Жанат Бақыт

2022-12-16 14:04:54 Осы жерден біз Майкл Томаспен қош айтысамыз.

Үшінші көзі ашылған Майкл түйсігі, яғни қолындағы картасы оған дұрыс жол сілтейтінін, ішкі АҚИҚАТ семсері  қараңғылықта ЖАРЫҚ көрсететінін, жоғарғы вибрациядағы жүрегі қажет кезде ФА  нотасын айтатынын біледі.

Махаббат үйінде көрген көрінісі Майклдың жүрегінің  әр жасушасында сақталып қалды.

Адамдар арасында күтіп тұрған «МАХАББАТ» АТТЫ ҚАСИЕТТІ КҮШТІ табу - «Қазіргі Жаңа Майкл» -ға ешкім бөгет бола алмайды. Майкл ізденісі сәтті болатынына жүз пайыз сенімді еді.

Майкл ОНЫМЕН бір планетада тұрып бөлек жүре алмайтын, бір-біріне магнит сияқты тартылатын, екеуінің арасында мықты контракт құрылған, өзінің шынайы махаббатын табуға  СЫЙ ретінде екінші мүмкіндік алғанын түсінді.

Майкл қызғылт шашты, аққұба өңді, көкшіл көзді ғажап қызды іздейді. Сүйіктісінің жердегі есімін білмесе де, ол оған еш кедергі емес. Элонидің энергиясы оның рухының қараңғылығындағы доп сияқты.

Енді өмірге келетін сәбилері  туралы ой оның өмірлік гүлін тез табуға ықпалын тигізеді деп сенді. Адамзат тыныстайтын Ауа - Рухани ізденіс пен Махаббаттың энергиясымен электрленген. Майкл оны міндетті түрде тауып алады. Және оны тапқанда көзінің қарашығындай сақтайды.  Сосын оның хош иісіне өмір бойы шомылып, құшақтап, Құдай берген табиғи сұлулығына тәнті болады. Ол да Майклдың іздеп тапқанын күтуде.

Періштелер Майклдың мақсатына жететініне нақты сенімде болып жымиды. Өйткені Майкл Томас шын мәнінде Үйде еді...

Соңы. Ашу / Түсініктеме

2022-12-16 14:04:47 Ашу / Түсініктеме

2022-12-16 13:49:31 Майкл өзінің жаңа болмысымен бірлесіп, “Мен өз «Үйімдемін” деген  сенім санасына ақырын ене бастады. Жаңа жұмыс тұрақты кіріс беретінін біліп, өзіне үй қарастырды. 
Ал Үшінші күні таңертең душта тұрғанда оған бір ой келді. 
Ақ періштенің айтқан сөзін Майкл сол кезде түсінгендей.
«Саған енді басты Қасиетті ашу керек!» деген еді…
 Майкл оның не айтқысы келгенін енді түсініп, көзіне жас алды. 
«Ол Қасиеттердің ішінде ең Ұлысы. Ондай Қасиет тек АДАМДАРҒА ғана беріледі» деген еді.  
Майкл оны ол кезде түсінбеді.
Енді ұққандай.
Оған алдында қаншама жол ашылатынын түсініп, душта тізерлеп отырып алғысын жаудыра бастады.
Майкл ол Қасиеті ашылса не боларын елестеткенде қуанғаннан жүрегі дүрсіл қағып кетті. Ашу / Түсініктеме

