Ўқитувчи | Мактаб таълими ходимлари учун махсус канал

2021-08-14 06:45:05 #савол_жавоб

ТАРБИЯ ФАНИ БЎЙИЧА

Савол: 11-синф ўқувчиси учун Тарбия дарсининг қандай ижобий тарафлари бор?

Жавоб: 11-синф Тарбия дарслиги 2021-2022 ўқув йили учун биринчи маротаба нашрга тайёрланмоқда. ДТС талабларига мувофиқ, битирувчи касб танлаш тўғрисида қарор қабул қила олади;

бизнес ва тадбиркорлик ғояларини илгари сура олади;
пул топиш кўникмалари шаклланади;
креатив сифатларини намоён қилади;
оилавий қадриятларнинг моҳиятини англайди;
соғлом фикрга эга бўлади, муаммоларга ечим топа олади;
ватан олдидаги ҳуқуқ, бурч ва мажбуриятларини билади, амал қилади;
маънавий-ахлоқий қадриятларга эга бўлади;
ахборот билан ишлаш кўникмаси шаклланади;
ҳисларини англайди ва назорат қила олади;
муваффақиятли ижтимоий ҳаётга тайёрлигини намоён қила олади.

Савол: 10-11 синф Тарбия фани дарслиги янгиландими, янги ўқув йилида дарслар янги дарсликдан ўтиладими, шу ҳақида ҳам хабар бериб ўтсангиз.
Жавоб: 2021-2022 ўқув йилида 10-11 синф учун Тарбия дарсликлари нашрга тайёрланмоқда. Бунда асосан оилавий муносабатлар, медиа маданият, дин ва жамият ҳақидаги мавзулар ўрин олган.

Савол: Фан ўқитувчилари бошланғичларга Тарбия фанидан дарс бера оладими ёки бошланғич синф ўқитувчиларига бериладими?
Жавоб: Бошланғич синфларда синф раҳбарлик қилаётган ўқитувчи дарс бериши лозим.

Савол: Тарбия фанига ҳам Ҳуқуқ фанидаги каби штрих коди тарбиявий аҳамиятга эга видеороликлар жойлаштирса бўлмайдими?
Жавоб: 2020-2021 ўқув йилида нашр қилинган ҳамда 2021-2022 ўқув йили учун нашрга тайёрланаётган Тарбия дарсликларида мавзуларга мос видеороликлар ҚР -код орқали берилган.

Савол: Тарбия дарслиги 7-8-синфлар учун дарсликдан ташқари яна қандай қўлланмалар асосида дарсларни ташкил этсак бўлади?
Жавоб: тарбиям.уз сайтида ўқитувчилар рукнида методик ёрдам бўйича тавсиялар берилган. Шунингдек, ўқитувчи фойдаланиши учун қўшимча адабиётлар рўйхати ҳам шакллантирилган.

Савол: Тарбия фани учун ўқитувчи китоблари қачон мактабларга етказилади?
Жавоб: тарбиям.уз сайтида ўқитувчилар рукнида методик ёрдам бўйича тавсиялар берилган. Шунингдек, Ўқитувчи фойдаланиши учун қўшимча адабиётлар рўйхати ҳам шакллантирилган. Алоҳида ўқитувчи китоби нашр қилинмаган.

@ustoz — Халқ таълими ходимлари учун махсус канал Ашу / Түсініктеме

2021-08-14 05:30:03 Ўқитувчининг тўгарак журнали

Умумтаълим мактабларида ташкил этиладиган фан тўгараклари ўкувчиларнинг синфда эгаллаган билимларини мустаҳкамлаш билан бирга, уларнинг ижодий қобилиятларини ҳар томонлама камол топтиришга хизмат қилади.

Синфдан ташқари машғулотларнинг асосий мақсади дастур ва дарсликлардан ташқари ўқувчиларни кўшимча билим, кўникма ва малакаларининг ошишига ҳамда уларнинг фан соҳасидаги билимларини чуқурлаштиришга ва касб танлашларига ёрдам беришга қаратилган.

