БЕПУШТЛИКНИ ДАВОЛАШ (Инсеминация, ЭКО)

2020-09-20 19:01:01 #СЎРАГАН_ЭДИНГИЗ

Progesteron yetishmovchiligi

Bepushtlikni keng tarqalgan sabablaridan biri - bu ayol organizmida progesteron gormonining yetishmovchiligidir. 

Progesteron gormoni nima?

Hayz siklini 3ga bo'lib chiqamiz.

1 - follikulyar davr. Bunda ayol tuxumdonida follikula rivojlanadi.

2 - ovulyasiya davri. Birinchi qismda kerakligicha rivojlangan follikula yorilib, undan urug'lanish maqsadida tuxum ajralib chiqadi, ya'ni ovulyasiya yuz beradi.

3 - lyutein yoki sariq tanacha davri. Bunda ikkinchi qism yakunlangan bo'lib, follikuladan tuxum ajralib chiqqach, u yerda sariq tanacha hosil bo'ladi. Ushbu sariq tanacha urug'langan tuxumni bachadonga o'rnashi uchun va bunga bachadon devorlari tayyor bo'lishi uchun estrogen va progesteron gormonlarini ishlab chiqaradi. Bu davr normada 12-14 kun davom etadi.

Agar tuxum urug'lanmasa, 12-14 kun o'tgach sariq tanacha nobud bo'ladi va keyingi hayz sikli boshlanadi.

Demakki, progesteron gormoni urug'langan tuxumni bachadonga o'rnashib homiladorlikning ilk 12 haftasida to'g'ri rivojlanishi uchun talab etiladigan muhim gormondir.

Progesteron gormonining vazifasi nimada?

Tuxum spermatozoid bilan urug'langandan so'ng, u bachadon tomon harakatlanishi va bachadon devorlariga o'rnashib olishi kerak. Buning uchun bachadon devorlari progesteron va estrogen gormonlari yordamida o'z kimyoviy va jismoniy holatini o'zgartiradi va urug'langan tuxumni ushlab oladi.

Bachadon devorlariga joylashib olgan urug'langan tuxum to'xtamay rivojlanishi uchun ham progesteron gormoni talab etiladi. Homiladorlikning 12 haftasiga qadar aynan progesteron gormoni homilani rivojlanishini ta'minlaydi. 

Progesteron yetishmovchiligi homila nobud bo'lishiga, homila tushishiga olib kelishi mumkin.

Progesteron yetishmovchiligi borligiga shubha qildiruvchi alomatlar?

Hayz sikli buzilganligi;
Bepushtlik;
Homiladorlikning ilk 12 haftaligida homilaning takroran tushishi yoki nobud bo'lishi; 
Husnbuzarlarning keskin ko'payishi;
Jinsiy sovuqqonlik;
Vaznning keskin ortishi.

Progesteron yetishmovchiligi qanday aniqlanadi?

Ginekolog hayz siklining aniq kunlarida ayol qoni tarkibidagi progesteron miqdorini aniqlaydi. Progesteron yetishmovchiligi aniqlansa, ovulyasiya davridan boshlab progesteron gormonini qoplovchi dori-vositalar qo'llaniladi. 

Muhimi, progesteron yetishmovchiligining asl sababini bilish kerak. Tuxumdondagi o'simta (kista), ayol organizmida androgen miqdorining ko'payishi, endometrioz, mioma va boshqa endokrin-ginekologik kasalliklar progesteron yetishmovchiligiga sababchi bo'lishi mumkin.  Ашу / Түсініктеме

2020-07-02 20:49:20 ОРГАНИЗМГА D ВИТАМИНИ ЕТИШМАСЛИГИНИНГ 6 АЛОМАТИ

Қуёш нури нафақат яхши кайфият учун балки соғлик учун ҳам ўта муҳим ҳисобланади. Қуёш нуридан 20 дақиқа баҳра олиш D витаминининг суткалик меъёрини қоплайди. Ушбу витамин етишмаслиги соғлиқда бир қанча муаммолар келтириб чиқаради. Cosmopolitan нашри қандай аломатлар кузатилса, D витамини етишмаслигига тўхталди.

