2022-03-29 17:47:13
Көзіме лазерлік коррекция жасайтын кезде дайындықпен бардым. Дәрігер қанша сауатты маман болсада қателесуі мүмкін. Өз денемді, өз ауруымды өзімнен артық ешкім сезіне алмайды. Интернеттен ақпарат оқыдым, ютубтан видеолар қарадым, орталық пен маған ота жасайтын маман жайлы, қойған диагноз туралы зерттедім.
⠀
Бір жұмысқа сөйлесуге немесе бір кісімен кездесуге баратын болсам, мейілінше ақпарат біліп баруға тырысамын. Кім, қандай мінезді кісі, не айтуға болады, өзімді қалай ұстағаным дұрыс, әлеуметтік желісі қандай бір шолып өтемін.
⠀
Брекет қойдыратын кезде де күндіз-түні гугл ақтардым. Қандай түрлері бар, қалай қояды, ауыртпай ма, қалай түзейді ол тісті, не жеуге болмайды бәрін. Дәрігер кейде ескертуді, толық ақпарат беруді ұмытып кетуі мүмкін, қатты ауыртып, сен шыдай алмауың мүмкін.
⠀
Концертке барғанда да дайындаламын. Алдын ала орындаушының әндерін қарап, білмегенінің текстін жазып алам. Киноға баратын кезде де трейлер қарап барамын. Қандай жанр, кім ойнайды, отзыв пен рейтинг.
⠀
Мұның өзі болмайтын жұмыс көрінгенмен, жауапкершілікті білдірмей ме? Сауатты маманға бармағанның кесірінен денсаулығынан айырылып қалып жатқандар бар. Адамды жақсы танымай, артық сөйлеп қойып жатқандар бар. Концерт ұнамай, уақытын жоғалтқандар бар. Жұмыс жайлы толық ақпарат білмей, кюнетке кіріп кеткендер бар дегендей ғо.
⠀
Әркез олай уақытымыз бен мүмкіндігіміз болмауы мүмкін. Бірақ "білмеппін, ондай болатынын күтпедім, қайдан білейін" деп өкініп отырғаннан сақтанайықшы. Біреудің қателігінен зардап шегетін тек өзіміз.
Сауаттылық деген-қатесіз жазу ғана емес, өміріміздегі кейбір орын алуы мүмкін қателіктердің алдын алу.
744 views14:47
А