Ушбу тўгарак журнали фан ўқитувчиси томонидан юритилади ва тўгаракка жалб қилинган болаларнинг ёш хусусиятларидан келиб чиққан ҳолда тўгарак раҳбари томонидан 20 фоизгача ўзгартиришлар киритилиши мумкин.

@ustoz — Халқ таълими ходимлари учун махсус канал Ашу / Түсініктеме

2021-08-13 10:13:55 Алишер Қодиров Жиноят кодексига “Келажакка хиёнат” бобини киритишни таклиф қилди

Ўзбекистон Республикаси Олий Мажлиси Қонунчилик палатаси Спикерининг ўринбосари, «Миллий тикланиш» демократик партияси МК раиси Алишер Қодиров таълим-тарбия соҳасига фақат профессионал инсонларни жалб этиш ва ҳозир мазкур соҳада келажакка хиёнатчилар ҳам аралашиб юрганини таъкидлади.

“Таълим-тарбия келажак шаклланадиган соҳа. Бу ерда келажакни шакллантирадиган фидойилар ишлайди ва улар қаҳрамонлардир.

Шу билан бирга соҳада келажакка хиёнатчилар ҳам аралашиб юрибди. Болани соғлом, тарбияли ва билимли бўлишини ташкил қилишдек масъулият юкланган инсон болаларни озуқасини ўғирласа, сифатлисини “виждонсизларча” ўзи еб, болаларга қолдиқларини ёки эскироқларини едириб юборса.

Билим ўрнига болалар тафаккурига “хатолар пакети” ёки “бўшлиқ”ни жойласа. Пулини олиб, қулаб тушадиган кўприкни лойиҳалайдиган муҳандисга “аъло”ни босиб берса… бу тоифа инсон бу қадар масъулиятли жойда нима қилиб юрибди, деган савол туғилишидек табиий нима бор?

Мен Жиноят кодексига “Келажакка хиёнат” бобини киритишни ва ушбу бобда болалар боғчаси, мактаб ва олийгоҳларда вазифасига хиёнат қилаётганлар, болаларимизни хаққи ва вақтини ўғрилаётганларга нисбатан чоралар белгиланишини таклиф қиламан.

Такрор айтаман, бу соҳада қаҳрамонлар ишлаши керак. Ва уларнинг маошлари ҳам, меҳнат шароитлари ҳам энг юқори даражада бўлиши шарт” – дейди Қодиров.

@ustoz — Халқ таълими ходимлари учун махсус канал Ашу / Түсініктеме

2021-08-12 17:14:19 Молия вазирлиги Ўқитувчилардан тиббий кўрикдан ўтказиш масаласига ўз муносабатини билдирди.

Демак, молия вазирлигининг муносаатига кўра тиббий кўрикдан ўтказиш бепул. Хурматли ўқитувчилар, ўз ҳуқуқларингизни талаб қилинг. Тиббий кўрик учун сиздан пул олишлари ноқонуний. Тўлаган пулингизни ҳам қайтариб олишга ҳақлисиз.

Молия вазирлиги муносабати Муносабат

Барча ўқитувчиларга юбориб қўйинг.

@ustoz — Халқ таълими ходимлари учун махсус канал Ашу / Түсініктеме

2021-08-12 14:13:12 ЖАҲОНДАГИ АЙРИМ МАКТАБЛАР ҲАҚИДА ҚИЗИҚАРЛИ МАЪЛУМОТЛАР.

Россияда биринчи мактабни Пётр И ташкил қилган. Унда фақат ўғил болалар ўқишарди.

Америка ўқувчилари биринчи синфда дарс бошлашдан олдин, ватанимга содиқман, деб қасамёд қилишади.

Чехияда энг ёмон баҳо – «5», аъло баҳо – «1» экан.

Норвегияда ўқувчилар 8-синфгача баҳоланмас экан.