Тушкунликка тушиш

Американинг гериатрик психиатрия журналида ёзилишича, D витамини етишмайдиган кишилар тез-тез депрессияга тушиши кузатилади. Чунки танада етарли даражада витамин бўлмаган тақдирда бахт гармони — серотонин ишлаб чиқарилмайди. Сератониннинг камлиги эса кишини меланхолияга бўлган мойиллигини оширади.

Вазн ортиши

Қуёш нурининг етарли бўлмаслиги вазн ортишига олиб келади. Бунинг сабаби D витамини организмдаги метаболизмни яхшилайди. Гап шундаки, моддалар алмашинувида азот оксидининг аҳамияти катта бўлиб, айнан D витамини унинг ишлаб чиқарилишида аҳамиятли.

Суякларда оғ​риқ кузатилади

Суякларда оғриқ кузатилади. Баъзида шифокорлар D витамини етишмайдиган беморларга янглишиб артрит ёки фибромиалгия ташхисини қўяди. Аслида эса организмда D витамини миқдори кўпайтирилса суяк ва мушаклардаги оғриқ тўхтайди.

Тез-тез касал бўлиш

D витаминининг яна бир хусусияти иммун тизимини мустаҳкамлайди. Гап шундаки, етарли миқдорда қуёш нурини қабул қилмаслик оқибатида турли касалликларга чалиниш эҳтимоли кўпаяди. Ҳатто оддий шамоллаш ҳам организмни ҳолсиз қилиб қўйиши мумкин. Шу боис турли йўллар билан бўлса ҳам ушбу витаминни қабул қилинг: таркибида D витамини бўлган таомлар ёки дорихоналарда сотиладиган витаминдан олиб истеъмол қилинг ёки қуёш нурида тўйинган сувга ванна қилинг.

Тўйиб ухламаслик

Етарлича ухлолмаслигингиз боисини билмоқчи бў​лсангиз ў​йлаб кўринг: етарли даражада қуёш нуридан баҳра оласизми? Чунки айнан ушбу витамин танқислиги сабаб уйқусизлик кузатилиши мумкин. Бефарқ бўлманг, шифокор билан бу борада маслаҳатлашинг, уйқунинг етарли ва меъёрида бўлмаслиги жиддий касалликларни келтириб чиқариши мумкин.

Терлаш

Яна бир алолматлардан бири сабабсиз тез-тез терлашнинг кузатилиши. Агар анчадан бери бесабаб пешонангизни тер босаётганини сезган бўлсангиз, бефарқ бўлмасдан зудлик билан шифокорга мурожаат қилинг.

Иммунитетни кўтариш учун уйда жисмоний тарбия машқларини бажаринг. Агар сизда юқоридаги аломатлар кузатилган бўлса, дарҳол дорихонага чопманг, табиий равишда қуёш нуридан баҳра олишга ҳаракат қилинг. Дори-дармон борасида шифокор тавсиясисиз ўзбошимчалик қилиш ярамайди. Ашу / Түсініктеме

2020-06-23 21:30:34 #СЎРАГАН_ЭДИНГИЗ

Руҳий соғломлик томон 5 қадам

Биз жисмонан соғлом бўлишимиз учун нима қилишни биламиз: тўғри овқатланиш, машқ қилиш, ўта чарчаб кетмаслик ва кўп сайр қилиш.

Маълум бўлишича буларнинг баъзилари руҳий соғломлик учун ҳам фойдали экан. Агар сизни ҳеч нарса безовта қилмаётган бўлса, бир неча фойдали одатлар кайфиятингизни кўтаришга ёрдам беради.

Руҳий соғломликка қандай эришиш мумкин?

. Одамлар билан муносабатда бўлинг

Оила ва дўстлар билан бўлган ўзаро муносабатларда биз ҳиссиётларимиз билан ўртоқлашамиз, бизни тушунишади, бизни қўллаб-қувватлашади ва ўзимиз ҳам уларни қўллаб-қувватлаймиз. Ва яна бир муҳим томони: агар атрофингиздаги одамлар қанчалик омадли ва бахтли бўлсалар, сиз ҳам буни улардан ўрганасиз.

