2022-05-24 18:58:01
Алғаның жақсы болса қара жердей,
Жақсыменен сырлассаң шыққан өрдей.
Өтпес пышақ, шабан ат, жаман қатын,
Аң алмаған күйшіл құс – бəрі бірдей.
Алғаның жақсы болса қорғандай-ды,
Жаман болса қайтесің, сормаңдайды,
Атың жүйрік, алғаның жақсы болса
Астыңда жылжып жүрген жорғаңдай-ды.
Көшкенде жақсы қатын атқа желер,
Жаман қатын байының сөзін бөлер.
Жаман қатын белгісін тағы айтайын,
Ауыл үйін тіккенде көші келер.
Тыңдасаң жақсы кеңес құлақ құрышы,
Тəтті ұйқы, қалың төсек жанның тыншы.
Жүйрік ат, түзу мылтық, сұлу қатын,
Мал мен перзент – адамның дəулет құсы.
Шал ақын
http://t.me/oimaqoi
118 viewsedited 15:58