үйретеді.

Шахматта өзінің деңгейлерін көру мақсатта арнайы жарыстар, турнирлерге қатысу арқылы разрядттарды алып жатасыз. Сондай жарыстарды программалау тілінде контесттер дейді.

Яғни әр контестте 3-10 есептер болып, сол есептерді шығару арқылы ғана өз деңгейіңізді байқайсыз.

Сондай контесттерді ұйымдастыратын платформаларда алуан түрлі: codeforces, leetcode, hackerrank, т.б. сияқты толып артылады.

Енді осы жазба соңында (төмендегі фото-постта) сондай контесттің бірі жайлы айтпақпын. Ашу / Түсініктеме

2023-02-22 07:50:23 #Жазба 4. YouTube жүргізу туралы

Міне, бүгін 10’000 жазылушысы бар ютуб арнаға айналып жатыр екенмін. Құттықтап қойсаңыздар да болады! Және алдын ала рахмет!

Негізі ютуб жүргізем деп ойламаппын. Және өзімді ютубермін деп санамаймын. Себебі ютубер дегендер мен үшін сол арқылы өмір сүріп, сонымен ақша тауып күн көретіндер.

Ал ютуб мен үшін жай өз білгеніммен бөлісіп, көпшілікке жеткізе алатын құрал ретінде.

Жалпы қалай басталды?

2020 жыл. Ковид уақыты. Желтоқсан айы. Маған жекеге бір қарапайым мектеп мұғалімі шықты. Ол кезде мен тек уатсапта едім. Және мені қазіргідей көбі тани бермейді. Ал ол апаймен кезінде НИШта сабақ беріп жүргенде, облыстық мектеп ұстаздарына арнайы робототехникадан курс болып, сонда тренер болып сабақ бергенмін. Содан танимыз.

Сонымен, Астана ИТ универдің 1-тур олипиадасы болып жатқан екен, содан мына есепке көмек бере аласыз ба деп сұрады. Ана есепті қарасам а+b есеп, не сондай деңгейдегі өте жеңіл есеп екен. Соны питонда жаза алмай жатыр екен.

Ананы көріп мен қатты ұялып кеттім, себебі кейбір ауыл/облыс мектеп информатик ұстазымыздың деңгейі осындай болса, оқушылардың деңгейі қандай болмақ дедім.
Ол кісіде әрине оны мойындап тұр.

Онда, арнайы сіздер үшін, тегін питон курс ашайын дедім. А то мен ұялып кеттім. Себебі “шетелде білім алып, жыртылып жүргеннен не пайда, егер туған жеріңде қиналып жүргендер қаншама” деп, жаңа жылдан бастап курсымды жоспарладым. 3-4 күннен кейін 2021-жыл келе жатқан.

Содан, ең алғашқы тыңдарманым сол кезінде робототехникадан сабақ алған ұстаздарым болды. Бірақ көбі уақыт ыңғайсыз, жазбасы бола ма дегеннен кейін ютуб бәріне ыңғайлы болып сонда Live сабақ жасайтын болдым.

Менің мақсатым - мүмкіндігінше бүкіл сабақтарды қарапайым тілде түсіндіру, жалпақ қазақ тілінде, тіпті 5-6 сынып оқушылары көрсе де, түсіне алу керек деп мақсаттадым. Сөйтіп қаңтар айы бойында 5-толық питон сабағын әр жексенбі Live арқылы жасадым.

Одан бөлек басқа да ұстаздар үшін қажетті құралдарды және жасадым: мысалы кахут, сайт жасау, телеграм бот секілді. 1-ші айдың өзінді 36-видео сабақ іліппін. Сонда әр күні кемі 1-сабақтан салғанмын ғой.

Қарап отырсаңыз, менің басты мақсатым - оқушылар емес, соларға сабақ беретін информатик мұғалімдерге арналған еді.

Кейін қызығы сол, ақпанда сол сабақты көріп шыққан оқушылар, ауданнан 1-ші орын алып жатты ғой!

Сол кезде түсініппін, не деген жұмыс жасағанымды. Себебі көбіне нәтижесі бірден келе бермейді ғой, ал мұнда келесі айда нәтижесі бірден келді!!!