. Ҳар доим ўқиб-ўрганишни давом эттиринг

Ўқиш мияни чиниқтиради ва Альцгеймер касаллигининг пайдо бўлиш хавфини камайтиради. У шунингдек спорт каби ўзини севишга имкон беради. Ўзини қулай ҳис қилиш эса жуда муҳим.

. Ҳаракат қилинг

Ҳаракат қилиш учун спорт залига ёки югуришга бормаса ҳам бўлади. Муҳими, тана ишлаш керак, айнан қандай қилиб — буни ўзингиз танланг.

Кимгадир волейбол сингари гуруҳ бўлиб ўйналадиган ўйинлар ёқади, кимдир рақсга тушишни афзал кўради, кимгадир эса — кучук билан сайр қилиш. Фаоллик нафақат тана учун, балки мия учун ҳам зарурдир.

. Яхшилик қилинг

Бу кўринганидан ҳам кўра осонроқ. Эрталаб сизни ишга олиб борган автобус ҳайдовчисига «раҳмат» деб айтинг, қоровулга салом беринг, дўкон сотувчиси билан хушмуомала бўлинг.

Бу қийин эмас, мия эса бундай ҳаракатларни «хайрли ишлар» тўпламига қўшиб қўяди ва бу спорт каби таъсир кўрсатади.

. Ҳақиқийликдан ажралманг

Руҳий саломатлик учун ўтган кунлар тўғрисида ўйламасдан бугунги кун билан яшаш жуда муҳим.

Ҳозирги замон билан яшаш, ўзингизни ва ўз танангизни ҳис қилиш зарур. Баъзилар бу ҳолатни англаш ёки тушуниш деб атайдилар.

Англаш туфайли биз тўғри қарорлар қабул қиламиз, чунки бутун вазиятни тушунамиз ва нима хоҳлаётганимизни биламиз.

Англаш нафақат чиройли сўз, балки ҳаётни қабул қилиш усули ҳамдир. У бизнинг руҳий саломатлигимиз учун керак. Ашу / Түсініктеме

2020-06-23 21:30:34 Сут безларини тўғри парвариш

Аёлнинг ташқи қиёфаси, унинг кўркам бўлиши нафақат гавда тузилишига, балки кўкракларининг кўринишига ҳам боғлиқ. Агар сут безлари чиройлишаклда, бўлиқ бўлса аёлнинг ҳуснига ҳусн қўшади.

Кўкраклар саломатлиги учун…

Турлича жиддий хасталикларнинг олдини олиш учун ҳар бир аёл сут безларини тўғри парвариш қилиб бориши зарур.

Аёллар ҳар йили 1-2 маротаба маммолог мутахассис ҳузурида бўлиб, сут безларини махсус текширувлардан ўтказишлари лозим. Аёл профилактик кўрикдан ўтиб, ҳеч қандай касаллик йўқлигига ишонч ҳосил қилгандан сўнг сут безлари парваришига киришиши мумкин. Буни уй шароитида бажарса бўлади.

Масалан, эрталаб илиқ душ қабулқилиш, совуқ сувга ҳўлланган дағал сочиқ билан баданни ишқалаб артиш сут безлари фаолиятига ижобий таъсир кўрсатади.

Бадантарбия машқлари жуда муҳим аҳамият касб этади. Бунда эътиборни асосан кўкрак қафасини қоплаб турувчи мушакларни ривожлантиришга қаратиш керак. Сув муолажаси пайтида эса совуқроқ душ тери тонусини яхшилайди, майинлигини сақлайди. Гоҳ совуқ, гоҳ иссиқ (контраст) душ қабул қилинса, сут безлари тўқималаридаги қон айланиши ҳамда лимфалар иши яхшиланади, модда алмашинуви фаоллашади.

Сийналарни хавфли ўсмалардан ҳимоялаш учун

Сут безларини хавфли ўсмалардан ҳимоялаш учун қуйидаги тавсияларимизга амал қилганингиз маъқул. Иккала қўл кафтларини бош орқасига қўйиб, гавданинг белдан юқори томонини аввал ўнгга, кейин чапга буринг. Бу вақтда бел ва кўкрак қисмининг оҳиста ҳаракатланишига эришинг.

Машқлар дастлаб 2-3 маротаба, кейинги кунларда аста-секин кўпайтириб борилади.

