2022-01-12 19:13:51
СТРЕСТЕН ШЫҒУҒА ПСИХОЛОГИЯЛЫҚ КӨМЕК КӨРСЕТКІМ КЕЛЕДІ Құрметтілерім!
Елімізде апыр-топыр болған “аласапыран” жағдай психологиямызда суық ізін қалдырды: қауіпті сездік. Мейлі, сіздің мекен тыныш болса да, бұзақылар мүлде жақындамаса да, стреске түстіңіз.
Байланыстың болмауы, интернеттің бұғатталуы, қорқынышты видеолар, қирау, өрт, қан, ұрып-соғу, өлік, мұның бәрі тыныштыққа ұмтылған психикамызды бір шайқады. Қауіпсіздігімізді жұлып алғандай болды.
Бәлкім, кей оқырманым қаланың ортасында, ойранның ішінде бәрін әр клеткасымен сезінген де шығар. Кейбіріңіз жақыныңыздан хабар ала алмай, шошыған боларсыз. Әйтеуір бәріміз дүр сілкіндік.
Бұл жайт психологиялық қауіпсіздігімізге де нұқсан келтірді. Әлі өзімізге келе алмай жатырмыз. Қалаға шығу қауіпті сияқты. Көшеде жүру қорқынышты сияқты. Ішімізде үрей мен сенімсіздік қалды. Енді бұрынғыдай жайбарақат жүре алмайтындай күй бар. Кеудемізде ызғар қалды.
Енді бізге ары қарай өмір сүру керек. Үреймен, тревогамен емес, жаймашуақ өмірге қайта оралу керек. ТВ, интернет, билік, жан-жақтан “бәрі жақсы” десе де, іштей жібермей тұрған күдіктен, сенімсіздіктен арылуымыз керек. Әйтпесе, ертеңгі өмірімізге кері әсерін беруі әбден мүмкін. Тап қазір өзімізді, жанымызды, психикамызды тынышталдыру ауадай қажет-ақ. Бірақ ол: - “Болды, мен ішімдегі тревогадан арылдым”, - деп, орнымыздан тұрып, үстімізді қағып кете беретін процесс емес. Арнайы проработка, тіпті мамандардан терапия қажет болуы мүмкін.
Әрине бәрімізде маманнан терапия алатын мүмкіндік жоқ.
Қазір қолымнан келетін көмегім - аудиотерапия ұсыну. Болып өткен жағдайда өте қажет. “Психологиялық қауіпсіздікті нығайту” аудиотерапиясын жазып, монтаждап, дайындап қойдық. Тек… осында жібермес бұрын қалай қолдану керегін түсіндіруім қажет.
Алдымен сіздің күйді білейінші, іштей тревога, үрей бар ма? Өзіңізді психологиялық қауіпсіз сезінесіз бе, әлде қалай? Терапия қажет ететін күйіңізді байқадыңыз ба соңғы күндері?
1.6K viewsElvira, 16:13