Жаңы Муун Жаштары 💡

2021-05-13 07:18:13 Айтыныздар маарек болсун
Кылган ибадат, дубаларыбыз кабыл болсун. Кийинки орозо айтын коруу баарыбызга насип болсун Ашу / Түсініктеме

2021-05-12 09:11:53 Греция: история, язык, моря, культура, население, посольства Греции, валюта, достопримечательности, флаг, гимн Греции - TraveLife.
https://travelife.today/evropa/gretsiya/ Ашу / Түсініктеме

2021-05-12 09:11:31 Көп кылымдар мурун алгачкы грек деңиз саякатчылары - агронавттар Эгей деңизинен Кара деңизге жол ачышкан. Азыркы кезде да ошол байыркы деңиз жолу менен Грециянын жээктерине чейин сүзүп барабыз. Грециянын уламышка айланган мурунку тарыхы ушу күнгө чейин адамдарды таң калтырат. Өлкөнүн деңиз дарбазасы болгон Пирей порту башка порттор сыяктуу эле ар дайым ызы-чууга толуп турат. Греция байыркы мезгилдеги сыяктуу эле бүгүн да күчтүү деңиз державасы. Анын ак тилкелүү көк желек желбиреген кемелери дениз менен океандарда сүзүп, Европа жана Америкага тамеки менен мейиз, апельсин менен шарап, зайтун майы менен булгаары ташыйт. Ал эми чет элдик кемелер бул жерге станок, автомобиль, ар кандай приборлорду алып келет. Пирейден Грециянын борбору Афиныга жөө барууга болот.

Мында Грециянын калкынын төрттөн бирине жакыны жашайт. Байыркы заманда Грецияга келген жолоочуга Эгер сен Афиныны көрбөсөң - эшексиң, ал эми аны көрүп туруп суктанбасаң - төөсүң дешчү экен. Байыркы храмдардын дубалдарынын боорундагы скульптуралык сүрөттөр байыркы гректердин кандай экендигин, кесибин, кандай кийим кийгендигин баяндап турат. Ураган эски зор храмдардын арасынан азыркы мезгилдеги кооз имараттар заңгырайт. Какшып ысыган асфальт жолдо зымыраган автомобилдер, анда-санда кыйкырып газета сатып жүргөн балдар, өткөндөрдү жанына чакырган кичинекей бут кийим тазалагычтар - шаар көчөсүндөгү демейки көрүнүш. Шаардагы эң бийик жерде Акрополь жайгашкан. Байыркы грек искусствосунун мына ушул эстелигине бүткүл дүйнө жүзүнөн туристтер келип турушат. Шаардын куурулган балык, төө буурчак жана зайтун майы жыттанган чет жакасында кол өнөрчүлөр турушат. Көчө боюнда, эшик алдында тери ийлөөчүлөр жана кийим тигүүчүлөр иштейт, темир усталар узанат, карапачылар калыпка куюп кумура жасашат.

Ойногон балдардын чуру-чуусу менен терезеден бири-бирине добуш салган аялдардын үнү угулат. Грецияда жай апрелден октябрга чейин созулуп - узак жана ысык, жылына үч жүз күн жылуулук болуп турат. Кээ бир жашылчалардан жылына эки-үч ирет түшүм алууга болот. Бирок суу тартыш. Грецияны үч деңиз курчап тургандыгын эске алсак, бул таң калыштуу эмеспи! Ашу / Түсініктеме

2021-05-11 20:46:56 Play market' ттен приложениесин алып колдонсоңуздар да болот. Ал жерде башка көнүгүүлөр да бар,тез окуу боюнча.
Бирок баракка чыгарып алып үйрөнүү тезиреек жана сапаттуураак жыйынтык берет

Таблицаны колдонууну билесизби?. Билбесеңиз интернеттен карап көрүңүз, эгер ал жактан да түшүнбөсөңүз анда кийинки жумада колдонуу эрежелерин айта кетебиз Ашу / Түсініктеме

2021-05-11 20:42:38 Баарыбыз билгендей бүгүн тез окуу жөнүндө маалымат алабыз

Тез окуу деңгээлиңизди кантип билсеңиз болот?

Китеп окуу ылдамдыгын жана окуу ассимиляциясын текшере аласыз. Ал үчүн таймер коюп, кыскача тааныш эмес текстти окуп, андан кийин суроолорго жооп берип, канчалык тез окуганыңызды гана эмес, окуганыңызды эсиңизде сактаганыңызды да биле аласыз.
Баарыбызга белгилүү болгондой китепти тез гана эмес эсте каларлык кылып да окуу керек

Биздин орточо окуу ылдамдыгыбыз мүнөтүнө 200-400 сөз. Тез окуу көнүгүүлөрүн жасаган адам мүнөтүнө 1000ден ашык сөздү өздөштүрө алышат.

Концентрацияны, тез окууну өркүндөтүү үчүн Шулте таблицасы жардам берет.