Ҳиндистонда болалар 4 ёшдан мактабга боришади. Шунингдек, Ҳиндистон мактаблари энг кўп ўқувчиларни бағрига олиши билан машҳур. Айрим мактабларида ўқувчилар сони 28 мингтагача етади.

Финландия мактабларида дарс ўтишда ўқитувчига ёрдамчи ҳам қатнашади. Финландияда ҳар қандай об-ҳавода ҳам ўқувчилар танаффусда синфдан ташқарига чиқишга мажбур.

Хитой мактабларида дарс бошланишидан олдин ўқитувчию ўқувчи биргаликда бадантарбия қилишга мажбур.

Куба мактабларида ўқувчилар қишлоқ хўжалик ишларига ўргатилади.

Ўқувчиларга форма кийдириш биринчи бўлиб Англияда ўйлаб топилган.

Японияда ўқув йили Сакура гуллаган пайтдан бошланади. Япон мактабларида ошхона бўлмайди. Япон мактабларида ручка ўрнига қалам ишлатилади. Япон мактабларида умуман «иккичи» ўқувчилар бўлмайди. Япон мактабларида «фаррош» лавозими бўлмайди. Мактабни ўқувчиларнинг ўзлари тозалайдилар.

@ustoz — Халқ таълими ходимлари учун махсус канал Ашу / Түсініктеме

2021-08-12 07:25:43 #Диққат

Халқ таълими тизимида фаолият юритаётган иқтисодий йўналишдаги ўрта махсус маълумотли ходимлар диққатига

Халқ таълими вазирлигининг 2021 йил 5 августдаги 245-сонли буйруғига асосан тавсиянома олиш учун талабгорлардан вазирликда очилган xtvqabul2021@xtv.uz электрон почтаси орқали ҳужжатлар қабул қилиш давом этмоқда.

Ҳужжатларни қабул қилиш 2021 йил 13 август соат 24.00 гача давом этади. 14 августдан ҳужжатлар қабул қилиниши ёки уларга ўзгартириш киритилишига йўл қўйилмайди.

Талабгорларга қулайликлар яратиш мақсадида ҳужжат топшириш учун вазирликда қўшимча махсус сайт яратилди. Эндиликда ҳужжатлар тўпламини https://kvota.ustozfondi.uz/ сайти орқали ҳам топшириш ҳамда ариза ҳолатини (қабул қилинган ёки қайтарилган) текшириш мумкин.

Барча ҳужжатлар электрон шаклда (pdf. форматда) бир папкага архивланган ҳолда киритилиши шарт. Шунингдек, ҳужжат ҳажми 30 Мбдан ошмаслиги лозим. Ушбу талаблар бажарилмаган ҳолатда ҳужжатларни юбориш имконияти мавжуд эмас.

Талабгорлар электрон почта ёки https://kvota.ustozfondi.uz/ сайти орқали қуйидаги ҳужжатларни топширишлари талаб этилади:

олий таълим муассасаси, таълим йўналиши, ўқув тили, шакли кўрсатилган ҳолдаги вазир номига ариза (талабгорнинг телефон рақамлари кўрсатилган ҳолда);
паспорт нусхаси;
ўрта махсус, касб-ҳунар таълими муассасасини тугатганлиги ҳақидаги ҳужжат ва унинг иловаси нусхалари;
меҳнат дафтарчасидан белгиланган тартибда тасдиқланган кўчирма нусхаси;
иш фаолияти тўғрисида маълумотнома (объективка) нусхаси;
иш жойидан тавсиянома;
тўлов-шартнома маблағларни ўз ҳисобидан тўлаш бўйича кафолат хати;
олий маълумотга эга бўлгандан сўнг яна камида 5 йил тизимда ишлаш бўйича кафолат хати.

Қўшимча маълумотлар олиш учун туман (шаҳар) халқ таълими бўлимлари ҳамда ҳудудий бошқармаларга мурожаат қилишингиз мумкин.

