ТИЛМЕЧ

2021-05-31 18:14:21 Катталыңыз ➤➤ https://t.me/tilmech Ашу / Түсініктеме

2021-05-31 11:01:13 ​​ ЖАМАН ОЙЛОР КЕЛГЕНДЕ УШУЛ ОКУЯНЫ ЭСТЕҢИЗ

Талха ибну Абдурахман өз заманында курайш уруусундагы эң берешен адамдардын бири болгон. Күндөрдүн биринде аялы ага:

– Сенин досторуңдан өткөн начар адамдарды көрбөдүм, – дейт. Ошондо ал андан:

– Эмнеге? – деп себебин сурайт.

– Алар сен байыган кезде жаныңдан чыкпай калышат. Эгер эч нерсеси жок калсаң, бирөөсү да жаныңа басып келип койбойт, – дейт.

Ошондо Талха аялына мындай деп айтты:

– Аллахка ант болсун! Бул алардын адептүүлүгүнөн. Алар колубузда бар кезде көп келишкени, биз аларды сыйлаганга шартыбыз болот. Ал эми колубузда жок кезде келишпегени, бизди ашыкча кыйналып калбасын дешет. («Адаб ад-Дунья уад-Диин», 180)

Караңыз, досторунун адамгерчиликке жатпаган туура эмес мамилесин жакшылыкка жооруду, алар кыянаттык кылса да алар тууралуу жакшы гана ойлоду. Бул анын жүрөгүнүн жана ойлорунун таза экендигин билдирет. Мындай кылуу чыныгы ыймандуу адамдын сыпаттарынан. Анткени ал жаман ойлоого миң себеп болуп турса да, жакшы ойлоонун бир жолун табат. Эч качан башкалар тууралуу жаман ойлоого жол бербейт. 

ТИЛМЕЧ | Эрланбек Кушчубек уулу

═════════
➤➤ https://t.me/tilmech
➤➤ https://t.me/tilmech

Маалыматты башкалар менен да бөлүшүңүз Ашу / Түсініктеме

2021-05-31 07:55:23 Катталыңыз ➤➤ https://t.me/tilmech Ашу / Түсініктеме

2021-05-30 15:16:15 Катталыңыз ➤➤ https://t.me/tilmech Ашу / Түсініктеме

2021-05-29 13:11:59 ​​ АЛЛАХТАН СУРАСАҢ БЕРЕКЕСИН КОШО СУРА

Салих адамдардын бири дуба кылып жатып: «Оо, Аллах! Ырыскыма береке бер», – деп айтканда жанындагы бир адам андан:

– Эмне үчүн ырыскы бер деп гана сурабастан, ырыскыма береке бер деп айттыңыз, – деп сурады.

Ошондо ал мындай деди:

– Чындыгында Аллах таала ар бир адамдын ырыскысын белгилеп койгон. Ал кандай абалда болсо да бешенесине жазылган ырыскысына сөзсүз жетет. Бирок мен дайым Аллахтан ырыскыма береке тилеп дуба кылам. Анткени ал Аллахтын Өзү каалаган пендесине жибере турган аскерлеринен. Эгер ал адамдын байлыгына келсе, аны көбөйтөт. Эгер бала-чакасына келсе, аларды тууралыкка салат. Эгер адамдын денесине келсе, аны күч-кубаттуу кылат. Эгер жүрөгүнө келсе, аны бактылуулукка бөлөйт.

Оо, Аллах! Сен бизге ырыскы кылып берген бардык нерселерге береке бере көр!


ТИЛМЕЧ | Эрланбек Кушчубек уулу

═════════
➤➤ https://t.me/tilmech
➤➤ https://t.me/tilmech

Маалыматты башкалар менен да бөлүшүңүз Ашу / Түсініктеме

2021-05-29 08:38:54 Намаз – Аллах тааланын кескин түрдө парз кылган өкүм буйругу. Аны аткаруу ар бир мусулманга милдет. Ким намаз окубаса, ал жогорудагы айтылган күнөөлөрдөн да чоң күнөө алат. Анткени ал Аллахтын буйругунан баш тартты. Ал эми Аллахтын буйругунан баш тартуу – Анын тыйган нерселерин кылуудан да оор күнөө болуп эсептелет.