2022-12-16 13:00:11 Біраз уақыттан соң олар бір ауыздан: 
- Майкл Томас, бүгін біз саған жаңа есім береміз. Біздің әлемімізге саяхатқа келгенде сен бізге «Ақжүрек Майкл Томас» есімімен танымал едің. Сен енді адам да Періште де емес, жоғарғы толқынды жансың. Енді сенің есімің «ҚАЗІРГІ ЖАҢА МАЙКЛ». Бұл есімде «Қазіргі сәт» толқыны бар, бұл есім біз бере алатын мақтаулы есімдердің бірі. 
Майклға бұл есім күлкілі естілді, бірақ Періштелер оның жаңа толқынына таңырқай, шын ниетпен айтып тұрғанын ұқты.
Керемет бұлт одан әрі жарқырап, алмаздың формасына ие болды да Майклдың төбесіне көтеріліп жарық сәулеге толтырды.
Бұл сәулеге шомылған Майкл жаратушының бөлшегіндей керемет күйде болды. Оның әр жасушасы ләззатқа бөленді, бүкіл тәніне «сәттілік пен шүкіршілік» дарыды. Кенет Майкл қонақ үйге қайту керектігін түсінді.
Періштелер тағы бір жолдау айтқалы жатқанда, Майкл өз бөлмесіндегі позада отырған күйіне қайтып жатты, ал оның  құлағына: 
- «ҚАЗІРГІ ЖАҢА Майкл, СЕНІ БӘРІ ҚАТТЫ ЖАҚСЫ КӨРЕДІ» дегені естілді.
Керемет!!!!!!  Періштелер әлеміне саяхат жасағаны рас!!! Барлық алған білімі, қасиеттері өзінде қалды.  Қызық, Жерде осындай жағдайда қанша адам жүр екен деп ойлады Майкл.
Майкл әбден шаршады. Ол душта тұрып ұйықтап қала жаздап, керуетіне әрең жетті.
Келесі күні Майкл жаңа өмірге дайын болды. Ол балконға шығып, жан-жағына қарады. Ешқандай шектеу жоқ, не істегісі келсе де өзі біледі!!! Майкл көп қасиеттерге ие болғанын білді, нені игеру керегін де білетін. Іштей ескі толқында жүрген достарына өз энергиясымен көмек беру керегін түсінді. Ол асықпады, әрі уайымдаған жоқ. Оның ішінде махаббат пен ғасырлар даналығының түсінігі бар еді.
Жұмыс табу ол ойлағаннан да оңай болды. Үлкен компанияларға білікті, әрі адал сату агенті әрқашан қажет. Ал Майкл олқасиеттерге ие, оның әр сөзі мен қимылы соны көрсетіп тұрды. Ол өзіне жаңа киім алып, деңгейін жоғары ұстады.
Майкл ірі компаниялардың бірінің офисіне келіп, «Вакансия жоқ» деген нұсқауға қарамай, өзіндей маман оларға керек деген сеніммен кірді. Он минут өтпей ол сол компанияның қызметкеріне айналды. Ашу / Түсініктеме

2022-12-16 12:59:26 Рас, Майклдың тәні, денсаулығы бұрынғы күйімен салыстыруға келмейді. Әрі ол сол тәнін қалай машықтау керегін де білді. Жасыл мықты ұстаз болды! 
Күлгіннің кезегі келді. 
- Енді сен Жаратушы жоспарының бірі болдың Майкл, сенде мақсат пен жауапкершілік бар. Енді тағдырыңды өзің құрайсың және ол туралы уайымдаудың қажеті жоқ. Сен жанұяңның ортасындасың! 
Майкл Күлгіннің айтқан сөздері рас екенін түсініп тұрды. Ол расында да келешегін уайымсыз құратынын біледі. Майкл  өзін жанұясы қолдайтынын біледі, әрине өз уақытында.
Қызыл періште:
- Майкл, енді сен бұрынғыдай болмайсың. Ешқашан. Ниетің сені түбегейлі өзгертті.
Бұл да рас! Майкл ешқашан артқа қайта алмайды. Ол өзгерді. Тіпті пәтері бөтен біреудікі секілді, ал ескі киімдерді мұқтаж адамдарға беру керек деп шешті. Майкл өзгерді! 
Сөз кезегін тағы Ақ періште алды: 
- Майкл, сен  Жаратушының мінсіз бөлшегісің. Сені бәрі шексіз жақсы көреді, әрі сен де айналаңдағыларға сондай махаббатты бере аласың. Дегенмен саған тағы бір басты қасиетті үйрену керек! 
«Ол қалай сонда? Неге Ақ маған ылғи жұмбақтап айтады?» 
Сөз кезегін Алтын түсті періште алды: - Майкл сен періште сияқты болғым келеді деп едің? Сен менің үйімде не үйрендің?
 Сен – Жаратушының бір бөлшегісің, планетаға ең жоғарғы вибрация таратушысың. Жаратушының нұры түскен, ешкім біле бермейтін, адам кейіпіндегі періштесің. 
Майкл «Періште сияқты болғым келеді» дегенде, өзінің Періште екенін білмеп еді. 
Сөйтіп бәрі бір ауыздан Майклға «осы жердің бәрі ҮЙ»  деген ойды жеткізді.
-Бұл жерге түскен себебің, осы жерге сұрануыңда еді. Бұл - сенің туған үйің, сен планетаға пайдаңды тигізе аласың. Сұрағаныңның бәрін алдың. Сен - жарық күшінің сарбазысың. Мери сияқты Жаратушының толқынын бере аласың. Сен құбыжықты жеңіп, Алтын түсті қабылдадың, сен ғасырлар бойындағы даналықты алдың!
Бәрі айтылмаса да Майкл әрі қарай әңгіменің не туралы болатынын біліп тұрды. Періштелер формасынан кішірейіп, түрлі-түсті бұлттарға айналып, жақұт тәрізді жарқ етіп керемет құбылысқа ие болды. Жарқырап, түсі ауыспалы бұлттар керемет көріністе суреттеліп тұрды. Майкл періштелердің кеңесіп жатқанын түсінді. Ашу / Түсініктеме

2022-12-16 12:59:23 Ашу / Түсініктеме