Эслатма: тавсияномалар фақат айни вақтда халқ таълими тизимида иқтисодиёт тармоқларида фаолият юритаётган ҳамда айнан шу соҳада камида беш йил иш стажига эга бўлган ходимларга берилади. Бошқа касбда ишлаётган ходимларнинг аризалари қабул қилинмайди. Фақат 100 нафар энг яхши ходимларга тавсияномалар берилади.

@ustoz — Халқ таълими ходимлари учун махсус канал Ашу / Түсініктеме

2021-08-12 06:44:44 #устама
Олис ва чекка ҳудудларга бошқа ҳудудлардан келиб фаолият юритаётган олий маълумотли мутахассисларнинг меҳнати қандай рағбатлантирилади?

Бу ҳақда Халқ таълими вазирлигининг Молия департаменти директори Илхом Сираджев "Ўзбекистон 24" репортажида батафсил сўзлаб берди.

@ustoz — Халқ таълими ходимлари учун махсус канал Ашу / Түсініктеме

2021-08-12 05:25:02 #Сўраган_эдингиз

ДАРС СОАТЛАРИНИ ТАҚСИМЛАШДА МАЛАКА ТОИФАЛАРИ ҲАМ ИНОБАТГА ОЛИНАДИ!

Савол: Ушбу йил март-июнь ойларида мактаб ўқитувчилари учун аттестация ўтказилди ва ушбу аттестацияда кўпчилик ўқитувчилар мутахассисликдан иккинчи тоифага, иккинчи тоифадан биринчига, биринчи тоифадан олий тоифага ўтишди ва яна кўпчилик ўқитувчилар аттестациядан ўта олишмади.
Хабарингиз бор мактабларда янги ўқув йили учун дарс тақсимоти яқинлашиб келмоқда ва ўқитувчилар ўртасида дарс тақсимланишида аттестация натижаси инобатга олиниши керакми, буни қонуний асослари борми?

Жавоб: Ўзбекистон Республикаси Адлия вазирлиги томонидан 2020 йил 30 июнда 3271- рақами билан рўйхатдан ўтказилган "Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида НИЗОМнинг 15-банди:

Умумтаълим муассасалари томонидан шакллантирилган дарс соатлари сеткаси умумтаълим муассасасининг педагогик кенгаши томонидан икки иш куни ичида кўриб чиқилиб, ҳар йили 15 сентябрга қадар ўқитувчиларга дарс соатлари қуйидаги кўрсаткичларнинг устувор кетма-кетлиги асосида тақсимланади:

халқаро олимпиадалар ғолибларини тайёрлаган ўқитувчилар;
ўқитувчи бўлиб фаолият юритаётган халқаро олимпиадалар ғолиблари;
чет тили ва STEAM фанларидан мутахассислиги бўйича халқаро сертификатларга эга ўқитувчилар (TESOL Level 5, CEFR B2, IELTS 6 ва ундан юқори, шунингдек, Ўзбекистон Республикаси Халқ таълими вазирлиги томонидан белгиланадиган бошқа сертификатлар);
TOP-1000 университетлар рейтингига кирадиган дунёнинг етакчи университетларини битирган ўқитувчилар;
асосий олимпиадаларнинг республика босқичи ғолибларини тайёрлаган ўқитувчилар;
ўқитувчи бўлиб фаолият юритаётган асосий олимпиадаларнинг республика босқичи ғолиблари;
республика босқичидаги кўрик танловларда (йил ўқитувчиси) совринли ўринларга эга бўлган ўқитувчилар;
олий малака тоифасига эга ўқитувчилар;
биринчи малака тоифасига эга ўқитувчилар;
асосий олимпиадаларнинг вилоят ва туман босқичи ғолибларининг ўқитувчилари;
иккинчи малака тоифага эга ўқитувчилар;
педагогик йўналиш бўйича магистр даражасига эга ўқитувчилар.

@ustoz — Халқ таълими ходимлари учун махсус канал Ашу / Түсініктеме

2021-08-11 16:48:34 Ўқитувчилардан тиббий кўрик учун 90 минг сўмдан олинатгани айтилмоқда. Аслида текин.

