2022-07-30 14:00:14
Буларды билиўимиз тийис
Ҳижрий айлар 12 (муҳаррам, сафар, рабиъул-әўўал, рабиъус-сәний, жумадул-әўўәл, жумадус-сәний, ражаб, шаъбан, рамазан, зулқаъда, зулҳижжа) болып, бир жыл 354 күннен ибарат.
Ҳижрий күнлер қуяш батқанынан кейин басланып, ертеси күни қуяш батқанынша даўам етеди (мысалы, миләдий күндеги пийшемби түни ҳижрий есапта жума түни саналады).
Жаңа айлардың басланыўына айдың туўылыўы тийкар қылып алынғанлығы себепли, ҳижрий жыл миләдий жылдан 11 күнге парық қылады.
Ҳижрий айлар миләдий айлардан парықлы рәўиште, жердиң қуяш әтирапында айланыўы себепли алмасып туратуғын мәўсимлерге байланыслы емес. Буған мысал етип рамазан айы, ҳаж мәўсими жаз айларында келгени сыяқлы қыс айларында да келиўин айтыў мүмкин.
Мүбәрек күн ҳәм түнлер ҳәр отыз үш жылда бир мәрте өз күнине туўры келеди.
Дүнья мәмлекетлериниң Исламый календарларында киши парықлар көзге тасланады. Буларды келтирип шығаратуғын себеплер төмендегилер:
– ҳилал (жаңа туўылған ай) дың дәслепки көринислерин анықлайтуғын халықаралық үлгидеги өлшеў әсбабының қабыл қылынбағанлығы;
– ҳилалдың дәслепки көринисин анықлаўда ҳәр түрли усыллар қолланыўы;
– ҳилалды бақлайтуғын ҳәр бир орынның өзине тән ҳаўа-райы шәраяты бар екенлиги;
– түрли географиялық аймақлардың бир-биринен ўақыт бойынша ҳәр қыйлылығы.
https://t.me/nasiyatuz
297 views11:00