2022-07-12 15:32:47
Қажыларға насихат (6).
Ғалымдардың сабағына қатысуАбу Һурайра (Аллаһ одан разы болсын) жеткізген хадисте Аллаһ елшісі ﷺ былай деп айтқан:
مَنْ جَاءَ مَسْجِدِي هَذَا لَمْ يَأْتِهِ إِلَّا لِخَيْرٍ يَتَعَلَّمُهُ أَوْ يُعَلِّمُهُ فَهُوَ بِمَنْزِلَةِ الْمُجَاهِدِ فِي سَبِيلِ الله.
«Менің осы мешітіме (Мединадағы пайғамбардың мешітіне) тек жақсылық (ілім, əдеп) үйрену немесе үйрету үшін ғана келген адам – Аллаһтың жолында соғысушы адамға (сауабына) тең келеді». Ибн Мəжəһ (227), Ахмад (8603). Хадисті имам Альбани «сахих» деген.
Бұл – Мединадағы пайғамбардың мешітіне қатысты болған ерекше бір артықшылық. Ал, Меккедегі əл-Харам мешітінде ғалымдардың сабақтарына қатысу – мешіттерде ілім алуға байланысты келген жалпы түрдегі артықшылықтың ішіне кіреді. Абу Һурайраның (Аллаһ одан разы болсын) хадисінде келгендей:
مَا اجْتَمَعَ قَوْمٌ فِي بَيْتٍ مِنْ بُيُوتِ الله تعالى، يَتْلُونَ كِتَابَ اللَّهِ وَيَتَدَارَسُونَهُ بَيْنَهُمْ إِلَّا نَزَلَتْ عَلَيْهِمُ السَّكِينَةُ، وَغَشِيَتْهُمُ الرَّحْمَةُ، وَحَفَّتْهُمُ الْمَلَائِكَةُ، وَذَكَرَهُمُ اللهُ فِيمَنْ عِنْدَهُ.
«Қандай да бір қауым Аллаһтың үйлерінің бірінде (қандай да бір мешітте) жиналып, Аллаһтың Кітабын оқып, ондағы білімді өзара үйренетін болса, онда оларға Аллаһтан тыныштық түсіп, Аллаһтың мейірімі орап, оларды періштелер қоршайды. Сондай-ақ, сол мəжілістегі адамдарды Аллаһ Тағала өз құзырындағыларға (періштелер мен пайғамбарларға) мақтап еске алады».
Муслим (2699), Абу Дауд (1455).
Ескерту: Ғалымдардың сабағына қатысу алдын сол ғалымның кім екенін білу шарт. Имам Мухаммад Ибн Сирин, имам Мəлик жəне т.б көптеген сəлəфтарымыз айтқандай:
إِنَّ هَذَا الْعِلْمَ دِينٌ، فَانْظُرُوا عَمَّنْ تَأْخُذُونَ دِينَكُم.
«Бұл білім – сендердің діндерің. Сондықтан, діндеріңді кімнен алып жатқандарыңды қараңдар». Дəрими (438), Мәлик (1/25).
Қазіргі уақытта Мекке мен Мединадағы мешітте сабақ беріп жатқан сүннет ғұламаларының қатарына шектеу ретінде емес, мысал ретінде кейбір ғалымдарды айта кетсек;
Меккенің ғалымдары:1) Мухаддис ғалым шейх Уасыюллаһ əл-Аббас;
2) Меккенің муфтиі – шейх Мухаммад Базмуль және т.б.
Мединаның ғалымдары:1) Жер жаһанға танымал мухаддис ғалым шейх Абдуль-Мухсин əл-Аббад;
2) Құрметті ғұлама шейх Али Насыр əл-Фақиһи;
3) Медина қаласының муфтиі – шейх Солих Сухейми;
4) Құрметті ғұлама шейх Роби Ибн Һəди əл-Мадхали;
5) Құрметті ғұлама шейх Убейд əл-Жəбири;
6) Құрметті ғұлама шейх Абдур-Рахман Мухид-Дин;
7) Пайғамбар мешітінің имамы – шейх Али Хузейфи;
8) Құрметті ғалым шейх Абдус-Сəлəм Сухейми;
9) Құрметті ғалым шейх Солих əл-Худейси;
10) Құрметті ғалым шейх Абдур-Раззақ əл-Бадр;
11) Құрметті ғалым шейх Сулейман Рухейли;
12) Құрметті ғалым шейх Али Абу Бутейн;
13) Құрметті ғалым шейх Солих Синди және т.б.
———————
#qajylyq_nasihaty
https://t.me/paidalar
1.2K views12:32