Катталыңыз ➤➤ https://t.me/tilmech Ашу / Түсініктеме

2021-05-28 15:34:22 ​​ АЛЛАХ СҮЙГӨН ПЕНДЕСИНИН ДУБАСЫН ДАРОО КАБЫЛ КЫЛАТ

Али ибну Абу Харара айтат: «Апам жыйырма жылдай бутунан баспай калды. Күндөрдүн биринде мага:

– Имам Ахмад ибну Ханбалга барып, мага дуба кылып коюусун суранчы, – деди.

Мен жолго чыгып ага жөнөдүм. Анын үйүнө барып эшигин каксам, ичкериден:

– Бул ким? – деген үн чыкты.

– Баланча жерден келген адаммын. Апам бутунан баспай көп жылдан бери ооруйт. Ал сизден Аллахка дуба кылып коюңузду суранды эле, – дедим.

Ошондо үй ичиндеги адамдын ачуулангандай сөздөрүн уктум. Ошол жерден артка кайрылып жөнөп баратсам, үйдөн бир кемпир чыгып:

– Ахмад менен сүйлөшкөн сенби? – деп сурады.

– Ооба, – дедим. Ошондо ал:

– Ойлонбо, ал азыр апаңа дуба кылып жатат, – деди.

Ошентип мен үйгө дароо кайтып келип эшикти кактым. Ошондо апам өзү басып келип эшикти ачып: «Аллах мени айыктырды», – деп айтты.

"Сыфат ас-Софва", 2/611

ТИЛМЕЧ | Эрланбек Кушчубек уулу

═════════
➤➤ https://t.me/tilmech
➤➤ https://t.me/tilmech

Маалыматты башкалар менен да бөлүшүңүз Ашу / Түсініктеме

2021-05-28 07:32:17 Катталыңыз ➤➤ https://t.me/tilmech Ашу / Түсініктеме

2021-05-27 10:14:34 ​​ БЕЙИШ ТУУРАЛУУ СИЗ БИЛБЕГЕН БИР НЕРСЕ

Аллах таала Куранда айтат:
«Бейиште алар үчүн эртели-кеч ырыскылар бар. Биз ал бейишти пенделерибиздин ичинен такыбаларына ыйгарабыз». (Марьям сүрөөсү, 62-63-аяттар)

Ибну Касир бул аяттагы «эртели-кеч» деген сөздүн маанисин мындайча тафсирлеген:

«Бейиште күн-түн деген болбойт. Алар түбөлүктүү нурда болушат. Алар үчүн күндүн жана түндүн чектери болот, түндүн чегин тосмо пардалардын жана эшиктердин жабылышы менен билишет, ал эми күндүздүн чегин тосмо пардалардын жана эшиктердин ачылышы менен билишет».

Ал эми Имам Катада бул аят тууралуу мындай деп айткан:

«Бейиште эки убакыт бар – таңга маал жана кечке маал. Ал жакта күндүз да, түн да болбойт. Чындыгында ал нур жана жарык болот».

Ал эми кээ бир аалымдар айтышкан:

«Бейиште Күн да, Ай да болбойт. Күндүз да, түн да болбойт. Таңдын атканы жана кечтин киргени Арш тараптан келген нур аркылуу билинет».

"Аль-Жаннату уан-Наар", 174-бет


ТИЛМЕЧ | Эрланбек Кушчубек уулу

═════════
➤➤ https://t.me/tilmech
➤➤ https://t.me/tilmech

Маалыматты башкалар менен да бөлүшүңүз Ашу / Түсініктеме