Дил азык🌾

2022-08-24 09:35:50 ~ Бир аял соц баракчасына: “Күйөөм менин мекеним” деп пост киргизсе, башка бир аял комментарийге “мекен баарыбыздыкы” деп жазып жибериптир.

с.Рустам.Абилов Ашу / Түсініктеме

2022-08-23 16:52:17 ~ Достук эки жүрөктүн ортосунан аккан дарядай. Барган жерин да, келген жерин да тазалап турат.

к.Рустам.Абилов Ашу / Түсініктеме

2022-08-22 17:33:35 ЖҮК-200

Жүк-200... Жүз? Эки жүз? Мүмкүн миң,
Каргыш тийгир, сен канчанчы табытсың?!
Кимдин азыр чарт айрылып күлкүсү,
Кимге өчтү жанып турган жарык Күн?

Ушул жерге кан сураган, жан алган,
Кандай максат сени апкелди жетелеп?
Камгагым ай, калдаңдаган шамалдан,
Көчөтүм ай, көөнө бакка көчө элек...

Ким элең сен? Атасыңбы? Энесиң,
Же баласың үйдө жалгыз чырактай...
Кимдин азыр өрттөп жатат денесин,
Тирүү калган айыбы өзүн чыдатпай?

Тирүү калган... Сени тирүү билгендер
Эзет өзүн, эчен жылдар эсин жейт...
Сени апкелген кул жолдорду бул жерге
Сени апкеткен жолдор эми кечирбейт!

Эл бийлеген бектин, байдын, жакшынын,
Катасы сен, бирок алар билишпейт.
...Өз кайгысын көрбөгөндөр бактылуу.
Төмөн турган төмөндүктү бийик дейт...

Жүк-200... Жүз? Эки жүз? Мүмкүн миң,
Каргыш тийгир, сен канчанчы табытсың?!
Кимдин азыр чарт айрылып күлкүсү,
Кимге өчтү жанып турган жарык Күн?..

Нарсулуу Гургубай Ашу / Түсініктеме

2022-08-02 16:22:31 ~ Кайсыл китепти ачпайын, сени жылдар бою окуймун.

к.Рустам.Абилов Ашу / Түсініктеме

2022-08-02 09:18:46 СҮЙҮҮ...
⠀
Устазбыз раматылык Чубак ажы сүйүү турасындагы суроого минтип жооп бергени эсимде: "Чыныгы сүйүү келсе эч нерсеге карабай, тоо кулап, деңиз көтөрүлүп, дүйнө астын - үстүн болсо да сүйгөн жүрөктүн ээсинин кулагы керең, көзү көр болот. Анын сүйгөн сүйүктүүсү сенин көзүңө маймылдай көрүнсө да, а тиги үчүн дүйнөдө жок сулуудур".
Сүйүү сезими келгенде адам өзүнүн эмне кылып жатканын, эмнеге сүйгөнүн да билбей калат. Жашообузда сүйүү болсун. Сүйүү менен мээрим төгүп, сүйүү менен сүйүлүп, сүйүнтүп, кучактап, кучакталып, бакытка бөлөнөсүң. Сүйүү да Жараткандын нематы. Сүйө албаган жүрөктөн сактасын. Сүйүүсүз көздөн жаш чыкпайт, жүрөк мерез, жан дүйнө жакыр болуп калат. Сүйүү менен жашоо ары кооз, ары маңыздуу. Сүйүү биздин жашообуз үчүн маанилүү экенин Жараткандын бир ысмы «Ал-Вадуд», «Жараткан макулуктарын сүйүүчү" экенинен билсек болот. «Жаратылгандарды эмес, Жаратканга болгон ашыктык сүйүүсүн жүрөгүмө толтуруп, мухабатыңдын кумарына кандыргын! Ар бир амалымды Сага жаккандай ырахат менен аткарайын, Оо, Раббым!" - деп биринчи сүйүүңүз Жаратканга болсун. Жаратканга болгон сүйүү менен амалдарыңыз кемтиксиз, шылтоосуз, өз ордунда боло баштайт. Бар - жогуна, кайгы - кубанычына тең салмакта карап, ыраазы болгон жүрөк менен толук моюн сунуп жашайсың. Мындай жашоо менен жашообузда кандай кырдаал болбосун жеңил, өткөрүп алабыз. Бул дүйнөдө Жаратканга болгон сүйүүдөн, сүйүктүү кулу болуп жашоодон артык бакыт жоктур. Аллах Таалам пендесин сүйүп калса, Жабреил периштеге: "Мен ал пендемди сүйдүм, сен дагы сүйгүн "- дейт. Жараткандын сүйүктүүсү болсоңуз жердегилер эле эмес, асмандагылар суктанып, сый көрсөткөн сүйүктүү кулга айланасыз. Жаратылгандардын баары сизди жакшы көрүп калат. Ошол үчүн сүйүүдө жаңылбаңыз. Жаратканга, Пайгамбарыбызга болгон сүйүүнүн арты менен мекенге, ата - энеге, жубайга, бала -чакага, дос - тууганга болгон сүйүүнү таба аласыз. Эч качан адашпайсыз, өкүнбөйсүз! Сүйүүнүн сырын, сыйын, ырахатын ошол жолдон гана табасыз! Жаратканым, жаныбызга Өзү сүйгөн сүйүктүү, түбөлүк бейиште жолдош болчу кулдарынан насип кылсын!
⠀
Насиба Абдуллаева.
⠀ Ашу / Түсініктеме

2022-08-02 09:18:33 Ашу / Түсініктеме

2022-08-01 11:10:10 ~ Элдин баары суктанган ошол адам,
Бул дүйнөнүн эң бактысыз адамы эле.

с.Рустам.Абилов Ашу / Түсініктеме

2022-08-01 10:49:31 Карегимден негедир сыйкыр жанбай,
Капалыгым үшкүрүп кыйкыргандай.
Көрбөсө да көп адам көз жашымды,
Көөдөнүмдө жашынып ый тургандай.

Ырга толуп муң менен, күндөлүгүм,
Азап тарттым кечээ да... күндө, бүгүн.
Жан дартыма даба эле, жароокерим,
сенин мөлтүр булактай күлгөн үнүң.

Күнгө күнүм окшошпой... түнгө түнүм...
Жалын элем, айландым күлгө бүгүн.Б.А

с.Дил-Азык Ашу / Түсініктеме

2022-07-31 21:34:13 ~ Өзүңө бүт өмүрүм арнай алам,
Көз өткөнчө тирөөч болуп тура алсаң.

с.Рустам.Абилов Ашу / Түсініктеме

2022-07-31 21:31:49 ~ Махабат талаасында согуш ачпа,
Качкыны сен, жеңилгени, качканы,
А мен туткун, карабаган сенден такыр башканы.

с.Рустам.Абилов Ашу / Түсініктеме