2021-05-14 16:30:20
"БАРЛЫҒЫ АЙТҚАН СОҢ АЙТА САЛДЫМ!"
Балаларға жасаған кішкентай ғана эксперимент қой
Негізі адам деген қызық ә?!
Бәріміз де "бұл менің өз ойым ғой, өзім ойлап тұрмын" деп ойлаймыз, алайда, ақпарат тасқыны, ақпараттың соққысы бізге әсер етпей қоймайды. Көпшілік біреуді "жомарт, ешкімнің көңілін қалдырмайтын ақкөңіл" десе, біз де соған еріп кете барамыз.
Жақсы болса, жақсы шығар деп әлгі адамға жүрегіміз жылып тұрады.
Себебі, миға түскен сигнал міндетті түрде өз әсерін бермей қоймайды.
Мысалы, инстаграммен аты шыққан екі блогер ұрсысып қалыпты дейікші. Мысалы!)
Астына жүздеген, мыңдаған пікірлер жазылады. Егер сол жердегі "Не болған?" деген сұрақтың астына әлдекім: "Бұл жігіт жұмысынан шығып қалыпты, қарыздары көп екен, сол үшін ұрсысыпты, қыздың ата-анасы қызын алып кетіпті" деп жазсыншы, сол күні кешке-ақ таныстарыңыздың "инстаграмдағы аналар бар ғой, сол жұмысынан шығып қалып, сол үшін ұрсысыпты, қызды өзінің мамасы екен ғой алып кеткен" деп әңгіме айтып отырса, мүлде таң қалмаңыз)
Ал ол пікірді (комментарииді) оларды мүлде білмейтін, танымайтын, сіз бен біз секілді біреу жай ерігіп отырып, өзінің қиялына ерік беріп, ойынан құрастырып жаза салған болуы да мүмкін.
Ең сорақысы да осы.
Ақпарат кетті. Солай тарады. Енді оны ешкім тоқтата алмайды.
Бұрынғылар: "Естіген нәрсесінің барлығын айта беру адамның өтірікші болуына жеткілікті болады", - деген. Сондықтан Абай Құнанбайұлы айтқандай,
"Көп айтса көнді,
Жұрт айтса болдымен" жалған ақпараттың соңынан ілесіп кетпейік.
Алла ақ қараны айыратын, артын бажайлайтын даналық берсін бәрімізге!
@reposttimes
@reposttimes
@reposttimes
#talimtv #тәлімтв #ақпарат #жалғанақпарат #өтірік #эксперимент #шындық
2.1K views“Talim TV” телеарнасы, 13:30