Қўл кафтларини бош орқасига қўйиб, гоҳ олдинга, гоҳ орқага эгилинг. Бунда ҳам бел ва кўкрак қисми ҳаракатда бўлсин. Қўлларни “Ф” ҳарфи шаклида белга қўйинг. Шу ҳолатда ўнг ва чап томонларга икки мартадан буриласиз.

Машқни кейинги кунларда аста-секин кўпайтиринг. Ўзингизни бўш қўйинг. Бармоқларингиз учлари билан сут безлари атрофини худди доира чертаётгандек ҳаракатлантиринг.

Машқни беш дақиқалик танаффусдан кейин яна такрорланг.

Қўл кафтларига юмшатувчи крем суртинг. Кейин кафтларингиз билан сут безлари атрофини галма-гал шапатиланг. Барча машқларни бажариш жараёнида очиқ ҳавода кўпроқ сайр қилишгаодатланинг. Соф ҳаво аёл чеҳрасини тиниқлаштиради, тана ҳолатини яхшилаб қон юришишини меъёрга солади.

Салқинроқ хонада ухланг. Бунда моддалар алмашинуви яхшиланади, сут безлари ривожланишида ҳам бу нарса ижобий наф беради.

Меъёрида ишлаб, вақтида дам олинг. Негаки, жисман ва руҳан толиқиш ҳам организмга салбий таъсир кўрсатади.Тўғри овқатланинг. Агар қирқ ёшдан ошган бўлсангиз, сариқ рангдаги мева сабзавотларни кўпроқ истеъмол қилинг. Бу сизгакўркамлик бахш этади. Шунингдек калий ва магнийга бой маҳсулотларни еб туринг. Текис ўринда ухланг. Ухлаш пайтида кийимингиз ҳаво ўтказувчан матодан (ип, зиғир, пахта толасидан) кенг-мўл қилиб тикилган бўлсин. Ёстиқлар унчалик баланд бўлмагани маъқул.

Лола АЛИМХЎЖАЕВА, онкомаммолог, тиббиёт фанлари доктори.

«Сиҳат-саломатлик» журнали. Ашу / Түсініктеме

2020-06-23 21:29:35 #СЎРАГАН_ЭДИНГИЗ

Homiladorlikdan so'ng qorindagi izlarni uy sharoitida yoqotamiz

Homiladorlikdan so'ng ko'p ayollarda qornida yoki bo'ksalarida chiziq shaklidagi izlar qoladi. Bu izlar vujudga kelishiga ayolning gormonal holatining o'zgarishi sabab bo'ladi. Izlarni butunlay yo'q qilish juda qiyin, lekin sellyulitdan farqli o'laroq, ularni iloji boricha ko'rinmasligini ta'minlash mumkin.

1.Efir yog'lari&
_Efir yog'lari orasida izlarga qarshi eng effektiv yog' bodom yog'i hisoblanadi._
Losyon tayyorlash:
_Bodom yog'i mandarin va avokado yog'lari bilan 1:5 qilib aralashtiriladi. Ushbu aralashma-losyon bilan kuniga 2 mahal iz tushgan joylar artiladi.yoki,Bir choy qoshiq bodom yog'iga 8 tomchi rozmarin yog'idan qo'shib har kuni teriga surtiladi._
2. Krem-piling
_150 ml yogurt, 1 osh qoshiq bodom yog'i, bir dona limonning tyorkadan chiqarilgan sedrasini aralashtiriladi. Chiqqan massani 20 daqiqaga iz tushgan teriga surtib qo'yiladi. Kremni yuvib tashlashdan oldin teriga singdirish uchun bir oz massaj qilinadi. Bu protsedurani haftasiga 2 marta amalga oshirish lozim._
3. Vanna
_Vannani to'ldirib 5 tomchi apelsin efir yog'i, 2 tomchi geran efir yog'i, 6 tomchi nerol efir yog'i, 3 tomchi ladan efir yog'i va 2 tomchi muskat efir yog'i solib ichida kamida 20 daqiqa davomida o'tiriladi._
4. Mumiyo
Ishqalanish: 1 gr mumiyoni 1 osh qoshiq efir yog'i bilan aralashtirib yotishdan oldin iz tushgan joylar ishqalaniladi.
Krem: 1 gr mumiyo 1 qoshiq qaynagan suvda eritiladi. Chiqqan massa 80 gr bolalar kremi bilan aralashtiriladi. Tayyor krem xolodilnikda saqlanib kunda 1 marta teriga surtiladi.
Losyon: 4 gr mumiyo 50 gr oddiy teri losyoni bilan aralashtiriladi. Har kuni yotishdan oldin izlarga surtiladi.
Yuqorida izlarni yo'q qilish uchun deyarli barcha usullar tasvirlab berilgan. Ашу / Түсініктеме

