ДОДА

2021-09-07 17:26:46 2-10 қазан аралығында Норвегияның Осло қаласында күрес түрлерінен әлем чемпионаты өтеді. Грек-рим күресінен Қазақстан командасының бас бапкері турнирге қатысатын спортшылар есімін атады.

Әлем чемпионатына төмендегі балуандар аттанады:

55 келі: Хорлан Жақанша

60 келі: Айдос Сұлтанғали

63 келі: Сұлтан Әсетұлы

67 келі: Алмат Кебіспаев

72 келі: Қаһарман Қисметов

77 келі: Темірлан Шадукаев

82 келі: Мақсат Ережепов

87 келі: Нұрсұлтан Тұрсынов

97 келі: Ерулан Ысқақов

130 келі: Әлімхан Сыздықов Ашу / Түсініктеме

2021-09-07 15:49:46 Инсайд ақпаратпен бөлісе отырайық:

Бүгін Қазақстан ұлттық құрамасы Боснияға қарсы матчқа мынандай құрамды шығармақшы:

Қақпашы: Шацкий
Қорғаушылар: Логвиненко, Малый, Марочкин, Быстров және Вороговский.
Ортада: Тағыберген, Қуат, Жуков және Васильев.
Шабуылда: Шушеначев. Ашу / Түсініктеме

2021-09-07 15:32:59 2021 жылдың 7-8 қыркүйегіне қараған түні Әлем чемпионатының іріктеу кезеңінде Қазақстан құрамасы Зеницада Босния мен Герцеговина құрамасымен кездеседі.

Бұған дейін Босния және Герцеговина мен Қазақстан ұлттық құрамалар деңгейінде кездескен емес.

Босния және Герцеговина Қазақстан құрамасы тарихындағы 70-ші қарсылас болады. Ал Еуропа құрамалары арасында бұл 41-ші қарсылас болмақ. УЕФА құрамына кіретін командалардың ішінде Қазақстан құрамасы Гибралтар, Израиль, Испания, Италия, Косово, Лихтенштейн, Люксембург, Норвегия, Солтүстік Ирландия, Словакия, Словения, Уэльс және Швейцария құрамаларымен әлі кездеспеді. Ашу / Түсініктеме

2021-09-07 14:51:28 Қазақстан құрамасы үшін өнер көрсетуден бас тартқан неміс қорғаушысы Роберт Бауэр бельгиялық "Сент-Трюйден" командасына ауысты. Бұл туралы клубтың ресми сайты хабарлады. Ашу / Түсініктеме

2021-09-07 12:34:48 Еуропалық футбол қауымдастықтарының кеңесі (УЕФА) сырт алаңда ойнайтын командалардың жанкүйерлеріне еурокубоктар мен ұлттық құрамалар матчтеріне қатысуға рұқсат берді.

Бұл рұқсат келесі аптадан бастап күшіне енеді, дегенмен, баратын елдің қозғалу шектеулері мен талаптарын ұстану керек болады. Ашу / Түсініктеме

2021-09-07 09:03:30 Геннадий Головкин фанатымен. Арнольд Шварценеггер қартаймайды екен! Ашу / Түсініктеме

2021-09-07 07:17:59 Германиялық қорғаушы Роберт Бауэр футболдан Қазақстан құрамасында неге ойнамайтыны белгілі болды. Футболшы осыған дейін ҚФФ-мен келіссөз жүргізген еді.

26 жастағы футболшының өкілдері азаматтық ауыстыру үшін миллион доллар сұраған. Ал федерация өкілдері ойыншылар ұлттық командада ақша үшін өнер көрсетпеу керек деп есептеп, ары қарайғы келіссөзді тоқтатты.

Роберт Германияға 1994 жылы көшіп барған қазақстандық эмигранттардың отбасында дүниеге келген. 2015 жылы оны бір рет құрамаға шақырған. Ол кезде футболшы ұсыныстан бас тартқан еді. Ашу / Түсініктеме

2021-09-07 06:33:14 Иван Дычко жанкүйерімен. Қазір аса ауыр салмақтағы боксшымыз Сан-Диего қаласында Сауль Альварестің залында жаттығу жұмыстарын өткіщіп жатыр. Ашу / Түсініктеме

2021-09-07 00:07:05 БАҚТИЕР ЗАЙНУТДИНОВ: ТАНЫМАЛ ФУТБОЛШЫЛАРДЫ ЖЕҢІП, ЖЕЛПІНСЕК ДЕГЕН МАҚСАТЫМЫЗ БАР

​​​​​​​Қазақстан құрама командасының жартылай қорғаушысы Бақтиер Зайнутдинов ойын алды баспасөз мәслихатына қатысты.

- Босния құрамасы өте мықты командалардың қатарына жатады. Олардың футболшылары Еуропаның топ чемпионаттарында өнер көрсетіп жүр. Мысалы, Эдин Джеко мен Миралем Пиянич жер жаһанға танымал аяқдопшылар. Сондықтан да, біздің оларды жеңгіміз келетіні жасырын емес. Осындай командаларды ұтып, өзіміздің жақсы футбол ойнай алатынымызды дәлелдегіміз келеді. Сондықтан да, ертеңгі ойында барымызды саламыз. Матчты тағатсыздана күтіп отырмыз.

- Босния құрамасы сапында қай ойыншымен таныссыз, бәлкім бірге ойнаған да шығарсыз?

- Мен Босния ойыншысы Хаджикадуновичті жақсы танимын. Біз ол екеуміз Ресейдегі «Ростов» футбол командасында бірге ойнадық. Деннис Швецияда туып-өскен мықты футболшы. Ертең ойында онымен кездесетін шығармын.  Ашу / Түсініктеме

2021-09-06 19:41:48 Франк Рибери италиялық "Салернита" сапына ауысты. Келісімшарт 2022 жылға дейін жасалды! Ашу / Түсініктеме