2021-06-28 06:31:18
МҰНДАЙ ҚАРЫМ-ҚАТЫНАС ҰЗАҚҚА БАРМАЙДЫ!
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
Екі жас. Ең алғаш танысып, араласа бастаған кезде екеуінің де сезімге, эмоцияға берілетіні рас. Бір-біріне деген махаббаттың ұшқынын сезген күннен-ақ олар мұны қарым-қатынастың ең маңызды бөлігіне балайды. Ары қарай отбасы болып өмір сүру үшін, өмірдің ыстық-суығын бірге көру үшін осы махаббат жеткілікті секілді көрінеді.
Иә, бір-бірін сағынады, бір-бірі үшін жұмбақ болады, кездесулері де, сөйлесулері де қызық көрінеді, бақыттан бал-бұл жанады.
Алайда...
Уақыт өте келе сезімнен де маңызды ортақ құндылықтардың болатынын екеуінің де жүрегі сезеді.
Иә, "Үйлену деген - екі жастың бір-біріне қарап отыруы емес, екеуінің де бір бағытқа қарауы" деген сөз бар ғой.
Ұзақ уақыт бірге болудың, бақытты, берекелі ғұмыр кешудің негізгі кілті - екі жастың ортақ мақсатының болуында. "Серігім" деп таңдаған адамыңыздың өмірлік мұраты қандай, ол қай бағытпен жүреді, қайда бара жатыр, сіз нені қалайсыз - осының бәрін неке қиып, той жасамай тұрып шешіп алу керек.
Әр жұптың алға қойған үлкен, ірі мақсаты болады. Соған жету жолында екеуі де еңбектенеді, соған жетуге екеуі де бірге талпынады, бір-бірін жетелейді, әйелі күйеуіне, күйеуі әйеліне жігер береді дегендей.
Міне, осы жолда ғана екеуі бірге болады. Бір-бірін тастамайды.
Сондықтан бүгінің мен ертеңіңді не алдағы бір айыңды ғана емес, көздеп жүрген негізгі өмірлік мұратыңды да есіңнен шығарма, жас дос!
#talimtv #тәлімтв #отбасы #үйлену #неке #қазақтыңтойы #жастар #жастарға #махаббат #құндылық #тәрбие #арман #мақсат #ортақмақсат #семья #отбасынқұру
2.7K views“Talim TV” телеарнасы, 03:31