Және де алғашқы арна атауы - Ерғали Білім болды, бірақ егер брендке айналса жай адам есімі емес, қазақи бір сөз, әрі, қысқа әрі мағаналы болса деп Үздік Білім деп ауысты.

2-жылдан аса уақытта мен көбі танып, ал Үздік Білімде 10К жазылушысы бар ютуб каналға айналуда.

Ютуб жүргізуге арналған кеңес:

1) Мақсатың ютуб арқылы ақша тауып байып кетемін деп ойлама, астында қаншама еңбек бар! Оны ұмытпа!

2) Ожидание и реальность. Сен қанша жерден мықты монтаж жасап, қаншама аппаратура студиода жазсаңда алғашқы видеоларыңда 100-қаралымға да жетпей қалуы мүмкін.

3) Өз білетің салаң болсын! Қорықпа, ұнамай қалады деп, өз тыңдарманың тауып алады. Жай уақыт керек!

4) Басында сападан гөрі, санына қара. Себебі сенде 1-сапалы видеодан, 10-сапасыз (монтажсыз) видеоның бірі атуы мүмкін. (Атуы - бәріне қызықты, қаралымы көп)

5) Алғашқыда 1000 жазылушы және 4000 сағат қаралым керек, оған жету үшін кемі 50-видео, және видео арасы 1-апта болсын.
(Мен 1К жазылушы 55 күнде 55-видео арқылы жеттім, ал 4К сағатты 4-айдан кейін ғана жетті)

Жалпы, бәріне ютуб жүргізуге кеңес беремін! Және басында ютубқа бола шығандалудың қажеті жоқ. Себебі басында тыңдарманға бәрібір, қандай аппаратураны қолдансаңда, беретін ақпаратыңа қарайды. Сол үшін шығындарды ақтамайды.

Жаңа қазақ тілді ютуб каналдар көптеп ашылсын!!!

2023.02.23 Ашу / Түсініктеме

2023-02-13 08:11:26 #Жазба 3. Бұйырған кетпес, жүгірген жетпес!

Негізі осы сөздер өте жақсы айтылғандай. Мен сіздерге өзімнің өмірлік тәжірибеге сүйеніп, өз басымнан өткен оқиғаларды осыған сәйкес баяндамақпын.

“Өз қолыңнан келгенін барын істе, ал қалғанын Аллаға қалдыр. Аллаға мәлім, қай іс саған қайырлы, қай іс саған қайырсыз!” - деп оқушыларыма көп айтамын.

Бұйырған деп саған қайырлы болғаны ғой.

1) Өзім универді Астана не Алматы да оқығым келді. Бірақ әкем шетке жібергісі келмеді. Себебі өзі шетте оқып, студент күнінде біршама қиналғаннан ба, бізді қиналмасын деп, Шымкентке қалдырды. Бірақ мен бәрібір Шымкенттің дипломын алғым келмеді. Содан не керек, ОҚМУ (бізше Техта) құжаттар тапсыратын болып, соңғы күні бір досыммен КазНТУ филиалы сол Тех ішінде деп, үйдегілерге айтпай сонда тапсырып жібердім. Формально ол КазНТУ болғанымен, бізге Тех мұғалімдері берді. Содан не керек, дәл келесі жылы Білім министрліктің жаңа ұйғаруымен бүкіл филиалдар жабылып, тек негізгі кампусында оқу керектігі туралы ережесі шықты. Әрине әкем енді Алматыға жіберді. Солай Алматыда 2-ші курс болсам да, қайтадан 1-ші курстың кейпінде жүрдім.