2020-06-23 21:29:35 Гестацион диабет — ҳомиладорлик муаммоси

Қандли диабет кенг тарқалган эндокрин касалликлардан бири. Бу хасталикнинг икки тури (инсулинга қарам бўлган) ва (инсулинга қарам бўлмаган) фарқланади.

Айтиш жоизки, 80-90 фоиз ҳолларда диабетнинг инсулинга қарам бўлмаган 2 тури учрайди. Бу дардга ёши 35-40 дан ошган, аксари жуда семириб кетган кишилар кўпроқ мубтало бўлади.

Қандли диабетнинг иккита асосий туридан ташқари, гестацион (яъниҳомиладорлик давридаги)диабет ҳам учраб туради.

Инсулин тиббиёт амалиётига киргунга қадар қандли диабетга дучор бўлган аёлларда 50-60 фоиз ҳолларда қориндаги бола нобуд бўлган. Инсулин билан даволаш усули қўлланила бошланганидан сўнг қандли диабети бор ҳомиладорларда асоратлар аста-секин камая борди.

Ҳомиладор аёлларда ҳомиладорликдан олдинги қандли диабетнинг 1 ва 2 тури (прегестацион диабет), ҳомиладорлик даврида пайдо бўлган қандли диабет (гестацион диабет) ва глюкозага турғунликнинг бузилиши тафовут қилинади.

Модда алмашинувининг бузилиши ҳомиладорлик диабетида ва қандли диабетнинг 1 ва 2 турида деярли бир хил бўлади. Ҳомиланинг она қорнида нобуд бўлиши қандли диабет билан кечадиган ҳомиладорликнинг энг оғир асоратларидан бири ҳисобланади.

Бундан ташқари, чақалоқларда туғма нуқсонлар, уларнинг вазни ортиб кетиши (4,5 кг дан ортиқ), ўпка ривожланишининг орқада қолиши ҳолатлари учраб туради.

Гестацион диабет белгилариҚандли диабети бор аёлларда ҳомиладорлик оғир кечиб, ҳомила тушиши, кўпсувлик, кечки токсикозлар, шишлар пайдо бўлиши ва эклампсия рўй беришимумкин.

Қандли диабети бор аёллар ҳомиладор бўлишидан 2-3 ой олдин, ҳатто вақтлироқ яхшилаб даволанишлари шарт. Чунки ҳомиладорликнинг биринчи 8-10 ҳафталарида қондаги қанд миқдори баланд бўлса ҳомилада туғма нуқсонлар юзага келиши мумкин. Барча йўлдош хасталикларни ҳам аниқлаб, даволаш лозим бўлади.

Қирқ ёшга яқинлашган аёлларда ҳомиладорликнинг эрта даврида гемоглобин 10 фоиздан юқори ёки диабет кетоатсидози бўлганда ҳомиладорлик тавсия этилмайди.

Ҳомила сақлаб қолинган ҳолларда аёллар акушер-гинеколог, кўз шифокори, диабетолог ва бошқалар назоратида бўлиши шарт. Ҳар куни уч маҳал овқатланиш олдидан таъсир муддати қисқа оддий инсулин ва ухлашдан олдин муддати ўртача давом қиладиган инсулин қўлланилади. Наҳорда аниқланган қанд миқдори 5,3 ммол/л дан ошмаслиги керак.

Инсулин миқдори ҳомиладорлик даврида ўзгариб туриши мумкин. Она қонидаги қанднинг ҳомила қонига ўтиши ҳисобига ҳомиладорликнинг биринчи ярмида инсулинга бўлган эҳтиёж камаяди. Ҳомиладорликнинг иккинчи ярмида қонда қанд миқдори кўтарилиб, инсулинга талаб ортади.