Шулте таблицасы 25 уячадан турган таблица, алардын ар бири туш келди ырааттуулукта 1ден 25ке чейинки сандарды камтыйт.Мындай тапшырма аларды мүмкүн болушунча тез арада түз же тескери тартипте табуу. Бул көрүнүштүн көңүл бурууну өнүктүрүп, бир эле учурда бир нече нерсеге токтолууну үйрөнүүгө жардам берет. Ар бир көнүгүүдө сандардын жаңы жайгашуусу менен таблицаны колдонуп, тапшырманы аткаруу убактысын белгилеп көрүңүз, канчалык көп кайталасаныз ошончо тез табасыз, бул тез окууга жана көңүл бурууну өркүндөтүүгө жардам берет


Дайыма социалдык тармактарга алаксып жатып китеп окуу жакшы идея эмес. Көңүл бурбоо маалыматты жай окуунун жана начар өздөштүрүүнүн негизги себептеринин бири. Окууну, графикке ылайык бөлүштүрүү үчүн убакытты талап кылган олуттуу тапшырма деп эсептеңиз. Жакшы, жарык жерде өзүңүзгө ыңгайлуу жерде окуңуз. Эгерде сизде эч кандай билдирүү келбесе дагы, смартфонуңузду тынымсыз текшерип турган жаман адат болсо, китеп окуп жатканда телефонду мүмкүн болушунча бир жакка таштаңыз, көзүңүз көрбөй турган жака, болбосо кайра эле алаксып китеп окуп жатканыңызды унутуп каласыз. Ашу / Түсініктеме

2021-05-10 07:12:41 Илимге ашык жан
°°°°°°°°°°°°°°°°°°°°°°°°°°°°°°°°°°°°°°°°°°°°
Бисмилляхир рохмаанир рохииим
Аллахты тааны!
Ибадат кыл!
Намаз оку!
Аллахты эсте!
Шүгүр кыл!
___________________________________
Реклама жана пиар үчүн: @ilimjan01
https://t.me/ilimge_ashyk Ашу / Түсініктеме

2021-05-10 07:12:25 Тишке туура кам көрүү


Ден соолук сыры тиштен байкалат. Анткени бузулуп, түшө баштаган тиш күлгөндө, сүйлөгөндө адамдын жүзүн бузуп гана койбостон, көп оорулардын бар экендигинен кабар берет. Тиш ооруларынын арасында кеңири тараганы кариес менен парадонтоз. Аларга каршы туруунун эң биринчи жолу албетте кичинекей кезден баштап ооз көңдөйүн жана тишти убагында жууп туруу зарыл. Күнүгө эки маал эртең менен жана кечинде тамактануудан кийин тиш пастасы менен жууш керек.

Тишти тазалоонун туура жолдору кандай? Тиштин гигиенасын бузбай сакташ үчүн тиш щётканы үч айда бир алмаштырып туруу зарыл. Катуу щётка менен жууган алда канча пайдалуу. Жаңы алган щётканы кайнак сууга беш-он мүнөт салып туруп андан соң пайдаланыңыз.Ал эми паста менен жууганда ооздогу микробдор өлүш үчүн тиш щётканы жакшылап жууп, кургатыш керек. Андан да жакшы ыкма, тишти эртең менен кечинде ар башка щётка менен жууган жакшы. Анткени, бактерия суу щёткада өзүн мыкты сезип, суусу сарыгып кургагандан кийин гана өлөт. Ал эми щётка жүз пайыз 24 сааттан кийин гана кургайт.

Тиш пастасы

Паста тишти жакшы тазалоо менен колдонууга жана суюктугуна жараша ар кандай пайдалуу кошулмаларды кошууга ыңгайлуу.Пасталар гигиеналык жана дарылоочу болуп дагы эки түргө бөлүнөт. Эгер тишиңиз оорубаган болсо анда гигиеналык пастаны колдонуу керек, ал эми дарылоочу пастаны тиш дарыгеринин көзөмөлүндө гана колдонуу шарт.

Тиш эликсирлери

Эликсир тишке кам көрүүдө паста менен порошокко жардамчы зат катары колдонулат. Аны менен тишти жуугандан кийин же болбосо тамактанган соң ооз көңдөйүн чайкайт. Чынында алардын кээ бири гигиеналык гана эмес, дарылоочу касиетке ээ.
Ооздон чыккан жагымсыз жыт

Ооздон чыккан жагымсыз жыттын себебин так аныкташ үчүн адегенде тишти текшерүүдөн өткөрүү зарыл. Көбүнчө, тиштин түбүндө калган тамактын калдыктары жагымсыз жыттын келип чыгышына шарт түзөт. Ооздон жагымсыз жыт чыкпаш үчүн:

Ромашканын кайнатмасы менен бир күндө оозду бир нече жолу чайкап туруу керек. Тиштин арасындагы микробдорду алып чыгууга дал ушул тундурма жардам берет. Ашу / Түсініктеме