2) Алматы да 3-4 курста Work&Travel деген тема жүре бастады. Алматыға ели как жіберген де Шетел деп айтар болсам, үйдегілер точно Шымкентке қайтарып жіберер деп ойладым. Бірақ бар күшімді салып, соңғы 4-курста сол программаға құжаттар жинап, бағымды сынып көрейін деп көрдім.
Негізі ол программа соңғы курс студенттерін жібермейді. Себебі олар бітіріп, АҚШ-та қалып қояды деген қауіп деп ойлайтын. Мен сияқты тағы 4-5 бала болып Алматыдағы АҚШ елшілікке бардық.
Сол айтқандай сондай сылтаумен, маған қызыл қағазды беріп шығарып салды, ол деген rejected/отказ алдым. Көңіл күй минуста. Қатты ниеттенген түрім ғой енді.
Программаға қатысу үшін де біраз ақша күйді деп.
Енді қараңыздар, көп ұзамай, маған сол программа агенствосы көмек беріп, 2-аптадан кейін сол елшілікке қайтадан кіргізді, әрине бұл жолы енді тағы біршама құжаттар жинадым. Қызығы сол, егер 1-жылда отказ алсаң, кемі 6 ай, не 1-жылдай күтуім керек еді. Ал мен 1 айда 2-рет кіріп, 2-шісінді одобрение алдым!))) Қасымда өз кезегін күтіп жүргенде, мен екі рет кіріп үлгердім. Міне бұйырған кетпес.

3) Ал енді, АҚШ-қа ұшарда Лондон арқылы ұштық. Лондон төбесінен ұшып жатқанда, досыма осында оқысақ ия деп әңгіме қылып, армандадық, көп ұзамай, 2-жылдан кейін сол досыммен Болашақьарқылы Англияда оқуда жүрдік.

4) Кореяға түсім де қызық болды, НУ-ға PhD тапсырып жүргенмін, вроде бәрі дұрыс сонда оқуға түсуім керек еді. Бірақ кешір деді)) дәл сол құжаттарды алдым да, мотивационное письмода 1-2 абзацты өзгертіп, КАИСТ-қа тапсырып жіберсем, 2-3 айдан кейін сонда шақырып тұр.
“Өттіңіз” деген хабарды Астанада Болашақ құжаттарын жауып, яғни 5-жылдық отработкадан квартираны алып жатқанда келді.
Сөйтсем, бәрін тазалап қана Кореяға жіберуді қайырлы етіпті деп ойладым)) әйтпесе оқуды бітіргеннен кейін бұрынғы қарыздарым деп бірден елге қайтуым керек еді.

Міне солай, бұйырған кетпейді екен.

2023.02.13 Ашу / Түсініктеме

2023-02-09 06:52:23 @Yergali_B мырза менің сұрағым бар еді ChatGPT IT web разработчиктерге кері асерін тигіземе?

Яғни көп IT мамандарының қысқаруы деген сяқты, өзіміз қазақстанда IT маман жетіспейді IT оқып алайық деп жатырғанда ChatGPT келіп үлкен төңкеріс жасап жатырған жоқпа қалай ойлайсыз?

сіздің жеке пікіріңіз және әлемнің білікті IT мамандары бұл жасанды интелект туралы пікірлері, ойлары қандай не деп жатыр тіпті Google компаниясының өзі “Бұл бізге бір қара дақ болды”- деген пікірлер айтты десед тіпті мыңдаған жұмысшыларын қысқартқан екен!?

Осыған жауап бере аласызба рахмет!

https://t.me/UzdikUBT/1416

Сұраққа жауап:

Заман дамып кетті деп, өзін дамытпау ол қателік.

IT саласы қашан тоқтап еді өз дамуын?!

Енді ішіне кірер болсам, мәселен веб-разоработка, фронтэнд, не бәкэнд программистері, әрине AI тек бұл салада ғана емес, ол болған жердің барлық саласында жұмыссыздық бірге жүреді.

Сол үшін, одан қорқудың қажеті жоқ, оның орнына бірден соған бейімделіп, әрдайым өзіңді дамыту керек.

Әрине chatgpt оза алмайтының рас, бірақ оны жақсы пайдалуды үйрен, сөйтіп одан өз пайдаңа іс тап.

Мысалы ChatGPT-ға жақсы запростарды жасап, бірнеше веб темплеттерді жасатып, өте арзан баға сату, көп болса 1-сағатта 1-керемет web шығарса, соны 5$ десеңде, сатып алушылар көбееді.