Ҳомиладор аёлнинг тана вазни, қон босими мунтазам равишда назорат қилиб ўлчаб турилади. Буюрилган парҳез овқатлар ҳомиладорликнинг биринчи уч ойлигида тана вазни 1 2 килограммга, иккинчи ва учинчи уй ойлигида ҳафтасида 300-400 г дан ортишини таъминлаш лозим. Ҳомиладорлик даврида аёлнинг вазни кўз ёригунга қадар 10 11 кг дан ортмаслиги керак.

Қандли диабетда маълум овқатланиш тартибига риоя қилиш жуда муҳим. Беморлар кунига оз-оздан 5 6 марта овқатланишлари керак. Қандни туширувчи хабдориларни ҳомиладорлик даврида ичиш асло мумкин эмас. Қанд ўрнини босувчи воситалар ҳам тавсия этилмайди.

Ҳомиланинг ривожланишини назорат қилиш учун ултратовуш текширувлари ҳам ўтказилади. Лекин бу усулни иложи борича кам қўллаш керак.

Қандли диабет ва ҳомиладорлик асоратсиз кечаётган бўлса, аёл эсон-омон кўзи ёрийди.

Бемор аёллар бўйида бўлишдан сақланишлари, бунинг учун контратсепсиядан фойдаланишлари тавсия этилади. Контрацептивлар қабул қилаётганда баъзан инсулин миқдорини оширишга тўғри келади.

Муаллиф: Дилором НАЖМУТДИНОВА, эндокринолог.

Манба: Ашу / Түсініктеме

2020-06-07 07:49:06

Ашу / Түсініктеме

2020-06-07 07:48:47 эҳтимолдан холи эмас. Шунга кўра, ота-онанинг бири аллергик ҳисобланса, фарзандларида касалликка мойиллик 40-50 фоизни ташкил этади. Иккаласи ҳам аллергиклар гуруҳига мансуб бўлишса, 70-80 фоизни кўрсатади. Шуни ҳам айтиш керакки, аллергик ҳолатларга мойиллик қариндошларда кузатилган тартибда эмас, организмдаги ўзгаришларга кўра бошқача кўринишда ҳам бўлиши мумкин.

Касалликка чалинмаслик учун: энг муҳими, аллергик ҳолатларни чақирувчи маҳсулотлардан узоқроқ юринг. Масалан, аэрозол, янги бўёқлар, тамаки тутуни, таомномадаги қизил, аччиқ, ўта ширин ва шўр егуликлар шулар жумласидандир.

«Онам тўлачадан келган бўлса, мен ҳам семираманми?»

Олимларнинг тадқиқотларига кўра, ота-онаси ёки яқин қариндошларининг аксариятида семизлик кузатилган бўлса, оиланинг бошқа аъзоларида ҳам шунга мойиллик бўлиши мумкин. Кимлардадир бу ёшлигидан сезилса, кимдадир аста-секин юзага келади.

Олдини олиш учун: тана вазнингизни назоратда тутсангиз, исталмаган тўлаликни мерос қилиб олмайсиз. Асосийси,озаман деб, организмингизни зўриқтириб, қувватсизлантирманг.

Соч тўкилиши

Оилангиз эркакларида сочнинг эрта тўкилиши муаммоси бўлса, бу ҳолат бошқаларда ҳам учраши мумкин. Одатда бу жараён эркаклар наслидан тарқалиб, тепакалликни келтириб чиқаради.

Олдини олиш учун: сочларни тўғри парваришланг. Зарур ҳолларда витаминлардан қабул қилинг. Ҳамма ишлатган тароқлардан фойдаланманг.

Депрессия ҳам ўтиши мумкинми?

Албатта, агар бунга мойиллик бўлса. Айтайлик, турмушдаги муаммолар, асабийлик, тушкун кайфият, ҳаётидан қониқмаслик бора-бора депрессияни келтириб чиқариб, руҳий мувозанатни ўзгартиради. Бу ҳолат асосан аёлларда кўп кузатилиб, туғруқдан кейинги даврларга тўғри келар экан. Касаллик сабабининг оддий кундалик тарзидан келиб чиқиши эса янаям ҳайратланарли.

