Essizdik is the new black!

2022-08-25 01:14:01 Сонымен қатар, менің ойымша, Мойзес Наим шектен тыс демократияның зияны туралы жақсы ойлар айтты. Оның пікірінше демократиялық қоғам ерікті түрде билікке көбірік еркіндік беруі қажет. Олай болмаған жағдайда мемлекет кез келген мәселені "демократиялық түрмен, талқылау арқылы, пікірталастырып" шешем дегенше жағдай насырға шабуы мүмкін. Ашу / Түсініктеме

2022-08-25 01:09:37 Бекболат Тілеухан айтып жүрген кітаптың басты ойы – билік инновациясы.

Адамзат баласы Грек демократиясы мен Ұлы Француз Революциясынан бері іліп алуға болатын жаңа дүние ойлап тапқан жоқ. Алайда, саясаттан басқа сфералардың барлығы дерлік жаңа технологиялардың әсерінен үлкен өзгерістерге ұшырады. Кітап ауторы бұл ерте ме, кеш пе мемлекеттік билікке де әсер етпей қоймайды дейді. Ашу / Түсініктеме

2022-08-24 20:59:01 Бүгін тиктоктан "Піссімілә!" деп "крещенские морозы" кезінде мұздай суға былш еткен қазақты көрдім. Жаһандану деген осы ма еді?! Ашу / Түсініктеме

2022-07-30 00:44:36 Ақынға махаббат жайлы жазу үшін ғашық болу міндетті емес екен, осыны түсіндім. Түсінгенім бойынша, біз қатты қалаған, бірақ қолымызда жоқ нәрсені жақсы сипаттап, керісінше уысымызға түскен нәрсе жайлы ештеңе жаза алмайды екенбіз.

В.Г. Белинский — М.В. Орловаға
Қыркүйек, 1843 жыл Ашу / Түсініктеме

2022-07-30 00:15:30 Әлдебір ақынның есіңізде қалған өлең жолдары бар ма? Төменге жаза кетіңіз, оқып жүрейік. Ашу / Түсініктеме

2022-07-29 14:32:01 Қалқатай-ау, ақындардың сезімі,
Тұрақсыздау бағытындай теңгенің.
Маған сеніп сергелдеңге түскенше,
Тоқаевқа абзал еді сенгенің. Ашу / Түсініктеме

2022-07-27 23:19:06 Досқа хат | Part II


Бәрі де баяғыдай, абзал досым,
Қолжетімсіз өзгеріс көкжиегі.
Бәрі "Жаңа" дегім-ақ келед', бірақ,
Көз тиеді.

Бәрі де өзгеріссіз.
Білесің ғой,
Бұл елде жаңашылдық құпталмайды.
Бізге келіп жаны ашып, бізді ешкім
Құтқармайды.

Біз, бәлкім, жұрт айтатын "Отан" үшін,
Жеткіліксіз жас төгіп, мұң кештік пе?!
Әйтеуір теңей бердік теңсіздікті
Сәйкестікке.

Осылай, дос, осылай жағдай қазір,
Көз жеткізбес бостандық көкжиегі.
Бәрі "Жақсы" дегім-ақ келед', бірақ,
Көз тиеді.


28 июль, 2022
00:13

Сілтеме: Part I Ашу / Түсініктеме

2022-07-25 11:14:24 Бұл қазақ мол байлықты текке іздейді,
Ақшаңды миллионға жеткіз мейлі,
Сенімен қырсық Құдай о дүниеге,
Сом түгіл соқыр тиын өткізбейді.

Табылды Ашу / Түсініктеме

2022-07-22 00:48:18 Өмір заңы екен ғой кездесу мен қоштасу. Ашу / Түсініктеме

2022-07-22 00:43:43 Жапырақ жайрап жатқанда,
Құрайлар сыңси қаққанда
Есіңе мені алғайсың. Ашу / Түсініктеме