Ертелі кеш па ол да сөнеді, себебі бәрі жақса запростар жазуды үйренді. Кейін тағы сондай сияқты салаларды қарай бересің.

Ұзын сөздің қысқасы, тез бейімделгіш болып, басқалардан ерте ойлап, іс қарау!

Ал, IT әлемі не деуші еді, таң қалды, әр қарай даму керегін білді. Ертелі кеш пе бұл болу керек еді.

Жалпы AI дамудың 3 кезеңі бар, тек 1-ғана таск (задача) жасай алатын, мысалы тек шахмат ойнай алатын.

Келесі кезең, бірнеше таскты жасай алатын AI, шахматта ойнай алады, тамақта жасай алады, сен үшін бүкіл жұмыстарды істей алатын.

Ал соңғы кезең, адам ойына келмейтін заттарды істейтін AI. Терминаторлар))))

PS. Негізі жақсы сұрақтарды да, өз жазбаға қоюды жөн көрдім. Себебі бұл сұрақты басқаларда мазалауы мүмкін деп)) Ашу / Түсініктеме

2023-01-30 06:48:23 Бүгін таңғы 8:30-да кәмелет жасқа 2-ші рет толдық))) Не 3-ші мүшел жасымызды бастадық)) Ашу / Түсініктеме

2023-01-29 13:29:15 Келесі жазбаны қай тақырыпта қозғайын? Ашу / Түсініктеме

2023-01-29 09:46:43 Жазба 2. Жалғасы…

Әрине ол аралыққа дейін жаңа таныстар, жаңа достар тауып та үлгердім. Бір сөзбен айтқанда ол курста шамамен 300-400 оқушы бір уақытта оқыды десем мен олардың жартысымен достасып, араласқан шығармын))

Енді, жаңа жылдан кейін, 1-ші күн, математика сабағы, 1-А тобы, жаңа тақырып, мәселе есептер, мұғалім есепті оқи бастады, артан уже дұрыс жауап келді. “Я в шоке!”)))

Сөйтсем ол нәрсе “привычный нәрсе” екен, мен ондай нәрсені басқа топта оқығанда көрмегенмін ғой. Сөйтсем, ол топта, біздер 3-сағатта 120 сұрақты бітіріп жатсақ, ол топтағылар сол уақытта сондай 2-тестті қарайды екен.

В общем, бәрі солай басталды.

Енді ол топтағы сол кездегі мақсатты қараңыздар, ол жерде жай грантқа түсу емес, уже сол түскен мамандығы бойынша Қазақстан бойынша 1-ші болып газетте тұру)))

Солай болды да, арамызда бір оқушымыз, газет емес Қазақстан бойынша бүкіл сұраққа дұрыс жауап берген жалғыз ғана бала болды, одан бөлек газетте 10-нан аса оқушы өз мамандығында газетті 1-ші болып топ бастағандар да шықты.

Универге түсіп те араласып жүрдік, кейінгі мақсаттар уже шетел көру, шетелде оқу болды. Бізге Алматыға барудың өзі арман болған да, қайдағы шетел деп жүрдік.

2-курста Болашақ деген тема кете бастады, сол курста бірге оқығандардың әңгімесі сол бағдарламамен шетелге түсу мақсатты қолға ала бастады. Сөйтіп, арамыздан болашакерлер шыға бастады, қайда түстің - Ұлыбритания, қайда оқитын болдың - АҚШ, қашан - Канадаға деп. Яғни өз гранттарын тастап, қайтадан жаңа елде, оқуға бел буғандар.

Ол кезде мен де қатты қызығатынмын, мен де солар сияқты шетелге барсам екен деп.

Сондай мүмкіндіктің бірі АҚШ болды. Енді араласатындардың көбі сол “Work and Travel” деген программаны сөз қыла бастады. Енді осы мүмкіндікті жібермеймін деп, бағым ашылып 4-айдай АҚШ-та болдым.

Оқу бітіргеннен кейін, курс әңгімесі уже Болашақ магистратура деген болды. Сөйтіп қой менде қалмайын деп, болашаққа тапсырап, Ұлыбританиядағы Ноттингем Универінде оқуға бардық.