Бу қонун бузилишига неча йиллардан буён на адлия органлари ва на бошқа ҳуқуқни муҳофаза қилувчи органлар ҳозиргача кўз юмиб келишмоқда.

“Меҳнатни муҳофаза қилиш тўғрисида”ги қонуннинг 24-моддасига кўра тиббий кўриклардан ўтилиши муносабати билан ходимлар ЧИҚИМДОР БЎЛМАЙДИЛАР деб белгиланган.

Шу асосга кўра, ўқитувчилар, ўз ҳисобингиздан пул тўламасликка ҳақлисиз. Тибий кўрик учун тўловлар иш берувчи томонидан тўланади.

Иш берувчиларга бундай ҳолатда жавобгарлик кутиб турганини эслатиб ўтмоқчимиз.

МЖТКнинг 49-моддасига кўра мансабдор шахс томонидан меҳнат ва меҳнатни муҳофаза қилиш тўғрисидаги қонун ҳужжатларини бузиш, — базавий ҳисоблаш миқдорининг беш бараваридан ўн бараваригача жарима солишга сабаб бўлади.

Хўш, бу ҳолатда ким айбдор? Ўқитувчи ва тарбиячилардан пул талаб қилаётган ССВми? Ёки ўз ходимларини бепул тиббий кўрикдан ўтказа олмаётган Халқ таълими вазирлигими? Бу мавзуда алоҳида пост тайёрлайман.

yuristlar maslahati

@ustoz — Халқ таълими ходимлари учун махсус канал Ашу / Түсініктеме

2021-08-11 12:07:55 Янги ўқув йилининг бошланишига бир ойдан озроқ вақт қолди. Ота-оналар ва янги ўқувчилар учун долзарб видеойўриқномани тайёрладик: “Кундалик” платформасида қандай қилиб рўйхатдан ўтиш мумкин?
⠀
Рўйхатдан ўтиш учун қуйидагиларни бажариш лозим:
⠀
1. Мактаб маъмурияти ёки синф раҳбаридан рўйхатдан ўтиш учун логин ва вақтинчалик парольни олинг;
2. кундалик.cом сайтига киринг ва «Кириш» тугмачасини босинг;
3. Олинган логин ва парольни тегишли сатрларга ёзинг ва «Кириш» тугмачасини босинг;
4. «Шахсий маълумотлар» бўлимида шахсий ахборотни текширинг ва «Давом этиш» тугмачасини босинг;
5. «Хавфсизлик параметрлари» бўлимида эмаилъни тўлдиринг.
Рўйхатдан ўтаётганда фойдаланувда бўлган ҳақиқий эмаилъни кўрсатинг.
6. Кичкина, катта лотин ҳарфлари ва рақамлардан иборат бўлиши керак бўлган янги парольни киритинг;
7. Доимий парольни киритгандан кейин, фойдаланувчилик келишуви билан танишган ҳолда “Мен шартларни қабул қиламан” сатрида “галочка” қўйиш зарур, сўнгра “Тайёр” тугмачаси босилади.
⠀
Лайфхак:
⠀
парольни эслаб қололмаяпсизми? Уни қўшма қилинг! парольнинг биринчи қисми – бу Сиз керакли пайтда кўриш учун қаердадир сақлайдиган символлар тўплами. парольнинг иккинчи қисми – бу Сиз ҳеч қачон эсдан чиқармайдиган нарса: уй ҳайвонингизнинг лақаби, биринчи учрашув жойи ва ҳ.к.
⠀
парольнинг биринчи қисми ёмон ниятли кишининг қўлига тушганида ҳам (айтайлик, Сиз парольнинг биринчи қисми ёзилган стикерни мониторга ёпиштириб қўйгансиз), барибир у аккаунтингизга кирольмайди, чунки унда парольнинг иккинчи – махфий қисми йўқ.

@ustoz — Халқ таълими ходимлари учун махсус канал Ашу / Түсініктеме