Касалликка чалинмаслик учун: ҳаётингизни борича қабул қилиб, муаммоларни ахтарманг. Асабларингизни назорат қилиб, тинчланинг. Зарур ҳолларда невропатологга учраб, тинчлантирувчи муолажалар ҳам олиш мумкин.

Ошқозон гастрити, меъда яраси…

Бу касалликлар ҳам оила аъзоларингизнинг бирида такрорланиши мумкин. Аммо организмда хасталикка мойиллик бўлмаса, хавотирга ўрин йўқ. Бироқ ҳар қандай вазиятда ҳам истеъмол қилинаётган маҳсулотларга эътиборли бўлинг. Оддийдек кўринган ҳолат ҳам касалликка мойилликни уйғотиши ҳеч гап эмас.

Касалликка чалинмаслик учун: аввало тўғри овқатланинг. Оч қоринга турли шарбатлардан ичманг. Ўз вақтида, тўғри овқатланишни одат қилинг. Осон ҳазм бўладиган таому егуликлардан тез-тез, оз-оздан тановул қилинг.

Аёллар саломатлигига доир касалликлар

Онангизнинг касаллик тарихи билан таниш бўлсангиз, тухумдонлар, сийдик йўлларидаги шамоллаш, яллиғланиш жараёнлари, цистит, бачадон найлари фаолияти биланбоғлиқ ўзгаришлардан воқифсиз. Агар бу касалликлар ҳақида билсангиз, ўзингизда уларга мойиллик юзага келиши мумкинлигини ҳам инобатга олинг. Сабаби онадан қизларга айнан мана шу турдаги касалликларнинг ўтиш эҳтимоли юқори саналади.

Касалликка чалинмаслик учун: жинсий аъзолар фаолияти билан боғлиқ хасталикларга аҳамиятли бўлинг. Яллиғланиш ҳолатларини ўз вақтида даволанг. Касалликка мойилликни келтириб чиқарувчи салбий таъсирлардан ҳимояланинг.

Хуллас, саломатлигингиз ўз қўлингизда! Демакки, ота-онам ёки хола-аммам қайси касаллик билан оғриган, дея бош қотирмай, соғлом турмуш тарзига амал қилинг. Нафақат ўзингиз, балки оилангизнинг барча аъзоларини бунга жалб этинг. Зеро, тўғри танланган турмуш тарзида ҳар қандай касаллик ҳам чекинади. Унутманг, наслий мойилликка эгабўлиш учун организмда жиддий ўзгариш ва ташқи муҳитнинг салбий таъсири бўлиши керак. Буларсиз оилангиз тарихидаги касалликлар саломатлигингизга соя сололмайди. Ашу / Түсініктеме

2020-06-07 07:48:47 Қандай касалликлар наслдан наслга ўтиши мумкин?

Оила аъзоларининг бирида яқин қариндошларда учраган касалликларнинг такрорланиши тиббиётда икки хил кўринишга эга. Бири ирсият билан боғлиқ касалликлар бўлса, бошқаси наслий мойиллик ва ташқи муҳиттаъсирида юзага келадиган хасталиклар. Кундалик ҳаётда «оммалашган» касалликларга мойиллик мана шу иккинчи турга тааллуқли.

Онкология: хавф даражаси қандай?

Энг яқин қариндошларингиз шубҳасиз, ота-она, ака-сингил, буви-бува ва фарзандларингиздир. Бордию улардан бирида онкологик касалликлар кузатилган бўлса, оила аъзоларидан бирининг организмида мазкур турдаги хасталикларга мойиллик бўлиши мумкин. Айниқса, онкологик касалликларнинг хавфли ўсма кўринишидагиси хавотирланиш учун етарли асосдир.

Касалланмаслик учун:
*.Организмни фойдали витамин ва минераллар билан озиқлантирувчи маҳсулотлардан кўпроқ истеъмол қилинг. Суньий қўшимчалардан тайёрлаган егуликлардан воз кечган маъқул.
*.Истеъмол қилинадиган ёғли гўшт ва туз миқдорини ҳам камайтиринг.
*.Соғлом турмуш тарзига риоя қилиб, вазнингизни назорат қилинг.
*.Руҳий зўриқиш, стресс ҳолатларидан сақланинг. Турли нохуш ўйлардан фориғ бўлинг.