Мен әлі де болса, жай қатардан қалмайын деп қана жүрмін. Сөйтіп жүргенде мен алғашқысы болып Шетелде PhD деген теманы бастадым. Сөйтіп 5-жылдай Кореяда оқып келдік.

Ал осы секілді жайттар, араласатындар бір-біріне қатты әсер ете бастайды. Маған бір досым әсер етсе, мен басқа бір досыма әсер етуім мүмкін.

Мәселен маған әсер еткен бір досым жайлы айтар болсам. 2009 жыл. Астанадамын. АҚШ-тан келіп, госслужбада, бір министрлікте экспертпін. Жұмысы таусылмайтын текучка! Күнде ерте келіп, кеш қайтып жүрмін.

Сондай күндердің бірінде АҚШ-та оқып жүрген досым Астанаға қонаққа келді. Онымен біраз көріспегеннен, біраз әңгіме қозғап, сөйтіп, басың бар ғой, сен жүрсің болмашы айлықта, бүкіл министрліктің жұмысын істеп, не жеке өмірің жоқ, не астында баспанаң жоқ, күндіз түні жұмыста деп бетке шындықты басып айтты.

Әрине ойланып қарасам оның айтатыны да рас. Сөйтіп не керек ертесіне өз еркімнен сол алған мотивациямен өтініш білдіріп шығып кеттім. Ал енді не істеймін?! Қорқынышты. Не жинаған ақша қорым да жоқ. Істейтін ісім де жоқ))
Содан үйдегілерге де айтпай 3-айдай ағылшынға дайындалдым.

Жұмыстан шықтым деп тек, болашаққа түскенде ғана айтам деп шештім. Үйдегілерді уайымдатпас үшін. Себебі олар үшін сонау астанада балам министрлікте істейді деген абырой ғой))

Содан не керек, дайындығымның арқасы, күндіз-түнгі ойлаған арманымның арқасы, оқуға Болашақ стипендиаты атандық деп, сол үшін жұмыстан шықтым деп үйдегілерге хабар бердік!))

Дәл осы секілді мен екі досыма болашаққа түсуіне әсер еттіппін. Біреу Ұлыбританияны бітіріп келсе, екінші досым АҚШ-та стажировкада жүр)))

2023.01.29

PS. Қазіргі заманда орта тек оффлайн ғана болмайды, сол үшін онлайн қандай ортада жүргендеріңізді де байқаңыздар! Ашу / Түсініктеме

2023-01-29 09:46:43 #Жазба 2. Адамды - араласатын ортасы тәрбиелейді

Сонымен алдыңғы жазбада уәделескенімдей, бүгінгі жазбам араласатын орта жайлы болмақ.

Әрине, “ұяда не көрсең, ұшқанда соны ілерсің” дегені рас, себебі ол саған қаланған бір фундамент секілді, яғни ата-ана, отбасыдан алған тәрбие ол мәңгілік болады.

Дегенмен, 13-15 жастан бастап, жасөспірім араласатын ортасы қатты әсер ете бастайды. Немесе өзіне жақын ортаны іздей бастайды.

Егер мәселен, сенде футболға деген сәл де болса қызығушылығың бар болса, онда сенің достарың да сен секілді футболға қызығатындардан табылады. Немесе спортсмен болсаң, араласатын ортаң да спортсмендер болады.

Ал егер достары ертеңгі күнді ойламайтын жеңіл жүрісті болса, онда сенде солар секілді бола бастайсың. Не керісінше иманды ортада жүрсең, сен де иманды бола бастайсың. Бұл мен білетін ақиқат енді. Оған келісесіздер ме, жоқ па өз еркілеріңіз)))

Ал ата-ананың міндеті - сол ортаны табуына көмек беру, егер бала қабілетті болса, сол қабілетіне сай ортаға жіберу, не көрсету.

Әрине, ата-ананы да қатты сөгуге болмас, себебі сен жақсы адам болсын деп олар күндіз-түні жұмыста жүреді, тіпті кейде саған мүлдем уақыты да болмай, кейін сені қалай өзгергенін де байқамай қалып жатады. Бірақ, ата-ананың қадірін балалы болғанда білерсің! Себебі сен олардың ізімен жүрмегендіктен, сен біле бермейсің.

