2022-05-31 00:56:26
Таң жиегі сөгіліп келеді. Қос рельспен ырғалған пойыз. Ауыр ұйқыдағы адамдар. Әрлі-берлі жүретін жолсерік.
Осының бәрі бірігіп "жолдамын" деген ұғымды білдіретіндей.
Жол жүру. Бейтаныс адамдармен сапарлас болу, әркез қызық. Бір вагонда сан түрлі кейіпкерлер.
Үйін сағынған студент. Қызым бағады деп бара жатқан әже. Ажырасқан әйел. Мазасыз бала. Сыраның иісі мүңкіген еркек. Көзі ұйқыға кеткенше тамақ жейтін орыс әйел.
Тым ерекше атмосфера.
Жол жүрсең жаныңа оңтайлы адамның отыру да бір бақ. Әр сапарда әртүрлі кейіпкерлер. Түркістаннан Алматыға барарда көзі -27 әйелмен бірге бардым. Қызылордаға барарда емшімен. Астанаға келерде саяхатшы зейнеткерлермен. Әр сапар әр түрлі.
Бүгін Қостанайға 30 жыл тәрбиеші болған әйелмен. Астанада шыққаннан алты сағат әңгімелестік.
Өте мәдениетті адам. Көзі ашық. Сөзі орнықты. Сабырлы.
Екі ұлы бар екен. Үйленбеген. Үлкені отызға кеп қалыпты.
"Бізден кеткісі келмейді. Үйлен десем "зачеем біреуді әкеліп оны асырап сендердің жандарыңда жүре беремін" дейді. Үйленбей қалама деп қорқамын. Бәрі дайынға үйреніп қалған бала кездерінен әкесі екеуміз оқысын, шаршамасын деп жұмыс істетпеп едік. Енді ештеңе істегілері келмейді." дейді.
"Сізде кінә. Сіз балаларыңыздың жауапкершілігінің бәрін өзіңізге алып алғансыз. Олар жауапкершіліксіз өскен. Ал қазір оларға жауапкершілік қорқынышты. Сол үшін сізден кеткісі келмейді." дедім.
Келіскендей басын изеді. "Бәрін әпердік. Сұрағанын бердік. Он сегізінде машина мінгіздік. Хотя папасы екеуміз де қарапайым жұмысшымыз. Әйтеуір тірнектеп жинап жүріп әпердіе. Үйлерін салып бердік. Сонда да есеймеген. Папасымен отыра қалсақ соны уайымдаймыз. Көзіміз тіріде үйлендіріп кетсек болар еді,"дейді.
Бала тәрбиесі өте нәзік, әрі тым күрделі дүние. Ерте үйлену өз тәрбиең оңалмай тұрып бала тәрбиелеу екі есе. Өз жараңды емдемей тұрып жас өркенді жаралау қиянат меніңше.
Үйленгің келе ме?
Емдел. Өзіңді емде. Бала кезіңнен қалған жараларыңды емде. Өзге тағдырмен ойнауға болмайды. Бала сенің меншігің емес. Сен оны туғаннан жіберу үшін, қоғамға сау қалпында қосып жіберу үшін тәрбиелеуің керек.
Солай, Джони
344 viewsedited 21:56