Остеопарозга чалинганлар борми?

Яқинларингиздан диққат билан суриштириб кўринг: кимгадир остеопароз (суяклар тўқимаси сийраклашиб, суяклар ҳаддан ташқари ғоваклашиб қолади) ташхиси қўйилганми? Сабаби бу касаллик 90 фоиз ҳолларда яқин қариндошларнинг қай биридадирмойилликни келтириб чиқаради.

Касалланмаслик учун: мунтазам жисмоний машқлар билан шуғулланиш, таркибида D витамини мавжуд бўлган маҳсулотлар билан озиқланиш васоғлом турмуш тарзига риоя этишлозим.

Қандли диабет хавфи

Агар яқинларингиз орасида қандли диабетга чалинганлар бўлса, сиз ва оилангизнинг бошқа аъзоларида ҳам мазкур касалликка чалиниш эҳтимоли мавжуд. Қариндошлик даражаси қанчалик яқин бўлса, касалликка мойиллик хавфи ҳам шунчалик юқори бўлиши мумкин. Асосан, қандли диабетнинг 1 ва 2-турларига мойиллик ҳолатлари қайд этилиб, энг кўп учрайдиганлари биринчи, яъни эрта касалликка чалинганлик кўринишларидир.

Касалланмаслик учун: тиббий тадқиқотлар натижасига кўра, ҳар куни 30 дақиқа жисмоний машқлар билан шуғулланиш ва организмда инсулин миқдори ортиб кетмаслигини назорат қилиш орқали қандли диабетдан сақланиш мумкин экан. Овқат билан бирга осон ҳазм бўладиган углеводли-ширин егуликларни меъёридан ортиқча ва мунтазам истеъмол қилиш эса касалликка чалиниш хавфини оширади.

Инфарктдан ҳимояланганмисиз?

Инфаркт (юрак мушакларининг бир ёки бир нечтаси нобуд бўлиб, юрак фаолиятининг издан чиқиши) ҳатто наслий мойиллик бўлмаса ҳам юзага келиши мумкин. Бироқ яқин қариндошларингиз орасида эркакларнинг 55 ёшгача ва аёлларнинг 65 ёшгача бўлганлариинфарктга чалинган бўлса, сиз ёки оила аъзоларингизнинг бирида мазкур касалликка мойиллик даражаси бирмунча юқори саналади.

Агар яқин қариндошларингиз орасида эркакларда 55 ёшдан сўнг, аёлларда 65 ёшдан кейин инфарктга чалиниш ҳолатлари кузатилган бўлса, ташхис қўйилганидан сўнг ўша инсон неча йил умр кўрганига аҳамият беринг. Касалликдан кейинги ҳаёти қанча узоқроқ бўлса, яқинлари учун инфарктга чалиниш хавфи шунча камайиб боради.

Касалликка чалинмаслик учун: тана вазнингиз ва асабингизни назорат қилишни, руҳий зўриқишлардан сақланишни ўрганинг. Спорт машғулотлари билан шуғулланиш ҳам фойдаданхоли бўлмайди.

Кўриш қобилияти

Наслий мойиллик узоқни хира кўриш касаллиги учун асосий омиллардан бири. Аниқланишича, мазкур касалликка чалинган инсонлар оиласида хасталикнинг юзага келиш хавфи кейинги авлодлар учун 3 марта кўпроқ бўлар экан. Бироқ ҳар доим ҳам касаллик ота-онадан фарзандларга ўтавермайди. Организмда шунга мойиллик юзага келсагина учраши мумкин. Бу ҳолат инсон умрининг исталган вақтида юз бериши мумкин.

Касалликка чалинмаслик учун: кўз нурини асраш ўз қўлингизда. Вақти-вақти билан кўриш қобилиятини яхшилаш учун турлидамламалар ёрдамида компресс қилинг, даволовчи машқларни бажаринг. Шу билан бирга, кўриш қобилиятига таъсир этувчи зарарли одатлардан ҳам воз кечинг.

Аллергик ҳолатлар

Агар ота-онангиздан бирида аллергик мойилликмавжуд бўлса, касалликнинг сизда ҳам такрорланиши Ашу / Түсініктеме