Ал енді, маған әсер еткен ортама келер болсам.

Айтып өткенімдей, менің өзгеруіме 11-сыныпта “ЕНТ дайындық” курсы қатты әсер етті. Менің әрине базалық навыктар да болмады деп айта алмаймын)))

ҰБТ-ны ең алғашқы тапсырушылар, ол біздер болдық. Оға дейін мектепте емтихан, кейін жазда комплексный тест болатын.

2003 жыл. Сол кездегі Білім министрі - Жақсыбек Күлекеев (әлі күнге дейін соның есімін біледі екенмін, сіздерде де солай ма?!) мектепте тапсыруға жаңа стандартқа қол қойды. Бәрі аң-таң. Бұрын соңды болмаған жайт.

Бәрі мектептен кейін дайындық курстар іздей бастады, ал бұрыннан комплекс тестке дайындап жүргендер уже опыты бар курстарға бірден көп оқушылар бара бастады.

Сол секілді мектептегі жақсы оқитын сыныптастарым бір курсты мақтап келді, ол деген жаңадан ашылған, бірақ алдын дайындап жүрген ұстаздар деп.

Ол кезде курс атауы да болмағаннан ұстаз есімдерімен аталып - Әсия апай (матем), Әбдірашид ағай (қазақ тілі), не орналасуына сәйкес - Крытый рынок, не жалға алынған ғимаратына сай - Қазақ-өзбек (ұзақ атауы Қазақ-өзбек үздіксіз білім беру институты ма, колледжі ма сондай еді) деп аталатын. (Қазіргі атауы “Зерде”, егер сонда дайындалғандар болса, менен сәлем!)

Әлі күнге дейін барған күнім есімде 13-қараша 2003 жыл, сабақтан кейін сонда бардым, ол жерде білім деңгейіңді тест анықтап, соған сәйкес топқа жіберетін.

Алдын тест бетін ашпағанбыз. Матемнен жақсы дегеннің өзінде онда 30-сұрақтан 4-еуі ғана дұрыс болып, мені 3-Б деген топқа жіберді.
Бірақ алдын естіп алғанмын, ең мықты топ, ол 1 деген, себебі онда Шымкент қаласының озаттары, алтын белгілері жиналған деп. Алған балымыз жетпей тұр оған, бірақ ана группаға қалай да болса өтуім керек деп тұрм.

Сөйтіп тағы тест тапсырып көрейінші деп едім, онда әр тарау соңында болатын матемнен есептер берді. Мен қатты намысқа тырысып, бүкілін шығаруға тырыстым. Ол есептер жауапсыз болды, яғни тест емес. 14-сұрақтың 13-еуін шығарып, берсем, сонда да 1-ші топқа жетпейсің деп, мені содан кейінгі күшті топ деп 2-А группаға жіберді. Шын айтсам, ол топта өте мықтылар екен))

Кемі 100-есепті әр сабақта үйге беретін, ал мен 150-есеп шығаруға тырысатынмын))

Сөйтіп жаңа жылдан кейін ең үздік 1-ші топты 2-ге бөліп, 1-А және 1-Б деген топ шығатын болды, яғни 2-А топтағыларды жоғарыға көтеріп, ал кейбір ілесе алмай жүргендерді 1-Б түсірді, не өз еркімен сәл төмендеу топқа келді.

Бірақ сіздер ойламаңыздар, олар нашар екен деп, 2-А мен 2-Б да оқып жатқандардан қызыл мен алтынды ақтағандар болды, оларда тек сәл матем слабылау болды, бірақ 5-алғандар.

Енді мен ойлап жүрмін, мен 1-Б көтеретін шығар деп, сөйтіп мені жаңа жылдан кейін, сені 1-А ға жібереміз деді. Менің қуанышымда шек жоқ. 3-Б деп білім деңгейімді көрсеткенде 1.5 айда ең үздік топқа секірдік) Ашу / Түсініктеме